Lɛta Fɔ Filipay 2:9 - Krio Fɔs Oli Baybul

⁹ Fɔseka dat, Gɔd mek i sidɔm na ples we sho se nain impɔtant pas ɔl ɛn i gi am nem we sho se i impɔtant pas ɔl.

Lɛta Fɔ Filipay 2:9 Cross References

Jɛnɛsis 3:15

A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”

Di Sam Dɛm 110:1

PAPA GƆD tɔk to di Kiŋ. I se, “Kam sidɔm na mi raytan say, usay pɔsin we gɛt ɔna fɔ de, te a put yu ɛnimi dɛn ɔnda yu fut.”

Di Sam Dɛm 110:5

PAPA GƆD de fɔ yu. We i vɛks, i go nyamanyama dɛn kiŋ dɛn.

Di Sam Dɛm 89:27

I se, in PAPA GƆD, go trit Devid lɛk in fɔs-bɔy-pikin we gɛt ɔlkayn rayt, i go mek am fɔ pas ɔl dɛn ɔda kiŋ na dis wɔl.

Di Sam Dɛm 91:14

PAPA GƆD se in nɔ go mek natin du am bikɔs i lɛk am i se in go kɔba am bikɔs i no am.

Ayzaya 52:13

Biliv mi, mi wokman go prɔspa, dɛn go es am ɔp, ɛn i go de ay ay wan.

Ayzaya 53:12

Fɔseka dat, a go mek say fɔ am wit dɛn pipul dɛn we gɛt ay rɛspɛkt, ɛn nain ɛn di pawaful pipul dɛn go sheb di viktri; bikɔs i gi insɛf fɔ day fɔ di wɔl we nɔbɔdi nɔ fos am, ɛn dɛn bin kɔnt am as wan sina; pan ɔl dat, i tot bɔku pipul sin, ɛn bin pre fɔ di pipul dɛn we de kɔmit sin.

Ayzaya 9:7

Fɔ in gɔvamɛnt in bɛtɛ wan ɛn fɔ kol at, dat go de sote go, na Devid in tron ɛn nain kindɔm, fɔ bigin di kindɔm ɛn mek i tinap wit jɔstis ɛn fɔ waka tret wit PAPA GƆD, frɔm naw, sote go. Na PAPA GƆD Ɔlmayti in pawa go du dat.

Daniɛl 7:14

Ɛn dɛn bin gi di mɔtalman pawa ɛn gud nem ɛn kindɔm, so dat ɔl kayn pipul, neshɔn ɛn dɛn wan we de tɔk difrɛn difrɛn laŋwej fɔ wok fɔ am; in pawa na pawa we go de sote go, i nɔ go ɛva dɔn, ɛn in kindɔm na wan kindɔm we nɔ go fɔdɔm.

Matyu 11:27

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.

Matyu 28:18

Jizɔs go klos dɛn ɛn se, “Gɔd dɔn gi mi ɔl di pawa fɔ rul na ɛvin ɛn dis wɔl.

Lyuk 10:22

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.”

Jɔn 13:3

Jizɔs bin no se in yon Papa bin dɔn gi am ɔl di pawa we i fɔ gɛt oba ɔltin, ɛn i bin no se na Gɔd i kɔmɔt to ɛn na Gɔd i de tɔn bak go to.

Jɔn 17:11

Ɛn naw a de kam bak to yu; a nɔ go de na di wɔl igen, bɔt dɛn go stil de na di wɔl. Duya, Papa, yu we na Gɔd ɛn yu we nɔ gɛt natin fɔ du wit sin, kip dɛn mek natin nɔ du dɛn, bay di pawa we de na yu nem, di nem we yu gi mi, so dat dɛn ɔl go bi wan ɛn gɛt wan at lɛkɛ aw mi ɛn yu gɛt wan at.

Jɔn 17:12

Wɛn a bin stil de wit dɛn, a bin kip dɛn wit di pawa we de na yu nem we yu gi mi mek natin nɔ du dɛn. A bin kip dɛn mek natin nɔ du dɛn ɛn dɛn nɔn nɔ lɔs, pas di man we Gɔd bin dɔn mak fɔ go ɛl so dat wetin bin dɔn rayt na Gɔd in Buk go bi.

Jɔn 17:5

Papa, ɔna mi naw na di ples we yu de, wit da sem ɔna we a bin gɛt bifo di wɔl mek!

Apɔsul Dɛn Wok 5:31

Gɔd dɔn mek Jizɔs sidɔm nain raytan fɔ bi wi Masta ɛn wi Seviɔ, so dat i go gi di Izrɛl pipul dɛn chans fɔ chenj ɛn Gɔd go padin dɛn fɔ dɛn sin.

Lɛta Fɔ Ɛfisɔs 1:10

Gɔd bin dɔn plan se: Wɛn di tɛm rich, i go briŋ ɔltin we gɛt layf wan ples: ɔltin we de na di klawd ɛn ɔl dɛn wan we de na di wɔl, Krays go bi edman fɔ dɛn ɔl.

Lɛta Fɔ Kɔlɔse 1:18

Krays na di ed pan di bɔdi, we na di chɔch; nain de gi di bɔdi layf. Krays na Gɔd in fɔs Pikin we Gɔd mek rayz frɔm di grev, so dat in wangren go de oba ɔltin ɛn ɔlman.

Sɛkɛn Lɛta Fɔ Tɛsalonayka 1:12

If una du dat, una go mek pipul ɔna wi Masta Jizɔs, ɛn Masta Jizɔs go mek pipul ɔna una, bikɔs Gɔd, we na wi yon, ɛn Masta Jizɔs Krays gud to una.

Di Ibru Pipul Dɛn 1:4

Gɔd mek in Pikin pas di enjɛl dɛn fawe, lɛkɛ aw di nem we i gi am pas di enjɛl dɛn nem fawe.

Di Ibru Pipul Dɛn 1:9

Yu lɛk wetin rayt, yu nɔ lɛk wetin nɔ rayt. Na dat mek Gɔd we na yu Gɔd pik yu fɔ mek yu gɛt ɔna ɛn jɔy pas ɔl yu kɔmpin dɛn.”

Di Ibru Pipul Dɛn 12:2

Una lɛ wi luk ɔp to Jizɔs ɔltɛm bikɔs nain de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul.

Di Ibru Pipul Dɛn 2:9

Bɔt wi no se Jizɔs de rul ɔltin. Fɔstɛm, Gɔd bin mek di enjɛl dɛn pas Jizɔs fɔ shɔt tɛm, so di lɛk we Gɔd lɛk mɔtalman ɛn di sɔri we i sɔri fɔ am, mek i mek Jizɔs sɔfa ɛn day fɔseka mɔtalman. Bikɔs Jizɔs sɔfa ɛn day, dat mek Gɔd gi am pawa, ɔna ɛn rɛspɛkt.

Pita In Fɔs Lɛta 3:22

Naw Jizɔs Krays dɔn go na ɛvin ɛn i sidɔm na Gɔd in raytan; na de i de rul oba ɔl dɛn enjɛl ɛn ɔl dɛn wan we gɛt pawa na ɛvin.

Pita In Sɛkɛn Lɛta 1:17

Wi bin de wɛn Gɔd we na wi Papa gi wi Masta Jizɔs Krays big ɔna ɛn pawa, ɛn wi yɛri big ɛn wɔndaful vɔys, we kɔmɔt ɔp to Gɔd na ɛvin de tɔk se, “Dis na mi Pikin we a lɛk bad. A satisfay wit am.”

Jɔn In Tɔd Lɛta 1:7

Dɛn Kristiɛn ya de go patrol fɔ du Krays in wok ɛn dɛn nɔ de tek natin na dɛn pipul we nɔ biliv Krays, dɛn an.

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Rɛvɛleshɔn 19:16

Wan nem bin rayt pan in klos ɛn pan in lɛg, dat na “Kiŋ we de rul oba ɔl dɛn kiŋ, ɛn Masta oba ɔl dɛn masta.”

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.

Rɛvɛleshɔn 5:12

Dɛn bigin siŋ lawd wan se, “Di Ship we dɛn bin kil, fit fɔ mek wi sho se i gɛt pawa, i jɛntri, i gɛt sɛns, i gɛt trɛnk, i gɛt ɔna, i wɔndaful, ɛn wi fɔ prez am.”