ဖံလံးပံၤ 1:20 - Sgaw Karen Common Bible

²⁰ ယတၢ်အဲၣ်ဒိးဒီးတၢ်မုၢ်လၢ်အဒိၣ်အယိာ်မ့ၢ်ဒ်သိးယသု တလီၤတိၢ်လၢယမူဒါတဂ့ၤ, မ့မ့ၢ်ကိးဆၢကတီၢ်ဒဲးဒီးလီၤဆီဒၣ် တၢ်ခဲကနံၣ်အံၤ, ယကလၢပှဲၤဒီးတၢ်သးဒူ, ဒ်သိးယမူမ့ၢ်ဂ့ၤ, ယသံမ့ၢ်ဂ့ၤခရံာ်ကဘၣ်တၢ်မၤလၤကပီၤအီၤလၢယနီၢ်ဒီဂၤညါန့ၣ်လီၤ.

ဖံလံးပံၤ 1:20 Cross References

စံးထီၣ်ပတြၢၤ 119:116

ဒုးအိၣ်ဂၢၢ်ဆိးကျၢၤယၤဒ်နကလုၢ်ကထါ အသိးန့ၣ်တက့ၢ်. ဒီးယကမူလီၤ. မ်ယသုတဘၣ်တၢ်မဲာ်ဆှးလၢ ယတၢ်မုၢ်လၢ်အဃိန့ၣ်တဂ့ၤ.

စံးထီၣ်ပတြၢၤ 119:80

မ်ယသးလၢထီၣ်ပှဲၤထီၣ်လၢ တၢ်ဒိကနၣ်နတၢ်မၤလိာ်အပူၤဒ်သိး ယသုတဘၣ်တၢ်မဲာ်ဆှးတဂ့ၤအဂီၢ်န့ၣ်တက့ၢ်.

စံးထီၣ်ပတြၢၤ 25:2

ယကစၢ်ယွၤဧၢ, ယနာ်နၤလီၤ. မ်ယသုတဘၣ်တၢ်မၤမဲာ်ဆှးယၤတဂ့ၤ. မ်ယဒုၣ်ယဒါအသုတသးခုလၢယဖီခိၣ်တဂ့ၤ.

စံးထီၣ်ပတြၢၤ 62:5

အဂ့ၢ်ဒ်အံၤယသးအိၣ်ခိးထဲကစၢ်ယွၤတဂၤဧိၤ လၢတၢ်အိၣ်ဘှ့ၣ်အိၣ်ဘှီၣ်အပူၤန့ၣ်လီၤ. အဂ့ၢ်ဒ်အံၤယမုၢ်လၢ်တၢ်လၢအီၤလီၤ.

တၢ်ကတိၤဒိ. 10:28

ပှၤအဂ့ၤတဖၣ်အတၢ်မုၢ်လၢ်န့ၣ်, ဆှၢအီၤဆူတၢ်သးခုလီၤ. မ့မ့ၢ်, ပှၤအၢပှၤသီတဖၣ်န့ၣ်ကွၢ်စိတၢ်ဆူညါတသ့နီတမံၤဘၣ်.

တၢ်ကတိၤဒိ. 23:18

မ့မ့ၢ်ဒ်န့ၣ်ဒီး, နအိၣ်ဒီးခါဆူညါအတၢ်အိၣ်မူလၢအကပီၤက ပြုၢ်ဝဲန့ၣ်လီၤ.

လံာ်ယၡါယၤ 45:17

မ့မ့ၢ်ကီၢ်အံၣ်စရ့လးဘၣ်တၢ်အုၣ်က့ၤခီၣ်က့ၤအီၤလၢယွၤ ဒီးအတၢ်မၤနၢၤအိၣ်လီၤထူလီၤယိာ်လီၤ. အပှၤဂီၢ်မုၢ်တဘၣ်တၢ်မၤမဲာ်ဆှးအီၤနီတစုဘၣ်.”

လံာ်ယၡါယၤ 50:7

ဘၣ်ဆၣ်ဒီးအဝဲသ့ၣ်အတၢ်ဒုၣ်ဒွဲၣ်တဖၣ်မၤဘၣ်ဒိဘၣ်ထံးယၤ တသ့ဘၣ်. အဂ့ၢ်ဒ်အံၤ, ယွၤပၢဘၣ်တၢ်ခဲလၢာ်အကစၢ်ဟ့ၣ်ယၤတၢ်မၤစၢၤလီၤ. ယသကံၢ်ထီၣ်ယသးလၢယကတူၢ်တၢ်သ့ၣ်တဖၣ်န့ၣ်အဂီၢ်လီၤ. ယသ့ၣ်ညါလၢယတဘၣ်တၢ်မၤမဲာ်ဆှးယၤဘၣ်,

လံာ်ယၡါယၤ 54:4

ပျံၤတၢ်တဂ့ၤ. နတဘၣ်တၢ်မၤမဲာ်ဆှးကဒီးနၤလၢၤဘၣ်. နလၤကပီၤတဘၣ်တၢ်မၤဆံးလီၤစှၤလီၤအီၤလၢၤဘၣ်. နတၢ်သးတတီဒ်မါသးစၢ်တဂၤအသိး ဒီးနတၢ်အိၣ်သယုၢ်သညိဒ်မုၣ်က မဲတဂၤအသိးန့ၣ်နကသးပ့ၤနီၣ်ကွံာ်အီၤလီၤ.

လံာ်ယိၤဟၣ် 21:19

(ယ့ၣ်ၡူးစံးတၢ်အံၤမ့ၢ်ဒ်သိးကဒုးနဲၣ်ဖျါထီၣ်ကျဲလၢ စီၤပ့းတရူးကဘၣ်သံဝဲဒီးမၤလၤကပီၤယွၤဒ်လဲၣ်အဂ့ၢ် န့ၣ်လီၤ.) ဝံၤဒီးယ့ၣ်ၡူးစံးဘၣ်အီၤ, “ဟဲဒီး ကဲဘၣ်ယပျဲၢ်ယဘီၣ် တက့ၢ်.”

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

မၤတၢ် 21:13

ဘၣ်ဆၣ်ဒီးအဝဲဒၣ်စံးဆၢဝဲ, “သုဟီၣ်သုယၢၤဒ်သိးအံၤဒီးမၤသဘှံးယသးဘၣ်မနုၤ အဃိလဲၣ်. ယအိၣ်ကတဲာ်ကတီၤယသးတမ့ၢ်ထဲလၢယကဘၣ် တၢ်စၢဃာ်ယၤဖဲဝ့ၢ်ယရူၤၡလ့ၣ်န့ၣ်ဘၣ်. မ့မ့ၢ်လၢယကသံဖဲန့ၣ်လၢကစၢ်ယ့ၣ်ၡူးအဂီၢ်ဒၣ်လဲာ်န့ၣ်လီၤ.”

မၤတၢ် 4:31

တုၤအဝဲသ့ၣ်ဃ့ဘါထုကဖၣ်တၢ်ကတၢၢ်ဝဲဒီး, တၢ်လီၢ်ဖဲအဝဲသ့ၣ်အိၣ်ဖှိၣ်သကိးဝဲလၢအပူၤန့ၣ်ဟူးဝးဝဲလီၤ. အဝဲသ့ၣ်ကိးဂၤဒဲးလၢထီၣ်ပှဲၤထီၣ်ဒီးသးစီဆှံ, ဒီးစံၣ်တဲၤတဲလီၤယွၤအတၢ်ကစီၣ်လၢတၢ်သူၣ်ဒူသးဒူအပူၤလီၤ.

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

ရိမ့ၤ 5:5

တၢ်မုၢ်လၢ်အံၤတဒုးသးဟးဂီၤပှၤဘၣ်, မ့ၢ်လၢကစၢ်ယွၤလူလီၤဂၢ်လီၤအတၢ်အဲၣ်လၢပသးပူၤခီဖျိ သးစီဆှံ, လၢအမ့ၢ်ကစၢ်ယွၤအတၢ်ဟ့ၣ်ပှၤအဃိန့ၣ်လီၤ.

ရိမ့ၤ 6:13

တဘၣ်ဟ့ၣ်လီၤသုနီၢ်ခိအက့ၢ်အဂီၤတဖၣ်ဆူတၢ်ဒဲးဘး အစုပူၤလၢတၢ်ကသူအီၤလၢတၢ်အၢတၢ်သီအဂီၢ်နီတမံၤ တဂ့ၤ. မ့မ့ၢ်, ဟ့ၣ်လီၤသုသးဆူကစၢ်ယွၤအစုပူၤဒ်ပှၤသ့ၣ် တဖၣ်လၢအဘၣ်တၢ်မၤမူထီၣ်က့ၤအီၤလၢတၢ်သံ, ဒီးဟ့ၣ်လီၤသုသးဒီးနီၢ်ခိဒီဂၤညါဆူအစုပူၤဒ် သိးတၢ်ကသူအီၤလၢတၢ်တီတၢ်လိၤအဂီၢ်န့ၣ်တက့ၢ်.

ရိမ့ၤ 6:19

(ယကတိၤတၢ်ကတိၤမုၢ်ဆ့ၣ်မုၢ်ဂီၤတဖၣ်မ့ၢ်လၢသုမ့ၢ် ပှၤဟီၣ်ခိၣ်ဖိ, ဒီးသုတၢ်သ့ၣ်ညါနၢ်ပၢၢ်တထီၣ်ဘးအဃိ လီၤ.) တဘျီန့ၣ်သုဟ့ၣ်လီၤသုသးလၢာ်လၢာ်ဆ့ဆ့ဒ်တၢ် တစီတဆှံဒီးတၢ်အၢတၢ်သီအကုၢ်တဖၣ်အသိးအိၣ် ဒီးတၢ်တိာ်အအၢအသီတဖၣ်န့ၣ်လီၤ. လၢကျဲဒ်န့ၣ်အသိး, အခဲအံၤသုကဘၣ်ဟ့ၣ်လီၤသုသးလၢာ်လၢာ်ဆ့ဆ့ဒ် တၢ်တီတၢ်လိၤအကုၢ်တဖၣ်အိၣ်ဒီးတၢ်တိာ်အစီအဆှံ တဖၣ်န့ၣ်လီၤ.

ရိမ့ၤ 8:19

လၢတၢ်သူၣ်ဆူၣ်သးဂဲၤအပူၤ, တၢ်ဘၣ်တ့ခဲလၢာ်အိၣ်ခိးကွၢ်လၢ်ကစၢ်ယွၤကလီၣ်ဖျါထီၣ် အဖိခွါတဖၣ်န့ၣ်လီၤ.

ရိမ့ၤ 9:33

လၢတၢ်ကွဲးအသးစံးလၢအဂ့ၢ်, “ကွၢ်တက့ၢ်, ယပာ်လီၤလၢၢ်တဖျၢၣ်လၢစံယိၣ်အပူၤ, လၢပှၤအခီၣ်ကဘၣ်တိၢ်ဝဲအဂီၢ်, လၢၢ်တဖျၢၣ်လၢကမၤလီၤဃံၤအဝဲသ့ၣ်လီၤ. ဒီးကယဲၢ်ပှၤလၢအစူၢ်က့ၤနာ်က့ၤအီၤတဂၤလၢ်လၢ်န့ၣ် အမဲာ်တဆှးဘၣ်ဝဲဘၣ်” (ၡါ ၈:၁၄; ၂၈:၁၆).

1 ကရံၣ်သူး 15:31

ယဒီပုၢ်ဝဲၢ်သ့ၣ်ဧၢ, ယဘၣ်ကွၢ်ဆၢၣ်မဲာ်ဒီးတၢ်သံကိးနံၤဒဲးလီၤ. ယတၢ်ပာ်ကဖၢလၢယသးလၢသုပူၤ, လၢပတၢ်အိၣ်မူပာ်ဖှိၣ်ဃုာ် ပသးဒီးယ့ၣ်ၡူးခရံာ်န့ၣ်, ထိၣ်ဂဲၤယၤဒ်သိးယကပာ်ဖျါထီၣ် တၢ်တမံၤအံၤန့ၣ်လီၤ.

1 ကရံၣ်သူး 6:20

အဝဲဒၣ်ပှ့ၤသု, ဒီးဘၣ်ဟ့ၣ်ဝဲအပှ့ၤအကလံၤလီၤ. လၢတၢ်န့ၣ်အဃိဒိးသူသုနီၢ်ခိတဖၣ်လၢယွၤအလၤကပီၤ အဂီၢ်န့ၣ်တက့ၢ်.

1 ကရံၣ်သူး 7:34

လၢတၢ်န့ၣ်အဃိအဝဲအသးဘၣ်တၢ်ထုးန့ၢ်အီၤခံကပၤလီၤ. ပိာ်မုၣ်လၢအဝၤတအိၣ်, မ့တမ့ၢ်အမုၣ်ကနီၤတဂၤန့ၣ်အသးစၢၢ်ဆၢလၢကစၢ်အတၢ်ဖံးတၢ်မၤ, အဂ့ၢ်မ့ၢ်လၢအဝဲဒၣ်သးအိၣ်ပာ်စီဆှံအသးလၢနီၢ်ခိဒီးနီၢ်သး ခံမံၤခံကပၤလၢာ်လီၤ. မ့မ့ၢ်ပိာ်မုၣ်လၢအဝၤအိၣ်တဂၤန့ၣ်အသးစၢၢ်ဆၢလၢဟီၣ်ခိၣ် အတၢ်ဂ့ၢ်တၢ်ကျိၤတဖၣ်, အဂ့ၢ်မ့ၢ်လၢအဝဲဒၣ်အသးအိၣ်မၤမုာ်အဝၤအသးအဃိန့ၣ်လီၤ.

၂ ကရံၣ်သူး 10:8

အဂ့ၢ်ဒ်အံၤ, ယမ့ၢ်ကတိၤပာ်ကဖၢလၢယသးအါကဲၣ်ဆိးတစဲး ဘၣ်ဃးဒီးတၢ်စိတၢ်ကမီၤလၢကစၢ်ဟ့ၣ်လံယၤ (တၢ်စိတၢ်ကမီၤလၢတၢ်ကမၤထီၣ်မၤထီသုအဂီၢ်ဒီးတမ့ၢ်တၢ် ကမၤဟးဂီၤသုအဂီၢ်ဘၣ်) ဒၣ်လဲာ်န့ၣ်, ယတမဲာ်ဆှးယဲဒၣ်ဘၣ်.

၂ ကရံၣ်သူး 3:12

မ့ၢ်လၢပအိၣ်ဒီးတၢ်မုၢ်လၢ်တမံၤအံၤအဃိ, ပသူၣ်ဒူသးဒူပဝဲ ဒိၣ်မးလီၤ.

၂ ကရံၣ်သူး 4:10

ကိးဆၢကတီၢ်ဒဲးန့ၣ်, ပစိာ်ယ့ၣ်ၡူးအတၢ်သံလၢပနီၢ်ခိလၢ အသံသ့ဝဲတဖၣ်အပူၤ, ဒ်သိးအဝဲဒၣ်အတၢ်အိၣ်မူစ့ၢ်ကီးကဘၣ်တၢ်ထံၣ်န့ၢ်အီၤလၢ ပနီၢ်ခိတဖၣ်အပူၤအဂီၢ်န့ၣ်လီၤ.

၂ ကရံၣ်သူး 5:15

အဝဲဒၣ်သံလၢပှၤကိးဂၤဒဲးအဂီၢ်, ဒ်သိးပှၤလၢအမူတဖၣ် သုတအိၣ်မူလၢၤလၢအနီၢ်ကစၢ်ဒၣ်ဝဲအဂီၢ်တဂ့ၤ. မ့မ့ၢ်ကအိၣ်မူ ဒၣ်ထဲလၢ လၢပှၤလၢအသံတ့ၢ်ဒီးဘၣ်တၢ်ဒုးဂဲၤဆၢထၢၣ်သမူ ထီၣ်က့ၤအီၤလၢအဝဲသ့ၣ်အဃိတဂၤအဂီၢ်ဧိၤန့ၣ်လီၤ.

၂ ကရံၣ်သူး 7:14

ယကတိၤပာ်ကဖၢလၢစဲဃဲၤယသးလၢသုဂ့ၢ်လၢအဝဲဒၣ် အမဲာ်ညါ, ဒီးသုတမၤဟးဂီၤတ့ၢ်ယသးဘၣ်. ထီဘိန့ၣ်ပစံးဘၣ်တဲဘၣ်သုလၢတၢ်မ့ၢ်တၢ်တီဒီးလၢကျဲ တဘိဃီန့ၣ်, ပတၢ်ကတိၤပာ်ကဖၢလၢပသးလၢစီၤတံတူး အမဲာ်ညါအံၤမ့ၢ်ဝဲတီဝဲလံ.

၂ ကရံၣ်သူး 7:4

ယနာ်န့ၢ်သုအဒိၣ်အမုၢ်လီၤ. ယပာ်ကဖၢလၢမးယသးလၢ သုဃိလီၤ. လၢပတၢ်ကီတၢ်ခဲတၢ်နးတၢ်ဖှီၣ်ခဲလၢာ်အပူၤ န့ၣ်, ယလၢပှဲၤဒံးယဲဒီးတၢ်သးဒူလီၤ. ယပှဲၤလုာ်ကွံာ်ယဲဒီး တၢ်သးဖှံလီၤ.

ဖံလံးပံၤ 1:14

ဒီးယတၢ်ဘၣ်အိၣ်လၢဃိာ်ပူၤအံၤဟ့ၣ်အါထီၣ်ယဒီပုၢ်ဝဲၢ် တဖၣ်အတၢ်နာ်လၢကစၢ်အပူၤသတးဒီး, အဝဲသ့ၣ်အသးဒူဒိၣ်ထီၣ်ကိးဆၢကိးကတီၢ်ဒဲးလၢအကစံၣ် တဲၤတဲလီၤယွၤအတၢ်ကစီၣ်လၢတၢ်သးဒူအပူၤန့ၣ်လီၤ.

ဖံလံးပံၤ 2:17

ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.

၁ ပ့းတရူး 4:16

သနာ်က့, သုမ့ၢ်တူၢ်ဘၣ်တၢ်လၢသုမ့ၢ်ပှၤခရံာ်ဖိတဂၤအဃိ ဒီး, တဘၣ်မဲာ်ဆှးတဂ့ၤ. မ့မ့ၢ်စံးဘျုးကစၢ်ယွၤလၢသုစိာ်ခရံာ်အမံၤအဃိန့ၣ်တက့ၢ်.

၁ ယိၤဟၣ် 2:28

ဒီးခဲအံၤယဖိယလံၤသ့ၣ်ဧၢ, အိၣ်ဆိးလၢခရံာ်အပူၤဒ်သိး ပကလၢပှဲၤဒီးတၢ်သူၣ်ဒူသးဒူဖဲအဝဲအိၣ်ဖျါထီၣ်ဒီးဖဲအဟဲဝဲ အမုၢ်တနံၤန့ၣ်, ပသုတအိၣ်ခူသူၣ်ဘၣ်လၢတၢ်မဲာ်ဆှးအပူၤ တဂ့ၤန့ၣ်တက့ၢ်.