Lɛta Fɔ Filipay 4:9 - Krio Fɔs Oli Baybul

⁹ Una fɔ de du dɛn tin we a dɔn lan una. Una fɔ de du dɛn tin we a bin de tɔk se fɔ du ɛn dɛn tin we a bin de du. Ɛn Gɔd we de gi kol at go de wit una.

Lɛta Fɔ Filipay 4:9 Cross References

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Ayzaya 8:10

Una ɛŋed o, bɔt i nɔ go min natin; una tɔk wetin una fil, na fɔ natin, bikɔs PAPA GƆD de wit wi.

Matyu 1:23

“Wan yɔŋ uman we nɔ no bɔt man yet go gɛt bɛlɛ ɛn i go bɔn bɔy pikin, dɛn go gi di pikin nem Imanyuɛl” (Imanyuɛl min se, Gɔd de wit wi).

Matyu 28:20

Una lan dɛn fɔ du ɔl wetin a dɔn tɛl una. A de wit una ɛn a go de wit una ɔltɛm sote di wɔl dɔn.”

Matyu 7:21

“Nɔto ɔlman we de kɔl mi, ‘Masta, Masta’ go go usay Gɔd de rul na ɛvin. Na dɛn wan nɔmɔ we du wetin mi Papa, we de na ɛvin, want, go go de.

Lyuk 6:46

“Wetin mek una de kɔl mi ‘Masta, Masta,’ bɔt una nɔ de du wetin a tɛl una?

Lyuk 8:21

Jizɔs ansa dɛn se, “Na dɛn wan we yɛri Gɔd in wɔd ɛn du wetin i tɛl dɛn fɔ du, na dɛn na mi mama ɛn mi brɔda dɛn.”

Jɔn 13:17

Naw we una dɔn no dat, una go gɛt big blɛsin if una du wetin a tɛl una fɔ du.

Jɔn 15:14

Una na mi padi dɛn if una du wetin a tɛl una fɔ du.

Jɔn 2:5

Jizɔs in mama tɛl di savant dɛn se mek dɛn du ɛnitin we i tɛl dɛn fɔ du.

Apɔsul Dɛn Wok 9:6

Grap na grɔn ɛn go insay di tɔŋ, pɔsin go mit yu de ɛn tɛl yu wetin yu fɔ du.”

Lɛta Fɔ Rom 15:33

Mek Gɔd, we de gi kol at, de wit una ɔl! Emɛn.

Lɛta Fɔ Rom 16:20

I nɔ go te igen Gɔd we de gi kol at, go pwɛl Setan in pawa ɛn put am ɔnda una. Mek wi Masta Jizɔs Krays sho una aw i gud.

1 Kɔrint 10:31

Wɛl, ɛnitin we una de du, if una de it ɔ una de drink, una fɔ mek Gɔd gɛt di prez fɔ ɔl.

1 Kɔrint 14:33

bikɔs Gɔd nɔ want mek wi we i kɔl fɔ du in wok, kɔnfyus pan ɛnitin we wi de du. I want mek ɔltin waka fayn. Lɛkɛ aw i de bi na ɔl dɛn chɔch,

1 Kɔrint 4:16

Na dat mek, a de beg una fɔ waka wit Gɔd lɛkɛ aw a de waka wit am.

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.

Ditarɔnɔmi 5:1

Mozis kɔl ɔl di Izrɛlayt dɛn ɛn tɛl dɛn se, Lɛ ɔlman na Izrɛl yɛri o bikɔs dɛn fɔ tek tɛm lan ɛn obe di lɔ dɛn we i de gi dɛn da de de.

Lɛta Fɔ Filipay 3:17

Mi Kristiɛn brɔda dɛn, una fɔ de du ɔl wetin una si a de du. Una fɔ de luk dɛn wan we de du wetin wi dɔn sho una se gud fɔ du.

Lɛta Fɔ Filipay 4:7

Gɔd go gi una kol at, we mɔtalman nɔ ebul ɔndastand, we nɔ go mek ɛnitin wɔri una, bikɔs una gɛt wanwɔd wit Jizɔs Krays.

Fɔs Lɛta Fɔ Tɛsalonayka 1:6

Una bin de du dɛn tin we una si wi ɛn di Masta de du. Una bin biliv di Gud Nyuz bɔt Jizɔs Krays pan ɔl we pipul bin de mek una sɔfa, ɛn Gɔd in Spirit bin de mek una gladi ɔltɛm.

Fɔs Lɛta Fɔ Tɛsalonayka 2:14

Mi brɔda dɛn, na di sem tin we bi to di Kristiɛn dɛn na Judia, de bi to una. Jɛs lɛkɛ aw di Ju pipul dɛn bin mek Gɔd in pipul dɛn we biliv pan Krays na Judia sɔfa, na semwe so una yon kɔntri man dɛn de mek una sɔfa.

Fɔs Lɛta Fɔ Tɛsalonayka 5:23

Mek Gɔd we de gi wi kol at mek una tan lɛkɛ insɛf, ɛn mek i kip una spirit, layf, ɛn bɔdi klin so dat wɛn wi Masta Jizɔs Krays kam bak, i nɔ go gɛt ɛnitin fɔ jɔj una fɔ.

Sɛkɛn Lɛta Fɔ Tɛsalonayka 3:4

Na wi Masta mek wi de abop pan una, ɛn wi shɔ se una de du wetin wi tɛl una fɔ du ɛn una go stil de du am.

Sɛkɛn Lɛta To Timoti 4:22

Mek di Masta de wit yu spirit ɔltɛm. Mek Gɔd sho una ɔl aw i gud.

Jems 1:22

Una fɔ du wetin Gɔd in wɔd se. Pɔsin we jɛs de lisin Gɔd in wɔd nɔmɔ, bɔt i nɔ de du wetin i se, de mek insɛf ful.

Pita In Sɛkɛn Lɛta 1:10

Mi Kristiɛn brɔda dɛn, na dat mek una fɔ tray fɔ du di wok we sho se Gɔd kɔl una ɛn pik una fɔ tru; if una du ɔl dɛn tin ya, una nɔ go lɛf fɔ biliv pan Gɔd ɛn tap fɔ waka wit Gɔd.

Jɔn In Fɔs Lɛta 3:22

Gɔd de gi wi ɛnitin we wi aks am fɔ, bikɔs wi de du wetin i de tɛl wi fɔ du ɛn dɛn tin we mek i satisfay.