ဖံလံးပံၤ 2:2 - Sgaw Karen Common Bible

² လၢတၢ်န့ၣ်အဃိ, ယသဆၣ်ထီၣ်သုခံလၢသုကဒုးသူၣ်ခုသးခုယၤလၢာ်လၢာ် ဆ့ဆ့ခီဖျိသုအိၣ်ဒီးတၢ်ဆိကမိၣ်တမံၤဃီ, တၢ်အဲၣ်တၢ်ကွံ တမံၤဃီ, အိၣ်ဒီးသုသးတဖျၢၣ်ဃီဒီးဆိကမိၣ်တၢ်တမံၤဃီန့ၣ်လီၤ.

ဖံလံးပံၤ 2:2 Cross References

စံးထီၣ်ပတြၢၤ 122:8

လၢယဒီပုၢ်ဝဲၢ်ဒီးယတံၤသကိးတဖၣ်အဃိန့ၣ်ယကစံးဘၣ်ဝ့ၢ် ယရူၤၡလ့ၣ် “မ်တၢ်ဃူတၢ်ဖိးအိၣ်လၢနပူၤန့ၣ်တက့ၢ်.”

လံာ်ယိၤဟၣ် 3:29

ပှၤလၢအဘၣ်ဃးဒီးတလးမူးပိာ်ခွါန့ၣ်မ့ၢ်တလးမူးပိာ်မုၣ်လီၤ. ဘၣ်ဆၣ်ဒီး, တလးမူးပိာ်ခွါအတံၤသကိးလၢအဆၢထၢၣ်ဒီးဒိ ကနၣ်တၢ်တဂၤန့ၣ်, တုၤအနၢ်ဟူတလးမူးပိာ်ခွါအကလုၢ်ဒီး သးခုဒိၣ်မးလီၤ. ယတၢ်သးခုန့ၣ်လၢထီၣ်ပှဲၤထီၣ်လၢကျဲဒ်အံၤလီၤ.

မၤတၢ် 1:14

အဝဲသ့ၣ်ပာ်ဖှိၣ်ထီၣ်အသးတလီၢ်လီၢ်ဒ်သိးအကဘါထု ကဖၣ်သကိးတၢ်ဃုာ်ဒီးပိာ်မုၣ်တဖၣ်, ဒီးယ့ၣ်ၡူးအမိၢ်နီၢ်မၤရံ, ဒီးယ့ၣ်ၡူးအပုၢ်ပိာ်ခွါတဖၣ်န့ၣ်လီၤ.

မၤတၢ် 2:1

ဖဲဘူၣ်ယဲၢ်ဆံအမုၢ်နံၤတုၤဃီၤဝဲန့ၣ်, ပှၤစူၢ်က့ၤနာ်က့ၤတၢ်ခဲလၢာ်ပာ်ဖှိၣ်ထီၣ်အသးလၢတၢ်လီၢ် တပူၤဃီန့ၣ်လီၤ.

မၤတၢ် 2:46

တနံၤဘၣ်တနံၤအဝဲသ့ၣ်လဲၤသကိးဆူတၢ်လုၢ်ဟံၣ်အပူၤ, ဒီးအီၣ်သကိးတၢ်အီၣ်လၢအဝဲသ့ၣ်အဟံၣ်တဖၣ်အပူၤပှဲၤဒီး တၢ်သူၣ်ခုသးခုဒီးတၢ်သူၣ်အိၣ်သးအိၣ်,

မၤတၢ် 5:12

ပှၤတၢ်မၢဖိတဖၣ်မၤတၢ်လီၤလးဒီးတၢ်ပနီၣ်လီၤလးအါမံၤလၢပှၤသ့ၣ် တဖၣ်အကျါလီၤ. ပှၤစူၢ်က့ၤနာ်က့ၤတၢ်တဖၣ်ညီနုၢ်အိၣ်ဖှိၣ်ရိဖှိၣ်သကိး တပူၤဃီဖဲစီၤၡလိၤမိၤအတၢ်ဒုးခိၣ်အဖီလာ်န့ၣ်လီၤ.

ရိမ့ၤ 12:16

သူၣ်အိၣ်သးအိၣ်ပှၤကိးဂၤဒဲးဒ်သိးသိးတက့ၢ်. တဘၣ်ပာ်ထီၣ်ထီသုသးတဂ့ၤ, မ့မ့ၢ်ရ့တံၤရ့သကိးဒီးပှၤဖှီၣ်ဖိယာ်ဖိတဖၣ်တက့ၢ်. တဘၣ်ဆိကမိၣ်လီၤသုသးလၢသုကူၣ်ဘၣ်ကူၣ်သ့တဂ့ၤ.

1 ကရံၣ်သူး 1:10

လၢပကစၢ်ယ့ၣ်ၡူးခရံာ်အမံၤအဃိန့ၣ်, ယဃ့ကညးသုဝဲကိးဒံကိးဂၤဒဲး, ပုၢ်သ့ၣ်ဝဲၢ်သ့ၣ်ဧၢ, ဒ်သိးသုကအၢၣ်လီၤတူၢ်လိာ်တဂၤဒီးတဂၤအတၢ်စံးတၢ်ကတိၤ, ဒီးသုတအိၣ်ဒီးတၢ်လီၤမုၢ်လီၤဖးလၢသုသိးသုကျါတဂ့ၤန့ၣ်လီၤ. ပာ်ဖှိၣ်ထီၣ်သုသးတဖျၢၣ်ဃီလၢာ်လၢာ်ဆ့ဆ့, အိၣ်ဒီးတၢ်ဆိကမိၣ်တမံၤဃီ, ဒီးတၢ်တိာ်ပာ်တမံၤဃီန့ၣ်တက့ၢ်.

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.

၂ ကရံၣ်သူး 2:3

မ့ၢ်လၢတၢ်ဂ့ၢ်တမံၤန့ၣ်အဃိ, ယကွဲးလံာ်ပရၢအဝဲန့ၣ်ဆူသု အိၣ်လီၤ. ယတအဲၣ်ဒိးဟဲဆူသုအိၣ်ဒီးဘၣ်တၢ်မၤသးအုး ယၤလၢပှၤတဖုဃီလၢအကြၢးမၤသးခုယၤန့ၣ်ဘၣ်. အဂ့ၢ်ဒ်အံၤ, ယနာ်လီၤတံၢ်လီၤဆဲးလၢဖဲယသူၣ်ခုသး ခုန့ၣ်, သုဝဲကိးဒံကိးဂၤဒဲးသုသူၣ်ခုသးခုစ့ၢ်ကီးန့ၣ်လီၤ.

၂ ကရံၣ်သူး 7:7

တၢ်လၢအမၤသးခုပှၤန့ၣ်တမ့ၢ်ထဲအဝဲအတၢ်ဟဲတမံၤဧိၤ ဘၣ်. မ့မ့ၢ်တခီမ့ၢ်စ့ၢ်ကီးအဝဲအတၢ်ပာ်ဖျါထီၣ်ဘၣ်ဃး သုဟ့ၣ်ဆူၣ်ထီၣ်အဂံၢ်အဘါဒ်လဲၣ်အဂ့ၢ်လီၤ. အဝဲဒၣ်တဲဘၣ်ပှၤလၢသုဆၢထံၣ်ဘၣ်ယၤဆံးအါ, သုသးအုးလီၤက့ၤသုသးဆံးအါ, ဒီးသုအိၣ်ကတဲာ်ကတီၤသုသးလၢသုကကဟုကယာ် ယၤဆံးအါအဂ့ၢ်, သတးဒီးခဲကနံၣ်အံၤယသူၣ်ခုသးခုဒိၣ်န့ၢ် အလီၢ်န့ၣ်လီၤ.

ဖံလံးပံၤ 1:4

ဒီးတဘျီလၢ်လၢ်ဖဲယဃ့ဘါထုကဖၣ်တၢ်လၢသုဂီၢ်န့ၣ်, ယဘါထုကဖၣ်လၢတၢ်သးခုအပူၤ,

ဖံလံးပံၤ 2:16

ဖဲသုဟ့ၣ်အဝဲသ့ၣ်တၢ်ကစီၣ်ဘၣ်ဃးတၢ်မူအဂ့ၢ်န့ၣ်လီၤ. သုမ့ၢ်မၤဒ်န့ၣ်ဒီးဖဲခရံာ်အမုၢ်နံၤန့ၣ်ယကအိၣ်ဒီးတၢ်အဂ့ၢ်အခၢးလၢ ယကပာ်ကဖၢလၢယသးလၢသုဃိ, မ့ၢ်လၢတၢ်လၢသုမၤန့ၣ်ကဒုးနဲၣ်အဝဲဒၣ်လၢယတၢ်ကျဲးစၢးဒီး တၢ်မၤတကဲထီၣ်တၢ်ကလီကလီဘၣ်အဃိန့ၣ်လီၤ.

ဖံလံးပံၤ 2:20

အဝဲဒၣ်မ့ၢ်ပှၤထဲတဂၤဧိၤလၢအတၢ်ဆိကမိၣ်လီၤပလိာ်ဒီးယၤဒီး သူၣ်အိၣ်သးအိၣ်သုနီၢ်နီၢ်န့ၣ်လီၤ.

ဖံလံးပံၤ 4:2

နီၢ်အူၤအိဒံၤဒီးနီၢ်စူၣ်တူဃ့ၤသ့ၣ်ဧၢ, ယဃ့ကညးသုလၢသုကဝံသးစူၤအိၣ်ဃူအိၣ်ဖိးလိာ်သုသးဒ်ဒီ ပုၢ်ဝဲၢ်မုၣ်တဖၣ်အသိးလၢကစၢ်အပူၤန့ၣ်လီၤ.

ကလီးစဲ 2:5

အဂ့ၢ်ဒ်အံၤယမ့ၢ်တအိၣ်ဒီးသုလၢနီၢ်ခိနီၢ်ခီသနာ်က့, ယအိၣ်ဒီးသုလၢသူၣ်လၢသးဒီးယသးခုလၢယထံၣ်ဘၣ် သုဟံးဃာ်လိာ်သုသးဒီးဆၢထၢၣ်သကိးလၢတၢ်စူၢ် တၢ်နာ်အဂၢၢ်အကျၢၤလၢခရံာ်အပူၤအဃိန့ၣ်လီၤ.

၂ သ့းစၤလနံ 2:13

ဒီပုၢ်ဝဲၢ်လၢကစၢ်အဲၣ်အီၤသ့ၣ်ဧၢ, ပဘၣ်စံးဘျုးကစၢ်ယွၤကိးဆၢကတီၢ်ဒဲးလၢသုဃိလီၤ. အဂ့ၢ်ဒ်အံၤကစၢ်ယွၤဃုထၢထီၣ်သုလၢအခီၣ်ထံးလံၤလံၤ လၢသုကဒိးန့ၢ်တၢ်အုၣ်က့ၤခီၣ်က့ၤခီဖျိယွၤအသးအစိ အကမီၤဒ်သိးသုကကဲထီၣ်အပှၤစီဆှံတကလုာ်ခီဖျိ သုတၢ်စူၢ်တၢ်နာ်တၢ်မ့ၢ်တၢ်တီအဃိန့ၣ်လီၤ.

၂ တံၤမသ့း 1:4

ယသ့ၣ်နီၣ်ထီၣ်က့ၤနမဲာ်ထံမဲာ်နိတဖၣ်, ဒီးယသးအိၣ်ထံၣ် ဘၣ်နၤဒိၣ်မးဒ်သိးယကလၢပှဲၤဒီးတၢ်သးခုအဂီၢ်န့ၣ်လီၤ.

ဖံၤလ့မိၣ် 1:20

မ့ၢ်လီၤ, ဒီပုၢ်ဝဲၢ်ဧၢ, ဝံသးစူၤမၤန့ၢ်ယၤလၢ တၢ်ဘျုးတမံၤအံၤလၢကစၢ်အဃိတက့ၢ်. ဒ်ဒီပုၢ်ဝဲၢ်လၢခရံာ်အပူၤတဂၤအသိး, မၤမုာ်ထီၣ်ယသးတက့ၢ်.

၂ ယိၤဟၣ် 1:4

ယသးခုယဲဒိၣ်မးလၢယထံၣ်ဘၣ်နဖိနလံၤတနီၤအိၣ်မူ ဝဲဒၣ်လၢတၢ်မ့ၢ်တၢ်တီအပူၤဒ်ပၢ်မၤလိာ်တ့ၢ်ပှၤအသိး အဃိန့ၣ်လီၤ.

၃ ယိၤဟၣ် 1:4

တၢ်လၢကမၤသးခုယၤဒိၣ်န့ၢ်ယနၢ်ဟူဘၣ်ယဖိယလံၤ တဖၣ်အိၣ်မူလၢတၢ်မ့ၢ်တၢ်တီအပူၤန့ၣ်, တအိၣ်ဘၣ်နီတမံၤဘၣ်.