ဖံလံးပံၤ 1:27 - Sgaw Karen Common Bible

²⁷ အခဲအံၤ, တၢ်လၢအကါဒိၣ်န့ၣ်မ့ၢ်ဝဲသုတၢ်အိၣ်မူအကျဲကြၢးမ့ၢ်ဝဲဒ် ခရံာ်အတၢ်သးခုကစီၣ်လိၣ်ဘၣ်ဝဲအသိး, ဒ်သိးယလဲၤထံၣ်လိာ် သုသ့မ့ၢ်ဂ့ၤ, တသ့မ့ၢ်ဂ့ၤ, ယကနၢ်ဟူဘၣ်ယဲလၢသုဆၢထၢၣ်ဂၢၢ်ကျၢၤအိၣ်ဒီးတၢ်တိာ်ပာ် တမံၤဃီဒီးလၢတၢ်အဲၣ်ဒိးတမံၤဃီအပူၤ, သုဒုးသကိးတၢ်လၢတၢ်စူၢ်တၢ်နာ်ဘၣ်ဃးဒီးတၢ်သးခုကစီၣ် အဂီၢ်န့ၣ်လီၤ.

ဖံလံးပံၤ 1:27 Cross References

လံာ်ကွဲးနီၣ်တၢ်အခီၣ်ထံးတဘ့ၣ် 19:12

စီၤယိၤအာ်စံးဘၣ်အီၤ, “နမ့ၢ်ထံၣ်လၢပှၤစူၤရံဖိတဖၣ်မၤ နၢၤယၤဒီးဟဲမၤစၢၤယၤ, ဒီးပှၤဧၣ်မိၣ်ဖိတဖၣ်မ့ၢ်နၢၤနၤဒီးယက လဲၤဒီးမၤစၢၤနၤလီၤ.

စံးထီၣ်ပတြၢၤ 122:3

ယရူၤၡလ့ၣ်န့ၣ်ဘၣ်တၢ်တ့အီၤ ဒ်ဝ့ၢ်လၢအဆီလီၤတံၢ်လိာ်အသးအသိးန့ၣ်လီၤ.

စံးထီၣ်ပတြၢၤ 133:1

ဒီပုၢ်ဝဲၢ်အိၣ်ဝဲဆိးဝဲလၢအသးတဖျၢၣ်ဃီအံၤ, ဂ့ၤဆံးဒိၣ်လဲၣ်, ဒီးမုာ်ဆံးဒိၣ်လဲၣ်ဆံးဒိၣ်လဲၣ်န့ၣ် ကွၢ်ကွၢ်တက့ၢ်.

တၢ်ကတိၤဒိ. 22:23

ယွၤကလိာ်ကွီၢ်တၢ်လၢအဝဲသ့ၣ်အဂီၢ်ဒီးပှၤတဂၤလၢ်လၢ်လၢ အမၤပျံၤမၤဖုးအဝဲသ့ၣ်တဖၣ်အသးသမူန့ၣ်, ယွၤကမၤပျံၤမၤဖုးက့ၤအသးသမူလီၤ.

လံာ်ယံးရမံယၤ 32:39

ယကဟ့ၣ်အဝဲသ့ၣ်လၢ တၢ်အိၣ်မူအတၢ်တိာ်ထဲတမံၤဧိၤ ဒ်သိးကအိၣ်ဒီးတၢ်သးတဖျၢၣ်ဃီ, လၢအကမၤလၤ ကပီၤယၤကိးဆၢကတီၢ်ဒဲး, လၢအဝဲသ့ၣ်အကစၢ်ဒၣ်ဝဲ အတၢ်ဂ့ၤအဂီၢ်ဒီး လၢအစၢၤအသွဲၣ်တဖၣ် အတၢ်ဂ့ၤအဂီၢ်န့ၣ်လီၤ.

လံာ်မးသဲ 12:25

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်ဒီးစံးဘၣ်အဝဲသ့ၣ်, “ထံကီၢ်တဘ့ၣ်လၢအမၤလီၤဖးလီၤအသးဒီးအ့ၣ်လိာ်ဆိးက့လိာ်အသးန့ၣ်, အိၣ်ဂၢၢ်ဆိးကျၢၤယံာ်ယံာ်တသ့ဘၣ်. ခူဝ့ၢ်မ့ၢ်ဂ့ၤ, ဒူၣ်ဖိထၢဖိမ့ၢ်ဂ့ၤ, လၢအမၤလီၤဖးလီၤအသးန့ၣ်ကလီၤပှီၢ်ကွံာ်ဝဲလီၤ.

မၤတၢ် 2:46

တနံၤဘၣ်တနံၤအဝဲသ့ၣ်လဲၤသကိးဆူတၢ်လုၢ်ဟံၣ်အပူၤ, ဒီးအီၣ်သကိးတၢ်အီၣ်လၢအဝဲသ့ၣ်အဟံၣ်တဖၣ်အပူၤပှဲၤဒီး တၢ်သူၣ်ခုသးခုဒီးတၢ်သူၣ်အိၣ်သးအိၣ်,

မၤတၢ် 24:24

စှၤသီပူၤကွံာ်ဝံၤအလီၢ်ခံန့ၣ်, စီၤဖ့လံးဟဲဒီးအမါနီၢ်ဒြူၤစံးလ့ၤလၢအမ့ၢ်ပှၤယူဒၤမုၣ်တဂၤ န့ၣ်လီၤ. အဝဲဒၣ်မၢပှၤလဲၤကိးန့ၢ်အီၤလၢစီၤပီလူးဒီးကနၣ်အဝဲ ကတိၤတၢ်ဘၣ်ဃးတၢ်စူၢ်တၢ်နာ်လၢယ့ၣ်ၡူးခရံာ်အပူၤ အဂ့ၢ်န့ၣ်လီၤ.

မၤတၢ် 4:32

ပှၤစူၢ်က့ၤနာ်က့ၤတၢ်ခဲလၢာ်အိၣ်ဒီးတၢ်ဆိကမိၣ်တမံၤဃီဒီးသူၣ် တဖျၢၣ်ဃီသးတဖျၢၣ်ဃီန့ၣ်လီၤ. ကယဲၢ်တၢ်အိၣ်ဒီးယၤမ့ၢ်ဒၣ်ထဲလၢယဂီၢ်ဧိၤလီၤန့ၣ်, တစံးဝဲနီတဂၤဘၣ်. မ့မ့ၢ်အဝဲသ့ၣ်ဟ့ၣ်နီၤလိာ်သကိးအသးတၢ်တမံၤလၢ်လၢ်လၢ အအိၣ်ဒီးအီၤ, တဂၤဒီးတဂၤန့ၣ်လီၤ.

ရိမ့ၤ 1:16

အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 1:5

ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

ရိမ့ၤ 1:9

အဂ့ၢ်ဒ်အံၤ, ကစၢ်ယွၤလၢယမၤအတၢ်လၢယသးဒီဖျၢၣ်ညါ ခီဖျိတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီးအဖိခွါန့ၣ်, မ့ၢ်ပှၤအုၣ်အသးလၢတၢ်လၢယစံးတဖၣ်မ့ၢ်ဝဲတီဝဲန့ၣ်လီၤ. ကစၢ်ယွၤသ့ၣ်ညါလၢယသ့ၣ်နီၣ်ထီၣ်သုထီဘိလၢယတၢ် ထုကဖၣ်အပူၤန့ၣ်လီၤ.

ရိမ့ၤ 10:8

တၢ်လၢအစံးဝဲတခီမ့ၢ်တၢ်အံၤ, “ကစၢ်ယွၤအတၢ်ကစီၣ်အိၣ်ဘူး ဒီးနၤ, အိၣ်လၢနထးခိၣ်လိၤဒီးလၢနသးကံၢ်ပူၤ” ဒ်ပစံးတၢ်အသိး, တၢ်စူၢ်တၢ်နာ်အတၢ်ကစီၣ်လၢပစံၣ်တဲၤတဲလီၤအီၤန့ၣ်လီၤ (သိၣ်သီ ၃၀:၁၂-၁၄).

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

ရိမ့ၤ 15:29

တုၤယလဲၤဆူသုအိၣ်ဒီး, ယသ့ၣ်ညါလၢယကလဲၤလၢခရံာ် အတၢ်ဆိၣ်ဂ့ၤဆိၣ်ဝါအလၢအပှဲၤအပူၤန့ၣ်လီၤ.

1 ကရံၣ်သူး 1:10

လၢပကစၢ်ယ့ၣ်ၡူးခရံာ်အမံၤအဃိန့ၣ်, ယဃ့ကညးသုဝဲကိးဒံကိးဂၤဒဲး, ပုၢ်သ့ၣ်ဝဲၢ်သ့ၣ်ဧၢ, ဒ်သိးသုကအၢၣ်လီၤတူၢ်လိာ်တဂၤဒီးတဂၤအတၢ်စံးတၢ်ကတိၤ, ဒီးသုတအိၣ်ဒီးတၢ်လီၤမုၢ်လီၤဖးလၢသုသိးသုကျါတဂ့ၤန့ၣ်လီၤ. ပာ်ဖှိၣ်ထီၣ်သုသးတဖျၢၣ်ဃီလၢာ်လၢာ်ဆ့ဆ့, အိၣ်ဒီးတၢ်ဆိကမိၣ်တမံၤဃီ, ဒီးတၢ်တိာ်ပာ်တမံၤဃီန့ၣ်တက့ၢ်.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

၂ ကရံၣ်သူး 9:13

ဒီးလၢတၢ်အုၣ်အသးလၢသုတၢ်မၤတမံၤအံၤဟ့ၣ်ထီၣ်ဝဲအဃိ, ပှၤအါဒံအါဂၤကဟ့ၣ်တၢ်လၤကပီၤဆူကစၢ်ယွၤလၢသုတၢ်သး တီဒီးခရံာ်အတၢ်သးခုကစီၣ်လၢသုအၢၣ်လီၤပာ်ဖျါသုဝဲဖျါဖျါ အဃိဒီးလၢသုတၢ်နီၤဟ့ၣ်တၢ်ဆူအဝဲသ့ၣ်ဒီးဆူပှၤကိးဂၤဒဲး အအိၣ်အပူၤန့ၣ်, သုဟ့ၣ်တၢ်အါအါဂီၢ်ဂီၢ်လၢတၢ်သးအိၣ် အဃိန့ၣ်လီၤ.

ကလၤတံ 1:7

နီၢ်နီၢ်န့ၣ် “တၢ်သးခုကစီၣ်အဂၤ” တအိၣ်နီတခါဘၣ်. မ့မ့ၢ်ယစံးတၢ်အံၤန့ၣ်, မ့ၢ်လၢပှၤအိၣ်ဝဲဒၣ်တနီၤလၢအမၤကဒံကဒါသုသးဒီးဂုာ်ကျဲး စၢးလဲလိာ်တၢ်သးခုကစီၣ်ဘၣ်ဃးခရံာ်အဃိန့ၣ်လီၤ.

အ့းဖ့းစူး 1:13

သုဝဲလၢအနၢ်ဟူတ့ၢ်လံတၢ်မ့ၢ်တၢ်တီအကလုၢ်ကထါ, တၢ်သးခုအကစီၣ်လၢအဟဲစိာ်န့ၢ်သုတၢ်အုၣ်က့ၤခီၣ်က့ၤ ဒီးစူၢ်က့ၤနာ်က့ၤတ့ၢ်လံခရံာ်တဖၣ်စ့ၢ်ကီးသုဘၣ်တၢ်စဲ ပနီၣ်ဃာ်သုဒီးသးစီဆှံလၢအဘၣ်တၢ်စံးပာ်တ့ၢ်အီၤန့ၣ်လီၤ.

အ့းဖ့းစူး 1:15

လၢတၢ်ဂ့ၢ်အံၤအဃိ, စးထီၣ်လၢယနၢ်ဟူဘၣ်သုတၢ်စူၢ်တၢ်နာ်က့ၤကစၢ်ယ့ၣ်ၡူး အဂ့ၢ်ဒီးလၢသုတၢ်အဲၣ်ဘၣ်ကစၢ်ယွၤအပှၤဂီၢ်မုၢ်ခဲလၢာ် အဂ့ၢ်လံၤလံၤန့ၣ်,

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

ဖံလံးပံၤ 1:5

မ့ၢ်လၢသုတၢ်မၤစၢၤတ့ၢ်ယၤလၢတၢ်သးခုကစီၣ်အတၢ်ဖံး တၢ်မၤအပူၤစးထီၣ်လၢမုၢ်နံၤအခီၣ်ထံးကတၢၢ်တနံၤတုၤခဲအံၤ အဃိန့ၣ်လီၤ.

ဖံလံးပံၤ 2:12

လၢတၢ်န့ၣ်အဃိ, တံၤသကိးသးဘိသ့ၣ်ဧၢ, ဖဲယအိၣ်ဒီးသုအဆၢကတီၢ်သုဒိကနၣ်ယၤထီဘိအသိးန့ၣ်, ခဲကနံၣ်အံၤဖဲယအိၣ်ယံၤဒီးသုအဆၢကတီၢ်န့ၣ်, အကါဒိၣ်တက့ၢ်လၢသုဒိကနၣ်ယၤန့ၣ်လီၤ. ဂုာ်ကျဲးစၢးမၤတၢ်လၢတၢ်ပျံၤတၢ်ဖုးဒီးတၢ်ကနိးကစုာ်အပူၤ လၢတၢ်မၤလၢထီၣ်ပှဲၤထီၣ်သုတၢ်အုၣ်က့ၤခီၣ်က့ၤအဂီၢ်န့ၣ်တက့ၢ်.

ဖံလံးပံၤ 2:24

ဒီးလၢကစၢ်အပူၤန့ၣ်, ယနာ်လၢတယံာ်ဘၣ်ဒီးယနီၢ်ကစၢ်ဒၣ်ယဲယလဲၤဆူသုအိၣ် ကသ့ဝဲန့ၣ်လီၤ.

ဖံလံးပံၤ 3:18

ယစံးဘၣ်တဲဘၣ်တ့ၢ်လံသုတၢ်အံၤလၢအပူၤကွံာ်အါဘျီလံ. ဒီးခဲအံၤယစံးကဒီးယဲလၢမဲာ်ထံမဲာ်နိအပူၤန့ၣ်လီၤ. ပှၤအိၣ်ဝဲအါဒံအါဂၤလၢအတၢ်အိၣ်မူဒုးကဲထီၣ်အဝဲသ့ၣ်လၢ ခရံာ်အတၢ်သံလၢထူၣ်စုညါလိၤ, အဒုၣ်အဒါတဖၣ်န့ၣ်လီၤ.

ဖံလံးပံၤ 3:20

မ့မ့ၢ်ပဝဲသ့ၣ်တဖၣ်အံၤ, ပမ့ၢ်မူခိၣ်အဘီဖိမုၢ်ဖိ, ဒီးလၢတၢ်သးဆူၣ်အပူၤပအိၣ်ခိးကွၢ်လၢ်ပပှၤအုၣ်က့ၤခီၣ်က့ၤတၢ်, ကစၢ်ယ့ၣ်ၡူးခရံာ်အတၢ်ကဟဲလၢမူခိၣ်န့ၣ်လီၤ.

ဖံလံးပံၤ 4:1

မ်ဒ်န့ၣ်ဒီး, ယဒီပုၢ်ဝဲၢ်သ့ၣ်ဧၢ, ယအဲၣ်ဘၣ်သုဒီးသးသယုၢ်ဘၣ်သုဒိၣ်မးလီၤ. သုဒုးသးခုယၤဒိၣ်မး, ဒီးယပာ်ကဖၢလၢယသးလၢ သုဃိဒိၣ်မးလီၤ. ဒီပုၢ်ဝဲၢ်သးဘိသ့ၣ်ဧၢ, အဝဲအံၤ မ့ၢ်ကျဲလၢသုကဆၢထၢၣ်ဂၢၢ်ကျၢၤလၢသုတၢ်အိၣ်မူလၢ ကစၢ်အပူၤန့ၣ်လီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

ကလီးစဲ 1:4

အဂ့ၢ်ဒ်အံၤ, ပနၢ်ဟူဘၣ်တ့ၢ်လံဘၣ်ဃးဒီးသုတၢ်စူၢ်တၢ်နာ်လၢ ယ့ၣ်ၡူးခရံာ်အပူၤဒီးသုတၢ်အဲၣ်ဘၣ်ပှၤစီဆှံခဲလၢာ်,

၁ သ့းစၤလနံ 3:6

မ့မ့ၢ်ခဲကနံၣ်အံၤ, စီၤတံၤမသ့းဟဲက့ၤတုၤလံ, ဒီးအဝဲဒၣ်ဟဲက့ၤစိာ်တၢ်ကစီၣ်အမုာ်ဘၣ်ဃးသုတၢ်စူၢ် တၢ်နာ်ဒီးသုတၢ်အဲၣ်တၢ်ကွံအဂ့ၢ်န့ၣ်လီၤ. အဝဲဒၣ်စံးဘၣ်ပှၤလၢသုသ့ၣ်နီၣ်ထီၣ်ပှၤထီဘိလၢတၢ်သူၣ်မုာ် သးမုာ်အပူၤဒီးလၢသုဆၢထံၣ်ဘၣ်ပှၤထဲသိးဒီးပဆၢ ထံၣ်ဘၣ်သုန့ၣ်လီၤ.

၁ သ့းစၤလနံ 4:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သုမၤလိတ့ၢ်လၢပအိၣ် လၢသုကဘၣ်အိၣ်မူမၤဘၣ်ကစၢ်ယွၤအသးဒ်လဲၣ်အဂ့ၢ်န့ၣ်လီၤ. သုအိၣ်မူတ့ၢ်လံသုဝဲလၢကျဲဒ်အံၤအပူၤန့ၣ်လီၤ. ဒီးခဲကနံၣ်အံၤပဃ့ကညးဒီးသဆၣ်ထီၣ်သုခံသပှၢ်ပှၢ်လၢ ကစၢ်ယ့ၣ်ၡူးအမံၤအပူၤ, လၢသုကအိၣ်မူဂ့ၤန့ၢ်ဒံးအလီၢ်လီၤ.

၁ တံၤမသ့း 1:11

တၢ်သိၣ်လိသီလိအံၤဘၣ်တၢ်ထံၣ်န့ၢ်အီၤလၢတၢ်သးခု ကစီၣ်အပူၤ, လၢတၢ်ဟ့ၣ်လီၤအီၤလၢယစုပူၤဒ်သိးယကတဲ ဖျါထီၣ်အီၤအဂီၢ်, ဒီးမ့ၢ်တၢ်သးခုကစီၣ်လၢအဟဲလၢကစၢ်ယွၤလၢအအိၣ်ဒီး အလၤကပီၤဒီးဘၣ်တၢ်စံးထီၣ်ပတြၢၤအီၤတဂၤအအိၣ် န့ၣ်လီၤ.

၁ တံၤမသ့း 1:19

ဒီးပၢၤဃာ်နတၢ်စူၢ်တၢ်နာ်ဒီးသးလၢအသ့ၣ်ညါဒၣ် တၢ်ဆှံဆှံန့ၣ်တက့ၢ်. ပှၤတနီၤတဒိကနၣ်သးလၢအသ့ၣ်ညါ ဒၣ်တၢ်န့ၣ်ဘၣ်အဃိ, အတၢ်စူၢ်တၢ်နာ်လီၤပှီၢ်ကွံာ်ဝဲဒၣ်န့ၣ်လီၤ.

၂ တံၤမသ့း 4:7

တၢ်ဒုးလၢအဂ့ၤန့ၣ်ယဒုးလံ, တၢ်ဃ့ၢ်န့ၣ်ယဃ့ၢ်လံ, ယပၢၤဃာ်တၢ်နာ်န့ၣ်လံ.

တံတူး 2:10

ဒီးတဘၣ်ဟုၣ်အတၢ်ဘၣ်. မ့မ့ၢ်တခီ, အဝဲသ့ၣ်ကဘၣ်ဒုးနဲၣ်ဝဲလၢမ့ၢ်ပှၤအဂ့ၤအဝါဒီး အကလုၢ်တီဒီးအကစၢ်ထီဘိဒ်သိးလၢအတၢ်မၤခဲလၢာ် အပူၤန့ၣ်, ပှၤကစံးထီၣ်ပတြၢၤတၢ်သိၣ်လိသီလိဘၣ်ထွဲဒီး ကစၢ်ယွၤ, ပတၢ်အုၣ်က့ၤခီၣ်က့ၤကစၢ်အဂီၢ်န့ၣ်လီၤ.

ဖံၤလ့မိၣ် 1:5

အဂ့ၢ်မ့ၢ်လၢယနၢ်ဟူဘၣ်တၢ်အဲၣ်တၢ်ကွံဒီးတၢ်စူၢ်တၢ်နာ်လၢ အအိၣ်ဒီးနၤလၢကစၢ်ယ့ၣ်ၡူးဒီးပှၤစီဆှံခဲလၢာ်တဖၣ်အဂီၢ် အဃိန့ၣ်လီၤ.

ယၤကိာ် 3:18

ဒီးတၢ်ဂ့ၤတၢ်ဝါမ့ၢ်တၤသၣ်လၢအဟဲကဲထီၣ်ဝဲလၢတၢ်အချံ တဖၣ်လၢပှၤမၤဃူမၤဖိးတၢ်တဖၣ်သူၣ်လီၤဖျးလီၤဝဲလၢ တၢ်ဃူတၢ်ဖိးအပူၤန့ၣ်လီၤ.

၂ ပ့းတရူး 3:11

မ့ၢ်လၢတၢ်သ့ၣ်တဖၣ်အံၤခဲလၢာ်ကဘၣ်တၢ်မၤဟးဂီၤကွံာ် အီၤလၢကျဲဒ်အံၤအဃိ, သုကြၢးမ့ၢ်ပှၤဒ်လဲၣ်, သုတၢ်အိၣ်မူတဖၣ်ကြၢးစီဆှံဝဲဒီးကြၢးဘၣ်တၢ်ပာ်စီဆှံ အီၤလၢကစၢ်ယွၤအဂီၢ်,

၂ ပ့းတရူး 3:14

လၢတၢ်န့ၣ်အဃိယတံၤသကိးသ့ၣ်ဧၢ, ဖဲသုအိၣ်ခိးကွၢ်လၢ် မုၢ်နံၤအဝဲန့ၣ်န့ၣ်, ကျဲးစၢးအဂ့ၤကတၢၢ်ဒ်သိးလၢကစၢ်ယွၤ အမဲာ်ညါန့ၣ်, သုကစီဆှံဒီးတၢ်ပာ်တၢ်ကမၣ်လၢသုလိၤအလီၢ် တအိၣ်ဘၣ်ဒီး, သုကအိၣ်ဃူအိၣ်ဖိးဒီးအီၤအဂီၢ်န့ၣ်တက့ၢ်.

ယူဒၤ 1:3

ယတံၤသကိးသးဘိသ့ၣ်ဧၢ, ဖဲယကျဲးစၢးအဂ့ၤကတၢၢ်ဒ်သိးယကကွဲးတၢ်ဆူသုအိၣ် ဘၣ်ဃးဒီးတၢ်အုၣ်က့ၤခီၣ်က့ၤလၢအမ့ၢ်ပဝဲခဲလၢာ်အတၢ် အခါန့ၣ်, ယထံၣ်လၢအလီၢ်အိၣ်ဝဲတဘျီဃီလၢယကကွဲး ဟ့ၣ်ဆူၣ်ထီၣ်သုဂံၢ်သုဘါ, ဒ်သိးသုကဒုးတၢ်လၢတၢ်စူၢ်တၢ်နာ်လၢတဘျီကစၢ်ယွၤ ဟ့ၣ်လီၤတ့ၢ်ဝဲအပှၤဂီၢ်မုၢ်ခဲလၢာ်အဂီၢ်န့ၣ်လီၤ.