၂ တံၤမသ့း 2:11 - Sgaw Karen Common Bible

¹¹ တၢ်အံၤမ့ၢ်တၢ်ကတိၤအမ့ၢ်အတီလီၤ. “ပမ့ၢ်သံဃုာ်လံဒီးအီၤဒီး, ပကမူဃုာ်ဒီးအီၤစ့ၢ်ကီးလီၤ.

၂ တံၤမသ့း 2:11 Cross References

လံာ်ယိၤဟၣ် 14:19

တစိၢ်ဖိဒီးဟီၣ်ခိၣ်တထံၣ်လၢၤဘၣ်ယၤဘၣ်. ဘၣ်ဆၣ်သု ကထံၣ်ယၤလီၤ. မ့ၢ်ယမူယဲအဃိဒီး, သုကမူစ့ၢ်ကီးလီၤ.

ရိမ့ၤ 6:5

အဂ့ၢ်ဒ်လဲၣ်န့ၣ်, ပမ့ၢ်ကဲထီၣ်တၢ်တမံၤဃီဒီးအီၤလၢတၢ်သံဒ် အဝဲသံတ့ၢ်ဝဲအသိးန့ၣ်ဒီး, ပကမ့ၢ်တၢ်တမံၤဃီဒီးအီၤခီဖျိလၢပဘၣ်တၢ်ဒုးဂဲၤဆၢထၢၣ်က့ၤ ပှၤလၢတၢ်သံဆူတၢ်မူဒ်အီၤအသိးန့ၣ်လီၤ.

ရိမ့ၤ 6:8

ပမ့ၢ်သံဃုာ်တ့ၢ်လံဒီးခရံာ်ဒီး, ပနာ်လၢပကမူဃုာ်ဒီးအီၤစ့ၢ်ကီးလီၤ.

၂ ကရံၣ်သူး 13:4

အဂ့ၢ်ဒ်အံၤ, အဝဲမ့ၢ်ဘၣ်တၢ်မၤသံအီၤလၢထူၣ်စုညါအလိၤလၢ အတၢ်ဂံၢ်စၢ်ဘါစၢ်အပူၤသနာ်က့, အဝဲဒၣ်အိၣ်မူဝဲလၢကစၢ်ယွၤ အစိကမီၤလီၤ. လၢတၢ်ပာ်ဖှိၣ်ထီၣ်ပသးတပူၤဃီဒီးအီၤ အပူၤန့ၣ်, ပဂံၢ်စၢ်ဘါစၢ်စ့ၢ်ကီး, မ့မ့ၢ်လၢပတၢ်ဘၣ်ထွဲဒီးသုအပူၤန့ၣ်ပကအိၣ်မူပဝဲဒီးအီၤ လၢကစၢ်ယွၤအစိကမီၤလီၤ.

၂ ကရံၣ်သူး 4:10

ကိးဆၢကတီၢ်ဒဲးန့ၣ်, ပစိာ်ယ့ၣ်ၡူးအတၢ်သံလၢပနီၢ်ခိလၢ အသံသ့ဝဲတဖၣ်အပူၤ, ဒ်သိးအဝဲဒၣ်အတၢ်အိၣ်မူစ့ၢ်ကီးကဘၣ်တၢ်ထံၣ်န့ၢ်အီၤလၢ ပနီၢ်ခိတဖၣ်အပူၤအဂီၢ်န့ၣ်လီၤ.

၁ သ့းစၤလနံ 4:17

တုၤနုၤတစု, ပဝဲလၢအအိၣ်မူလီၤတဲာ်တ့ၢ်ဖဲဆၢကတီၢ်အဝဲန့ၣ် တဖၣ်ပကဘၣ်တၢ်စိာ်ထီၣ်ပှၤတပူၤဃီဒီးအဝဲသ့ၣ်လၢတၢ်အၢၣ် အပူၤဒ်သိးပကထံၣ်လိာ်ပသးဒီးကစၢ်လၢမူဖးဖီန့ၣ်လီၤ. ဒီး လၢတၢ်န့ၣ်အဃိ, ပကအိၣ်ပဝဲတပူၤဃီဒီးကစၢ်ထီဘိန့ၣ်လီၤ.

၁ သ့းစၤလနံ 5:10

လၢအသံလၢပဂီၢ်ဒ်သိးဖဲအဝဲဒၣ်ဟဲက့ၤအခါန့ၣ်ပမူမ့ၢ်ဂ့ၤ, ပသံမ့ၢ်ဂ့ၤ, ပကအိၣ်ဘၣ်ဒီးအီၤတပူၤဃီအဂီၢ်န့ၣ်လီၤ.

၁ တံၤမသ့း 1:15

အအံၤမ့ၢ်တၢ်ကတိၤအမ့ၢ်အတီလၢပှၤဂ့ၤတူၢ်လိာ်ဒီးနာ် အီၤလၢာ်လၢာ်ဆ့ဆ့, လၢယ့ၣ်ၡူးခရံာ်ဟဲလီၤဆူဟီၣ်ခိၣ်ချၢဒ်သိးအကအုၣ်က့ၤ ခီၣ်က့ၤပှၤတၢ်ဒဲးဘးဖိတဖၣ်လၢယမ့ၢ်အဒိၣ်ကတၢၢ်တဂၤ န့ၣ်လီၤ.

၁ တံၤမသ့း 3:1

တၢ်ကတိၤအမ့ၢ်အတီတထံၣ်မ့ၢ်အအံၤ, ပှၤတဂၤဂၤမ့ၢ်သးဆူၣ်ကဲထီၣ်တၢ်အိၣ်ဖှိၣ်အခိၣ်အနၢ် တဂၤဒီးမ့ၢ်အဆၢန့ၢ်ဘၣ်တၢ်မၤအဂ့ၤဒိၣ်မးတမံၤန့ၣ်လီၤ.

တံတူး 3:8

တၢ်အံၤမ့ၢ်တၢ်ကတိၤအမ့ၢ်အတီလီၤ. ယသးအိၣ်လၢနကတိာ်သူၣ်ပာ်သးလီၤဆီဒၣ်တၢ်လၢတၢ်ဂ့ၢ် တဖၣ်အံၤ, ဒ်သိးဒီးပှၤလၢအစူၢ်က့ၤနာ်က့ၤကစၢ်ယွၤတဖၣ် ကပာ်သူၣ်ပာ်သးဘၣ်ဃးတၢ်ဟ့ၣ်လီၤအသးလၢတၢ်မၤဂ့ၤ တဖၣ်, လၢအဂ့ၤဒီးကဲဘျုးလၢပှၤကိးဂၤဒဲးအဂီၢ်န့ၣ်လီၤ.