လံာ်ယံးရမံယၤ 5:12 - Sgaw Karen Common Bible

¹² ယွၤအပှၤဂီၢ်မုၢ်သမၢကွံာ်အီၤဒီးစံးဝဲ, “ပတအဲၣ်ဒိးမၤဘၣ် ဃးပသးဒီးအီၤလၢတၢ်နီတမံၤဘၣ်. တမ့ၢ်ပကအိၣ်ဒီးတၢ်ကီတၢ်ခဲအဆၢကတီၢ်ဘၣ်. တမ့ၢ်ပက အိၣ်ဒီးတၢ်ဒုးတၢ်ယၤဒီးတၢ်သၣ်ဝံၤလီၤဒိအကတီၢ်န့ၣ်ဘၣ်.”

လံာ်ယံးရမံယၤ 5:12 Cross References

လံာ်ကွဲးနီၣ်တၢ်ခံဘ့ၣ်တဘ့ၣ် 36:16

ဘၣ်ဆၣ်အဝဲသ့ၣ်မၤကလိာ်ကလာ်ကစၢ်ယွၤအပှၤစိာ်တၢ်ကစီၣ်တဖၣ်, တပာ်လ့ၣ်ပာ်ကါအဝဲသ့ၣ်အတၢ်ကတိၤတဖၣ်ဒီးနံၤဘၣ်ကစၢ်ယွၤအဝံတ ဖၣ်, တုၤလၢလၢခံကတၢၢ်ယွၤအတၢ်သးထီၣ်ထီဒါအပှၤဂီၢ်မုၢ်န့ၣ်ဒိၣ် ဝဲတုၤဒၣ်လဲာ်တၢ်ထူၣ်ဖျဲးတအိၣ်ဝဲလၢၤဘၣ်.

စံးထီၣ်ပတြၢၤ 10:6

အဝဲသ့ၣ်စံးဝဲလၢအသးကံၢ်ပူၤ, “ယတဟူးတဝးဘၣ်. အစိၤစိၤအဃၣ်ဃၣ်န့ၣ် ယတဘၣ်ဘၣ်တၢ်ကီတၢ်ခဲဘၣ်.”

စံးထီၣ်ပတြၢၤ 14:1

ပှၤဟးဂီၤဖိစံးလၢအသးကံၢ်ပူၤ, “ကစၢ်ယွၤတအိၣ်ဘၣ်.” အဝဲသ့ၣ်ခဲလၢာ်ဟးဂီၤဝဲ ဒီးမၤတၢ်လၢအလီၤသးဘၣ်အၢလီၤ. ပှၤလၢအမၤတၢ်အဂ့ၤအဘၣ်တအိၣ်နီတဂၤဘၣ်.

တၢ်ကတိၤဒိ. 30:9

ယတၢ်အီၣ်မ့ၢ်အါကဲၣ်ဆိးဒီး, ယကစံးဘၣ်ဖုးလၢယတလိၣ်ဘၣ်နၤ န့ၣ်လီၤ. ဘၣ်ဆၣ်ယမ့ၢ်ဖှီၣ်ဒီး, ယကဟုၣ်ဘၣ်ဖုးတၢ်ဒီးဒုးလီၤဘၣ် တၢ်မဲာ်ဆှးလၢယကစၢ်ယွၤန့ၣ်လီၤ.

လံာ်ယံးရမံယၤ 14:22

ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်ယံးရမံယၤ 2:6

ယမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးဒီးဆှၢတ့ၢ်အဝဲသ့ၣ် ခီဖျိပှၢ်မုၢ်ကနၢ, တၢ်လီၢ်တတီၤလၢအမ့ၢ်မဲးမုၢ်ခိၣ်တဖၣ်ဒီး မဲးအကလိာ်တဖၣ်, တၢ်လီၢ်တတီၤလၢအဃ့ထီဒီးလီၤပျံၤလီၤဖုး ဖဲပှၤတအိၣ်နီတဂၤဘၣ်ဒီးပှၤတလဲၤတၢ်လၢအပူၤ နီတဂၤဘၣ်ဒၣ်လဲာ်န့ၣ်, အဝဲသ့ၣ်တပာ်လ့ၢ်ပာ်ကဲယၤဘၣ်.

လံာ်ယံးရမံယၤ 28:4

စီၤယဟိၤယါကံၣ် အဖိခွါ ကီၢ်ယူဒၤအစီၤပၤစီၤယဟိၤယါခံၣ်, ဃုာ်ဒီးကီၢ်ယူဒၤအပှၤဂီၢ်မုၢ်ခဲလၢာ်လၢ အဘၣ်တၢ်စိာ်မၢကဲကုၢ်အီၤဆူ ကီၢ်ဘၤဘူၤလိၣ်အပူၤန့ၣ် ယကဟဲက့ၤစိာ်ကဒါက့ၤစ့ၢ် ကီးအီၤန့ၣ်လီၤ. သပှၢ်ကတၢၢ်, ယကမၤဟးဂီၤကွံာ်ကီၢ်ဘၤဘူၤလိၣ် အစီၤပၤအစိကမီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 4:10

အန့ၣ်ဒီးယစံး, “ယွၤပၢဘၣ်တၢ်ခဲလၢာ်ကစၢ်ဧၢ, ဝ့ၢ်ယရူၤၡလ့ၣ် အပှၤဂီၢ်မုၢ်တဖၣ်နလီန့ၢ်အီၤလၢာ်လၢာ်ဆ့ဆ့လီၤ. နစံးတ့ၢ်လၢ တၢ်ဃူတၢ်ဖိးကအိၣ်ဝဲလီၤ. ဘၣ်ဆၣ်ဒီးနးတဘ့ၣ်အိၣ်ဘူးဒီး အဝဲသ့ၣ်အကိာ်ယူၢ်တဖၣ်န့ၣ်လီၤ.”

လံာ်ယံးရမံယၤ 43:1

ယတဲဘၣ် ပှၤဂီၢ်မုၢ်တၢ်ကိးမံၤဒဲးလၢယွၤအဝဲသ့ၣ် အကစၢ်ယွၤ မၢလီၤယၤလၢယကတဲဘၣ်အဝဲသ့ၣ်န့ၣ်ဝံၤလံ.

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်ယံးရမံယၤ 6:14

အဝဲသ့ၣ်ပာ်ဒၣ်ယပှၤဂီၢ်မုၢ်အပူၤလီၢ်ပူၤကျဲတဖၣ်ဒ်တၢ်ဘၣ်ကွး တဆံးတက့ၢ်အသိးန့ၣ်လီၤ. တၢ်ခဲလၢာ်န့ၣ်ဂ့ၤဝဲလီၤ,’ အဝဲသ့ၣ်စံးဝဲ, ဖဲနီၢ်နီၢ်တခီ, တၢ်ခဲလၢာ်န့ၣ်တဂ့ၤဝဲဘၣ်န့ၣ်လီၤ.

လံာ်ယဃ့းစက့လး 13:6

အဝဲသ့ၣ်အတၢ်ထံၣ်လၢညါခီသ့ၣ်တဖၣ်န့ၣ်မ့ၢ်တၢ်လၢအတ တီဘၣ်ဒီးအတၢ်တဲဆိပာ်တၢ်တဖၣ်န့ၣ်မ့ၢ်တၢ်လီတၢ်ဝ့ၤတဖၣ်လီၤ. အဝဲသ့ၣ်စံးဝဲလၢအကတိၤယတၢ်ကစီၣ်, ဘၣ်ဆၣ်ယတမၢလီၤအဝဲသ့ၣ်ဘၣ်. အန့ၣ်ဒၣ်လဲာ်, အဝဲသ့ၣ်မုၢ်လၢ်ဝဲလၢအတၢ်ကတိၤတဖၣ်ကလၢထီၣ်ပှဲၤ ထီၣ်ဝဲန့ၣ်လီၤ.

လံာ်မံကၤ 2:11

ပှၤဂီၢ်မုၢ်တဖၣ်အံၤအဲၣ်ဒိးဝဲဒၣ်ဝံတကလုာ်လၢအလဲၤဝ့ၤဝီၤတၢ်, အိၣ်ပှဲၤဒီးတၢ်လီတၢ်ဝ့ၤဒီးတၢ်ကဘျံးကဘျၣ်ဒီးစံး, “ယကတိၤဝံအကျိာ်ဒ်သိးစပံးထံဒီးသံးကယွၤလီၤလၢသုဂီၢ် လီၤ”.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်သိၣ်လီၤသီလီၤတၢ် 29:19

မၤလီၤတံၢ်လၢ, ဖဲအံၤ, တနံၤအံၤပှၤလၢအနၢ်ဟူတၢ်မၤလိာ်သမှံၤ သပှၢ်တဖၣ်ဒီးနာ်န့ၢ်လီၤဒံးအသးတုၤကစံးဝဲလၢမ့ၢ်လဲၤတၢ်လၢ အကျဲဒၣ်ဝဲအိၣ်ဒီးတၢ်ခိၣ်ကိၤဒၣ်လဲာ်န့ၣ်, တၢ်ကိးမံၤဒဲးကဘၣ်လီၢ်ဘၣ်စးဒီးအီၤလီၤန့ၣ်, တအိၣ်နီတဂၤဘၣ်တက့ၢ်. တၢ်န့ၣ်ကမၤဟးဂီၤကယဲၢ်သုဝဲခဲလၢာ်, ပှၤအဂ့ၤမ့ၢ်ဂ့ၤ, ပှၤအအၢမ့ၢ်ဂ့ၤဒ်သိးသိးန့ၣ်လီၤ.

၁ ယိၤဟၣ် 5:10

လၢတၢ်န့ၣ်အဃိ, ပှၤလၢအစူၢ်က့ၤနာ်က့ၤကစၢ်ယွၤအဖိခွါ န့ၣ်အိၣ်ဒီးတၢ်အုၣ်အသးအံၤလၢအသးကံၢ်ပူၤ, ဘၣ်ဆၣ်ဒီးပှၤလၢအတစူၢ်တနာ်ကစၢ်ယွၤန့ၣ်ဒုးကဲထီၣ် ယွၤလၢပှၤလီတၢ်, မ့ၢ်လၢအဝဲတနာ်ယွၤအတၢ်အုၣ်အသးဘၣ်ဃးဒီးအဖိခွါ အဂ့ၢ်အကျိၤဘၣ်အဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:9

တုၤနုၤတစုကွၢ်ထွဲအတၢ်လဲၤတက့ၢ်. ဒီးမ့ၢ်လဲၤတၢ်လိၤလိၤဆူ ဝ့ၢ်ဘ့ၤသၡ့မ့ၣ်န့ၣ်, တၢ်အံၤအခီပညီမ့ၢ်ဝဲကီၢ်အံၣ်စရ့လးအကစၢ်ယွၤဆှၢလီၤတၢ်နးတၢ်ဖှီၣ်အၢအၢသီသီလၢပဖီခိၣ်လီၤ. ဘၣ်ဆၣ်ဒီးမ့တမ့ၢ်ဒ်န့ၣ်ဘၣ်န့ၣ်, ပကသ့ၣ်ညါလၢအဝဲတဆှၢလီၤတၢ်သံသတြိာ်ဘၣ်. မ့ၢ်ဒၣ်တၢ်ဘၣ်ဆၢၣ်ဘၣ်တီၤတမံၤန့ၣ်လီၤ.”