ဖံလံးပံၤ 2:17 - Sgaw Karen Common Bible

¹⁷ ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.

ဖံလံးပံၤ 2:17 Cross References

လံာ်တၢ်ဂံၢ် 28:6

တၢ်အံၤမ့ၢ်တၢ်လုၢ်မၤဘူၣ်တနံၤဘၣ်တနံၤလၢဘၣ်တၢ်ဆိၣ်ကဲၤထီၣ် ကွံာ်အီၤခဲလၢာ်လၢအဘၣ်တၢ်လုၢ်ထီၣ်ဆိတ့ၢ်လံအခီၣ်ထံး တဘျီဖဲကစၢၢ်စံၣ်နါဒ်တၢ်အီၣ်တၢ်အီအတၢ်လုၢ်, တၢ်နၢမူတမံၤလၢအမၤမုာ်ယွၤအသးန့ၣ်လီၤ.

လံာ်တၢ်ဂံၢ် 28:7

လၢတၢ်လုၢ်စပံးထံဃုာ်ဒီးသိအခီၣ်ထံးတဒုအဂီၢ်န့ၣ်လူလီၤ စပံးထံတဟံၣ်လွံၢ်ပူတပူဖဲတၢ်လုၢ်လီၢ်အဖီခိၣ်န့ၣ်တက့ၢ်.

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

မၤတၢ် 21:13

ဘၣ်ဆၣ်ဒီးအဝဲဒၣ်စံးဆၢဝဲ, “သုဟီၣ်သုယၢၤဒ်သိးအံၤဒီးမၤသဘှံးယသးဘၣ်မနုၤ အဃိလဲၣ်. ယအိၣ်ကတဲာ်ကတီၤယသးတမ့ၢ်ထဲလၢယကဘၣ် တၢ်စၢဃာ်ယၤဖဲဝ့ၢ်ယရူၤၡလ့ၣ်န့ၣ်ဘၣ်. မ့မ့ၢ်လၢယကသံဖဲန့ၣ်လၢကစၢ်ယ့ၣ်ၡူးအဂီၢ်ဒၣ်လဲာ်န့ၣ်လီၤ.”

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

၂ ကရံၣ်သူး 12:15

တၢ်လၢအအိၣ်ဒီးယၤခဲလၢာ်, ဒီးယနီၢ်ကစၢ်ဒၣ်ယဲစ့ၢ်ကီးန့ၣ်ယကသးခုသူအီၤဒ်သိး အကကဲတၢ်မၤစၢၤလၢသုဂီၢ်လီၤ. ယအဲၣ်သုဒိၣ်မးအဃိ ဒီး, မ့ၢ်သုကအဲၣ်ယၤစှၤန့ၢ်တၢ်န့ၣ်ဧါ.

၂ ကရံၣ်သူး 4:12

အဝဲအံၤအခီပညီမ့ၢ်ဝဲ, တၢ်သံမၤတၢ်လၢပပူၤ, ဘၣ်ဆၣ်ဒီးတၢ်မူမၤတၢ်လၢသုပူၤန့ၣ်လီၤ.

၂ ကရံၣ်သူး 6:10

တၢ်မၤသးအုးပှၤဘၣ်ဆၣ်ဒီး ပသးခုပဝဲထီဘိလီၤ. ပအိၣ်ဖျါဖှီၣ်ယာ်ဘၣ်ဆၣ်ဒီးပဒုးထူးဒုးတီၤထီၣ်ပှၤအါဒံ အါဂၤလီၤ. အိၣ်ဖျါလၢတၢ်တအိၣ်ဒီးပှၤနီတမံၤ, ဘၣ်ဆၣ်ဒီးအနီၢ်နီၢ်တခီပအိၣ်ဒီးတၢ်ခဲလၢာ်ခဲဆ့န့ၣ်လီၤ.

၂ ကရံၣ်သူး 7:4

ယနာ်န့ၢ်သုအဒိၣ်အမုၢ်လီၤ. ယပာ်ကဖၢလၢမးယသးလၢ သုဃိလီၤ. လၢပတၢ်ကီတၢ်ခဲတၢ်နးတၢ်ဖှီၣ်ခဲလၢာ်အပူၤ န့ၣ်, ယလၢပှဲၤဒံးယဲဒီးတၢ်သးဒူလီၤ. ယပှဲၤလုာ်ကွံာ်ယဲဒီး တၢ်သးဖှံလီၤ.

ဖံလံးပံၤ 1:20

ယတၢ်အဲၣ်ဒိးဒီးတၢ်မုၢ်လၢ်အဒိၣ်အယိာ်မ့ၢ်ဒ်သိးယသု တလီၤတိၢ်လၢယမူဒါတဂ့ၤ, မ့မ့ၢ်ကိးဆၢကတီၢ်ဒဲးဒီးလီၤဆီဒၣ် တၢ်ခဲကနံၣ်အံၤ, ယကလၢပှဲၤဒီးတၢ်သးဒူ, ဒ်သိးယမူမ့ၢ်ဂ့ၤ, ယသံမ့ၢ်ဂ့ၤခရံာ်ကဘၣ်တၢ်မၤလၤကပီၤအီၤလၢယနီၢ်ဒီဂၤညါန့ၣ်လီၤ.

ဖံလံးပံၤ 2:18

ဒ်န့ၣ်အသိး, သုဝဲစ့ၢ်ကီးသုကဘၣ်သူၣ်ခုသးခုဒီးဒုးသးခု ဃုာ်ယၤလၢသုသကိးန့ၣ်လီၤ.

ဖံလံးပံၤ 2:30

အဂ့ၢ်ဒ်အံၤ, ဒ်သိးအကဟ့ၣ်ယၤတၢ်မၤစၢၤလၢသုနီၢ်ကစၢ်ဒၣ်ဝဲသုဟ့ၣ်ယၤ တသ့န့ၣ်, အဝဲဒၣ်ကွၢ်ဆၢၣ်မဲာ်တၢ်သံခ့သံပှၤဒီးဘူးတ့ၢ်မးလၢ အကသံဝဲလၢခရံာ်အတၢ်ဖံးတၢ်မၤအဂီၢ်န့ၣ်လီၤ.

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

၁ သ့းစၤလနံ 2:8

မ့ၢ်လၢပအဲၣ်ဘၣ်သုအဃိပအိၣ်ကတဲာ်ကတီၤပသးတမ့ၢ်ထဲလၢ ပကဒုးသ့ၣ်ညါသုလၢတၢ်သးခုကစီၣ်အဂ့ၢ်န့ၣ်ဘၣ်. မ့မ့ၢ်ပအိၣ်ကတဲာ်ကတီၤဒၣ်လဲာ်ပသးလၢပကဟ့ၣ်လီၤ ပသးသမူလၢသုဂီၢ်လီၤ. သုလုၢ်ဒိၣ်ပှ့ၤဒိၣ်ဒိၣ်မးလၢပဂီၢ်လီၤ.

၂ တံၤမသ့း 4:6

မ့မ့ၢ်ယဲတခီ, နၣ်ရံၣ်တုၤဃီၤဝဲလၢယကဘၣ်တၢ်လုၢ်ထီၣ်ယၤအဂီၢ်လံ. တၢ်ဆၢကတီၢ်ဟဲတုၤအိၣ်ယၤလၢယကပာ်တ့ၢ်တၢ်အိၣ်မူအံၤန့ၣ်လံ.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ယိၤဟၣ် 3:16

ခရံာ်ဟ့ၣ်လီၤကွံာ်အသးသမူလၢပဂီၢ်, ဒီးလၢကျဲဒ်အံၤန့ၣ်, ပသ့ၣ်ညါဘၣ်တၢ်အဲၣ်တၢ်ကွံမ့ၢ်တၢ်မနုၤလဲၣ်န့ၣ်လီၤ. အဃိ, ပဝဲဒၣ်စ့ၢ်ကီးပကြၢးဟ့ၣ်လီၤကွံာ်ပသးသမူတဖၣ်လၢ ပဒီပုၢ်ဝဲၢ်တဖၣ်အဂီၢ်လီၤ.