၂ တံၤမသ့း 2:18 - Sgaw Karen Common Bible

¹⁸ အဝဲသ့ၣ်ဟးသဒၣ်ကွံာ်တၢ်မ့ၢ်တၢ်တီအကျဲဒီးမၤကဒံကဒါကွံာ် ပှၤတနီၤအတၢ်စူၢ်တၢ်နာ်, ခီဖျိအစံးဝဲလၢတၢ်ဂဲၤဆၢထၢၣ်သမူထီၣ်က့ၤန့ၣ်မၤတ့ၢ်လံ အသးအဃိန့ၣ်လီၤ.

၂ တံၤမသ့း 2:18 Cross References

လံာ်မးသဲ 15:13

အဝဲစံးဆၢတၢ်ဒီးစံး, “ကယဲၢ်တၢ်မုၢ်တၢ်ဘိလၢယပၢ်လၢမူခိၣ်တဂၤ တသူၣ်လီၤဘၣ်ဝဲန့ၣ်, ကဘၣ်တၢ်ထဲးထီၣ်ကွံာ်အီၤလီၤ.

လံာ်မးသဲ 22:29

ယ့ၣ်ၡူးစံးဆၢအဝဲသ့ၣ်ဒီးစံး, “သုတၢ်စူၢ်တၢ်နာ်ကမၣ်မးလဲၣ်. တၢ်အံၤမ့ၢ်ဒၣ်လၢသုတနၢ်ပၢၢ်တၢ်ကွဲးအသးစီဆှံတဖၣ်, ဒီးတသ့ၣ်ညါကစၢ်ယွၤအစိအကမီၤအဃိလီၤ.

လံာ်လူၤကၣ် 8:13

တၢ်ချံလၢအလီၤလၢလၢၢ်ခိၣ်ပာ်ဖျါထီၣ်ပှၤတဖၣ်လၢအနၢ်ဟူ ဘၣ်တၢ်အကလုၢ်ကထါဒီးတူၢ်လိာ်ဝဲလၢတၢ်သးခုအပူၤလီၤ. ဘၣ်ဆၣ်မၤအသးဒ်တၢ်ချံလၢအဂံၢ်တအိၣ်သူၣ်လီၤအသး ယိာ်ယိာ်ဘၣ်န့ၣ်လီၤ. အဝဲသ့ၣ်စူၢ်တၢ်နာ်တၢ်ထဲတစိၢ်ဖိဧိၤ, ဒီးဖဲတၢ်မၤကွၢ်အဆၢကတီၢ်ဟဲန့ၣ်, အဝဲသ့ၣ်လီၤဃံၤကွံာ်ဝဲလီၤ.

မၤတၢ် 5:39

ဘၣ်ဆၣ်ဒီး, မ့မ့ၢ်တၢ်ဟဲလၢကစၢ်ယွၤဒီး, သုမၤနၢၤမၤဃၣ်ကွံာ်အဝဲသ့ၣ်တမ့ၢ်လၢအကသ့ဘၣ်. သုကထံၣ်ဒၣ်လဲာ်လၢသုထီဒါဘၣ်ကစၢ်ယွၤန့ၣ်လီၤ.” ကီၣ်ကးတဖုန့ၣ်မၤဝဲဒ်စီၤကမၤလ့လးဟ့ၣ်ကူၣ်ဟ့ၣ်ဖးဝဲ အသိးန့ၣ်လီၤ.

1 ကရံၣ်သူး 11:19

သပှၢ်ကတၢၢ်တၢ်လီၤမုၢ်လီၤဖးကအိၣ်ဝဲဒၣ်လၢသုသိးသုကျါ, ဒ်သိးပှၤလၢအဂ့ၤအဝါတဖၣ်ကဘၣ်တၢ်ထံၣ်သ့ၣ်ညါအီၤဖျါဖျါ အဂီၢ်န့ၣ်လီၤ.

1 ကရံၣ်သူး 15:12

ခဲကနံၣ်အံၤ, မ့ၢ်လၢပတၢ်ကစီၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ်သမူ ထီၣ်က့ၤအီၤလၢတၢ်သံအဃိဒီး, သုဝဲတနီၤသုစံးလၢပှၤသံတဖၣ်တဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤန့ၣ်သ့ဝဲလၢကျဲဒ်လဲၣ်.

ကလီးစဲ 3:1

သုဘၣ်တၢ်ဒုးဂဲၤဆၢထၢၣ်က့ၤသုလၢတၢ်သံဃုာ်ဒီးခရံာ်သတး ဒီး, သးအိၣ်ဆၢန့ၢ်ဘၣ်တၢ်ဘၣ်ဃးဒီးမူခိၣ်ဖဲခရံာ်ဆ့ၣ်နီၤဝဲလၢ ကစၢ်ယွၤအစုထွဲတခီန့ၣ်တက့ၢ်.

၁ တံၤမသ့း 1:19

ဒီးပၢၤဃာ်နတၢ်စူၢ်တၢ်နာ်ဒီးသးလၢအသ့ၣ်ညါဒၣ် တၢ်ဆှံဆှံန့ၣ်တက့ၢ်. ပှၤတနီၤတဒိကနၣ်သးလၢအသ့ၣ်ညါ ဒၣ်တၢ်န့ၣ်ဘၣ်အဃိ, အတၢ်စူၢ်တၢ်နာ်လီၤပှီၢ်ကွံာ်ဝဲဒၣ်န့ၣ်လီၤ.

၁ တံၤမသ့း 6:10

အဂ့ၢ်ဒ်လဲၣ်န့ၣ်, တၢ်အဲၣ်စ့မ့ၢ်တၢ်အၢတၢ်သီခဲလၢာ်အဂံၢ်ထံးလီၤ. ပှၤတနီၤသူၣ်ဆူၣ်သးဂဲၤလၢအကမၤန့ၢ်ဘၣ်အီၤတုၤဒၣ်လဲာ် အဝဲသ့ၣ်ဟးဖးဒီးတၢ်စူၢ်တၢ်နာ်, ဒီးတၢ်သူၣ်အုးသးအုးအါမံၤမၤသဘှံးအဝဲသ့ၣ်အသးန့ၣ်လီၤ.

၁ တံၤမသ့း 6:21

အဂ့ၢ်ဒ်အံၤ, ပှၤတနီၤစံးဝဲလၢအအိၣ်ဒီးတၢ်အံၤ, ဒီးလၢတၢ်န့ၣ်အဃိတၢ်စူၢ်တၢ်နာ်အကျဲလီၤမၢ်ကွံာ်လၢ အဂီၢ်လီၤ. မ်ယွၤအဘျုးအဖှိၣ်အိၣ်ဒီးသုခဲလၢာ်တက့ၢ်.

၂ တံၤမသ့း 2:14

ဒုးသ့ၣ်နီၣ်ထီၣ်က့ၤအဝဲသ့ၣ်လၢတၢ်အံၤ, ဒီးဟ့ၣ်ပလီၢ်အဝဲသ့ၣ်သပှၢ်ပှၢ်လၢကစၢ်ယွၤအမဲာ်ညါဒ်သိး အသုတဂ့ၢ်လိာ်ဘှီလိာ်အသးလၢတၢ်ကတိၤတဖၣ်အဃိတဂ့ၤ. တၢ်ဒ်သိးအံၤတမၤဂ့ၤတၢ်အမဲာ်ညါမၤဟးဂီၤပှၤလၢအဒိကနၣ် တၢ်တဖၣ်လီၤ.

တံတူး 1:11

အလီၢ်အိၣ်လၢပကဘၣ်ဆိကတီၢ်အဝဲသ့ၣ်အတၢ်ကတိၤ, မ့ၢ်လၢအမၤကဒံကဒါဒူၣ်ဖိထၢဖိတဖၣ်ဒီဒူၣ်ဒီထၢခီဖျိတၢ် သိၣ်လိတၢ်လၢအတကြၢးသိၣ်လိဝဲတဖၣ်, ဒီးခဲလၢာ်မ့ၢ်ဒၣ်လၢတၢ်တိာ်လၢအလီၤမဲာ်ဆှးလၢအမ့ၢ် တၢ်မၤန့ၢ်စ့အဂီၢ်န့ၣ်လီၤ.

ဧ့ၤဘြံၤ 3:10

လၢတၢ်န့ၣ်အဃိယသးဒိၣ်ထီၣ်အဝဲသ့ၣ်ဒီးစံး, ‘ထီဘိန့ၣ်အဝဲသ့ၣ်အသးတတီလၢယၤဘၣ်ဒီး တဒိကနၣ်ဘၣ်ယတၢ်မၤလိာ်တဖၣ်ဘၣ်.’

ယၤကိာ် 5:19

ယဒီပုၢ်ဝဲၢ်သ့ၣ်ဧၢ, ပှၤတဂၤဂၤလၢသုကျါမ့ၢ်ဟးသဒၣ်ကွံာ် တၢ်မ့ၢ်တၢ်တီဒီး, ပှၤအဂၤတဂၤမ့ၢ်ဃၣ်လိၤက့ၤအီၤဆူကျဲအံၤန့ၣ်,

၁ ယိၤဟၣ် 2:19

ပှၤတဖၣ်အံၤတဘၣ်ဃးဒီးပတၢ်ရ့လိာ်မုာ်လိာ်နီၢ်နီၢ်ဘၣ် အဃိ, ဟးထီၣ်ကွံာ်လၢပကျါန့ၣ်လီၤ. အဝဲသ့ၣ်မ့ၢ်ဘၣ်ဃး တ့ၢ်လံဒီးပှၤနီၢ်နီၢ်ဒီး, ကအိၣ်ကဆိးတ့ၢ်ဒီးပှၤန့ၣ်လီၤ. ဘၣ်ဆၣ်ဒီး, အဝဲသ့ၣ်ဟးထီၣ်ကွံာ်လၢပကျါဒ်သိးအကအိၣ်ဖျါဝဲဒၣ်လၢအဝဲသ့ၣ် တဘၣ်ဃးဒီးပှၤနီၢ်နီၢ်နီတဂၤဘၣ် အဂီၢ်န့ၣ်လီၤ.