Lɛta Fɔ Filipay 3:8 - Krio Fɔs Oli Baybul

⁸ Natin sɛf nɔ de na wɔl we min ɛnitin to mi igen fɔseka Krays, bikɔs fɔ no am bɛtɛ fawe pas ɛnitin na wɔl. Fɔ in sek a dɔn lɛf ɔltin so dat Krays go tek mi lɛkɛ in yon. Ɔl dɛn tin we a bin de du fɔstɛm, a luk se dɛn nɔ bɛtɛ naw, bikɔs Krays dɔn bi mi gen;

Lɛta Fɔ Filipay 3:8 Cross References

1 Kiŋ 14:10

I se Jɛroboam go sɔfa fɔ wetin i du. Na big big dombolo i go put nain os. I se in go kil ɔl di bɔypikin dɛn na Izrɛl ɛn nɔ kia if di pɔsin na slev ɔ fribɔn. I se in go bɔn Jɛroboam in os lɛkɛ aw dɛn de bɔn dɔti te i dɔn kpatakpata.

2 Kiŋ 9:37

ɛn in bɔdi go tan lɛk dɔti na grɔn we nɔbɔdi nɔ go no se na Jɛzibɛl in bɔdi dat.

Job 20:7

briz go blo am go lɛk dɔst, di wan dɛn we bin no am go aks usay i go.

Di Sam Dɛm 126:6

If i de kray wɛn i tot in sid dɛn fɔ go plant, i mɔs gladi di tɛm wɛn i go tot di avɛst.

Di Sam Dɛm 73:25

We a gɛt yu we de na ɛvin, a nɔ nid natin igen na wɔl.

Ayzaya 53:11

I go si di bɛnifit fɔ di pen we in sol sɔfa, ɛn i go satisfay; na bay in sɛns di pɔsin we de waka tret na PAPA GƆD in yay, we na mi wokman, mek PAPA GƆD kɔnt bɔku pipul dɛn se, dɛn de waka tret nain yay; ɛn i go tot dɛn sin dɛm.

Malakay 2:3

I se, in go ala pan dɛn pikin dɛn dɔn di shit we di animal dɛn de pul na dɛn wes, we dɛn de gi am, nain i go put na dɛn fes so dat dɛn nɔ go go bifo am.

Di Nɔmba Dɛm 14:30

Dɛn nɔn nɔ go mas fut insay di land we a bin dɔn swɛ se a go mek i bi dɛn yon pas Kelɛb we na Jɛfunɛ in bɔypikin ɛn Jɔshwa we na Nɔn in bɔypikin.

Lyuk 1:43

Udat na mi we mi Masta in mama fɔ kam fɛn mi?

Lyuk 11:20

Bɔt if na Gɔd in pawa a de tek drɛb dɛbul, dat sho se fɔ tru Gɔd in rul dɔn kam to una.

Jɔn 14:20

Wɛn da tɛm de rich, una go no se a de insay mi Papa ɛn una de insay mi lɛkɛ aw a de insay una.

Jɔn 14:7

Jizɔs tɔk igen se, “Naw we una dɔn no mi, una go no mi Papa insɛf, ɛn frɔm naw una dɔn no am ɛn una dɔn si am.”

Jɔn 16:3

Pipul go du una ɔl dɛn tin ya bikɔs dɛn nɔ no Gɔd we na mi Papa ɛn dɛn nɔ no mi.

Jɔn 17:3

Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.

Jɔn 17:8

A dɔn tɛl dɛn ɔl wetin yu tɛl mi fɔ tɛl dɛn, ɛn dɛn lisin. Dɛn no se na to yu a kɔmɔt, fɔ tru, ɛn dɛn biliv se na yu sɛn mi kam na wɔl.

Jɔn 20:13

Di enjɛl dɛn aks am se, “Wetin du yu de kray?” I ansa dɛn se, “Dɛn dɔn kɛr mi Masta go, ɛn a nɔ no usay dɛn dɔn go put am.”

Jɔn 20:28

Tɔmɔs se, “Yu na mi Masta ɛn yu na mi Gɔd!”

Apɔsul Dɛn Wok 20:24

A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyuz bɔt aw Gɔd gud ɛn aw i lɛk mɔtalman.

Lɛta Fɔ Rom 8:18

A shɔ se di sɔfa we wi de sɔfa naw, nɔ go kam klos ɔl di wɔndaful tin dɛn we Gɔd go mek bi to wi.

Lɛta Fɔ Rom 8:39

di wɔl we de pantap ɔ di wɔl we de ɔnda natin nɔ de we Gɔd mek we go ebul mek di lɛk we Gɔd lɛk wi we Jizɔs Krays wi Masta dɔn sho wi, tap fɔ rich wi.

1 Kɔrint 2:2

Ɔl di tɛm we a bin de wit una, a bin mekɔp fɔ jɛs de tɔk nɔmɔ bɔt Jizɔs Krays we dɛn kil na di krɔs.

1 Kɔrint 9:10

Ɔ na wi i min we i tɔk dat? Na wi dɛn rayt dat fɔ, dawt nɔ de pan dat. Di man we de dig di grɔn fɔ mek dɛn plant ɛn di wan we de gɛda wetin dɛn plant, dɛn tu fɔ sheb ɔl wetin dɛn ebul gɛt.

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

2 Kɔrint 4:6

Gɔd we se, “Layt go kɔmɔt na da say we dak!” Na di sem Gɔd mek in layt shayn insay wi at ɛn da layt de we de shayn na Krays in fes, nain de mek wi no aw Gɔd wɔndaful.

Lɛta Fɔ Galeshya 1:16

fɔ mek a no in Pikin, so dat a go tɛl dɛn pipul we nɔto Ju bɔt di Gud Nyuz, a nɔ bin aks ɛnibɔdi fɔ tɛl mi wetin a fɔ du,

Lɛta Fɔ Ɛfisɔs 4:13

So wi ɔl go gɛt wanwɔd pan wetin wi biliv ɛn wetin wi no bɔt Gɔd in Pikin, ɛn wi go tink lɛkɛ bigman bɔt aw Krays tan ɛn Krays go de insay wi gud.

Lɛta Fɔ Filipay 1:1

Na wi, Pɔl ɛn Timoti, we de wok fɔ Krays Jizɔs, de sɛn dis lɛta to ɔl dɛn pipul we de na Fili pay we gɛt wanwɔd wit Krays Jizɔs. Semwe so, wi de sɛn am to dɛn chɔch ovasia ɛn dɛn pipul we de ɛp pan di chɔch wok.

Lɛta Fɔ Filipay 3:10

Naw ɔl wetin a want na fɔ no Krays ɛn fɔ mek in pawa kam na mi layf, da pawa we mek i rayz frɔm di grev, a want sɔfa lɛkɛ aw i bin sɔfa ɛn a want day lɛkɛ aw i day,

Lɛta Fɔ Filipay 3:12

A nɔ de se a dɔn du ɔl wetin Gɔd want mi fɔ du ɛn a nɔ de se a dɔn bi wetin a fɔ bi na Gɔd yay, bɔt a de tray fɔ du ɔl wetin Gɔd want mi fɔ du, bikɔs Krays dɔn mek a bi in yon.

Lɛta Fɔ Filipay 3:7

Bɔt ɔl dɛn tin ya we bin ful mi yay, a nɔ tek dɛn mek natin naw fɔseka Krays.

Sɛkɛn Lɛta To Timoti 4:6

Fɔ mi yon pat, di tɛm dɔn rich fɔ mek a day lɛkɛ sakrifays fɔ Gɔd; di tɛm dɔn kam fɔ mek a lɛf dis layf.

Di Ibru Pipul Dɛn 3:14

Una fɔ mɛmba se, if wi put wi at pan ɔl wetin Gɔd tɛl wi se in go du lɛkɛ aw wi bin de du di tɛm we wi jɛs bi Kristiɛn, ɛn wi nɔ tap fɔ du dat, wi go gɛt pan ɔl wetin Krays gɛt.

Pita In Fɔs Lɛta 2:7

Dis ston ya de ɛp una we biliv am gud gud wan, bɔt fɔ dɛn wan we nɔ biliv am, dɛn rayt na Gɔd in Buk se, “Di ston we dɛn pipul we de bil nɔ tek mek natin, nain dɔn kam bi di wan we impɔtant pas ɔl di ɔda wan dɛn.”

Pita In Sɛkɛn Lɛta 1:2

If una want fɔ mek Gɔd de du gud fɔ una mɔ ɛn mɔ ɛn mek i gi una kol at mɔ ɛn mɔ, una fɔ no am ɛn una fɔ no wi Masta Jizɔs.

Pita In Sɛkɛn Lɛta 1:3

We wi no am, i dɔn gi wi ɔltin we wi fɔ gɛt fɔ mek wi ebul liv lɛkɛ aw i want mek wi liv bay in pawa. Gɔd kɔl wi fɔ mek wi gɛt pan di wɔndaful ɔna ɛn pawa we i gɛt ɛn mek wisɛf gud lɛkɛ aw i gud.

Pita In Sɛkɛn Lɛta 1:8

If dɛn tin ya de na una at ɛn una de du dɛn mɔ ɛn mɔ, di sabi we una sabi wi Masta Jizɔs Krays go mek una ebul du plɛnti gud wok we go ɛp ɔda pipul.

Pita In Sɛkɛn Lɛta 3:18

Una fɔ lan mɔ ɛn mɔ bɔt wi Masta Jizɔs Krays we sev wi, ɛn una fɔ no aw Gɔd gud mɔ ɛn mɔ. Nain gɛt pawa ɛn ɔna frɔm naw sote go! Emɛn.

Jɔn In Fɔs Lɛta 1:3

Wi de tɛl una bɔt wetin wi dɔn si ɛn yɛri, so dat wi ɔl go jɔyn an togɛda. We wi jɔyn an togɛda na wit di Papa ɛn in Pikin, Jizɔs Krays.

Jɔn In Fɔs Lɛta 2:19

Dɛn pipul de nɔto bin wi yon pipul dɛn, na dat mek dɛn lɛf wi go; bikɔs if dɛn na bin wi yon pipul, dɛn bin fɔ de wit wi. Bɔt dɛn lɛf wi so dat ɔlman go no se dɛn nɔn nɔto bin wi yon pipul.

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.