လံာ်တၢ်ဂံၢ် 2:18 - Sgaw Karen Common Bible

^18-24 လၢမုၢ်နုာ်တခီန့ၣ်, ပှၤလၢအအိၣ်လၢအ့ဖရဲၣ်ကရူၢ်အနီၣ်တယၢ်အဖီ လာ်န့ၣ်ကပာ်လီၤအသူၣ်ဒဲလီၢ်လၢအကရူၢ်တဖၣ်ဒၣ်ဝဲ အပူၤလၢအကရူၢ်ခိၣ်နၢ်အဖီလာ်ဒ်လၢလာ်အံၤအသိးန့ၣ်လီၤ. အ့ဖရဲၣ်အကရူၢ်အပှၤအခိၣ်မ့ၢ် စီၤဧးမံၤဟူးအဖိခွါစီၤအလံၡမၤ, ဒီးအပှၤ လွံၢ်ကလးယဲၢ်ကယၤဂၤ. မနၤၡ့ၤအကရူၢ်အပှၤအခိၣ်မ့ၢ်စီၤပၤဒၤစူၢ်အဖိခွါစီၤကမၤလ့လး, ဒီးအပှၤ သၢကလးခံကထိခံကယၤဂၤ. ဘံၣ်ယၤမံၣ် အကရူၢ်အပှၤအခိၣ်မ့ၢ် စီၤကံးဒဧိနံၤအဖိခွါစီၤ အဘံဒၣ်, ဒီးအပှၤ သၢကလးယဲၢ်ကထိလွံၢ်ကယၤဂၤ. ပှၤအနီၣ်ဂံၢ် ပာ်ဖှိၣ်ခဲလၢာ်မ့ၢ်ဝဲ, တကလီၢ်ဃိးကထိတကယၤ ဂၤန့ၣ်လီၤ. အ့ဖရဲၣ်အကရူၢ်ကလဲၤထီၣ်ဝဲသၢဖုတဖုလီၤ.

လံာ်တၢ်ဂံၢ် 2:18 Cross References

လံာ်တၢ်ကဲထီၣ်အခီၣ်ထံး 48:5

စီၤယၤကိာ်စံးကဒီးဝဲ, “စီၤယိၤသးဧၢ, နဖိခွါခံဂၤလၢအအိၣ်ဖျဲၣ်ထီၣ်လၢနဂီၢ်လၢကီၢ်အဲၤကူပတူးအ ပူၤ, တချုးယဟဲဒံးဘၣ်ဖဲအံၤန့ၣ်ဘၣ်ဃးဒီးယၤလီၤ. စီၤအ့ဖရဲၣ်ဒီးစီၤမနၤၡ့ၤတဖၣ်န့ၣ်, မ့ၢ်စ့ၢ်ကီးယဖိခွါတဖၣ် ဒ်စီၤရူၤဘ့ၣ်ဒီးစီၤစူၤမ့းအိၣ်အသိးန့ၣ်လီၤ.

လံာ်ယံးရမံယၤ 31:9

ယပှၤဂီၢ်မုၢ် ကဟဲက့ၤကဒါက့ၤလၢ တၢ်ဟီၣ်တၢ်ယၢၤအပူၤ, ဒီးဘါထုကဖၣ်တၢ်ဖဲ ယဆှၢကဒါက့ၤ အဝဲသ့ၣ်အခါန့ၣ်လီၤ. ယကဆှၢအဝဲသ့ၣ်ဆူ ထံဖိကျိတဖၣ်, ဒီးကျဲလၢအလိၤအဘျၢအပူၤ, ဖဲအဝဲသ့ၣ်အခီၣ် တဘၣ်တိၢ်ဘၣ်န့ၣ်လီၤ. ယလီၤဂာ်ဒီး ပၢ်တဂၤလၢ ကီၢ်အံၣ်စရ့လးအဂီၢ်, ဒီးအ့ဖရဲၣ်မ့ၢ် ယဖိခွါဝဲၢ်ကိန့ၣ်လီၤ.”

လံာ်တၢ်ဂံၢ် 10:22

မၤကဒီး, ပှၤတဖၣ်လၢအအိၣ်လၢစီၤအ့ဖရဲၣ်အဒူၣ်အကရူၢ်အနီၣ်တယၢ် အဖီလာ်န့ၣ်ကစးထီၣ်လဲၤတၢ်တဖုဘၣ်တဖုဃုာ်ဒီးစီၤဧးမံဟူး အဖိခွါစီၤအလံၡမၤဒ်ပှၤပၢဆှၢအဝဲသ့ၣ်အသိးန့ၣ်လီၤ.

လံာ်သိၣ်လီၤသီလီၤတၢ် 33:17

စီၤယိၤသးအိၣ်ဒီးဂီၤဖံးဖါတဒုအတၢ်ဂံၢ်တၢ်ဘါ, ဂီၤဖံးဖါလၢအရၢၢ်အစၢၢ်တစုအနၢၤတဖၣ်လီၤ. အဝဲအနၢၤတဖၣ်န့ၣ်မ့ၢ်ဒ်မနၤၡ့ၣ်အကထိတဖၣ် ဒီးအ့ဖရဲၣ်အကလးတဖၣ်အသိးန့ၣ်လီၤ. အဝဲဘျၢၣ်ပှၤကလုာ်တဖၣ်လၢနၢၤတဖၣ်န့ၣ်, ဒီးဆီၣ်လီၤကွံာ်အဝဲသ့ၣ်တုၤလၢဟီၣ်ခိၣ်အကတၢၢ်တဖၣ်န့ၣ်လီၤ.”