ဖံလံးပံၤ 2:14 - Sgaw Karen Common Bible

¹⁴ ဖဲသုဖံးတၢ်မၤတၢ်တမံၤလၢ်လၢ်န့ၣ်တဘၣ်အိၣ်ဒီးတၢ်ကဒူး ကဒ့ၣ်ဒီးတၢ်ဂ့ၢ်လိာ်ဘှီလိာ်တဂ့ၤ.

ဖံလံးပံၤ 2:14 Cross References

စံးထီၣ်ပတြၢၤ 106:25

အဝဲသ့ၣ်အိၣ်လၢအဒဲတဖၣ်အပူၤဒီးကဒူးကဒ့ၣ် ဒီးတဒိကနၣ်ဘၣ်ယွၤအကလုၢ်ကထါဘၣ်.

တၢ်ကတိၤဒိ. 13:10

တၢ်ပာ်ထီၣ်ထီသးန့ၣ်ဒုးအိၣ်ထီၣ်ဒၣ်ထဲတၢ်ကီတၢ်ခဲဧိၤန့ၣ်လီၤ. မ့မ့ၢ်ပှၤလၢအတူၢ်လိာ်တၢ်ဟ့ၣ်ကူၣ်န့ၣ်, မ့ၢ်တၢ်ကူၣ်သ့ဒိၣ်ဒၣ်တၢ် တက့ၢ်လီၤ.

လံာ်မးသဲ 20:11

အဝဲသ့ၣ်ဒိးန့ၢ်အဘူးအလဲဝံၤ, ကဒူးကဒ့ၣ်တၢ်လၢစပံးလီၢ်အကစၢ်အလိၤ

လံာ်မၢ်ကူး 14:5

သိနၢမူဒ်အံၤပှၤမ့ၢ်ဆါလီၤဒီးကန့ၢ်စ့ဒန့ၤရံအဘ့ၣ်သၢကယၤ ဒီးစ့န့ၣ်တၢ်ဟ့ၣ်လီၤပှၤလၢအဖှီၣ်သ့လီၤ. ဒီးအဝဲသ့ၣ်ကတိၤအ့ၣ်လိာ်ပိာ်မုၣ်န့ၣ်ဆါဆါကလဲာ်လီၤ.”

လံာ်မၢ်ကူး 9:14

တုၤအဝဲသ့ၣ်ဟဲက့ၤတုၤဖှိၣ်သကိးလၢအပျဲၢ်အဘီၣ်အဂၤတဖၣ်အသိး အကျါန့ၣ်, ထံၣ်ဘၣ်ပှၤဂီၢ်မုၢ်အိၣ်ဝးတရံးအပျဲၢ်အဘီၣ်အဂၤတဖၣ်အံၤဒီး, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤကတိၤဂ့ၢ်လိာ်ဘှီလိာ် တၢ်ဒီးအဝဲသ့ၣ်န့ၣ်လီၤ.

လံာ်လူၤကၣ် 5:30

ပှၤဖၤရံၤၡဲတနီၤဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤ လၢအဘၣ်ထွဲဒီးပှၤဖၤရံၤၡဲအကရူၢ်န့ၣ်, ပာ်တၢ်ကမၣ်လၢယ့ၣ်ၡူးအပျဲၢ်အဘီၣ်တဖၣ်အလိၤလီၤ. အဝဲသ့ၣ်သံကွၢ်ဝဲ, “ဘၣ်မနုၤအဃိသုအီၣ်သကိးအီသကိးတၢ်လၢ ပှၤဃ့သွဲတဖၣ်ဒီးပှၤတၢ်ဒဲးဘးဖိတဖၣ်လဲၣ်.”

မၤတၢ် 15:2

စီၤပီလူးဒီးစီၤဘၢ်နါဘၤဂ့ၢ်လိာ်ဘှီလိာ်တၢ်ဆူၣ်ဆူၣ် ကလဲာ်ဒီးပှၤသ့ၣ်တဖၣ်အံၤဘၣ်ဃးဒီးတၢ်ဂ့ၢ်တမံၤအံၤန့ၣ်လီၤ. အန့ၣ်သတးဒီး, တၢ်စံၣ်ညီၣ်ဃုထၢထီၣ်စီၤပီလူးဒီးစီၤဘၢ်နါဘၤ ဒီးပှၤအဂၤတနီၤလၢဝ့ၢ်အၣ်တံၤအီာ်, ဒ်သိးအကလဲၤဆူဝ့ၢ် ယရူၤၡလ့ၣ်ဒီးထံၣ်လိာ်ပှၤတၢ်မၢဖိဒီးသူၣ်က့သးပှၢ်ဖဲန့ၣ် တဖၣ်ဘၣ်ဃးတၢ်ဂ့ၢ်တမံၤအံၤန့ၣ်လီၤ.

မၤတၢ် 15:39

ဖဲန့ၣ်, တၢ်ဂ့ၢ်လိာ်ဘှီလိာ်အိၣ်ထီၣ်ဝဲဒၣ်ဆူၣ်ဆူၣ်ကလဲာ် လၢအဝဲသ့ၣ်ခံဂၤအဘၢၣ်စၢၤ, ဒီးဟးဖှၣ်ခံလိာ်အသးလီၤ. စီၤဘၢ်နါဘၤကိးစီၤမၢ်ကူးဒီးဒိးထီၣ်ကဘီဒီးလဲၤဆူကီး ကူပြူးလီၤ.

မၤတၢ် 15:7

တၢ်ကတိၤဂ့ၢ်လိာ်ဘှီလိာ်အိၣ်ဝဲဒၣ်ဖးယံာ်ဝံၤအလီၢ်ခံ, စီၤပ့းတရူးဂဲၤဆၢထၢၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, သုသ့ၣ်ညါလၢအပူၤကွံာ်ဖးယံာ်န့ၣ်, ကစၢ်ယွၤဃုထၢထီၣ် ယၤလၢသုကျါဒ်သိးယကစံၣ်တဲၤတဲလီၤတၢ်သးခုအကစီၣ် လၢပှၤကလုာ်ဂၤတဖၣ်, ဒ်သိးအဝဲသ့ၣ်ကနၢ်ဟူဒီးစူၢ်က့ၤနာ်က့ၤယ့ၣ်ၡူးအဂီၢ်လီၤ.

မၤတၢ် 6:1

လၢခံက့ၤဖဲအပျဲၢ်အဘီၣ်တဖၣ်အနီၣ်ဂံၢ်အါထီၣ်ဝဲကွ့ၢ်ကွ့ၢ်န့ၣ်, ပှၤယူဒၤဖိလၢအကတိၤထဲကြံးခ်အကျိာ်တဖၣ်ကဒူးကဒ့ၣ်ထီဒါ ပှၤယူဒၤဖိလၢအကတိၤအကျိာ်ဒၣ်ဝဲတဖၣ်န့ၣ်လီၤ. အဝဲသ့ၣ်စံးဝဲလၢဖဲအဘၣ်ဃးဒီးတၢ်ဟ့ၣ်နီၤလီၤလၢတနံၤဂီၢ် တနံၤဂီၢ်န့ၣ်, ပှၤတကနၣ်ဃုာ်အဝဲသ့ၣ်အပှၤမုၣ်ကမဲတဖၣ်ဘၣ် န့ၣ်လီၤ.

ရိမ့ၤ 12:18

မ့မ့ၢ်သုဝဲတခီ, ဖဲသုသ့န့ၣ်အိၣ်ဃူလိာ်ဖိးလိာ်သုသး ဒီးပှၤခဲလၢာ်တက့ၢ်.

ရိမ့ၤ 14:1

ပှၤလၢသုကျါလၢအတၢ်နာ်အဂံၢ်အဘါစၢ်တဖၣ်န့ၣ်တူၢ်လိာ်အီၤ တက့ၢ်. ဘၣ်ဆၣ်ဒီးတဘၣ်ဂ့ၢ်လိာ်ဒီးအီၤဘၣ်ဃးအတၢ်ဆိကမိၣ် ဆိကမးတဖၣ်န့ၣ်တဂ့ၤ.

ရိမ့ၤ 16:17

ယဒီပုၢ်ဝဲၢ်သ့ၣ်ဧၢ, ယသဆၣ်ထီၣ်သုခံ, ပလီၢ်သုသးလၢပှၤလၢအဒုးအိၣ်ထီၣ်တၢ်လီၤမုၢ် လီၤဖးဒီးမၤကဒံကဒါပှၤအတၢ်စူၢ်တၢ်နာ်, ပှၤလၢအထီဒါ တၢ်သိၣ်လိလၢသုဒိးန့ၢ်တ့ၢ်လံတဖၣ်န့ၣ်တက့ၢ်. ဟးဆှဲးပှၤတဖၣ်န့ၣ်တက့ၢ်.

1 ကရံၣ်သူး 10:10

ပတဘၣ်ကအုကစွါဒ်အဝဲသ့ၣ်တနီၤမၤဝဲအသိးဘၣ်. ဒီးအဝဲသ့ၣ်ဘၣ်တၢ်မၤဒၢၣ်ကွံာ်အီၤလၢတၢ်သံ အကလူးန့ၣ်လီၤ.

၂ ကရံၣ်သူး 12:20

ယဘၣ်ယိၣ်ယဲလၢ, ဖဲယလဲၤတုၤဖဲန့ၣ်န့ၣ်, ယကထံၣ်ဘၣ်လၢသုတမ့ၢ်တၢ်ဒ်ယဆၢလၢသုကမ့ၢ်ဘၣ်ဒီး သုကထံၣ်ဘၣ်လၢယတမ့ၢ်တၢ်ဒ်သုဆၢလၢယကမ့ၢ်ဘၣ်န့ၣ် လီၤ. ယဘၣ်ယိၣ်လၢယကထံၣ်ဘၣ်တၢ်အ့ၣ်လိာ်ဆိးက့, ဒီးတၢ်သူၣ်က့ၣ်သးကါ, တၢ်သူၣ်ဖုၣ်သးဖုၣ်ဒီးတၢ်အဲၣ်လီၤသး, တၢ်ဒုၣ်ဒွဲၣ်ပယွဲ, တၢ်သီၣ်ဝံသဲကလၤ, တၢ်ပာ်ထီၣ်ထီသးဒီးတၢ်တၢထီၣ်တၢလီၤန့ၣ်လီၤ.

ကလၤတံ 5:15

ဘၣ်ဆၣ်ဒီး, သုမ့ၢ်မၤသုသးဒ်ဆၣ်ဖိကီၢ်ဖိအမံၤတဖၣ်, ဒီးမၤဘၣ် ဒိဘၣ်ထံး, မၤဆူးမၤဆါလိာ်သုသးန့ၣ်, ပလီၢ်သုသးတက့ၢ်. မ့တမ့ၢ်ဘၣ်ဒီးသုကမၤဟးဂီၤလိာ်သုသးတဂၤဒီးတဂၤလၢာ်လၢာ် ဆ့ဆ့န့ၣ်လီၤ.

ကလၤတံ 5:26

ပတဘၣ်ပာ်ထီၣ်ထီပသး, မ့တမ့ၢ်မၤအ့န့လိာ်ပသးတဂၤဒီး တဂၤ, မ့တမ့ၢ်သူၣ်က့ၣ်သးကါလိာ်ပသးတဂၤဒီးတဂၤန့ၣ်ဘၣ်.

ဖံလံးပံၤ 2:3

သုသုတမၤတၢ်နီတမံၤလၢသုသးဆူၣ်မၤန့ၢ်တၢ်လၢသုဘျုး အဂီၢ်ဒၣ်ဝဲမ့ၢ်ဂ့ၤ, သုကပာ်ကဖၢလၢသုသးအဂီၢ်မ့ၢ်ဂ့ၤန့ၣ်တဂ့ၤ. မ့မ့ၢ်ဆီၣ်လီၤသုသးလၢတဂၤဒီးတဂၤအဖီလာ်, ဒီးထီဘိန့ၣ်အိၣ်ဒီးတၢ်ဆိကမိၣ်လၢပှၤဂၤတဖၣ်ဂ့ၤန့ၢ်သု န့ၣ်တက့ၢ်.

၁ သ့းစၤလနံ 5:13

အဝဲသ့ၣ်တဖၣ်န့ၣ်, ယူးယီၣ်ပာ်ဒိၣ်ဒီးအဲၣ်အီၤကွံအီၤဒိၣ်ဒိၣ် ကလဲာ်, မ့ၢ်လၢတၢ်ခဲလၢာ်လၢအမၤဝဲအဃိန့ၣ်တက့ၢ်. အိၣ်ဃူအိၣ်ဖိးလိာ်သုသးသကိးသကိးတက့ၢ်.

၁ သ့းစၤလနံ 5:15

ပာ်သူၣ်ပာ်သးဒ်သိးပှၤသုတမၤဆၢတၢ်အၢလၢတၢ်အၢနီတဂၤတဂ့ၤ, မ့မ့ၢ်ကိးဆၢကတီၢ်ဒဲးန့ၣ်, အိၣ်ဒီးတၢ်တိာ်ပာ်လၢသုကမၤဂ့ၤလိာ်သုသးတဂၤဒီးတဂၤ, ဒီးသုကမၤဂ့ၤပှၤကိးဂၤဒဲးန့ၣ်တက့ၢ်.

ဧ့ၤဘြံၤ 12:14

ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.

ယၤကိာ် 1:20

အဂ့ၢ်ဒ်အံၤ, ပှၤကညီအတၢ်သးဒိၣ်ထီၣ်န့ၣ်, တမၤန့ၢ်ကစၢ်ယွၤအတၢ်တိာ်ပာ်အတီအလိၤန့ၣ်ဘၣ်.

ယၤကိာ် 3:14

ဘၣ်ဆၣ်ဒီး, တၢ်သူၣ်က့ၣ်သးကါ, တၢ်သးဆါ, တၢ်အဲၣ်လီၤသး, မ့ၢ်အိၣ်လၢသုသးကံၢ်ပူၤဒီး, တဘၣ်မၤတၢ်ဒဲးဘးထီဒါတၢ်မ့ၢ် တၢ်တီခီဖျိတၢ်ပာ်ကဖၢလၢသးလၢသုတၢ်ကူၣ်သ့ဒၣ်ဝဲ အဃိန့ၣ်တဂ့ၤ.

ယၤကိာ် 5:9

ယဒီပုၢ်ဝဲၢ်သ့ၣ်ဧၢ, ဒ်သိးခဲအံၤဒိကနၣ်ယၤတက့ၢ်. ယွၤသုတစံၣ်ညီၣ်သုတဂ့ၤဒီးတဘၣ်ကဒူးကဒ့ၣ်လိာ် သုသးတဂၤဒီးတဂၤတဂ့ၤ. ပှၤစံၣ်ညီၣ်ကွီၢ်အိၣ်ဘူးတ့ၢ်မး, လၢအကအိၣ်ဖျါထီၣ်ဝဲဒၣ်လံ.

၁ ပ့းတရူး 3:11

အဝဲကဘၣ်ဃၣ်ကွံာ်အသးလၢတၢ်အၢတၢ်သီ ဒီးမၤတၢ်ဂ့ၤန့ၣ်လီၤ. အဝဲကဘၣ်ဂဲၤပျုၢ်လၢတၢ်ဃူတၢ်ဖိးအဂီၢ် လၢအသးဒီဖျၢၣ်ညါန့ၣ်လီၤ.

၁ ပ့းတရူး 4:9

တူၢ်တံၢ်တူၢ်သမှံၤလၢသုဟံၣ်သုဃီတဖၣ်အပူၤ, တအိၣ်ဘၣ်ဒီးတၢ်ကဒူးကဒ့ၣ်န့ၣ်တက့ၢ်.

ယူဒၤ 1:16

ပှၤသ့ၣ်တဖၣ်အံၤကဒူးကဒ့ၣ်တၢ်ဒီးပာ်တၢ်ကမၣ်လၢ ပှၤဂၤအလိၤထီဘိန့ၣ်လီၤ. အဝဲသ့ၣ်မၤထွဲအကစၢ်ဒၣ်ဝဲအတၢ်သူၣ်လီသးကွံအအၢအသီ တဖၣ်အခံန့ၣ်လီၤ. အဝဲသ့ၣ်ကတိၤဒိၣ်ကတိၤသွါလီၤက့ၤအသးဒၣ်ဝဲဒီး ကတိၤကဖၢလၢထီၣ်ပှၤဂၤတဖၣ်လၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်န့ၣ်လီၤ.