Lɛta Fɔ Filipay 3:12 - Krio Fɔs Oli Baybul

¹² A nɔ de se a dɔn du ɔl wetin Gɔd want mi fɔ du ɛn a nɔ de se a dɔn bi wetin a fɔ bi na Gɔd yay, bɔt a de tray fɔ du ɔl wetin Gɔd want mi fɔ du, bikɔs Krays dɔn mek a bi in yon.

Lɛta Fɔ Filipay 3:12 Cross References

Job 17:9

Di wan dɛn we de waka tret wit PAPA GƆD, stil de du dat, ɛn di wan dɛn we nɔ de du bad, de gud mɔ ɛvride.

Di Sam Dɛm 119:5

Eya, a wish a bin ebul fɔ de obe yu lɔ dɛn ɔltɛm!

Di Sam Dɛm 138:8

PAPA GƆD go du ɔl wetin i dɔn prɔmis. PAPA GƆD, yu lɔv de de sote go; nɔ lɛf wi to wisɛf bikɔs na yu mek wi.

Di Sam Dɛm 42:1

Lɛkɛ aw dia kin tɔsti fɔ frɛsh wata, na so mi wanol bɔdi de majiji fɔ wɔship yu, PAPA GƆD.

Di Sam Dɛm 63:8

A nɔ go kɔmɔt biɛn yu; yu go yuz yu pawa fɔ de kɔba mi.

Di Sam Dɛm 84:2

A so de, magomago fɔ de usay PAPA GƆD de. A go gladi ɛn wit ɔl mi at a go siŋ to PAPA GƆD we nain nɔmɔ de gi layf.

Di Sam Dɛm 94:15

Dɛn wan dɛn we de jɔj nɔ go de twis di lɔ igen; ɛn udat de du tin tret wan go gladi.

Prɔvabs 4:18

Bɔt di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.

Ayzaya 51:1

“Lisin to mi, yu we de rɔnata dilivrans, yu we de fɛn PAPA GƆD; luk to di rɔk we dɛn kɔt yu kɔmɔt, ɛn to di kwari usay dɛn dig yu kɔmɔt.

Ozie 6:3

Lɛ wi du ɔl wetin wi ebul du fɔ mek wi no PAPA GƆD; natin nɔ gɛt fɔ tap am fɔ du wetin i wan du. I go kam lɛk ren lɛk we ren de kam kam amatan tɛm.

Matyu 5:48

Una fɔ lɛk una kɔmpin mɔtalman lɛkɛ aw Gɔd, we na una Papa we de na ɛvin, lɛk ɔlman.

Apɔsul Dɛn Wok 9:15

Di Masta tɛl Ananayas se, “Go, a dɔn pik Sɔl fɔ mek i wok fɔ mi. I go mek dɛn pipul we nɔto Ju ɛn dɛn kiŋ ɛn dɛn pipul na Izrɛl sabi mi.

Lɛta Fɔ Rom 8:39

di wɔl we de pantap ɔ di wɔl we de ɔnda natin nɔ de we Gɔd mek we go ebul mek di lɛk we Gɔd lɛk wi we Jizɔs Krays wi Masta dɔn sho wi, tap fɔ rich wi.

1 Kɔrint 13:10

Wɛn di tɛm rich we ɔltin go dɔn bi lɛkɛ aw dɛn fɔ bi, wi go no ɔltin gud ɛn wi go lɛf fɔ du tin af ɛn af.

1 Kɔrint 13:12

Wetin wi de si naw tan lɛkɛ wetin pɔsin kin si na glas we nɔ klia; bɔt da tɛm de, wi go si gud gud wan wit wi yon yay. A nɔ sabi plɛnti tin naw, bɔt da tɛm de a go sabi ɔltin gud gud lɛkɛ aw Gɔd sabi mi gud gud.

1 Kɔrint 9:24

Una nɔ no se pan ɔl dɛn pipul we de rɔnres na wangren pɔsin kin win? So unasɛf fɔ rɔn mek una go win.

2 Kɔrint 13:9

Wi go gladi wɛn wi nɔ gɛt pawa, wans nɔmɔ una gɛt pawa. So wi de pre mek Gɔd mek una nɔ gɛt ɛni bɔt na una layf.

2 Kɔrint 7:1

Mi padi dɛn, Gɔd dɔn mek ɔl dɛn prɔmis ya fɔ wi. So, lɛ wi nɔ du ɛnitin we go mek wi bɔdi ɔ wi spirit nɔ klin, lɛ wi liv fɔ Gɔd nɔmɔ, ɛn lɛ wi sho pipul se wi de fred Gɔd.

Lɛta Fɔ Galeshya 5:17

Wetin mɔtalman want, nɔto wetin Gɔd in Spirit want. Wetin Gɔd in Spirit want, nɔto wetin mɔtalman want. Wetin mɔtalman want ɛn wetin Gɔd in Spirit want na tu difrɛn tin, so una nɔ go du wetin una want fɔ du.

Lɛta Fɔ Ɛfisɔs 1:4

Gɔd dɔn pik wi bifo i mek di wɔl fɔ mek wi gɛt wanwɔd wit Krays, so dat wi go bi in yon pipul ɛn bɔt nɔ go de na wi layf.

Lɛta Fɔ Ɛfisɔs 4:12

I du ɔl dis fɔ mek Gɔd in pipul dɛn rɛdi ɛn ebul fɔ du dɛn wok, so dat dɛn go bil Krays in bɔdi we na di chɔch.

Lɛta Fɔ Filipay 1:1

Na wi, Pɔl ɛn Timoti, we de wok fɔ Krays Jizɔs, de sɛn dis lɛta to ɔl dɛn pipul we de na Fili pay we gɛt wanwɔd wit Krays Jizɔs. Semwe so, wi de sɛn am to dɛn chɔch ovasia ɛn dɛn pipul we de ɛp pan di chɔch wok.

Lɛta Fɔ Filipay 3:16

Na wan tin nɔmɔ a gɛt fɔ se, lɛ wi nɔn nɔ lɛf fɔ fala di sem lɔ dɛn we wi dɔn de fala ɔl dis tɛm.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Lɛta Fɔ Filipay 3:8

Natin sɛf nɔ de na wɔl we min ɛnitin to mi igen fɔseka Krays, bikɔs fɔ no am bɛtɛ fawe pas ɛnitin na wɔl. Fɔ in sek a dɔn lɛf ɔltin so dat Krays go tek mi lɛkɛ in yon. Ɔl dɛn tin we a bin de du fɔstɛm, a luk se dɛn nɔ bɛtɛ naw, bikɔs Krays dɔn bi mi gen;

Fɔs Lɛta Fɔ Tɛsalonayka 5:15

Una nɔ fɔ gri mek ɛnibɔdi tɔn bad gi pɔsin we bin dɔn du am bad, bɔt una fɔ de tray ɔltɛm fɔ du gud to una kɔmpin Kristiɛn dɛn ɛn to ɔlman.

Sɛkɛn Lɛta Fɔ Tɛsalonayka 2:13

Mi Kristiɛn pipul dɛn we di Masta lɛk, wi fɔ tɛl Gɔd tɛnki fɔ una ɔltɛm, bikɔs frɔm we di wɔl bigin, Gɔd bin dɔn pik una fɔ sev una bay we i mek in Spirit mek una bi in yon pipul dɛn ɛn bay we una put ɔl una at pan di Gud Nyuz bɔt Krays.

Fɔs Lɛta To Timoti 5:10

ɛn ɔlman fɔ no am fɔ di gud tin dɛn we i de du: i fɔ bi uman we tren in pikin dɛn gud, we kin du gud fɔ trenja, we kin wok fɔ di Kristiɛn dɛn, we kin ɛp dɛn pipul we de pan trɔbul, ɛn we kin du ɔl kayn gud wok.

Fɔs Lɛta To Timoti 6:19

If dɛn du dat dɛn go rɛdi fɔ di tɛm we gɛt fɔ kam, so dat dɛn go gɛt da layf we na di tru layf.

Di Ibru Pipul Dɛn 12:14

Una tray mek una nɔ mek plaba wit ɛnibɔdi, ɛn una tray fɔ liv klin layf ɔltɛm, bikɔs nɔbɔdi nɔ go si Gɔd na ɛvin pas in layf klin.

Di Ibru Pipul Dɛn 12:23

Una de wit Gɔd in pikin dɛn we dɔn gɛda na ɛvin. Gɔd bin dɔn rayt dɛn nem na di buk we de na ɛvin. Una dɔn kam bifo Gɔd we de jɔj ɔlman. Una dɔn de wit dɛn pipul we tret na Gɔd yay, dɛn wan we Gɔd dɔn mek dɛn layf bi wetin i fɔ bi.

Di Ibru Pipul Dɛn 13:21

A de pre mek Gɔd gi una ɔl dɛn gud tin we una nɔ gɛt, so dat una go yus dɛn gud tin de fɔ du wetin i want una fɔ du. A de pre mek Gɔd mek Jizɔs Krays in pawa wok na wi ɔl at, so dat wi go bi aw i want wi fɔ bi. A de pre mek pipul prez ɛn rɛspɛkt Jizɔs Krays sote go! Emɛn.

Jems 3:2

Wi ɔl de du tin we nɔ rayt. Ɛnibɔdi we nɔba tɔk tin we nɔ rayt na pɔsin we nɔba du tin we nɔ rayt. I ebul kɔntrol ɔl pat pan in bɔdi.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Pita In Sɛkɛn Lɛta 3:18

Una fɔ lan mɔ ɛn mɔ bɔt wi Masta Jizɔs Krays we sev wi, ɛn una fɔ no aw Gɔd gud mɔ ɛn mɔ. Nain gɛt pawa ɛn ɔna frɔm naw sote go! Emɛn.