လံာ်ယံးရမံယၤ 1:13 - Sgaw Karen Common Bible

¹³ အန့ၣ်ဒီး, ယွၤကတိၤကဒီးတၢ်ဒီးယၤ, ဒီးသံကွၢ်ဝဲ, “နထံၣ်တၢ်အဂၤမနုၤဒံးလဲၣ်.” ယစံးဆၢအီၤ, “ယထံၣ်သပၢၤတဖျၢၣ်ကလာ်ထီၣ်လၢကလံၤစိးတခီ, ဒီးမၤအသးဒ်ကတကျၢၢ်လီၤအသးဆူအံၤတကပၤအသိးန့ၣ်လီၤ.”

လံာ်ယံးရမံယၤ 1:13 Cross References

လံာ်တၢ်ကဲထီၣ်အခီၣ်ထံး 41:32

နတၢ်မံမီၢ်ဝံၤမံမီၢ်က့ၤခံဘျီအံၤအခီပညီမ့ၢ်ဝဲ, တၢ်ဂ့ၢ်အံၤဘၣ်တၢ်ပာ်ဂၢၢ်ပာ်ကျၢၤအီၤလၢကစၢ်ယွၤ, ဒီးတယံာ်ဘၣ်န့ၣ်အဝဲကဒုးကဲထီၣ်လိၣ်ထီၣ်အီၤန့ၣ်လီၤ.

လံာ်ယၡါယၤ 55:11

ယကလုၢ်ကထါလၢယကတိၤအီၤအံၤကမ့ၢ်တၢ်ဒ်န့ၣ် အသိးစ့ၢ်ကီးလီၤ. တလီၤတူာ်လီၤကာ်လၢကမၤ တၢ်ဒ်ယကူၣ်ကျဲၤပာ်အီၤအဂီၢ်န့ၣ်ဘၣ်. ဒီးကမၤတၢ်တမံၤလၢ်လၢ်လၢယမၢအမၤအီၤန့ၣ်လီၤ.

လံာ်ယံးရမံယၤ 24:3

အန့ၣ်ဒီးယွၤစံးဘၣ်ယၤ, “စီၤယံးရမံယၤဧၢ, နထံၣ်တၢ်မနုၤလဲၣ်.” ယစံးဆၢယဲ, “ချၢၣ်ဒၢသၣ်တဖၣ်လီၤ. အသၣ်အဂ့ၤတဖၣ်ဂ့ၤဒိၣ်မး ဒီးအသၣ်လၢအတဂ့ၤတဖၣ်တဂ့ၤဝဲတုၤဒၣ်လဲာ်နအီၣ်အီၤ တသ့ဘၣ်န့ၣ်လီၤ.”

လံာ်ယဃ့းစက့လး 11:3

အဝဲသ့ၣ်စံးလၢ, တယံာ်လၢၤဘၣ်န့ၣ်ပကသူၣ်ထီၣ်ဘှီထီၣ်ကဒီးဟံၣ် တဖၣ်လီၤ. ဝ့ၢ်အံၤလီၤဂာ်ဒီးတၢ်ဖီအီၣ်တ့ၤအီၣ်သပၢၤတဖျၢၣ်, ဒီးပလီၤဂာ်ဒီးတၢ်ညၣ်အိၣ်လၢအပူၤ, ဘၣ်ဆၣ်ဒီးအစှၤကတၢၢ်န့ၣ် ပဘၣ်တၢ်ဒီဒၣ်ပှၤလၢမ့ၣ်အူကစီဒီန့ၣ်လီၤ.

လံာ်ယဃ့းစက့လး 11:7

လၢတၢ်န့ၣ်အဃိဒီး, အအံၤမ့ၢ်တၢ်လၢယၤ, ယွၤပၢတၢ်ခဲလၢာ်ကစၢ်, စံးဘၣ်သုန့ၣ်လီၤ. ဝ့ၢ်အံၤမ့ၢ်တၢ်တ့ၤအီၣ်ဖီအီၣ်အသပၢၤတဖျၢၣ်ကစီဒီ, ဘၣ်ဆၣ်တၢ်ညၣ်မ့ၢ်တၢ်မနုၤလဲၣ်. မ့ၢ်တၢ်အစိၣ်တဖၣ်လၢသုမၤသံ တ့ၢ်န့ၣ်လီၤ. သုတအိၣ်ဘၣ်ဖဲအံၤလၢၤဘၣ်. ယကကွံာ်ထီၣ်သုလၢဝ့ၢ်အံၤအချၢလီၤ.

လံာ်ယဃ့းစက့လး 12:28

အဃိဒီးတဲဘၣ်အဝဲသ့ၣ်လၢ, ယၤ, ယွၤပၢဘၣ်တၢ်ခဲလၢာ်စံးဝဲ, တၢ်မၤယံာ်မၤနီၢ်တအိၣ်လၢၤဘၣ်. တၢ်လၢယစံးတ့ၢ်န့ၣ်ကဘၣ်တၢ်မၤအီၤလီၤ.” ယၤ, ယွၤပၢဘၣ်တၢ်ခဲလၢာ်ကစၢ်, ကတိၤလံတၢ်လံ.”

လံာ်ဧၤမိၣ် 8:2

ယွၤသံကွၢ်ယၤ, စီၤဧၤမိၣ်ဧၢ, နထံၣ်တၢ်မနုၤလဲၣ်. ဒီးယစံးဆၢ တၤသၣ်မံတနာ်” လီၤ. ဒီးယွၤစံးဝဲဒၣ်, တၢ်အကတၢၢ်တုၤဃီၤလံလၢယပှၤဂီၢ်မုၢ်အံၣ်စရ့လးအဂီၢ်န့ၣ်လံ. ယတပျဲပူၤလၢၤဘၣ်အီၤဘၣ်.

လံာ်စကၤရယၤ 4:2

အဝဲသံကွၢ်ယၤ, “နထံၣ်တၢ်မနုၤလဲၣ်.” ယစံးဆၢအီၤ, “မ့ၣ်အူဒၢအလီၢ်လၢအဘၣ်တၢ်မၤအီၤလၢထူဒီးသလၢလၢသိအဂီၢ် တဖျၢၣ်အိၣ်လၢအဖီခိၣ်လီၤ. လၢမ့ၣ်အူဒၢအလီၢ်အလိၤန့ၣ်မ့ၣ်အူဒၢဖိအိၣ်ဝဲဒၣ်နွံဖျၢၣ်, တဖျၢၣ်စုာ်စုာ်အိၣ်ဒီးမ့ၣ်အူဒၢအပှံာ်နွံဘိန့ၣ်လီၤ.