Lɛta Fɔ Filipay 4:6 - Krio Fɔs Oli Baybul

⁶ Una nɔ fɔ mek ɛnitin wɔri una, bɔt una fɔ de pre bɔt ɔltin. Wɛn una de pre, una fɔ aks Gɔd fɔ ɛnitin we una want ɛn una fɔ tɛl am tɛnki.

Lɛta Fɔ Filipay 4:6 Cross References

1 Kiŋ 8:28

E PAPA GƆD we na mi PAPA GƆD, mi na yu savant, duya ansa dis prea we a de pre to yu tide.

2 Kronikuls 32:20

Naim Ɛzikaya di kiŋ ɛn Ayzaya di prɔfɛt. Emɔz in bɔypikin, pre fɔseka dis ɛn kray to ɛvin.

Di Sam Dɛm 51:15

PAPA GƆD, gi mi chans fɔ prez yu, dɔn ɔlsay pan mi go jɔyn fɔ prez yu.

Di Sam Dɛm 55:17

Frɔm mɔnin to nɛt, a de kray mek i ɛp mi, ɛn i de yɛri mi.

Di Sam Dɛm 55:22

Lɛf ɔltin gi PAPA GƆD, ɛn i nɔ go lɛf yu dɔŋ; i nɔ de ɛva disapɔynt udat abop pan am.

Di Sam Dɛm 62:8

Una we abop pan am, una nɔ pul at pan am. Abop pan am ɔltɛm, bikɔs nain de kɔba wi lɛk aw fɔl de kɔba in pikin.

Prɔvabs 15:8

PAPA GƆD et di sakrifays we bad pɔsin de mek to am, bɔt i de gladi fɔ yɛri gud pɔsin in prea.

Prɔvabs 16:3

Put yu biznɛs na PAPA GƆD in an, ɛn si we bɛtɛ de fala yu.

Sɔlɔmɔn In Siŋ Dɛm 2:14

E mi dɔv, usay di rɔk dɛn plit, insay di kev pat na dɛn shap mawnten, alaw mi lɛ a si yu fes, mek a yɛri yu vɔys, bikɔs yu vɔys swit, ɛn yu fes fayn.

Jɛrimaya 32:16

“Afta a dɔn gi Baruk we na Nɛria in bɔypikin di kɔnveans, a pre to PAPA GƆD se:

Jɛrimaya 33:3

Kɔl mi ɛn a go ansa yu, ɛn a go tɛl yu di wɔndaful tin dɛn we ayd we yu nɔ no yet.

Daniɛl 3:16

Nain Shedrak, Mishak ɛn Abɛdnigo ansa di kiŋ se, “Kiŋ Nɛbyukadnɛza, wi nɔ nid fɔ ansa yu.

Daniɛl 6:10

Wɛn Daniɛl bin si se di pepa dɔn sayn, i go nain os usay in winda dɛn de nain rum ɔpstiaz, we opin to Jerusɛlɛm; ɛn nildɔŋ tri tɛm fɔ de ɛn pre ɛn tɛl PAPA GƆD tɛnki lɛk aw i bin dɔn de du.

Matyu 10:19

Wɛn dɛn kɛr una go fɔ go jɔj una, una nɔ wɔri bɔt wetin una go tɔk, ɛn aw una go tɔk. Wɛn di tɛm rich Gɔd go tɛl una wetin fɔ tɔk.

Matyu 13:22

Dɛn sid we fɔdɔm midul chuk chuk bush na dɛn wan we yɛri di wɔd bɔt mi, bɔt di waala ɛn di jɛntri we dɛn want na dis wɔl kil di wɔd na dɛn at, dat mek dɛn nɔ du plɛnti tin fɔ Gɔd.

Matyu 6:34

Una fɔ lɛf tumara yon wɔri fɔ tumara; una nɔ put mɔ trɔbul pan unasɛf tide.

Matyu 6:8

Una nɔ fɔ tan lɛkɛ dɛn, bikɔs una Papa we de na ɛvin dɔn no wetin una nɔ gɛt bifo una aks am.

Lyuk 10:41

Jizɔs se, “Mata, Mata, yu put plɛnti tin na yu ed ɛn dat de wɔri yu,

Lyuk 12:22

Jizɔs tɔk to in lanin bɔy dɛn. I se, “Na dat mek a de tɛl una se, una nɔ fɔ wɔri bɔt wetin una fɔ it fɔ mek una gɛt layf ɛn wetin una fɔ wɛr pan una bɔdi so dat una nɔ go de nekɛd.

Lyuk 12:29

“Una nɔ put una at pan wetin una go it ɛn wetin una go drink, ɛn una nɔ wɔri bɔt dat!

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

Lyuk 18:7

Una min se Gɔd in pipul dɛn we i dɔn pik ɛn we de kray to am de ɛn nɛt fɔ mek i ɛp dɛn, Gɔd nɔ go tek dɛn kes? Una min se Gɔd go te fɔ ansa in pipul dɛn?

1 Kɔrint 7:21

If yu na bin slev di tɛm we Gɔd kɔl yu fɔ du in wok, nɔ mek dat wɔri yu; if yu gɛt di chans fɔ fri, mek dɛn fri yu.

1 Kɔrint 7:32

A lɛk mek una nɔ wɔri. Man we nɔ mared de put ɔl in at pan di Masta in wok, bikɔs i de wok fɔ mek Gɔd satisfay.

Lɛta Fɔ Ɛfisɔs 5:20

Una fɔ tek wi Masta Jizɔs Krays in nem tɛl Papa Gɔd tɛnki ɔltɛm fɔ ɔltin.

Lɛta Fɔ Ɛfisɔs 6:18

Una fɔ pre ɔltɛm fɔ ɔltin bay aw Gɔd in Spirit de tɛl una. Una fɔ waydawek ɛn una nɔ fɔ taya fɔ pre ɔltɛm fɔ Gɔd in pipul dɛn.

Lɛta Fɔ Kɔlɔse 3:15

Di kol at we Krays de gi go mek una gɛt wanwɔd we fɔ ɛp una wɛn una de mekɔp fɔ du sɔntin. We Gɔd dɔn briŋ una togɛda na wan bɔdi, dat na di chɔch, i want mek una gɛt kol at ɛn mek una gɛt wanwɔd. Una fɔ tɛl Gɔd tɛnki.

Lɛta Fɔ Kɔlɔse 3:17

Ɛni tin we una de du ɛn ɛnitin we una de tɔk fɔ sho se una biliv pan Masta Jizɔs, ɛn una fɔ tɛl Gɔd we na di Papa tɛnki fɔ wetin Krays dɔn du fɔ una.

Lɛta Fɔ Kɔlɔse 4:2

Una fɔ de pre ɔltɛm; una fɔ put una at pan dɛn tin we una de tɛl Gɔd ɛn una fɔ de tɛl am tɛnki.

Fɔs Lɛta To Timoti 2:1

Fɔs tin, a de beg una fɔ pre to Gɔd fɔ unasɛf ɛn fɔ ɔda pipul ɛn tɛl Gɔd tɛnki fɔ ɔlman na wɔl;

Fɔs Lɛta To Timoti 5:5

Uman we in man dɔn day we nɔ gɛt nɔbɔdi fɔ mɛn am go abop pan Gɔd ɛn i go de pre de ɛn nɛt de aks Gɔd fɔ ɛp am.

Pita In Fɔs Lɛta 4:7

Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Pita In Fɔs Lɛta 5:7

Una fɔ lɛf ɛnitin we de wɔri una na Gɔd an, bikɔs i want gi una ɔl wetin una fɔ gɛt.

1 Samiɛl 1:15

Ana tɛl am se i nɔ drɔnk. I ɛksplen se in na uman we tin de mɔna. I se i nɔ drink wayn ɔ bia bɔt dat i de tɛl PAPA GƆD wetin de mɔna am.

1 Samiɛl 30:6

Devid in at nɔ bin swit bikɔs in yon man dɛn bin dɔn bigin tɔk bɔt fɔ ston am mek i day; dɛn ɔl bin dɔn vɛks bad as dɛn bin kɛr ɔl dɛn bɔy ɛn gyal pikin dɛn go. Bɔt Devid kɔntinyu fɔ luk ɔp to PAPA GƆD we nain PAPA GƆD.

1 Samiɛl 7:12

Dɛn Samiɛl tek wan big ston we i put na Mizpa ɛn Shɛn. I kɔl am Ibɛniza ɛn se PAPA GƆD dɔn de ɛp dɛn te da tɛm de.