Lɛta Fɔ Filipay 4:8 - Krio Fɔs Oli Baybul

⁸ Mi Kristiɛn brɔda dɛn, na di las tin dis we a want tɛl una na dis lɛta: dɛn tin we tru, dɛn tin we rayt na Gɔd yay, dɛn tin we gud we nɔ de mek pipul sin, dɛn tin we de mek pɔsin lɛk in kɔmpin mɔtalman, ɛn dɛn tin we ɔlman si se gud; na dɛn nɔmɔ una fɔ de mɛmba ɛn ɔl dɛn tin we pɔsin kin prez Gɔd fɔ.

Lɛta Fɔ Filipay 4:8 Cross References

Jɛnɛsis 18:19

A dɔn pik am fɔ tɛl in jɛnareshɔn dɛn fɔ obe mi ɛn du wetin rayt ɛn tret wit mi. Dat go mek misɛf du ɔl wetin a bin prɔmis am.”

2 Samiɛl 1:23

“Sɔl ɛn Jonɛthan na pipul we ɔlman bin lɛk ɛn day nɔ ebul pat dɛn. Dɛn ɔltu bin fast lɛk laytin ɛn trɔŋ lɛk babu bon.

2 Samiɛl 23:3

Di PAPA GƆD we Izrɛl de wɔship, a min, di PAPA GƆD we de kɔba Izrɛl tɛl mi se: “Ɛni kiŋ we de fred PAPA GƆD ɛn de du wetin rayt,

Di Sam Dɛm 82:2

“Aw lɔŋ yu go de fɛt fɔ bad man ɛn nɔ trit dɛnsɛf lɛk dɛn de du bad?

Prɔvabs 11:1

PAPA GƆD et udat de rog pan mɛzhɔmɛnt, bɔt i kin pliz wit yu de mɛzhɔ kɔrɛkt.

Prɔvabs 12:4

Gud wɛf de mek in man fil prawd, bɔt uman we de put shem pan in man tan lɛkɛ bad sik na bɔdi.

Prɔvabs 16:11

PAPA GƆD lɛk ɔnɛs biznɛs, ɔl wetin i de du fia.

Prɔvabs 20:7

Man we de waka tret wande fɛn blɛsin fɔ in pikin dɛn.

Prɔvabs 31:10

I at fɔ fɛn gud wɛf, gud wɛf gɛt valyu pas gold ɛn dayamɔn.

Prɔvabs 31:29

In man kin de tɛl am se, “Bo, bɔku uman dɛn de we gud, bɔt yu pas dɛn ɔl.”

Prɔvabs 31:31

Na fɔ gi am wetin i dɔn lebɔ fɔ, ɛn lɛ ɔlman na di siti tɔk in gud nem.

Sɔlɔmɔn In Siŋ Dɛm 5:16

In tɔk swit bad, ɛn insɛf yu mɔs want am. Na mi bilɔvɛd dat ɛn na mi padi dat, Jerusɛlɛm in gyal pikin dɛn.

Ayzaya 26:7

Layf lɛvul fɔ pɔsin we de waka tret wit PAPA GƆD; na yu mek di pipul we de waka tret wit yu, dɛn rod, smut na layf.

Matyu 22:16

Dɛn sɛn sɔm pan dɛn yon lanin bɔy dɛn, ɛn sɔm pan di Ju pipul dɛn we bin jɔyn Ɛrɔd in pati, fɔ go aks Jizɔs se, “Ticha, wi no se yu de tɔk tru ɛn yu de lan pipul wetin Gɔd want mɔtalman fɔ du, fɔ tru, ɛn yu nɔ bisin bɔt wetin dɛn de tink, yu nɔ kia if pɔsin po ɔ jɛntri.

Mak 6:20

Kiŋ Ɛrɔd bin fred Jɔn bikɔs i bin no se Jɔn de waka tret ɛn i nɔ de du bad, so i du ɔl wetin i ebul fɔ mek natin nɔ du Jɔn. Ɛnitɛm we Kiŋ Ɛrɔd kin yɛri wetin Jɔn de tɛl pipul bɔt Gɔd, dat kin mek i wɔri, bɔt pan ɔl dat i kin gladi fɔ yɛri am.

Lyuk 16:15

Bɔt Jizɔs tɛl dɛn se, “Una de mek pipul fil se una nɔ de du bad, bɔt Gɔd no wetin de na una at. Di tin we mɔtalman luk se impɔtant, nain Gɔd nɔ lɛk at ɔl.

Lyuk 2:25

Da tɛm de, wan man bin de na Jerusɛlɛm we bin nem Simiɔn. Dis man ya bin lɛk Gɔd ɛn i bin de waka tret ɛn de du ɔl wetin Gɔd want. I bin de wet fɔ di tɛm we Gɔd go sɔri fɔ di Izrɛl pipul dɛn ɛn pul dɛn kɔmɔt pan waala. Gɔd in Spirit bin de insay am,

Lyuk 23:50

Wan Ju man bin de we bin nem Josɛf. I bin kɔmɔt na wan tɔŋ we nem Arimatia we de na Judia; na bin mɛmba na di Ju gran kot. I bin gud ɛn i bin de waka tret,

Jɔn 7:18

Pɔsin we de tɔk fɔ insɛf de tray fɔ mek pipul prez am. Bɔt pɔsin we want fɔ mek pipul prez di wan we sɛn am, na pɔsin we de tɔk tru, lay nɔ de nain mɔt.

Apɔsul Dɛn Wok 10:22

Dɛn ansa se, “Na Kapten Kɔnilyɔs, da bigman fɔ dɛn soja man dɛn na Itali, sɛn wi to yu. Na gud man we fred Gɔd ɛn ɔl di Ju pipul dɛn rɛspɛkt am bad. Gɔd bin sɛn enjɛl to Kɔnilyɔs fɔ mek i kɔl yu fɔ go nain os, mek i go yɛri wetin yu gɛt fɔ tɛl am.”

Apɔsul Dɛn Wok 22:12

“Wan man bin de na di tɔŋ we bin nem Ananayas, na man we bin fred Gɔd, i bin de du wetin di Ju Lɔ se ɛn ɔl dɛn Ju na Damaskɔs bin rɛspɛkt am.

Apɔsul Dɛn Wok 6:3

Na dat mek wi want una fɔ pik sɛvin pipul pan unasɛf, we wi go mek du dis wok. Una fɔ pik pipul we una ɔl rɛspɛkt, dɛn fɔ gɛt Gɔd in Spirit ɛn dɛn fɔ sabi bɔt tin dɛn gud.

Lɛta Fɔ Rom 13:13

Una lɛ wi de du ɔl wetin wi fɔ du lɛkɛ pipul we de na di tru layt; wi nɔ fɔ liv fri layf, wi nɔ fɔ de drɔnk, wi nɔ fɔ liv bad layf, wi nɔ fɔ de fɛt ɔ jɛlɔs wi kɔmpin.

Lɛta Fɔ Rom 13:3

Dɛn pipul we de du wetin rayt nɔ fɔ fred dɛn wan we de rul; na dɛn pipul we de du bad nɔmɔ fɔ fred dɛn. Una nɔ go lɛk fɔ mek una nɔ fred di pipul dɛn we de rul? Wɛl, una du wetin rayt, da tɛm de dɛn go prez una.

Lɛta Fɔ Rom 14:18

Ɛnibɔdi we de sav Krays lɛkɛ dis go mek Gɔd gladi ɛn i go mek mɔtalman sɛf lɛk wetin i de du.

Lɛta Fɔ Rom 2:29

Di tru Ju na pɔsin we dɔn gi Gɔd in at, dat na pɔsin we in at sakɔmsayz, dat min se Gɔd dɔn put in mak pan am. Na Gɔd in Spirit de mek dat bi, nɔto di Lɔ we dɛn rayt. Na Gɔd de prez pɔsin lɛkɛ dat, nɔto mɔtalman.

1 Kɔrint 4:5

So una nɔ fɔ jɔj ɛnibɔdi bifo di rayt tɛm rich, dat na bifo di Masta kam. Dɛn tin we de na dak naw go kam na layt wande ɛn di Masta go mek ɔlman no wetin pipul bin de mekɔp na dɛn at fɔ du. Da tɛm de Gɔd go prez ɔl dɛn wan we fɔ gɛt prez.

2 Kɔrint 13:7

A de pre mek una du wetin rayt ɔltɛm: nɔto fɔ jɛs mek pipul gri fɔ wi, bɔt fɔ mek una du wetin rayt ivin if ɔda pipul tink se wi nɔto tru Kristiɛn.

2 Kɔrint 6:8

Sɔntɛm pipul kin rɛspɛkt wi, sɔntɛm dɛn kin mek wi shem; sɔntɛm dɛn kin fityay wi, sɔntɛm dɛn kin prez wi. Pan ɔl we wi de tɔk tru, dɛn kin se na lay wi de lay;

2 Kɔrint 8:18

Da wi brɔda we ɔlman rɛspɛkt na ɔl dɛn chɔch fɔseka aw i de tɛl pipul di Gud Nyuz, nain wi de sɛn wit Taytɔs to una.

2 Kɔrint 8:21

Wi mekɔp fɔ du wetin rayt, bifo Gɔd ɛn bifo man.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Lɛta Fɔ Ɛfisɔs 4:25

Frɔm naw sote go, una nɔ fɔ lay igen. Ɔlman fɔ de tɔk tru to in kɔmpin, bikɔs wi ɔl na pat pan Krays in bɔdi.

Lɛta Fɔ Ɛfisɔs 5:9

If una de na di layt, una go du wetin gud, ɛn wetin rayt ɛn tɔk wetin tru.

Lɛta Fɔ Ɛfisɔs 6:14

So una fɔ tinap traŋa: mek ɔl wetin tru bi di bɛlt we una fɔ tay; mek di rayt we bi di ayɛn plet we una go wɛr fɔ kɔba una chɛst wɛn una de fɛt.

Ditarɔnɔmi 16:20

I tɛl dɛn se na jɔstis dɛn fɔ de fɔ, ɛn natin pas dat, so dat dɛn go gɛt lɔŋ layf na di land we PAPA GƆD we na dɛn GƆD, gi dɛn fɔ dɛnsɛf

Lɛta Fɔ Filipay 3:1

Mi Kristiɛn brɔda dɛn, na di las tin dɛn dis we a gɛt fɔ tɛl una na dis lɛta. A de tɛl una fɔ gladi bikɔs una gɛt wanwɔd wit di Masta. Fɔ rayt ɔl wetin a bin dɔn rayt to una fɔstɛm bak, nɔ mɔna mi, dat go bɛtɛ sɛf fɔ una.

Lɛta Fɔ Kɔlɔse 4:5

Wɛn una de wit dɛn pipul we nɔ biliv pan Krays, una fɔ du ɔltin wit sɛns. Ɛni chans we una gɛt, una fɔ tɛl dɛn di Gud Nyuz.

Fɔs Lɛta Fɔ Tɛsalonayka 4:12

If una du dat una go mek dɛn pipul we nɔto Kristiɛn rɛspɛkt una, ɛn una nɔ go gɛt fɔ abop pan ɛnibɔdi fɔ ɛnitin.

Fɔs Lɛta To Timoti 2:2

fɔ dɛn wan we de rul ɛn ɔl dɛn bigman, so dat waala nɔ go de na wi layf, wi go gɛt kol at, wi go de waka klos Gɔd ɛn wi nɔ go du ɛnitin we go mek wi shem.

Fɔs Lɛta To Timoti 3:11

Dɛn wɛf sɛf fɔ siriɔs, dɛn nɔ fɔ de koŋosa; dɛn fɔ soba, dɛn fɔ ebul kɔntrol dɛnsɛf, ɛn dɛn fɔ de waka tret ɔltɛm.

Fɔs Lɛta To Timoti 3:4

i fɔ si dat ɔltin de go fayn nain os, i fɔ mek in pikin dɛn rɛspɛkt am ɛn yɛri in wɔd.

Fɔs Lɛta To Timoti 4:12

Nɔ mek nɔbɔdi se bikɔs yu smɔl yu nɔ go ebul du dis wok. Na yu fɔ sho dɛn pipul we biliv Gɔd aw dɛn fɔ de du bay aw yu de tɔk, aw yu de du, aw yu lɛk pipul, aw yu biliv Gɔd, ɛn di kayn layf we yu liv.

Fɔs Lɛta To Timoti 5:10

ɛn ɔlman fɔ no am fɔ di gud tin dɛn we i de du: i fɔ bi uman we tren in pikin dɛn gud, we kin du gud fɔ trenja, we kin wok fɔ di Kristiɛn dɛn, we kin ɛp dɛn pipul we de pan trɔbul, ɛn we kin du ɔl kayn gud wok.

Fɔs Lɛta To Timoti 5:2

dɛn big uman dɛn lɛkɛ yu mama; dɛn yɔŋ uman lɛkɛ yu sista dɛn, yu nɔ fɔ go tu fa wit dɛn.

Taytɔs 1:8

I fɔ gud to trenja, ɛn i fɔ lɛk wetin gud. In ed fɔ stɛdi, i fɔ de waka tret, i fɔ de du dɛn tin we go mek Gɔd satisfay, ɛn i fɔ ebul kɔntrol insɛf mek i nɔ du ɛnitin we bad.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Taytɔs 2:2

Tɛl di bigman dɛn se dɛn fɔ soba, dɛn fɔ gɛt sɛns, ɛn dɛn fɔ de kɔntrol dɛnsɛf; dɛn fɔ ol Gɔd traŋa wan, dɛn fɔ lɛk fɔ du gud ɛn dɛn fɔ ebul bia wɛn dɛn de sɔfa.

Taytɔs 2:7

Yusɛf, bay aw yu de du ɔl wetin yu de du, na yu pipul fɔ de fala fɔ du gud. Wɛn yu de tich pipul, yu fɔ sho dɛn se yu min wetin yu de tɔk ɛn yu fɔ siriɔs.

Taytɔs 3:14

Sho wi pipul aw fɔ yus dɛn tɛm fɔ du gud wok, so dat dɛn kin ɛp ɔda pipul fɔ gɛt wetin dɛn fɔ gɛt; dɛn nɔ fɔ du ɛni wok we nɔ go ɛp ɔda pipul.

Di Ibru Pipul Dɛn 11:2

Na bikɔs dɛn lɔntɛm pipul bin biliv Gɔd, mek Gɔd bin satisfay wit dɛn.

Di Ibru Pipul Dɛn 13:18

Una pre fɔ wi ɔltɛm. Wi no gud wan se wi dɔn du ɔl wetin wi no se wi fɔ du, bikɔs wi bin want du wetin rayt ɔltɛm.

Jems 1:27

Pɔsin we de fala Gɔd fɔ de ɛp dɛn pikin we nɔ gɛt mama ɛn papa ɛn dɛn uman we dɛn man dɔn day. I fɔ tek tɛm mek dɛn bad pipul na wɔl nɔ mek insɛf bigin du bad. Na so Gɔd we na di Papa want pɔsin we de fala am fɔ tan.

Jems 3:17

Di sɛns we Gɔd de gi, na pɔsin wit klin at i de gi, na di fɔs tin dat. Pɔsin we gɛt da kayn sɛns de nɔ de mek plaba, i nɔ de ambɔg, i de du tin saful saful, ɛn i lɛk fɔ ɛp pipul; i gɛt sɔri at ɛn i de du plɛnti plɛnti gud; ɔl in at de fɔ Gɔd, i nɔ ipokrit.

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Pita In Fɔs Lɛta 4:8

Bɔt di tin we pas ɔl, na fɔ mek una lɛk una kɔmpin wit ɔl una at, bikɔs dɛn pipul we lɛk dɛnsɛf kin rɛdi ɔltɛm fɔ padin dɛn kɔmpin wɛn dɛn kɔmpin du dɛn bad.

Pita In Sɛkɛn Lɛta 3:1

Mi padi dɛn we a lɛk, dis na di sɛkɛn tɛm we a de rayt una. Dɛn tu lɛta ya we a dɔn rayt una na fɔ mɛmba una bɔt dɛn tin we a bin dɔn tɛl una, so dat una go ebul tink bɔt dɛn tin we dɛn rayt.

Jɔn In Fɔs Lɛta 3:18

Mi pikin dɛn, wi nɔ fɔ jɛs de tɔk se wi lɛk wi kɔmpin, bɔt wi fɔ de du dɛn tin we go sho se wi lɛk dɛn fɔ tru.

Jɔn In Fɔs Lɛta 3:3

Ɛni bɔdi we abop pan Krays go klin bikɔs Krays klin, i nɔ go gɛt bɔt nain layf.

Jɔn In Fɔs Lɛta 4:1

Mi padi dɛn we a lɛk, nɔto ɔl spirit una fɔ biliv, bɔt una fɔ tray di spirit dɛn fɔ no if na to Gɔd dɛn kɔmɔt, bikɔs plɛnti lay prɔfɛt dɛn dɔn kam na di wɔl.

Ruth 3:11

I se mek i nɔ fred bikɔs in go du wetin Ruth want am fɔ du ɛn ɔlman na di siti no se na uman we fit fɔ gɛt.