Lɛta Fɔ Filipay 4:7 - Krio Fɔs Oli Baybul

⁷ Gɔd go gi una kol at, we mɔtalman nɔ ebul ɔndastand, we nɔ go mek ɛnitin wɔri una, bikɔs una gɛt wanwɔd wit Jizɔs Krays.

Lɛta Fɔ Filipay 4:7 Cross References

Nɛimaya 8:10

Nɛimaya tɛl dɛn fɔ go om ɛn it fayn tin. I se dɛn fɔ ɛnjɔy spɛshal it ɛn swit drink. I se fɔ sɛn sɔm pan di it go gi ɔda pɔsin we nɔ gɛt natin. I tɛl dɛn se da de de na de we dɛn nɔ fɔ sɔri. Na de we oli to PAPA GƆD ɛn na PAPA GƆD de mek dɛn gladi ɛn gi dɛn trɛnk.

Job 22:21

Gri wit PAPA GƆD mek yu at kol; yu go si di gud tin dɛn we go bi to yu.

Job 34:29

We in nɔ kɔndɛm, udat fɔ kɔndɛm? We i ayd in fes, udat go si am, i lɛk na wanol neshɔn ɔ na wangren pɔsin?

Di Sam Dɛm 29:11

PAPA GƆD de gi trɛnk to in pipul; lɛ PAPA GƆD blɛs in pipul ɛn gi dɛn ɔl wetin dɛn want fɔ ɛnjɔy layf.

Di Sam Dɛm 85:8

A go lisin to wetin PAPA GƆD, wi PAPA GƆD gɛt fɔ se; i prɔmis fɔ gi wɛlbɔdi ɛn kolat to in pipul wans nɔmɔ dɛn nɔ go bak to dɛn fulishnɛs.

Prɔvabs 2:11

yu go gɛt pawa fɔ de si fa ɛn ɔndastand,

Prɔvabs 4:6

I se lɛ a kip mi sɛns ɔltɛm bikɔs na mi sɛns go gayd mi; ɛn if a lɛk di sɛns we a gɛt, i go kɔba mi.

Prɔvabs 6:22

Wetin dɛn dɔn tɛl yu go de gayd yu we yu de waka na layf ɛn ivin wɛn yu de slip sɛf na nɛt, ɛn i go bi gud advays fɔ yu de tɛm.

Ayzaya 26:12

PAPA GƆD, yu go mek wi gɛt pis, yu dɔn wok ɔl wi wok fɔ we.

Ayzaya 26:3

Yu de mek pɔsin we in maynd de to yu de wit kol at, bikɔs i biliv pan yu.

Ayzaya 45:7

A mek layt ɛn daknɛs, A mek gladi gladi ɛn waala, na Mi na PAPA GƆD, we de du ɔl dɛn tin ya.

Ayzaya 48:18

A wish yu bin de obe mi lɔ dɛn! Datɛnde yu kolat bin fɔ tan lɛk riva, ɛn di waka we yu de waka tret na mi yay, go tan lɛk swɛlin na si;

Ayzaya 48:22

PAPA GƆD se, “kolat nɔ de fɔ wikɛd pɔsin.”

Jɛrimaya 32:16

“Afta a dɔn gi Baruk we na Nɛria in bɔypikin di kɔnveans, a pre to PAPA GƆD se:

Jɛrimaya 33:6

A de tɛl yu, a go briŋ wɛlbɔdi ɛn mɛrɛsin, ɛn a go mɛn dɛm ɛn gi dɛm plɛnti plɛnti jɛntri ɛn sikiɔriti.

Di Nɔmba Dɛm 6:26

Mek PAPA GƆD in an de pan una ɔltɛm ɛn gi una kolat.”

Lyuk 1:79

Da san de go shayn pan dɛn pipul we de na dak ɛn we want day, ɛn i go mek wi gɛt kol at.”

Lyuk 2:14

“Lɛ ɔlman prez ɛn ɔna Gɔd we de ɔp ɔp na ɛvin, mek ɔl mɔtalman we mek Gɔd gladi, gɛt kol at!”

Jɔn 14:27

“A nɔ de gi una di kayn kol at we di pipul dɛn ɛn di tin dɛn na dis wɔl ya de gi, bɔt a de gi una mi yon kol at. A nɔ de gi mi yon kol at lɛkɛ aw di pipul dɛn na wɔl de gi kol at. Una nɔ ɛŋ at fɔ ɛnitin, una nɔ mek ɛnitin wɔri una.

Jɔn 16:33

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Lɛta Fɔ Rom 1:7

So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

Lɛta Fɔ Rom 14:17

Wɛn pɔsin de tɔk bɔt di rul we Gɔd de rul, i nɔ de tɔk bɔt tin fɔ it ɛn tin fɔ drink, bɔt i de tɔk bɔt aw Gɔd de mek ɔltin rayt bitwin in ɛn mɔtalman, di kol at we Gɔd de gi, ɛn di gladi we Gɔd in Spirit de put na pɔsin in at.

Lɛta Fɔ Rom 15:13

Lɛ Gɔd we de mek wi abop, mek una gladi bad ɛn gi una kol at bikɔs una biliv pan am, so dat in Spirit go mek una abop pan am mɔ ɛn mɔ.

Lɛta Fɔ Rom 5:1

We Gɔd dɔn mek ɔltin rayt bitwin wi ɛn insɛf, bikɔs wi biliv pan am, wi gladi we wi de waka klos am; na wi Masta Jizɔs Krays du dat fɔ wi.

Lɛta Fɔ Rom 8:6

If una jɛs de mɛmba wetin una at want nɔmɔ, dat go mek una day; bɔt if una jɛs de mɛmba wetin Gɔd in Spirit want nɔmɔ, una go gɛt di tru layf ɛn kol at.

2 Kɔrint 10:5

wi de tek dɛn pwɛl dɛn tin we de mek pipul prawd we mek dɛn nɔ want fɔ no Gɔd; wi de yus dɛn fɔ mek pɔsin tap fɔ tink ɛnitin we go mek i nɔ du wetin Gɔd se i fɔ du, so i go chenj ɛn i go want du wetin Gɔd se i fɔ du.

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.

Lɛta Fɔ Galeshya 5:22

Bɔt Gɔd in Spirit go mek pipul lɛk dɛn kɔmpin, i go mek dɛn gladi, i go mek dɛn nɔ de mek plaba, i go mek dɛn ebul bia trɔbul, ɛn i go mek dɛn de ɛp dɛn kɔmpin mɔtalman, i go mek dɛn de du gud to ɔda pipul, i go mek dɛn tru to dɛn kɔmpin,

Lɛta Fɔ Ɛfisɔs 3:19

A de pre igen mek una no aw Krays lɛk mɔtalman, pan ɔl we mɔtalman nɔ ebul fɔ ɔndastand dis kayn lɛk, ɛn mek Gɔd de insay una gud gud, so dat ples nɔ lɛf fɔ ɔda tin.

Lɛta Fɔ Filipay 1:1

Na wi, Pɔl ɛn Timoti, we de wok fɔ Krays Jizɔs, de sɛn dis lɛta to ɔl dɛn pipul we de na Fili pay we gɛt wanwɔd wit Krays Jizɔs. Semwe so, wi de sɛn am to dɛn chɔch ovasia ɛn dɛn pipul we de ɛp pan di chɔch wok.

Lɛta Fɔ Filipay 1:2

Mek Gɔd we na wi Papa ɛn wi Masta Jizɔs Krays blɛs una ɛn gi una kol at.

Lɛta Fɔ Filipay 4:19

Mi Gɔd we a de pre to, go gi una ɔl wetin una fɔ gɛt bikɔs nain gɛt ɔltin, ɛn na Jizɔs Krays, Gɔd go mek gi una ɔl wetin una fɔ gɛt.

Lɛta Fɔ Filipay 4:21

A tɛl Gɔd in pipul dɛn we gɛt wanwɔd wit Jizɔs Krays, adu. Ɔl di Kristiɛn brɔda dɛn we de wit mi, de tɛl una adu.

Lɛta Fɔ Filipay 4:9

Una fɔ de du dɛn tin we a dɔn lan una. Una fɔ de du dɛn tin we a bin de tɔk se fɔ du ɛn dɛn tin we a bin de du. Ɛn Gɔd we de gi kol at go de wit una.

Lɛta Fɔ Kɔlɔse 3:15

Di kol at we Krays de gi go mek una gɛt wanwɔd we fɔ ɛp una wɛn una de mekɔp fɔ du sɔntin. We Gɔd dɔn briŋ una togɛda na wan bɔdi, dat na di chɔch, i want mek una gɛt kol at ɛn mek una gɛt wanwɔd. Una fɔ tɛl Gɔd tɛnki.

Sɛkɛn Lɛta Fɔ Tɛsalonayka 3:16

Mek di Masta insɛf, we de mek wi gɛt kol at, gi una kol at ɔltɛm pan ɔltin. Mek i de wit una ɔl.

Di Ibru Pipul Dɛn 13:20

Gɔd we de gi mɔtalman kol at, dɔn mek wi Masta Jizɔs rayz frɔm di grev wit layf ɛn mek i bi di shɛpad we pas ɔl fɔ de wach wi we nain pipul dɛn. Na Jizɔs in blɔd dɔn mek di agrimɛnt, we Gɔd mek wit wi, go de sote go.

Jud In Lɛta 1:1

Mi Jud, we de wok fɔ Jizɔs Krays ɛn we na Jems in brɔda, de rayt to una we Gɔd we na wi Papa lɛk, ɛn we i kɔl, ɛn una we Jizɔs Krays kip fɔ mek natin nɔ bi to una:

Rɛvɛleshɔn 1:4

Na mi Jɔn de rayt to una we de na dɛn sɛvin chɔch na Eshya. Mek Gɔd we de naw, ɛn we bin de bifo dis wɔl mek, ɛn we go kam bak na dis wɔl, sho una aw i gud ɛn gi una kol at; semwe so, mek Gɔd in sɛvin spirit dɛn, we tinap bifo am di say we i sidɔm de rul, du una gud ɛn gi una kol at;

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.