ဖံလံးပံၤ 2:29 - Sgaw Karen Common Bible

²⁹ မ်ဒ်န့ၣ်ဒီး, တူၢ်လိာ်အီၤလၢတၢ်သးခုအပူၤ, ဒ်ဒီပုၢ်ဝဲၢ်လၢကစၢ်အပူၤတဂၤအသိးတက့ၢ်. ဒုးနဲၣ်သုတၢ်ယူးယီၣ်ပာ်ကဲပှၤကိးဂၤဒဲးလၢအဒ်သိးဒီးအီၤ န့ၣ်တက့ၢ်.

ဖံလံးပံၤ 2:29 Cross References

လံာ်ယၡါယၤ 52:7

တၢ်ထံၣ်ဘၣ်ပှၤစိာ်တၢ်ကစီၣ်တဂၤဟဲခီဂာ်ကစၢၢ်ကလိတဖၣ်, ဟဲစိာ်ဃုာ်ဝဲတၢ်သးခုဒီးတၢ်ဃူတၢ်ဖိးအကစီၣ်န့ၣ်, မ့ၢ်မးတၢ်လီၤလးဆံးဒိၣ်လဲၣ်. အဝဲဘိးဘၣ်သ့ၣ်ညါတၢ်မၤနၢၤဒီးစံးဘၣ်ဝ့ၢ်စံယိၣ်, နကစၢ်ယွၤမ့ၢ်စီၤပၤလီၤ.

လံာ်လူၤကၣ် 9:5

ဖဲတၢ်လီၢ်တပူၤလၢ်လၢ်လၢပှၤတတူၢ်လိာ်မုာ်သုန့ၣ်, ဟးထီၣ်ကွံာ်လၢဝ့ၢ်အဝဲန့ၣ်အပူၤ, ဒီးတြုၤလီၤကွံာ်ဖၣ်ဆါကမူၣ်လၢသုခီၣ်လၣ်ဒ်သိး အကပာ်ဖျါထီၣ်တၢ်ပနီၣ်ဘၣ်ဃးတၢ်အုၣ်အသးထီဒါအဝဲသ့ၣ်န့ၣ် တက့ၢ်.”

လံာ်ယိၤဟၣ် 13:20

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤတဂၤလၢ်လၢ်လၢအတူၢ်လိာ်ပှၤလၢယမၢလီၤအီၤန့ၣ်, မ့ၢ်အတူၢ်လိာ်ယၤစ့ၢ်ကီးဒီးပှၤတဂၤလၢ်လၢ်လၢအတူၢ် လိာ်ယၤန့ၣ်, တူၢ်လိာ်ပှၤလၢအမၢလီၤယၤစ့ၢ်ကီးန့ၣ်လီၤ.

မၤတၢ် 2:46

တနံၤဘၣ်တနံၤအဝဲသ့ၣ်လဲၤသကိးဆူတၢ်လုၢ်ဟံၣ်အပူၤ, ဒီးအီၣ်သကိးတၢ်အီၣ်လၢအဝဲသ့ၣ်အဟံၣ်တဖၣ်အပူၤပှဲၤဒီး တၢ်သူၣ်ခုသးခုဒီးတၢ်သူၣ်အိၣ်သးအိၣ်,

မၤတၢ် 28:10

အဝဲသ့ၣ်ဟ့ၣ်ပှၤတၢ်ဟ့ၣ်အါအါဂီၢ်ဂီၢ်, ဒီးလၢခံဖဲပဒိးထီၣ်ကဘီန့ၣ်, အဝဲသ့ၣ်တီၣ်ထီၣ်တၢ်လၢပကလိၣ်ဘၣ်အီၤလၢပတၢ်လဲၤတဘျီန့ၣ် အဂီၢ်လီၤ.

မၤတၢ် 8:8

သတးဒီး, လၢဝ့ၢ်န့ၣ်အပူၤတၢ်သူၣ်ခုသးခုအိၣ်ဝဲဒိၣ်ဒိၣ်ကလဲာ်လီၤ.

ရိမ့ၤ 10:15

ဒီးပှၤစိာ်တၢ်ကစီၣ်တဖၣ်မ့ၢ်တဘၣ်တၢ်မၢလီၤအီၤဘၣ်ဒီး, တၢ်ကစီၣ်ဘၣ်တၢ်စံၣ်တဲၤတဲလီၤအီၤကသ့ဒ်လဲၣ်. ဒ်တၢ်ကွဲးအသးစီဆှံစံးဝဲအသိး, “ပှၤလၢအစံၣ်တဲၤတဲလီၤတၢ်သးခုအကစီၣ်တဖၣ် အတၢ်ဟဲမ့ၢ်တၢ်လၢအဂ့ၤဆံးဒိၣ်လဲၣ်” (ၡါ ၅၂:၇)

ရိမ့ၤ 16:2

တူၢ်လိာ်အီၤလၢကစၢ်အမံၤအပူၤ, ဒ်ပှၤစီဆှံတဖၣ်ကြၢးမၤ ဝဲအသိး, ဒီးဟ့ၣ်အီၤတၢ်မၤစၢၤတမံၤဂ့ၤတမံၤဂ့ၤလၢအဝဲလိၣ် ဘၣ်ဝဲလၢသုအိၣ်န့ၣ်တက့ၢ်. အဂ့ၢ်ဒ်လဲၣ်န့ၣ်, အဝဲမ့ၢ်တ့ၢ်တံၤသကိးအဂ့ၤလၢပှၤအါဂၤအဂီၢ် ဒီးလၢယဂီၢ်စ့ၢ်ကီးလီၤ.

1 ကရံၣ်သူး 16:10

စီၤတံၤမသ့းမ့ၢ်ဟဲဘၣ်ဆူသုအိၣ်န့ၣ်, ပာ်သူၣ်ပာ်သးဒ်သိးအဝဲဒၣ်ကကလၢၢ်ဘၣ်သုတၢ် တူၢ်လိာ်မုာ်အီၤလၢသုသိးသုကျါန့ၣ်တက့ၢ်. အဂ့ၢ်ဒ်အံၤ, အဝဲဒၣ်မၤတၢ်လၢကစၢ်အဂီၢ်ဒ်ယမၤယဲအသိးလီၤ.

1 ကရံၣ်သူး 16:18

ဒီးအဝဲသ့ၣ်မၤသးဖှံထီၣ်က့ၤယသး, ဒ်အမၤဖှံထီၣ်က့ၤသုသး အသိးန့ၣ်လီၤ. ပှၤဒ်အံၤအသိးတဖၣ်ကြၢးဘၣ်တၢ်ပာ်သူၣ်ပာ်သး အီၤလီၤ.

၂ ကရံၣ်သူး 10:18

အဂ့ၢ်ဒ်အံၤ, ပှၤတဂၤဘၣ်တၢ်ဘၣ်သူၣ်ဘၣ်သးအီၤဖဲကစၢ်ဆိ ကမိၣ်ဂ့ၤအီၤဒီးတမ့ၢ်ဖဲအဆိကမိၣ်ဂ့ၤလီၤအသးဒၣ်ဝဲအခါ န့ၣ်ဘၣ်လီၤ.

၂ ကရံၣ်သူး 7:2

ပာ်န့ၢ်ပှၤတၢ်လီၢ်တၢ်ကျဲလၢသုသးအပူၤတက့ၢ်. ပတမၤ ကမၣ်ပှၤနီတဂၤဘၣ်. ပတမၤဟးဂီၤပှၤနီတဂၤ, ဒီးပတဂုာ်ကျဲးစၢးဟံးန့ၢ်စ့ၢ်ကီးတၢ်အခွဲးအယာ် လၢပှၤအဖီခိၣ်နီတဂၤဘၣ်.

ဖံလံးပံၤ 2:28

လၢတၢ်န့ၣ်အဃိ, ယသးဆူၣ်ဒိၣ်န့ၢ်အလီၢ်လၢယကဆှၢလီၤ အီၤဆူသုအိၣ်, ဒ်သိးသုကသူၣ်ခုသးခုကဒီးဖဲသုထံၣ်ဘၣ်အီၤ, ဒီးယတၢ်သူၣ်အုးသးအုးဒၣ်ယဲကလီၤမၢ်ကွံာ်အဂီၢ်န့ၣ်လီၤ.

ကလီးစဲ 4:10

စီၤအရံးစတၢ်ဃူးလၢအလီၤဘၣ်ဃိာ်တပူၤဃီဒီးယၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤဘၢ်နါဘၤအတခွါစီၤမၢ်ကူး (ပှၤလၢသုဘၣ်တၢ်မၢတ့ၢ်သုလၢသုကတူၢ်လိာ်ခီၣ်ဆၢအီၤဖဲ အဝဲလဲၤဘၣ်ဆူသုအိၣ်တဘျီလၢ်လၢ်တဂၤ) စ့ၢ်ကီးဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ.

၁ သ့းစၤလနံ 5:12

ပဒီပုၢ်ဝဲၢ်သ့ၣ်ဧၢ, ပှၤလၢအဖံးတၢ်မၤတၢ်လၢသုသိးသုကျါ, ပၢဆှၢသု, ဒီးနဲၣ်သုကျဲလၢသုကဘၣ်အိၣ်မူဒ်ပှၤခရံာ်ဖိ အသိးဒ်လဲၣ်တဖၣ်န့ၣ်, ပဃ့ကညးသုလၢသုကပာ်သူၣ်ပာ်သးဒီးယူးယီၣ်ပာ်ကဲ အီၤန့ၣ်လီၤ.

၁ တံၤမသ့း 5:17

ပှၤသူၣ်က့သးပှၢ်လၢအမၤတၢ်ဂ့ၤဂ့ၤဒ်ခိၣ်နၢ်အသိးတဖၣ်န့ၣ်, တၢ်ကြၢးကွၢ်ဆိကမိၣ်တၢ်လၢအဝဲသ့ၣ်အဂီၢ်ဒီးဟ့ၣ်အီၤဘူးလဲခံစး, လီၤဆီဒၣ်တၢ်ပှၤတဖၣ်လၢအမၤတၢ်ဆူၣ်ဆူၣ်လၢတၢ်စံၣ် တဲၤတဲလီၤဒီးတၢ်သိၣ်လိသီလိတၢ်အပူၤန့ၣ်လီၤ.

ဧ့ၤဘြံၤ 13:17

စူၢ်သုခိၣ်သုနၢ်တဖၣ်အကလုၢ်ဒီးဆီၣ်လီၤသုသးလၢ အဝဲသ့ၣ်အဖီလာ်တက့ၢ်. အဂ့ၢ်ဒ်အံၤ, ဒ်ပှၤလၢအကဘၣ်ဟ့ၣ်ထီၣ်တၢ်စံးဆၢအသိး န့ၣ်အဝဲသ့ၣ်ဆိးသီဝဲလၢသုသးသမူအဂီၢ်လီၤ. သုမ့ၢ်စူၢ်အဝဲသ့ၣ်အကလုၢ်ဒီး, ကမၤဝဲအတၢ်မၤလၢတၢ်သူၣ်ခု သးခုအပူၤလီၤ. မ့တမ့ၢ်ဘၣ်ဒီးကမၤဝဲလၢတၢ်သူၣ်အုးသးအုး အပူၤ, ဒီးတၢ်န့ၣ်တကဲထီၣ်တၢ်မၤစၢၤလၢသုဂီၢ်ဘၣ်လီၤ.

၃ ယိၤဟၣ် 1:10

လၢတၢ်န့ၣ်အဃိ, ယမ့ၢ်ဟဲဒီးယကမၤသ့ၣ်နီၣ်အီၤတၢ်လၢ အဝဲမၤတ့ၢ်ဝဲခဲလၢာ်, အတၢ်ကတိၤခဲၣ်သူခဲၣ်ဂီၤပှၤဒီးအတၢ်ကတိၤကဘျံးကဘျၣ် တဖၣ်န့ၣ်လီၤ. အအံၤဒၣ်လဲာ်အသးတမံဒံးဘၣ်ဒီး, ဖဲဒီပုၢ်ဝဲၢ်တဖၣ်ဟဲန့ၣ်တတူၢ်လိာ်ဝဲဘၣ်. ဒီးအါန့ၢ်အန့ၣ်, ပှၤလၢအသးအိၣ်တူၢ်လိာ်ဒီပုၢ်ဝဲၢ်တဖၣ်န့ၣ်, အဝဲတြီဝဲဒၣ်ဒီးနီၣ်ထီၣ်ဟီထီၣ်ကွံာ်အဝဲသ့ၣ် လၢတၢ်အိၣ်ဖှိၣ်အပူၤန့ၣ်လီၤ.