၁ တံၤမသ့း 5:4 - Sgaw Karen Common Bible

⁴ ဘၣ်ဆၣ်မုၣ်ကမဲတဂၤမ့ၢ်အိၣ်ဒီးအဖိ, မ့တမ့ၢ်အလံၤတဖၣ်န့ၣ်ဒီး, အဝဲသ့ၣ်ကဘၣ်မၤလိဆိတၢ်မၤလၢပှဲၤအတၢ်ဘူၣ်တၢ်ဘါအမူ အဒါတဖၣ်လၢအဒူၣ်ဖိထၢဖိဒၣ်ဝဲအဂီၢ်, ဒီးလၢကျဲဒ်အံၤန့ၣ်မၤဘျုးက့ၤမိၢ်ပၢ်ဖံဖုတဖၣ်, အဂ့ၢ်မ့ၢ်လၢတၢ်အံၤမ့ၢ်တၢ်ဘၣ်ကစၢ်ယွၤအသးအဃိန့ၣ်လီၤ.

၁ တံၤမသ့း 5:4 Cross References

လံာ်တၢ်ကဲထီၣ်အခီၣ်ထံး 47:12

စီၤယိၤသးလုၢ်အီၣ်လုၢ်အီအပၢ်, အဒီပုၢ်ဝဲၢ်ခွါတဖၣ်ဒီးကယဲၢ် အပၢ်အဒူၣ်ဖိထၢဖိအဂၤတုၤလၢပှၤအသးစၢ်ကတၢၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:28

စီၤယၤကိာ်အိၣ်ဆိးတ့ၢ်ဝဲလၢကီၢ်အဲၤကူပတူးအပူၤတဆံနွံ နံၣ်, တုၤလၢအသးအိၣ်ဝဲတကယၤလွံၢ်ဆံနွံနံၣ်န့ၣ်လီၤ.

လံာ်စီၤယိၤဘး 18:19

အဝဲအဖိအလံၤမ့တမ့ၢ် အစၢၤအသွဲၣ်တဖၣ်တအိၣ် လၢအပှၤဂီၢ်မုၢ်အကျါလၢၤဘၣ်. တၢ်လီၢ်ဖဲတဘျီအဝဲအိၣ်မူတ့ၢ်ဝဲန့ၣ်, ပှၤမူတ့ၢ်ဒံးတအိၣ် နီတဂၤဘၣ်.

တၢ်ကတိၤဒိ. 31:28

အဖိတဖၣ်ပာ်ဖျါအတၢ်စံးဘျုးစံးဖှိၣ်အီၤဒီးအဝၤန့ၣ်စံးထီၣ် ပတြၢၤအီၤလီၤ.

လံာ်ယၡါယၤ 14:22

ယွၤသ့တၢ်လၢာ်ကစၢ်စံးဝဲဒၣ်, “ယကဒုးတၢ်ထီဒါဘၤဘူၤ လိၣ်ဒီးမၤဟးဂီၤအီၤလီၤ. ယတပာ်လီၤတဲာ်တၢ်နီတမံၤ, ဒီးဖိသၣ်တဖၣ်မ့ၢ်ဂ့ၤ, ပှၤအိၣ်မူတ့ၢ်တဖၣ်မ့ၢ်ဂ့ၤ, နီတဂၤဘၣ်. ယၤ, ယွၤ, စံးတ့ၢ်လံတၢ်လံလီၤ.

လံာ်လူၤကၣ် 2:51

မၤသးဒ်န့ၣ်ဒီးယ့ၣ်ၡူးက့ၤကဒါက့ၤဒီးအဝဲသ့ၣ်ဆူဝ့ၢ်နစၤရ့းဒီးဖဲန့ၣ် အဝဲဒၣ်စူၢ်အဝဲသ့ၣ်အကလုၢ်လီၤ. တၢ်ဂ့ၢ်တၢ်ကျိၤသ့ၣ်တဖၣ်အံၤခဲလၢာ် န့ၣ်အဝဲဒၣ်အမိၢ်တိၢ်နီၣ်ဃာ်ဝဲလၢအသးကံၢ်ပူၤလီၤ.

၁ တံၤမသ့း 2:3

တၢ်အံၤမ့ၢ်တၢ်အဂ့ၤဒီးမၤသးခုကစၢ်ယွၤပတၢ်အုၣ်က့ၤ ခီၣ်က့ၤကစၢ်,

၁ တံၤမသ့း 5:16

ဘၣ်ဆၣ်ဒီး, ပိာ်မုၣ်လၢအစူၢ်က့ၤနာ်က့ၤတၢ်တဂၤဂၤအဒူၣ်ဖိထၢဖိ အပူၤမုၣ်ကမဲမ့ၢ်အိၣ်ဒီး, အဝဲကဘၣ်အံးထွဲကွၢ်ထွဲမုၣ်ကမဲတဖၣ်အံၤ ဒီးမ်အသုတပာ်ထီၣ်တၢ်ဝံတၢ်ယိးအဝဲအံၤလၢတၢ်အိၣ်ဖှိၣ် အဖီခိၣ်တဂ့ၤ. အဂ့ၢ်ဒ်လဲၣ်န့ၣ်, တၢ်အိၣ်ဖှိၣ်ကဘၣ်ကွၢ်ထွဲမၤ စၢၤမုၣ်ကမဲနီၢ်နီၢ်တဖၣ်န့ၣ်လီၤ.

တံတူး 1:11

အလီၢ်အိၣ်လၢပကဘၣ်ဆိကတီၢ်အဝဲသ့ၣ်အတၢ်ကတိၤ, မ့ၢ်လၢအမၤကဒံကဒါဒူၣ်ဖိထၢဖိတဖၣ်ဒီဒူၣ်ဒီထၢခီဖျိတၢ် သိၣ်လိတၢ်လၢအတကြၢးသိၣ်လိဝဲတဖၣ်, ဒီးခဲလၢာ်မ့ၢ်ဒၣ်လၢတၢ်တိာ်လၢအလီၤမဲာ်ဆှးလၢအမ့ၢ် တၢ်မၤန့ၢ်စ့အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 12:14

အဝဲဒၣ်အိၣ်ဒီးအဖိခွါအဂၤလွံၢ်ဆံဒီးအလံၤခွါအဂၤသၢဆံလၢ အဒိးကသ့ၣ်ယီၤအဒုနွံဆံန့ၣ်လီၤ. စီၤဧၤဘဒိၣ်ပၢဆှၢကီၢ်အံၣ်စရ့လးဃိးနံၣ်န့ၣ်လီၤ.

လံာ်နီၢ်ရူၤသး 2:18

အဝဲဟံးထီၣ်အဘုဒီးက့ၤစိာ်ဝဲဆူဝ့ၢ်ပူၤ, ဒီးဒုးနဲၣ်အမံၤပှၢ်ပိာ်မုၣ်လၢတၢ်လၢအထၢဖှိၣ်ဝဲအိၣ်ဆံးအါ ဆံးအါလဲၣ်န့ၣ်လီၤ. အဝဲဟဲက့ၤစိာ်ဒီးဟ့ၣ်စ့ၢ်ကီးအမံၤပှၢ်ပိာ်မုၣ်, တၢ်အီၣ်လၢအဝဲအီၣ်ဘျဲးအီၣ်ဒီးအိၣ်ဘျဲၣ်ဝဲန့ၣ်လီၤ.

လံာ်နီၢ်ရူၤသး 2:2

ပှၤမိၤအးမုၣ်ဖိနီၢ်ရူၤသးစံးဘၣ်နီၢ်နၤဧမံ, “ပျဲယလဲၤဆူစံာ်ပျီတဖၣ်အပူၤဒ်သိးယကထၢဖှိၣ်ဘုအစဲၤတဖၣ် လၢပှၤကူးဘုတဖၣ်ပာ်လီၤတဲာ်န့ၣ်တက့ၢ်. ယနာ်လၢယကထံၣ်န့ၢ်ပှၤတဂၤဂၤလၢအကပျဲ ယမၤတၢ်အံၤန့ၣ်လီၤ.” ဒီးနီၢ်နၤဧမံစံးဆၢဝဲ, “ယဖိမုၣ်ဧၢ, လဲၤတက့ၢ်.”