၂ တံၤမသ့း 4:5 - Sgaw Karen Common Bible

⁵ မ့မ့ၢ်နဲဒၣ်အံၤ, ပၢၤနသးလၢတၢ်မၤအသးကိးမံၤဒဲးအပူၤတက့ၢ်. တူၢ်တၢ်နးတၢ်ဖှီၣ်, မၤပှၤစံၣ်တဲၤတဲလီၤတၢ်သးခုအကစီၣ်အတၢ် မၤဒီးမၤနမူနဒါခဲလၢာ် ဒ်ကစၢ်ယွၤအခ့အပှၤတဂၤအသိးတက့ၢ်.

၂ တံၤမသ့း 4:5 Cross References

လံာ်ယၡါယၤ 62:6

ဝ့ၢ်ယရူၤၡလ့ၣ်ဧၢ, လၢနဝ့ၢ်ခိၣ်ဒူတဖၣ်အလိၤန့ၣ်, ယပာ်လီၤတ့ၢ်လံပှၤခိးတၢ်ဖိတဖၣ်လီၤ. လၢမုၢ်ဆါမ့ၢ်ဂ့ၤ, မုၢ်နၤမ့ၢ်ဂ့ၤ, အဝဲသ့ၣ်တဘၣ်အိၣ်ဘှ့ၣ် အိၣ်ဘှီၣ်နီတစုဘၣ်. အဝဲသ့ၣ်ကဘၣ်ဒုးသ့ၣ်နီၣ်ယွၤလၢအတၢ်အၢၣ်လီၤအီလီၤတဖၣ်, ဒီးတဘၣ်ပျဲအဝဲသးပ့ၤနီၣ်ကွံာ်တၢ်တဖၣ်န့ၣ်နီတစုဘၣ်.

လံာ်ယံးရမံယၤ 6:17

အန့ၣ်ဒီး, ယွၤဃုထၢပာ်လီၤပှၤပၢၤတၢ်ဖိတဖၣ်လၢအဝဲသ့ၣ်အဖီခိၣ်, ဒ်သိးအဝဲသ့ၣ်ကကနၣ်တၢ်ဟ့ၣ်ပလီၢ်အကွဲၤကသီၣ်ထီၣ်အဂီၢ်လီၤ. ဘၣ်ဆၣ်အဝဲသ့ၣ်စံးဝဲ, “ပတကနၣ်ဘၣ်.”

လံာ်ယဃ့းစက့လး 3:17

“ပှၤကညီလၢ အသံသ့ဧၢ, ယဒုးကဲထီၣ်နၤလၢ ပှၤခိးကွၢ်တၢ်ဖိ တဂၤလၢ ကီၢ်အံၣ်စရ့လး အပှၤတကလုာ်အဂီၢ်လီၤ. တၢ်ပလီၢ် ပဒီတဖၣ်လၢ ယဟ့ၣ်လီၤနၣ်, နကဘၣ်ဟ့ၣ်ခီဟ့ၣ်နီၤဆူအဝဲသ့ၣ် အအိၣ်န့ၣ်တက့ၢ်.

လံာ်ယဃ့းစက့လး 33:7

ခဲကနံၣ်အံၤ, ပှၤကညီလၢအသံသ့ဧၢ, ယဒုးကဲထီၣ်နၤပှၤခိးကွၢ်တၢ်ဖိတဂၤလၢအံၣ်စရ့လး အပှၤကလုာ်အဂီၢ်န့ၣ်လံ. နကဘၣ်တဲဘၣ်အဝဲသ့ၣ် လၢတၢ်ဟ့ၣ်ပလီၢ်တဖၣ်လၢယဟ့ၣ်လီၤနၤန့ၣ်လီၤ.

လံာ်မးသဲ 25:16

တၢ်အခ့အပှၤလၢအဒိးန့ၢ်စ့ယဲၢ်တၤလၣ်တဂၤန့ၣ်, လဲၤဒီးကၤတၢ်တဘျီဃီဒီးအဝဲမၤန့ၢ်အါထီၣ်စ့ယဲၢ်တၤလၣ်န့ၣ် လီၤ.

လံာ်မၢ်ကူး 13:34

တၢ်မၤအသးအံၤလီၤဂာ်ဒီးပှၤတဂၤလၢအဟးထီၣ်လၢ အဟံၣ်ဒီးလဲၤတၢ်န့ၣ်လီၤ. ပာ်တ့ၢ်တၢ်ခဲလၢာ်လၢအခ့အပှၤတဖၣ် အစုပူၤ, ဒီးတဂၤစုာ်စုာ်ဟ့ၣ်ဝဲမူဒါလၢကဘၣ်မၤဝဲအဂီၢ်, ဒီးမၤလိာ်တ့ၢ်ပှၤပၢၤကျဲစၢၤတဂၤန့ၣ်ဒ်သိးအကဆိးသီဝဲ အဂီၢ်န့ၣ်လီၤ.

လံာ်မၢ်ကူး 13:37

တၢ်လၢယစံးဘၣ်သုအံၤမ့ၢ်ယစံးဘၣ်ပှၤကိးဂၤဒဲးလီၤ. ဆိးသီတက့ၢ်.”

လံာ်လူၤကၣ် 12:37

တၢ်ခ့တၢ်ပှၤ, လၢအကစၢ်ထံၣ်လၢအဆိးသီဒီးအိၣ်ကတဲာ်ကတီၤအသးဖဲ အဝဲဒၣ်ဟဲက့ၤန့ၣ်, ဘၣ်ဆိၣ်ဂ့ၤဝဲလီၤ. ယစံးဘၣ်သု, အဝဲဒၣ်ကစၢဃံးထီၣ်အယီၢ်တကိး, ဒုးဆ့ၣ်နီၤအဝဲသ့ၣ်, ဒီးကမၤအခ့အပှၤအတၢ်မၤလၢအဝဲသ့ၣ်အဂီၢ်လီၤ.

မၤတၢ် 21:8

မုၢ်ဆ့ၣ်ထီၣ်တနံၤန့ၣ်ပဟးထီၣ်ဒီးလဲၤတုၤလၢဝ့ၢ်ကဲၤစါရံၤလီၤ. ဖဲန့ၣ်ပလဲၤဆူပှၤစိာ်တၢ်သးခုကစီၣ်စီၤဖံလံးပူးအဟံၣ်, ဒီးအိၣ်ဒီးအီၤလီၤ. အဝဲဒၣ်မ့ၢ်ပှၤလၢအဘၣ်တၢ်ဃုထၢထီၣ်အီၤဖဲဝ့ၢ်ယရူၤၡလ့ၣ်နွံ ဂၤအကျါတဂၤလီၤ.

ရိမ့ၤ 15:19

ခီဖျိတၢ်ပနီၣ်လီၤလးတဖၣ်ဒီးတၢ်လီၤလးတဖၣ်, ဒီးခီဖျိယွၤအသးစီဆှံအစိအကမီၤန့ၣ်လီၤ. ဒီးလၢတၢ်န့ၣ်အဃိ, လၢယတၢ်လဲၤကျဲဒီဘိညါစးထီၣ်လၢဝ့ၢ်ယရူၤၡလ့ၣ်ဒီးတုၤလၢ ဝ့ၢ်အံးလူၤရံကူးန့ၣ်, ယစံၣ်တဲၤတဲလီၤတၢ်သးခုကစီၣ်ဘၣ်ဃးဒီးခရံာ်လၢလၢပှဲၤပှဲၤန့ၣ်လီၤ.

အ့းဖ့းစူး 4:11

အဝဲမ့ၢ်ပှၤလၢအဟ့ၣ်ပှၤဟီၣ်ခိၣ်ဖိလၢတၢ်ဟ့ၣ်တဖၣ်လီၤ. ပှၤတနီၤန့ၣ်, ဟ့ၣ်ဒုးကဲဝဲလၢတၢ်မၢဖိ, အဂၤတနီၤလၢဝံ, အဂၤတနီၤပှၤစိာ်တၢ်သးခုအကစီၣ်, အဂၤတနီၤတၢ်အိၣ်ဖှိၣ်သရၣ်ဒီးသရၣ်သိၣ်လိတၢ်တဖၣ်န့ၣ်လီၤ.

အ့းဖ့းစူး 4:12

အဝဲဒၣ်မၤတၢ်အံၤမ့ၢ်ဒ်သိးအကကတဲာ်ကတီၤကစၢ်ယွၤ အပှၤဂီၢ်မုၢ်လၢအကမၤတၢ်ခ့တၢ်ပှၤအတၢ်မၤဒ်ခရံာ်ဖိတဖၣ် အသိး, ဒီးလၢအကမၤထီၣ်မၤထီခရံာ်အနီၢ်ခိအဂီၢ်,

ကလီးစဲ 1:25

ကစၢ်ယွၤဒုးကဲထီၣ်ယၤလၢတၢ်အိၣ်ဖှိၣ်အခ့အပှၤလၢယကမၤ တၢ်ဂ့ၤလၢသုဂီၢ်, ဒ်သိးယကစံၣ်တဲၤတဲလီၤကစၢ်ယွၤအတၢ်ကစီၣ်လၢလၢ ပှဲၤပှဲၤန့ၣ်လီၤ.

ကလီးစဲ 4:17

ဒီးတဲဘၣ်စီၤအၢ်ဃံးပူးလၢအကပာ်လီၤအသးသပှၢ်ကတၢၢ်လၢ အကမၤတၢ်မၤလၢအဒိးန့ၢ်ဝဲလၢကစၢ်အအိၣ်န့ၣ်တုၤအဝံၤ, ဒီးလၢထီၣ်ပှဲၤထီၣ်တစုတက့ၢ်.

၁ သ့းစၤလနံ 5:6

လၢတၢ်န့ၣ်အဃိ, ပတကြၢးမံပဝဲ, ဒ်ပှၤအဂၤတဖၣ်မၤဝဲ အသိးန့ၣ်ဘၣ်. ပကြၢးအိၣ်ဆိးသီဒီးတမူၤတဘှီးဘၣ်န့ၣ်လီၤ.

၁ တံၤမသ့း 4:12

တဘၣ်ပျဲပှၤနီတဂၤကွၢ်တလီၤနၤမ့ၢ်လၢနမ့ၢ်ပှၤသးစၢ်အဃိ တဂ့ၤ. မ့မ့ၢ်ကဲထီၣ်တၢ်ဒိဂ့ၤတဲာ်ဘၣ်လၢပှၤစူၢ်က့ၤနာ်က့ၤတၢ် တဖၣ်အဂီၢ်လၢနတၢ်ကတိၤ, လၢနတၢ်မၤ, လၢနတၢ်အဲၣ်တၢ်ကွံ, လၢတၢ်စူၢ်တၢ်နာ်, ဒီးတၢ်စီတၢ်ဆှံအပူၤန့ၣ်တက့ၢ်.

၁ တံၤမသ့း 4:15

မၤတၢ်သ့ၣ်တဖၣ်အံၤဒီးဟ့ၣ်လီၤနသးဆူအပူၤဒ်သိးဒီး နတၢ်ဒိၣ်ထီၣ်ထီထီၣ်ကဘၣ်တၢ်ထံၣ်အီၤလၢပှၤခဲလၢာ် တက့ၢ်.

၂ တံၤမသ့း 1:8

လၢတၢ်န့ၣ်အဃိ, တဘၣ်မဲာ်ဆှးလၢနကအုၣ်နသးလၢပကစၢ် အဂီၢ်တဂ့ၤ, ဒီးတဘၣ်မဲာ်ဆှးစ့ၢ်ကီးလၢယမ့ၢ်ပှၤဘၣ်တၢ်စၢ ဃာ်လၢခရံာ်အဃိတဂ့ၤ. မ့မ့ၢ်ဒိးဃုာ်တၢ်နးတၢ်ဖှီၣ်ဒီးယၤလၢတၢ်သးခုကစီၣ် အဂီၢ်, ဒ်ကစၢ်ယွၤဟ့ၣ်နၤတၢ်ဂံၢ်တၢ်ဘါလၢနကမၤအီၤအဂီၢ် အသိးန့ၣ်တက့ၢ်.

၂ တံၤမသ့း 2:10

လၢတၢ်န့ၣ်အဃိ, ယတူၢ်တၢ်ခဲလၢာ်လၢကစၢ်ယွၤအပှၤဃုထၢ တဖၣ်အဂီၢ်ဒ်သိးအဝဲသ့ၣ်စ့ၢ်ကီးကန့ၢ်ဘၣ်တၢ်အုၣ်က့ၤခီၣ်က့ၤ လၢအဟဲခီဖျိယ့ၣ်ၡူးခရံာ်ဒီးဟဲစိာ်တၢ်လၤကပီၤအထူ အယိာ်န့ၣ်လီၤ.

၂ တံၤမသ့း 2:3

ဒိးဃုာ်တၢ်နးတၢ်ဖှီၣ်ဒ်ယ့ၣ်ၡူးခရံာ်အသုးဖိလၢအဂ့ၤ တဂၤအသိးန့ၣ်တက့ၢ်.

၂ တံၤမသ့း 4:17

ဘၣ်ဆၣ်ဒီးကစၢ်အိၣ်ဒီးယၤဒီးဟ့ၣ်ယၤတၢ်ဂံၢ်တၢ်ဘါဒီးယတဲဖျါ ထီၣ်ဘၣ်တၢ်သးခုကစီၣ်အလၢအပှဲၤလၢပှၤကလုာ်ဂၤတဖၣ်ကနၢ်ဟူဘၣ် ဝဲအဂီၢ်န့ၣ်လီၤ. ဒီးယထူၣ်ဖျဲးထီၣ်ကွံာ်လၢတၢ်သံအကိာ်ပူၤန့ၣ်လီၤ.

ဧ့ၤဘြံၤ 13:17

စူၢ်သုခိၣ်သုနၢ်တဖၣ်အကလုၢ်ဒီးဆီၣ်လီၤသုသးလၢ အဝဲသ့ၣ်အဖီလာ်တက့ၢ်. အဂ့ၢ်ဒ်အံၤ, ဒ်ပှၤလၢအကဘၣ်ဟ့ၣ်ထီၣ်တၢ်စံးဆၢအသိး န့ၣ်အဝဲသ့ၣ်ဆိးသီဝဲလၢသုသးသမူအဂီၢ်လီၤ. သုမ့ၢ်စူၢ်အဝဲသ့ၣ်အကလုၢ်ဒီး, ကမၤဝဲအတၢ်မၤလၢတၢ်သူၣ်ခု သးခုအပူၤလီၤ. မ့တမ့ၢ်ဘၣ်ဒီးကမၤဝဲလၢတၢ်သူၣ်အုးသးအုး အပူၤ, ဒီးတၢ်န့ၣ်တကဲထီၣ်တၢ်မၤစၢၤလၢသုဂီၢ်ဘၣ်လီၤ.

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.

လံာ်လီၣ်ဖျါ 3:2

လၢတၢ်န့ၣ်အဃိဂဲၤဆၢထၢၣ်, ဒီးတချုးတၢ်လၢအအိၣ်ဒံးဒီးနၤသံကွံာ်ဝဲလၢာ်လၢာ်ဆ့ဆ့ဒံး ဘၣ်န့ၣ်, ဟ့ၣ်ဆူၣ်ထီၣ်အဂံၢ်အဘါတက့ၢ်. အဂ့ၢ်ဒ်အံၤ, ယထံၣ်ယဲဒၣ်လၢတၢ်လၢနမၤတ့ၢ်နဲန့ၣ်, လၢယကစၢ်ယွၤအမဲာ်ညါတမ့ၢ်တၢ်လၢတၢ်ပှဲၤဒံးဘၣ်န့ၣ်လီၤ.