လံာ်ယၡါယၤ 1:2 - Sgaw Karen Common Bible

² ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.

လံာ်ယၡါယၤ 1:2 Cross References

လံာ်စီၤပၤခံဘ့ၣ်တဘ့ၣ် 21:22

အဝဲညိကွံာ်ယွၤ, အဝဲအမိၢ်ပၢ်ဖံဖုလၢပျၢၤတဖၣ်အကစၢ်ယွၤ, ဒီးတစူၢ်ဘၣ်ယွၤအတၢ်မၤလိာ်တဖၣ်န့ၣ်ဘၣ်.

စံးထီၣ်ပတြၢၤ 49:1

ကနၣ်တၢ်အံၤ, ပှၤခဲလၢာ်သ့ၣ်ဧၢ, ဒိကနၣ်, ပှၤလၢလီၢ်ကိးပူၤဒဲးသ့ၣ်ဧၢ,

စံးထီၣ်ပတြၢၤ 50:4

အဝဲကိးဖှိၣ်မူခိၣ်ဒီးဟီၣ်ခိၣ်ဒ်ပှၤအုၣ်အသးတဖၣ်အသိး လၢကကွၢ်အဝဲ ကစံၣ်ညီၣ်အပှၤဂီၢ်မုၢ်အဂီၢ်န့ၣ်လီၤ.

လံာ်ယၡါယၤ 30:1

ယွၤကတိၤလံတၢ်လံ. “ပှၤတဖၣ်လၢအပၢကီၢ်ယူဒၤန့ၣ် ကဘၣ်တၢ်စံၣ်ညီၣ်ဃါမနၤလၢတၢ်ပူထီၣ်ထီဒါယၤအဃိလီၤ. အဝဲသ့ၣ်ပိာ်ထွဲတၢ်တိာ်ကျဲၤတဖၣ်လၢယတမၤတ့ၢ်အီၤဒီး ဆဲးလီၤအမံၤလၢလံာ်ဃံၤဃာ်တဖၣ်အပူၤလၢအထီဒါတၢ်ဘၣ်ယသး, ဒီးပာ်ဖှိၣ်တၢ်ဒဲးဘးတမံၤလၢအဂၤတမံၤအဖီခိၣ်လီၤ.

လံာ်ယၡါယၤ 30:9

အဝဲသ့ၣ်ပူထီၣ်ထီဒါကစၢ်ယွၤထီဘိ, လီတၢ်ထီဘိဒီးဂ့ၢ်လိာ် လၢအကဒိကနၣ်ယွၤအတၢ်သိၣ်လိသီလိတဖၣ်ထီဘိန့ၣ်လီၤ.

လံာ်ယၡါယၤ 31:6

ယွၤစံးဝဲဒၣ်, “အံၣ်စရ့လးအပှၤဂီၢ်မုၢ်သ့ၣ်ဧၢ, သုမၤတ့ၢ်တၢ်ဒဲးဘးထီဒါယၤဒီးသုထီဒါယၤလီၤ. ဘၣ်ဆၣ်အခဲအံၤ, ဟဲက့ၤဆူယအိၣ်တက့ၢ်.

လံာ်ယၡါယၤ 34:1

ဟဲ, ကယဲၢ်ပှၤကလုာ်ခဲလၢာ်အပှၤဂီၢ်မုၢ်သ့ၣ်ဧၢ, ပာ်ဖှိၣ်သုသးဒီးဒိတနၣ်တက့ၢ်. မ်ဟီၣ်ခိၣ်ဒီဘ့ၣ်ဒီးပှၤခဲ လၢာ်လၢအအိၣ်လၢအပူၤဟဲဖဲအံၤဒီးဒိကနၣ်တၢ်တက့ၢ်.

လံာ်ယၡါယၤ 63:16

နမ့ၢ်ပပၢ်လီၤ. ပပၢ်သ့ၣ်လၢပျၢၤတဖၣ်စီၤအၤဘြၤဟၣ်ဒီး စီၤယၤကိာ်တအၢၣ်လီၤအီလီၤလၢအသ့ၣ်ညါပှၤဘၣ်. မ့မ့ၢ်နၤ, ယွၤ, နမ့ၢ်ပပၢ်, ပှၤတဂၤလၢထီဘိမၤ ပူၤမၤဖျဲးတ့ၢ်ပှၤန့ၣ်လီၤ.

လံာ်ယၡါယၤ 65:2

ယအိၣ်ကတဲာ်ကတီၤယသးထီဘိလၢယကတူၢ်လိာ်မုာ် ယပှၤဂီၢ်မုၢ်လၢအခိၣ်ကိၤလၢအမၤကမၣ်တၢ်ဒီးလဲၤလၢ အဝဲသ့ၣ်အကျဲဒၣ်ဝဲန့ၣ်လီၤ.

လံာ်ယံးရမံယၤ 13:15

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ယွၤကတိၤလံတၢ်လံ. ဆီၣ်လီၤသုသးဒီးဒိကနၣ်အီၤတက့ၢ်.

လံာ်ယံးရမံယၤ 22:29

အိဟီၣ်ခိၣ်ဧၢ, ဟီၣ်ခိၣ်ဧၢ, ဒိကနၣ်တၢ်လၢယွၤစံးတ့ၢ်ဝဲန့ၣ်တက့ၢ်.

လံာ်ယံးရမံယၤ 3:22

သုဝဲလၢအဃၣ်ယံၤကွံာ်အသးလၢယွၤခဲလၢာ်သ့ၣ်ဧၢ, ဟဲက့ၤ ကဒါက့ၤတက့ၢ်. အဝဲဒၣ်ကမၤဘျါက့ၤသုဒီးဒုးသူၣ်တီသးရၤသုန့ၣ်လီၤ. သုစံးသုဝဲ, “မ့ၢ်လီၤ, ပဟဲဆူယွၤအအိၣ်, မ့ၢ်လၢ အဝဲမ့ၢ်ကစၢ်ယွၤအဃိန့ၣ်လီၤ.

လံာ်ယံးရမံယၤ 31:9

ယပှၤဂီၢ်မုၢ် ကဟဲက့ၤကဒါက့ၤလၢ တၢ်ဟီၣ်တၢ်ယၢၤအပူၤ, ဒီးဘါထုကဖၣ်တၢ်ဖဲ ယဆှၢကဒါက့ၤ အဝဲသ့ၣ်အခါန့ၣ်လီၤ. ယကဆှၢအဝဲသ့ၣ်ဆူ ထံဖိကျိတဖၣ်, ဒီးကျဲလၢအလိၤအဘျၢအပူၤ, ဖဲအဝဲသ့ၣ်အခီၣ် တဘၣ်တိၢ်ဘၣ်န့ၣ်လီၤ. ယလီၤဂာ်ဒီး ပၢ်တဂၤလၢ ကီၢ်အံၣ်စရ့လးအဂီၢ်, ဒီးအ့ဖရဲၣ်မ့ၢ် ယဖိခွါဝဲၢ်ကိန့ၣ်လီၤ.”

လံာ်ယံးရမံယၤ 6:19

ဒိကနၣ်တၢ်တက့ၢ်, ဟီၣ်ခိၣ်ဧၢ, ယဟဲစိာ်တၢ်ဟးဂီၤလၢပှၤဂီၢ် မုၢ်သ့ၣ်တဖၣ်အံၤအဖီခိၣ်ဒ်တၢ်စံၣ်ညီၣ်လၢအဝဲသ့ၣ်အတၢ်ကူၣ် အကျဲတဖၣ်အဂီၢ်အသိးန့ၣ်လီၤ. အဂ့ၢ်ဒ်အံၤ, အဝဲသ့ၣ်ညိကွံာ်ယတၢ် သိၣ်လိသီလိဒီးတစူၢ်တ့ၢ်ဘၣ်ယတၢ်ကတိၤတဖၣ်ဘၣ်.

လံာ်ယဃ့းစက့လး 24:3

တဲဘၣ်ယပှၤဂီၢ်မုၢ်လၢအပူထီၣ်တၢ်လၢတၢ်ကတိၤဒိအံၤ, လၢယၤ, ယွၤပၢဘၣ်တၢ်ခဲလၢာ်ကစၢ်စံးလၢအဝဲသ့ၣ်အဂီၢ်န့ၣ်တက့ၢ်. ပာ်ထီၣ်သပၢၤတဖျၢၣ်လၢမ့ၣ်အူအဖီခိၣ်ဒီးမၤပှဲၤအီၤလၢထံတက့ၢ်.

လံာ်ယဃ့းစက့လး 36:4

လၢတၢ်န့ၣ်အဃိ, ခဲကနံၣ်အံၤ, ဒိကနၣ်တၢ်လၢယၤယွၤပၢဘၣ် တၢ်ခဲလၢာ်ကစၢ်စံးဘၣ်သုဝဲကစၢၢ်ကလိတဖၣ်ဒီးတၢ်လူၢ်တဖၣ်, သုဝဲ, ထံကျိဖိဒီးတၢ်တြီၤတဖၣ်, သုဝဲတၢ်လီၢ်တဖၣ်လၢ အဘၣ်တၢ်ပာ်လီၤတဲာ်အီၤလၢတၢ်ဟးဂီၤအပူၤ, ဒီးသုဝဲဝ့ၢ်တဖၣ်လၢအဘၣ်တၢ်ဟးသဒၣ်ကွံာ်အီၤ, လၢအဘၣ်တၢ်ဂုာ်ဆူၣ်ပျီဆူၣ်ဒီးဘၣ်တၢ်ဒုၣ်ဒွဲၣ်ထွဲလၢပှၤကလုာ် တဖၣ်လၢအအိၣ်ခိၣ်အိၣ်ဃၢၤန့ၣ်တက့ၢ်.

လံာ်ဧၤမိၣ် 3:1

ပှၤအံၣ်စရ့လးဖိသ့ၣ်ဧၢ, ဒိကနၣ်တၢ်ကစီၣ်အံၤလၢယွၤကတိၤတ့ၢ် တၢ်ဘၣ်ဃးဒီးသု, တၢ်ကတိၤထီဒါပှၤဒီကလုာ်ညါလၢအဒုးဟးထီၣ်ကွံာ်ဝဲလၢကီၢ် အဲၤကူပတူးပူၤတက့ၢ်.

လံာ်မံကၤ 1:1

ဖဲစီၤယိၤသၣ်, စီၤအၤဃာ်ဒီးစီၤဃံးစကံယၤတဖၣ်မ့ၢ်ကီၢ်ယူ ဒၤအစီၤပၤအကတီၢ်န့ၣ်ယွၤဟ့ၣ်လီၤတၢ်ကစီၣ်အံၤဆူဝံမံကၤ, ပှၤလၢဝ့ၢ်မိရၤၡးတခီလီၤ. ယွၤလီၣ်ဖျါထီၣ်တၢ်ဂ့ၢ်ခဲလၢာ်အံၤဘၣ်ဃးဒီးၡၤမရံဒီး ဝ့ၢ်ယရူၤၡလ့ၣ်ဆူဝံမံကၤန့ၣ်လီၤ.

လံာ်မံကၤ 1:2

ပှၤကလုာ်ခဲလၢာ်သ့ၣ်ဧၢ, နၢ်ဟူတၢ်အံၤတက့ၢ်. ပှၤလၢအမူဝဲလၢဟီၣ်ခိၣ်အဖီခိၣ်ခဲလၢာ်သ့ၣ်ဧၢ, ဒိကနၣ်တက့ၢ်. ယွၤလၢအစိကမီၤဒိၣ်ကအုၣ်အသးထီဒါသုလီၤ. ဒိကနၣ်တက့ၢ်. ယွၤကတိၤတၢ်လၢမူခိၣ်အတၢ်လုၢ်လီၢ်လီၤ.

လံာ်မံကၤ 3:8

မ့မ့ၢ်ယဲဒၣ်အံၤ, ယွၤမၤပှဲၤယၤလၢအသးဒီးတၢ်စိတၢ်ကမီၤ, ဒီးဟ့ၣ်ယၤတၢ်သ့ၣ်ညါဘၣ်ဃးဒီးတၢ်စံၣ်ညီၣ်တီဒီးတၢ်သူၣ်ဒူ သးဒူလၢယကစံးဘၣ်တဲဘၣ်အံၣ်စရ့လးအပှၤဂီၢ်မုၢ်လၢ အတၢ်ဒဲးဘးတဖၣ်န့ၣ်လီၤ.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

မၤတၢ် 4:20

အဂ့ၢ်ဒ်လဲၣ်န့ၣ်, တၢ်လၢပထံၣ်ဘၣ်တ့ၢ်ဒီး နၢ်ဟူဘၣ်တ့ၢ်တဖၣ်န့ၣ်, ပဆိတ့ၢ်စံးကတိၤလၢအဂ့ၢ်တသ့ဘၣ်.”

လံာ်သိၣ်လီၤသီလီၤတၢ် 1:31

ဒီးလၢပှၢ်မုၢ်ကနၢအပူၤအသိးန့ၣ်လီၤ. သုထံၣ်ဘၣ်တ့ၢ်လၢအဝဲ ဟဲစိာ်သုလၢကျဲဒီဘိညါတုၤဆူတၢ်လီၢ်အံၤပူၤပူၤဖျဲး ဖျဲးဒ်လဲၣ်, ဒ်ပၢ်တဂၤစိာ်အဖိအသိးန့ၣ်လီၤ.

လံာ်သိၣ်လီၤသီလီၤတၢ် 30:19

ခဲကနံၣ်အံၤယဟ့ၣ်လီၤသုတၢ်ဃုထၢလၢတၢ်မူဒီးတၢ်သံ အဘၢၣ်စၢၤဒီးကိးထီၣ်မူခိၣ်ဒီးဟီၣ်ခိၣ်လၢကကဲထီၣ်တၢ်အုၣ် အသးလၢတၢ်ဃုထၢလၢသုမၤအီၤအဂီၢ်န့ၣ်လီၤ. ဃုထၢတၢ်မူတက့ၢ်.

လံာ်သိၣ်လီၤသီလီၤတၢ် 32:1

ဟီၣ်ခိၣ်ဒီးမူကပိာ်လိၤဧၢ, နၢ်ဟူယတၢ်ကတိၤတဖၣ်, ဒိကနၣ်တၢ်လၢယတဲအီၤလီၤတံၢ်လီၤဆဲးတက့ၢ်.

လံာ်သိၣ်လီၤသီလီၤတၢ် 4:26

ယကိးထီၣ်မူခိၣ်ဒီးဟီၣ်ခိၣ်ဒ်တၢ်အုၣ်အသးတဖၣ်လၢအထီဒါသု တနံၤအံၤလၢသုမ့ၢ်တစူၢ်ဘၣ်ယၤဘၣ်ဒီး, တယံာ်ဘၣ်န့ၣ်သုကဟါမၢ်ကွံာ်လၢကီၢ်တဘ့ၣ်အံၤအပူၤန့ၣ်လီၤ. သုတအိၣ်ဆိးဘၣ်ယံာ်ယံာ်ထၢထၢလၢကီၢ်တဘ့ၣ်အံၤလၢအအိၣ်လၢထံ ကျိယၢ်ဒ့ၣ်အဘးခီအပူၤလၢ, ဘူးတ့ၢ်မးလၢသုကမၤန့ၢ်အီၤလံန့ၣ်ဘၣ်. သုကဘၣ်တၢ်မၤဟးဂီၤ သုလၢာ်လၢာ်ဆ့ဆ့န့ၣ်လီၤ.