ဖံလံးပံၤ 2:27 - Sgaw Karen Common Bible

²⁷ အဝဲအိၣ်တဆူၣ်နီၢ်နီၢ်ဒီးဘူးတ့ၢ်မးလၢအကသံလီၤ. ဘၣ်ဆၣ်ဒီးကစၢ်ယွၤသးကညီၤဒံးအီၤ, ဒီးတမ့ၢ်ထဲအဝဲဘၣ်, မ့မ့ၢ်တခီသးကညီၤစ့ၢ်ကီးယၤ, ဒီးဒုးပူၤဖျဲးယၤလၢတၢ်သးအုးလၢအဒိၣ်ဒံးတက့ၢ်န့ၣ်လီၤ.

ဖံလံးပံၤ 2:27 Cross References

လံာ်စီၤပၤခံဘ့ၣ်တဘ့ၣ် 20:1

ဖဲတၢ်ဆၢကတီၢ်အပူၤအတ့ၤအံၤ, စီၤပၤဃံးစကံယၤဆါထီၣ်ဝဲ ဒီးဘူးတ့ၢ်မးလၢအကသံန့ၣ်လီၤ. စီၤအၤမိာ်အဖိခွါဝံယၡါယၤလဲၤဆူအအိၣ်ဒီးစံးဘၣ်အီၤ, “ယွၤတဲဘၣ်နၤလၢနကဘၣ်သုးကျဲၤပာ်တၢ်ခဲလၢာ်ဘၣ်လီၢ်ဘၣ်စး, မ့ၢ်လၢနတဘျါက့ၤလၢၤဘၣ်အဃိလီၤ. အိၣ်ကတဲာ်ကတီၤနသးလၢနကသံအဂီၢ်န့ၣ်တက့ၢ်.”

လံာ်စီၤယိၤဘး 5:19

တဘျီဘၣ်တဘျီ, အဝဲကမၤပူၤဖျဲးနၤလၢတၢ်မၤဆါန့ၣ်လီၤ.

စံးထီၣ်ပတြၢၤ 34:19

ပှၤတီပှၤလိၤတူၢ်ဘၣ်တၢ်ကိၢ်တၢ်ဂီၤအါမံၤ, ဘၣ်ဆၣ်ယွၤမၤပူၤဖျဲးအီၤလၢ တၢ်အံၤခဲလၢာ်အပူၤန့ၣ်လီၤ.

လံာ်ယၡါယၤ 27:8

ယွၤစံၣ်ညီၣ်တ့ၢ်အပှၤဂီၢ်မုၢ်ခီဖျိတၢ်ဆှၢအီၤဆူတၢ်စိာ်မၢကဲကုၢ် အလီၢ်လီၤ. အဝဲစိာ်ကွံာ်အဝဲသ့ၣ်ခီဖျိကလံၤအအၢနးမးတခါ လၢအဟဲလၢမုၢ်ထီၣ်တခီန့ၣ်လီၤ.

လံာ်ယၡါယၤ 38:17

ယတၢ်သးခၣ်ကဃၣ်က့ၤအသးဆူတၢ်ဃူတၢ်ဖိးလီၤ. နအုၣ်က့ၤခီၣ်က့ၤယသးသမူလၢတၢ်လီၤပျံၤ လီၤဘၣ်ယိၣ်ခဲလၢာ် ဒီးနပျၢ်ယတၢ်ဒဲးဘးခဲလၢာ်လီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယံးရမံယၤ 10:24

ယွၤဧၢ, ဘှီဂ့ၤဘှီဘၣ်နပှၤဂီၢ်မုၢ်တက့ၢ်. ဘၣ်ဆၣ်ဒီးတဘၣ်မၤပှၤဆူၣ်ဆူၣ်ကိၤကိၤမ့ၢ်ဂ့ၤ, စံၣ်ညီၣ်ပှၤမ့ၢ်ဂ့ၤဖဲနသးဒိၣ်ထီၣ်အခါတဂ့ၤ. တၢ်န့ၣ်ကမ့ၢ်ဘၣ်ဖုးတၢ်အကတၢၢ်လၢပဂီၢ်လီၤ.

လံာ်ယံးရမံယၤ 45:3

“စီၤဘၤရူးဧၢ, ‘နစံးနဲလၢ, ယပျဲစုပျဲခီၣ်လံ. ယွၤပာ်ဖှိၣ်အါထီၣ်တၢ်သးအုးလၢ ယတၢ်ကိၢ်တၢ်ဂီၤတဖၣ်အဖီခိၣ်လံ. ယလီၤဘှံးလီၤတီၤလၢ တၢ်ကအုကစွါအဃိ, ဒီးယတထံၣ်န့ၢ်တၢ်အိၣ်ဘှံးနီ တတီၤဘၣ်န့ၣ်လီၤ.’

လံာ်ယံးရမံယၤ 8:18

ယတၢ်သးအုးဘၣ်တၢ်မၤမုာ်ထီၣ်အီၤတန့ၢ်ဘၣ်. ယသးလီၤဘှါလၢယပူၤလီၤ.

လံာ်ဃဘးကူာ် 3:2

ယွၤဧၢ, ယနၢ်ဟူတ့ၢ်လံတၢ်လၢနမၤတ့ၢ်ဝဲ, ဒီးယသးပှဲၤဒီးတၢ်ကမၢကမၣ်ဖးဒိၣ်လၢတၢ်ယူးယီၣ်ပာ်ကဲ အပူၤန့ၣ်လီၤ. ခဲကနံၣ်အံၤ, တၢ်မၤဖးဒိၣ်တဖၣ်လၢနညီနုၢ်မၤအီၤန့ၣ်, မၤကဒီးလၢပစိၤပကတီၢ်တဖၣ်အပူၤတက့ၢ်. ဖဲနသးဒိၣ်အခါဒၣ်လဲာ်, သူၣ်ကညီၤသးကညီၤဒံးတၢ်တက့ၢ်.

မၤတၢ် 9:37

အကတီၢ်ဖဲန့ၣ်အဝဲဒၣ်ဘၣ်တၢ်ဆါဒီးသံဝဲဒၣ်လီၤ. အစိၣ်ဘၣ်တၢ်သ့ကဆှီထီၣ်ဒီးပာ်လီၤအီၤလၢဒၢးတဖျၢၣ်အပူၤ လၢဟံၣ်ထးခီတဆီန့ၣ်လီၤ.

1 ကရံၣ်သူး 10:13

ကယဲၢ်တၢ်မၤကွၢ်လၢသုလဲၤခီဖျိဘၣ်တ့ၢ်လံဝဲတဖၣ်န့ၣ် မ့ၢ်ဒၣ်တၢ်တကလုာ်ဃီလၢအတုၤအိၣ်ညီနုၢ်ပှၤဟီၣ်ခိၣ်ဖိ တဖၣ်န့ၣ်လီၤ. ဘၣ်ဆၣ်ဒီးကစၢ်ယွၤတီလၢအတၢ်အၢၣ်လီၤ, ဒီးအဝဲတပျဲသုဘၣ်တၢ်လ့ပစီသုအါန့ၢ်သုအိၣ်ဒီးတၢ်ဂံၢ် တၢ်ဘါလၢသုကဆၢထၢၣ်ကျၢၤကျၢၤအဂီၢ်ဘၣ်လီၤ. ဖဲအဆၢကတီၢ်လၢသုဘၣ်တၢ်လ့ပစီသုန့ၣ်အဝဲ ကဟ့ၣ်သုတၢ်ဂံၢ်တၢ်ဘါလၢသုကကွၢ်ဆၢၣ်မဲာ်အီၤဒီးဆၢထၢၣ် ကျၢၤကျၢၤအဂီၢ်ဒီးဒုးထူၣ်ဖျဲးထီၣ်ကွံာ်သုလၢကျဲဒ်န့ၣ်အပူၤလီၤ.

၂ ကရံၣ်သူး 2:7

မ့မ့ၢ်ခဲကနံၣ်အံၤ, သုကြၢးပျၢ်အတၢ်ကမၣ်ဒီးဟ့ၣ်ဆူၣ်ထီၣ် အဂံၢ်အဘါ, ဒ်သိးအဝဲဒၣ်အသုတသးအုးမးဝဲတုၤအသးဟးဂီၤလၢာ်လၢာ် ဆ့ဆ့တဂ့ၤအဂီၢ်န့ၣ်လီၤ.

ဖံလံးပံၤ 2:26

အဝဲဒၣ်ဆၢထံၣ်ဘၣ်သုကိးဒံကိးဂၤဒဲး, ဒီးအသးဘၣ်တံာ်တာ်ဒိၣ်မးလၢသုနၢ်ဟူတ့ၢ်လၢအဝဲအိၣ် တဆူၣ်အဃိန့ၣ်လီၤ.

ဖံလံးပံၤ 2:28

လၢတၢ်န့ၣ်အဃိ, ယသးဆူၣ်ဒိၣ်န့ၢ်အလီၢ်လၢယကဆှၢလီၤ အီၤဆူသုအိၣ်, ဒ်သိးသုကသူၣ်ခုသးခုကဒီးဖဲသုထံၣ်ဘၣ်အီၤ, ဒီးယတၢ်သူၣ်အုးသးအုးဒၣ်ယဲကလီၤမၢ်ကွံာ်အဂီၢ်န့ၣ်လီၤ.

ဖံလံးပံၤ 2:30

အဂ့ၢ်ဒ်အံၤ, ဒ်သိးအကဟ့ၣ်ယၤတၢ်မၤစၢၤလၢသုနီၢ်ကစၢ်ဒၣ်ဝဲသုဟ့ၣ်ယၤ တသ့န့ၣ်, အဝဲဒၣ်ကွၢ်ဆၢၣ်မဲာ်တၢ်သံခ့သံပှၤဒီးဘူးတ့ၢ်မးလၢ အကသံဝဲလၢခရံာ်အတၢ်ဖံးတၢ်မၤအဂီၢ်န့ၣ်လီၤ.