Lɛta Fɔ Filipay 3:10 - Krio Fɔs Oli Baybul

¹⁰ Naw ɔl wetin a want na fɔ no Krays ɛn fɔ mek in pawa kam na mi layf, da pawa we mek i rayz frɔm di grev, a want sɔfa lɛkɛ aw i bin sɔfa ɛn a want day lɛkɛ aw i day,

Lɛta Fɔ Filipay 3:10 Cross References

Jɛrimaya 9:23

Na dis PAPA GƆD se, “Le di sɛnsman nɔ bost fɔ in sɛns, le di pawaful man nɔ bost fɔ in trɛnk, ɛn lɛ di jɛntri man nɔ boast bɔt in jɛntri;

Matyu 20:23

Jizɔs se, “Una go sɔfa lɛkɛ aw a go sɔfa, bɔt a nɔ gɛt di pawa fɔ mek una sidɔm na mi raytan ɔ lɛfan, mi Papa dɔn kip dɛn ples de fɔ dɛn pipul we i dɔn mak fɔ lib de.”

Jɔn 10:18

Nɔbɔdi nɔ go kil mi pas a gri. Na misɛf sɛf gri fɔ mek dɛn kil mi. A gɛt di pawa fɔ sakrifays mi layf ɛn a gɛt di pawa fɔ tek am bak. Na dat mi Papa tɛl mi fɔ du ɛn i gi mi di pawa fɔ du am.”

Jɔn 17:3

Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.

Lɛta Fɔ Rom 8:17

We wi na Gɔd in pikin dɛn, wi go gɛt dɛn blɛsin we Gɔd dɔn prɔmis in pipul dɛn, semwe so, wi gɛt pan wetin Gɔd bin kip fɔ Krays. If wi sɔfa lɛkɛ aw Krays sɔfa, Gɔd go mek di wɔndaful layf we Krays gɛt bi wi yon.

Lɛta Fɔ Rom 8:29

Gɔd bin dɔn pik dɛn pipul we i bin dɔn mak fɔ tan lɛkɛ in Pikin, so dat in Pikin go bi di fɔs pikin pan in plɛnti brɔda dɛn.

Lɛta Fɔ Rom 8:36

Lɛkɛ aw dɛn rayt na Gɔd in Buk we dɛn se, “Papa Gɔd, na fɔseka yu, pipul de tray fɔ kil wi ɔltɛm; dɛn de trit wi lɛkɛ ship we dɛn gɛt fɔ kil.”

2 Kɔrint 1:10

I pul wi kɔmɔt na day rod, ɛn i go du dat bak; wi no se we una de ɛp wi pre, Gɔd go de pul wi pan denja ɔltɛm. I go ansa dɛn pre we plɛnti pipul de pre fɔ wi, ɛn i go blɛs wi; we dat bi, plɛnti pipul go tɛl am tɛnki fɔ wetin i du fɔ wi.

2 Kɔrint 1:5

We wi de sɔfa lɛkɛ aw Krays bin sɔfa, Krays de kɔrej wi plɛnti tɛm.

2 Kɔrint 13:4

I nɔ sho in pawa wɛn dɛn bin mek i day na di krɔs, bɔt Gɔd in pawa mek i gɛt layf. Bikɔs wi gɛt wanwɔd wit Krays, i tan lɛkɛ se wisɛf nɔ gɛt pawa, bɔt wi ebul wok wit una, bikɔs wi de waka wit Krays bay di pawa we Gɔd de gi wi.

Lɛta Fɔ Galeshya 2:20

Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakrifays in layf fɔseka mi.

Lɛta Fɔ Galeshya 6:17

Bifo a dɔn wetin a de rayt una, a de tɛl una se: una nɔ mek ɛnibɔdi mek a sɔfa igen, bikɔs a gɛt di wip mak dɛn na mi bɔdi we sho se mi na Jizɔs in slev.

Lɛta Fɔ Ɛfisɔs 4:13

So wi ɔl go gɛt wanwɔd pan wetin wi biliv ɛn wetin wi no bɔt Gɔd in Pikin, ɛn wi go tink lɛkɛ bigman bɔt aw Krays tan ɛn Krays go de insay wi gud.

Lɛta Fɔ Filipay 3:8

Natin sɛf nɔ de na wɔl we min ɛnitin to mi igen fɔseka Krays, bikɔs fɔ no am bɛtɛ fawe pas ɛnitin na wɔl. Fɔ in sek a dɔn lɛf ɔltin so dat Krays go tek mi lɛkɛ in yon. Ɔl dɛn tin we a bin de du fɔstɛm, a luk se dɛn nɔ bɛtɛ naw, bikɔs Krays dɔn bi mi gen;

Lɛta Fɔ Kɔlɔse 1:24

A gladi naw we a de sɔfa fɔ una, bikɔs di pen we a de sɔfa naw na pat pan di sɔfa we Krays bin sɔfa fɔseka in bɔdi we na di chɔch, ɛn we pipul stil gɛt fɔ sɔfa.

Lɛta Fɔ Kɔlɔse 2:13

Tɛm bin de we i bin tan lɛkɛ se una bin dɔn day, bikɔs una bin de pan sin ɛn una bin tan lɛkɛ dɛn pipul we nɔto Ju we nɔ gɛt di Lɔ we Gɔd gi Mozis. Bɔt naw we una dɔn gɛt wanwɔd wit Krays, Gɔd dɔn gi una di tru layf. Gɔd dɔn padin ɔl wi sin dɛn.

Lɛta Fɔ Kɔlɔse 3:1

We Gɔd dɔn gi Krays in layf bak, i dɔn mek unasɛf gɛt nyu layf, so una fɔ put ɔl una at pan dɛn tin we Gɔd gɛt fɔ una na ɛvin, di ples we Krays sidɔm de rul na Gɔd in raytan.

Pita In Fɔs Lɛta 1:3

Lɛ wi tɛl Gɔd, we na Masta Jizɔs Krays in Papa, tɛnki! Bikɔs Gɔd sɔri fɔ wi, i mek Jizɔs Krays rayz frɔm di grev fɔ gi wi nyu layf, na dat mek wi abop fɔ gɛt layf we go de sote go,

Pita In Sɛkɛn Lɛta 1:13

A fil se i rayt fɔ mek a de mɛmba una bɔt dɛn tin ya naw we a gɛt layf fɔs, fɔ mek una waydawek.

Jɔn In Fɔs Lɛta 2:3

If wi gri fɔ du ɔl wetin Gɔd tɛl wi fɔ du, na da tɛm de nɔmɔ wi kin shɔ se wi no Gɔd gud.

Jɔn In Fɔs Lɛta 2:5

Bɔt ɛni bɔdi we de du wetin Gɔd tɛl am fɔ du dɔn sho se in lɛk Gɔd, fɔ tru; na dat wi go tek no fɔ tru se wi na Gɔd yon pipul.

Rɛvɛleshɔn 1:18

Na mi gɛt layf naw. A bin dɔn day bɔt a dɔn gɛt layf bak, ɛn a go gɛt layf sote go; na mi gɛt pawa oba day ɛn na mi ol di ki fɔ di say we dɛn spirit we dɔn kɔmɔt na dis wɔl de.