လံာ်ယံးရမံယၤ 48:18 - Sgaw Karen Common Bible

¹⁸ သုဝဲလၢအအိၣ်ဝဲဆိးဝဲလၢ ဝ့ၢ်ဒံၤဘိၣ်သ့ၣ်ဧၢ, ဟဲလီၤလၢသုတၢ်လၤကပီၤအလီၢ်ဒီး ဆ့ၣ်နီၤလၢဟီၣ်ခိၣ်လိၤ ဖၣ်ကမူၣ်အကျါတက့ၢ်. အဂ့ၢ်ဒ်အံၤ, ပှၤမၤဟးဂီၤကီၢ်မိၤအး ဟဲတုၤလံ ဒီးမၤဟးဂီၤကွံာ်အတိာ်ဧိၤတာ်ဧိၤခဲလၢာ်လံ.

လံာ်ယံးရမံယၤ 48:18 Cross References

လံာ်တၢ်ကဲထီၣ်အခီၣ်ထံး 21:16

ဒီးလဲၤဆ့ၣ်နီၤယံၤဒီးအီၤအပျၢ်ခံကယၤဘျဲၣ်လီၤ. ဒီးစံးလီၤက့ၤအသး, “ယကထံၣ်ယဖိသံန့ၣ်ယတူၢ်တပှဲၤဘၣ်.” ဒီးဖဲအဆ့ၣ်နီၤဝဲဖဲန့ၣ်အခါအမဲာ်ထံလီၤဝဲဒၣ်န့ၣ်လီၤ.

လံာ်တၢ်ဟးထီၣ်ကွံာ် 17:3

ဘၣ်ဆၣ်ဒီးပှၤဂီၢ်မုၢ်အသးသူထံနးနးကလဲာ်အဃိကဒူးကဒ့ၣ်တၢ် အါထီၣ်လၢစီၤမိၤၡ့အလိၤလီၤ. အဝဲသ့ၣ်စံးဝဲ, “ဘၣ်မနုၤလၢနထုးထီၣ်ပှၤလၢကီၢ်အဲၤကူပတူး အပူၤန့ၣ်လဲၣ်. မ့ၢ်ဒ်သိးနကမၤသံပှၤဒီးပဖိပလံၤဒီးပဆၣ်ဖိကီၢ်ဖိတဖၣ် လၢတၢ်သူအသးလၢထံအဂီၢ်န့ၣ်ဧါ.”

လံာ်ယၡါယၤ 15:2

ပှၤဒံးဘိၣ်ဖိတဖၣ်လဲၤထီၣ်ကစၢၢ်လၢကဟီၣ်ဝဲယၢၤဝဲဖဲတၢ်ဘူၣ် တၢ်ဘါအလီၢ်အိၣ်ဝဲန့ၣ်လီၤ. ပှၤမိၤအးဖိတဖၣ်ဟီၣ်ဝဲယၢၤဝဲလၢ တၢ်သူၣ်အုးသးအုးအပူၤလၢဝ့ၢ်နဘိဒီးဝ့ၢ်မ့ဒဘၤတဖၣ်အဃိလီၤ. အဝဲသ့ၣ်လူၤကွံာ်အခိၣ်တဖၣ်ဒီးအခၣ်ဆူၣ်တဖၣ်လၢတၢ်သူၣ်အုး သးအုးအပူၤလီၤ.

လံာ်ယၡါယၤ 47:1

ယွၤစံးဝဲ, “ဝ့ၢ်ဘၤဘူၤလိၣ်ဧၢ, ဟဲလီၤလၢနလီၢ်ပစိာ် ဒီးဆ့ၣ်နီၤလၢဖၣ်ကမူၣ်အကျါလၢဟီၣ်ခိၣ်လိၤ န့ၣ်တက့ၢ်. တဘျီနမ့ၢ်တ့ၢ်နဲဒ်ပှၤမုၣ်ကနီၤဖိတဂၤအသိး, ဝ့ၢ်တဝ့ၢ်လၢတဘၣ်တၢ်မၤန့ၢ်မၤနၢၤအီၤဘၣ်. ဘၣ်ဆၣ်ဒီးခဲအံၤန့ၣ်နတစၢ်တဒွဲဒီးကပုာ်လုးဒ်လၢညါ အသိးလၢၤဘၣ်. ခဲအံၤနမ့ၢ်နဲကုၢ်တဂၤလီၤ.

လံာ်ယၡါယၤ 5:13

သတးဒီးသုကဘၣ်တၢ်စိာ်ကွံာ်သုဒ်ပှၤဃိာ်ဖိတဖၣ်အသိးလီၤ. သုခိၣ်သုနၢ်တဖၣ်ကသၣ်ဝံၤလီၤဒိသံဝဲလီၤ. ဒီးပှၤမုၢ်ဆ့ၣ်မုၢ်ဂီၤတဖၣ်ကသံလၢတၢ်သူအသးလၢထံအဃိလီၤ.

လံာ်ယံးရမံယၤ 48:22

ဒံၤဘိၣ်, နဘိ, ဘ့ၤသဒံးဘလၤသံၣ်,

လံာ်ယဃ့းစက့လး 19:13

ခဲအံၤဘၣ်တၢ်သူၣ်လီၤက့ၤအီၤလၢမဲးမုၢ်ခိၣ်အပူၤလၢကီၢ်လၢ အဃ့ထီဒီးထံတအိၣ်ဘၣ်န့ၣ်လီၤ.

လံာ်တၢ်ဂံၢ် 21:30

မ့မ့ၢ်ခဲအံၤအဝဲသ့ၣ်အစၢၤအသွဲၣ်တဖၣ်ဘၣ် တၢ်မၤဟးဂီၤကွံာ်အီၤ, လၢကျဲဒီဘိစးထီၣ်လၢဃ့ၡဘိၣ်တုၤဆူဒံၤဘိၣ်, စးထီၣ်လၢနၤၡၢ်တုၤလၢနိဖးဘူးဒီးမ့ဒဘၤလံ.”

လံာ်တၢ်ဂံၢ် 32:3

“ဝ့ၢ်တဖၣ်လၢအမ့ၢ်, ဧးတၤရိး, ဒံၤဘိၣ်, ယၤစ့ၢ်, နံးမရၤ, ဃ့ၡဘိၣ်, အ့လဧၤလ့ၤ, စဘၣ်, နဘိ, ဒီးဘဧိၣ်,

လံာ်စီၤယိၤၡူ 13:17

ပၣ်ဃုာ်ဒီးဝ့ၢ်ဃ့ၡဘိၣ်ဒီးတၢ်ပၢၤခိၣ်ထီၣ်ထီလၢအမ့ၢ်ဝဲဒံၤဘိၣ်, ဘၤမိးဘဧၤလး, ဘ့ၤသဘဧၤလးမဧိၣ်,

လံာ်စီၤယိၤၡူ 13:9

အဝဲသ့ၣ်အကီၢ်လဲၤတုၤလၢဝ့ၢ်ဧရိၤဧ့ၢ် (လၢအၢ်နိၣ်တၢ်ပၢၤခိၣ် အထိးနါ) ဒီးဝ့ၢ်လၢအအိၣ်လၢတၢ်ပၢၤခိၣ်န့ၣ်အခၢၣ်သးပၣ်ဃုာ်ဒီး မ့ဒဘၤအတၢ်ပၢၤခိၣ်ထီၣ်ထီတုၤလၢဒံဘိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 15:18

တုၤနုၤတစု, စီၤၡံၣ်ၡိၣ်အသးသူထံနးမးအဃိအဝဲကိးထီၣ်ယွၤ ဒီးစံး, “နဟ့ၣ်ယၤလၢတၢ်မၤနၢၤဖးဒိၣ်အံၤ, ဒီးခဲအံၤမ့ၢ်ယကဘၣ်သံ လၢယသးသူထံအဃိဒီးဘၣ်တၢ်ဖီၣ်န့ၢ်ယၤလၢပှၤဖလ့ၡသးဖိ လၢတစူၢ်တနာ်ယွၤတဖၣ်န့ၣ်ဧါ.”