၂ တံၤမသ့း 2:9 - Sgaw Karen Common Bible

⁹ မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိ ယတူၢ်ဘၣ်တၢ်ဒီးယဘၣ်တၢ်စၢဃာ်ဒၣ်လဲာ်ယၤလၢပျံၤ ထးဒ်ပှၤအၢဖိတဂၤအသိးလီၤ. ဘၣ်ဆၣ်ဒီးကစၢ်ယွၤအကလုၢ်ကထါတဘၣ်တၢ်စၢဃာ်အီၤဘၣ်.

၂ တံၤမသ့း 2:9 Cross References

လံာ်လူၤကၣ် 23:32

အဝဲသ့ၣ်မိၤဃုာ်ပှၤအဂၤခံဂၤလၢအမ့ၢ်ပှၤမၤကမၣ်ထံကီၢ် အတၢ်သိၣ်တၢ်သီခံဂၤလၢာ်, ဒ်သိးအကဘၣ်တၢ်မၤသံဃုာ်ဒီးယ့ၣ်ၡူးန့ၣ်လီၤ.

မၤတၢ် 21:33

ပှၤသုးဖိတကထိအခိၣ်လဲၤဃီၤဝဲဆူစီၤပီလူးအအိၣ်, ဖီၣ်အီၤဒီးဟ့ၣ်လီၤအကလုၢ်ဒ်သိးပှၤကစၢဃာ်အီၤလၢပျံၤထးခံ ဘိလီၤ. အန့ၣ်ဝံၤဒီး အဝဲဒၣ်သံကွၢ်ဝဲ, “ပှၤတဂၤအံၤမ့ၢ်မတၤလဲၣ်. ဒီးအဝဲဒၣ်မၤတ့ၢ်တၢ်မနုၤတမံၤလဲၣ်.”

မၤတၢ် 28:31

အဝဲဒၣ်စံၣ်တဲၤတဲလီၤတၢ်ဘၣ်ဃးကစၢ်ယွၤအဘီအမုၢ်, ဒီးသိၣ်လီၤသီလီၤတၢ်ဘၣ်ဃးကစၢ်ယ့ၣ်ၡူးခရံာ်အဂ့ၢ်ဒီး ကတိၤတၢ်လၢတၢ်သူၣ်ဒူသးဒူအလၢအပှဲၤဒီးလၢတၢ်သဘျ့ နီၢ်နီၢ်အပူၤလီၤ. ပှၤလၢအကတြီအီၤတအိၣ်နီတဂၤဘၣ်.

မၤတၢ် 9:16

ယကစၢ်ဒၣ်ယဲယကဒုးနဲၣ်အီၤကယဲၢ်တၢ်နးတၢ်ဖှီၣ်လၢ အဝဲဒၣ်ကဘၣ်တူၢ်ဝဲလၢယဃိန့ၣ်လီၤ.”

အ့းဖ့းစူး 3:1

လၢတၢ်ဂ့ၢ်အံၤအဃိ, ယၤစီၤပီလူး, ပှၤဃိာ်ဖိတဂၤလၢယ့ၣ်ၡူးခရံာ်အဃိဒီးလၢသုဝဲပှၤကလုာ် အဂၤတဖၣ်အဂီၢ်အံၤ, ယဃ့ဘါထုကဖၣ်ယွၤကစၢ်လၢသုဂီၢ်လီၤ.

ဖံလံးပံၤ 1:17

ပှၤအဂၤတဖၣ်တစံၣ်တဲၤတဲလီၤခရံာ်အဂ့ၢ်လၢတၢ်သးတီ အပူၤဘၣ်, မ့မ့ၢ်တခီ, လၢအသးဆူၣ်မၤန့ၢ်တၢ်လၢအကစၢ်ဒၣ်ဝဲအဘျုးအဂီၢ်န့ၣ်လီၤ. အဝဲသ့ၣ်ဆိကမိၣ်ဝဲလၢအကမၤအါထီၣ်တၢ်ကီတၢ်ခဲလၢ ယဂီၢ်ဖဲယအိၣ်လၢဃိာ်ပူၤအဆၢကတီၢ်န့ၣ်လီၤ.

ဖံလံးပံၤ 1:7

သုအိၣ်လၢယသးပူၤထီဘိလီၤ. လၢတၢ်န့ၣ်အဃိ, ယပာ်ယသးလၢသုဖီခိၣ်ဒ်အံၤန့ၣ်မ့ၢ်တၢ်လၢအဘၣ်လီၤ. အဂ့ၢ်ဒ်အံၤ, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤယၤန့ၣ် သုဒိးန့ၢ်ဃုာ်အီၤဒီးယၤ, ဖဲယအိၣ်လၢဃိာ်ပူၤအဆၢကတီၢ် ခဲအံၤမ့ၢ်ဂ့ၤ, ဒီးဖဲယအိၣ်ဒီးတၢ်သဘျ့လၢယကကတိၤဒီဒၣ်ဒီး မၤဂၢၢ်မၤကျၢၤတၢ်သးခုကစီၣ်အခါမ့ၢ်ဂ့ၤန့ၣ်လီၤ.

ကလီးစဲ 4:18

လၢယစုလီၢ်ဒၣ်ယဲယကွဲးတၢ်အံၤလီၤ. တၢ်ဆၢဂ့ၤဆၢဝါလၢယၤ စီၤပီလူးအအိၣ်, သ့ၣ်နီၣ်ထီၣ်ယတၢ်ဘၣ်စၢဃာ်တက့ၢ်. မ်ကစၢ်ယွၤအဘျုးအဖှိၣ်လီၤဘၣ်လၢသုလိၤတက့ၢ်.

ကလီးစဲ 4:3

ဒီးဃ့ဘါထုကဖၣ်စ့ၢ်ကီးလၢပဂီၢ်, ဒ်သိးကစၢ်ယွၤကအိးထီၣ် န့ၢ်ပှၤကျဲလၢပကစံၣ်တဲၤတဲလီၤဘၣ်တၢ်အကစီၣ်ဘၣ်ဃးဒီးခရံာ် အတၢ်ခူသူၣ်န့ၣ်တက့ၢ်. အဂ့ၢ်ဒ်အံၤယလီၤဘၣ်လၢဃိာ်အပူၤမ့ၢ်လၢတၢ်ဂ့ၢ်အံၤအဃိလီၤ.

၁ သ့းစၤလနံ 1:8

အဂ့ၢ်ဒ်အံၤ, တမ့ၢ်ထဲလၢတၢ်ကစီၣ်လၢသုရၤလီၤအီၤဘၣ်ဃးဒီး ကစၢ်န့ၣ်လဲၤတုၤကီၢ်မၤက့းဒနံဒီးကီၢ်အဃါယၤဒီကီၢ်န့ၣ်ဘၣ်. မ့မ့ၢ်, တၢ်ကစီၣ်ဘၣ်ဃးဒီးသုတၢ်စူၢ်တၢ်နာ်ကစၢ်ယွၤန့ၣ်လဲၤတုၤ လၢတၢ်လီၢ်ကိးပူၤဒဲးလီၤ. လၢတၢ်န့ၣ်အဃိ, ပစံးတၢ်အလီၢ် တအိၣ်နီတမံၤဘၣ်.

၂ သ့းစၤလနံ 3:1

လၢခံကတၢၢ်န့ၣ်, ပဒီပုၢ်ဝဲၢ်သ့ၣ်ဧၢ, ဃ့ဘါထုကဖၣ်တၢ်လၢပဂီၢ်, ဒ်သိးကစၢ်အတၢ်ကစီၣ်ကရၤလီၤအသးချ့ချ့ကလဲာ်, ဒီးဖဲတၢ်လီၢ်ကိးပူၤဒဲးန့ၣ်, ကဘၣ်တၢ်တူၢ်လိာ်မၤလၤကပီၤအီၤ, ဒ်အမၤအသးလၢသုသိးသုကျါန့ၣ်တက့ၢ်.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

၂ တံၤမသ့း 1:16

မ်ကစၢ်သူၣ်ကညီၤသးကညီၤစီၤအီးနံၤစံဖရူးအဟံၣ်ဖိဃီ ဖိတက့ၢ်. အဂ့ၢ်မ့ၢ်လၢအဝဲဒၣ်မၤမုာ်ထီၣ်ယၤအါဘျီအဃိ လီၤ. အဝဲတမဲာ်ဆှးလၢယအိၣ်ဘၣ်လၢဃိာ်ပူၤအဃိဘၣ်.

၂ တံၤမသ့း 1:8

လၢတၢ်န့ၣ်အဃိ, တဘၣ်မဲာ်ဆှးလၢနကအုၣ်နသးလၢပကစၢ် အဂီၢ်တဂ့ၤ, ဒီးတဘၣ်မဲာ်ဆှးစ့ၢ်ကီးလၢယမ့ၢ်ပှၤဘၣ်တၢ်စၢ ဃာ်လၢခရံာ်အဃိတဂ့ၤ. မ့မ့ၢ်ဒိးဃုာ်တၢ်နးတၢ်ဖှီၣ်ဒီးယၤလၢတၢ်သးခုကစီၣ် အဂီၢ်, ဒ်ကစၢ်ယွၤဟ့ၣ်နၤတၢ်ဂံၢ်တၢ်ဘါလၢနကမၤအီၤအဂီၢ် အသိးန့ၣ်တက့ၢ်.

၂ တံၤမသ့း 2:3

ဒိးဃုာ်တၢ်နးတၢ်ဖှီၣ်ဒ်ယ့ၣ်ၡူးခရံာ်အသုးဖိလၢအဂ့ၤ တဂၤအသိးန့ၣ်တက့ၢ်.

၂ တံၤမသ့း 4:17

ဘၣ်ဆၣ်ဒီးကစၢ်အိၣ်ဒီးယၤဒီးဟ့ၣ်ယၤတၢ်ဂံၢ်တၢ်ဘါဒီးယတဲဖျါ ထီၣ်ဘၣ်တၢ်သးခုကစီၣ်အလၢအပှဲၤလၢပှၤကလုာ်ဂၤတဖၣ်ကနၢ်ဟူဘၣ် ဝဲအဂီၢ်န့ၣ်လီၤ. ဒီးယထူၣ်ဖျဲးထီၣ်ကွံာ်လၢတၢ်သံအကိာ်ပူၤန့ၣ်လီၤ.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 2:14

ဒီးပဒိၣ်တဖၣ်, လၢအဘၣ်တၢ်ဃုထၢပာ်လီၤအီၤလၢစီၤပၤလၢကစံၣ်ညီၣ် ပှၤမၤအၢမၤသီတၢ်တဖၣ်ဒီးကစံးထီၣ်ပတြၢၤပှၤလၢ အမၤဂ့ၤတၢ်တဖၣ်, အဖီလာ်စ့ၢ်ကီးတက့ၢ်.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.

၁ ပ့းတရူး 4:15

သုမ့ၢ်တူၢ်ဘၣ်တၢ်တဂၤဂၤဒီး, တကြၢးမ့ၢ်ဒ်ပှၤမၤသံပှၤကညီ တဂၤ, မ့တမ့ၢ်တၢ်ဘျၣ်တဂၤ, မ့တမ့ၢ်ပှၤမၤအၢမၤသီတၢ် တဂၤ, မ့တမ့ၢ်ပှၤဂိာ်စုဂိာ်ခီၣ်လၢပှၤဂၤအတၢ်ဂ့ၢ်တဂၤအသိး န့ၣ်ဘၣ်.