Lɛta Fɔ Filipay 4:5 - Krio Fɔs Oli Baybul

⁵ Mek ɔlman si se una ebul bia wit pipul. Una mɛmba se, i nɔ go te igen, di Masta go kam bak.

Lɛta Fɔ Filipay 4:5 Cross References

Matyu 6:25

“Na dat mek a de tɛl una se: una nɔ wɔri fɔ wetin una go it, drink, ɔ wɛr. Layf nɔ pas tin fɔ it? Di bɔdi nɔ pas tin fɔ wɛr?

Matyu 6:34

Una fɔ lɛf tumara yon wɔri fɔ tumara; una nɔ put mɔ trɔbul pan unasɛf tide.

Lyuk 21:34

“Bɔt una fɔ bikyaful, mek una nɔ jɛs sidɔm de ɛnjɔy dɛn pati ɛn drɔnk. Una nɔ fɔ put una at tumɔs pan wetin fɔ wɛr ɛn wetin una fɔ it. Mɔtalman Pikin go kam tɛm we una nɔ rɛdi.

1 Kɔrint 16:22

Ɛnibɔdi we nɔ lɛk di Masta, kɔs de pan am. Wi Masta de kam!

1 Kɔrint 6:7

We una de mek plaba sɛf te una gɛt fɔ go kot, dat sho se una nɔ de klos Gɔd atɔl. I nɔ bin fɔ bɛtɛ fɔ mek pipul du una bad? Ɔ mek dɛn tek una prɔpati?

1 Kɔrint 8:13

So if we a de it it we dɛn dɔn sakrifays to dɛn tin we mɔtalman de pre to, dat go mek mi kɔmpin Kristiɛn sin, a nɔ go it da it de igen so dat a nɔ go mek mi Kristiɛn brɔda sin, fɔseka dat.

1 Kɔrint 9:25

Ɛnibɔdi we want tek pat pan rɔnres, na pɔsin we nɔ go du ɛnitin we nɔ go mek in bɔdi fit, ɛn i go de du ɔl dɛn tin we go mek i ebul rɔn. Ɔl dɛn tin ya we i de du na fɔ mek i gɛt krawn di de we i go win, bɔt da krawn de na krawn we nɔ go las; bɔt ɔl wetin wi de du, na fɔ mek wi gɛt di krawn we Gɔd go gi wi, we go las sote go.

2 Kɔrint 10:1

Na mi, Pɔl, de beg una dɛn se a de fred fred wɛn a de wit una, na wɛn a nɔ de klos una nɔmɔ, a gɛt mɔt. A de tek di sem peshɛnt ɛn kwayɛt we we Krays gɛt beg una:

Sɛkɛn Lɛta Fɔ Tɛsalonayka 2:2

nɔ mek dɛn kɔnfyus una ɔ mek una wɔri if wetin una de tink nɔ rayt. Sɔntɛm pipul min se na wɛn wi de tɔk di wɔd we Gɔd tɛl wi fɔ tɔk nain wi tɔk se di de we di Masta fɔ kam dɔn kam, ɔ na wɛn wi de lan pipul bɔt Gɔd nain wi tɔk so, ɔ na lɛta a rayt dat.

Taytɔs 3:2

Tɛl dɛn mek dɛn nɔ tɔk bad bɔt ɛnibɔdi, mek dɛn nɔ lɛk fɔ mek plaba, mek dɛn de bia wit pipul ɛn mek dɛn nɔ ala pan ɛnibɔdi.

Di Ibru Pipul Dɛn 10:25

Una lɛ wi nɔ tap fɔ de mit, lɛ wi nɔ fala dɛn pipul we nɔ de gri fɔ go mitin. Bɔt una lɛ wi de kɔrej wi kɔmpin dɛn, mɔ igen we wi no se di De we wi Masta go kam bak de kam jisnɔ.

Di Ibru Pipul Dɛn 10:37

Dɛn rayt na Gɔd in Buk se, “I nɔ go te, di pɔsin we gɛt fɔ kam, go kam; i nɔ go wes tɛm.

Pita In Fɔs Lɛta 1:11

Wɛn Krays in Spirit we bin de insay dɛn bin tɔk bɔt aw Krays bin gɛt fɔ sɔfa ɛn di wɔndaful tin dɛn we bin gɛt fɔ apin afta dat, di prɔfɛt dɛn bin tray fɔ no ustɛm dɛn tin de go bi ɛn aw dɛn go bi.

Pita In Fɔs Lɛta 4:7

Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Rɛvɛleshɔn 22:20

Di pɔsin we de sho se dɛn tin ya na tru, de se, “Fɔ tru, di tɛm nɔ fa igen. A go kam bak!” Emɛn. Masta Jizɔs, kam!

Rɛvɛleshɔn 22:7

Jizɔs se, “Lisin, i nɔ go te igen, a go kam bak! Blɛsin de fɔ ɛnibɔdi we go fala dɛn tin we Gɔd tɔk, we gɛt fɔ bi, we rayt na dis buk.”