Lɛta Fɔ Filipay 2:7 - Krio Fɔs Oli Baybul

⁷ Bifo dat, Jizɔs mekɔp fɔ lɛf ɔltin, i lɛf fɔ rul lɛkɛ aw i bin de rul, ɛn i tɔn insɛf to savant. Jizɔs tɔn to mɔtalman ɛn i kam na wɔl lɛkɛ mɔtalman.

Lɛta Fɔ Filipay 2:7 Cross References

Di Sam Dɛm 22:6

Pipul tek mi lɛkɛ tumbu dɛn ɔl de laf mi, dɛn nɔ wan si mi.

Ayzaya 42:1

Dis na mi wokman we a de sɔpɔt, di wan we a dɔn pik, we mi sol de gladi fɔ; A dɔn put mi Spirit pan am, i go mek ɔl mɔtalman na wɔl trit in kɔmpin di sem.

Ayzaya 49:3

Ɛn i tɛl mi se, “Yu na mi wokman, yu Izrɛl, we na pan yu a go gɛt glori.”

Ayzaya 53:11

I go si di bɛnifit fɔ di pen we in sol sɔfa, ɛn i go satisfay; na bay in sɛns di pɔsin we de waka tret na PAPA GƆD in yay, we na mi wokman, mek PAPA GƆD kɔnt bɔku pipul dɛn se, dɛn de waka tret nain yay; ɛn i go tot dɛn sin dɛm.

Daniɛl 9:26

Wɛn di siksti tu wik go dɔn dɔn, dɛn go kil di pɔsin we dɛn dɔn anɔynt ɛn i go tɔn po man. Ɛn di prins we go gɛt fɔ kam, in pipul dɛm go nyakanyaka di siti ɛn di ples we dɛn de pre. Ɔltin go dɔn wantɛm wantɛm. Bay di tɛm we ɔltin go dɔn, wa go fɔdɔm. I go bi lɔ se dɛn fɔ nyakanyaka di siti.

Zɛkaraya 3:8

I tɛl Jɔshwa we na di bigman fɔ dɛn man we de mek sakrifays fɔ pipul sin ɛn ɔl in padi dɛn we de wit am se, dɛn na gud man dɛn bɔt i go sɛn di pɔsin we go tɔk fɔ am we dɛn go kɔl di Branch.

Zɛkaraya 9:9

I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.

Matyu 12:18

“Dis na di man we a dɔn pik fɔ du mi wok. A lɛk am ɛn a satisfay wit am bad. A go put mi Spirit insay am; ɛn i go tɛl ɔlman se wetin a tɔk, rayt.

Matyu 20:28

una fɔ tan lɛkɛ Mɔtalman Pikin, we nɔ kam fɔ mek mɔtalman bi in savant, bɔt i kam fɔ bi dɛn savant ɛn fɔ gi in layf fɔ sev plɛnti plɛnti pipul.”

Mak 9:12

Jizɔs ansa se, “Ilayja mɔs kam ɛn rɛdi ɔltin. Bɔt wetindu dɛn rayt na Gɔd in Buk se Mɔtalman Pikin go sɔfa plɛnti ɛn pipul nɔ go tek am mek natin?

Lyuk 22:27

If yu gɛt tu pɔsin, wande it, di ɔda pɔsin de sav am, uswan pan dɛn tu impɔtant pas in kɔmpin? Di pɔsin we de it, fɔ tru. Bɔt mi we na una Masta tan lɛkɛ una savant.

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Lɛta Fɔ Rom 1:3

Dis Gud Nyuz ya tɔk bɔt Gɔd in Pikin we na wi Masta Jizɔs Krays. Wɛn di Pikin na bin mɔtalman na bin wan pan Devid in grampikin pikin dɛm;

Lɛta Fɔ Rom 15:3

Krays nɔ bin du ɔl wetin i du fɔ pliz insɛf, bɔt dɛn rayt na Gɔd in Buk se, i se, “Wɛn pipul kɔs yu, na mi dɛn kɔs.”

Lɛta Fɔ Rom 15:8

A de tɛl una se Krays kam fɔ ɛp di Ju pipul dɛn fɔ sho se Gɔd go du wetin i bin dɔn prɔmis Ebraam, Ayzak ɛn Jekɔb,

Lɛta Fɔ Rom 8:3

Gɔd dɔn du wetin di Lɔ nɔ ebul du bikɔs mɔtalman nɔ ebul ɛp insɛf. Gɔd kɔndɛm di sin we de wok insay mɔtalman in at wɛn i sɛn in yon Pikin lɛkɛ mɔtalman kam na wɔl fɔ pul sin kɔmɔt na mɔtalman in at.

2 Kɔrint 13:4

I nɔ sho in pawa wɛn dɛn bin mek i day na di krɔs, bɔt Gɔd in pawa mek i gɛt layf. Bikɔs wi gɛt wanwɔd wit Krays, i tan lɛkɛ se wisɛf nɔ gɛt pawa, bɔt wi ebul wok wit una, bikɔs wi de waka wit Krays bay di pawa we Gɔd de gi wi.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Lɛta Fɔ Galeshya 4:4

Bɔt wɛn di rayt tɛm rich, Gɔd sɛn in Pikin, we na Jizɔs Krays, kam na wɔl. Gɔd mek uman bɔn Jizɔs Krays ɛn Jizɔs Krays du ɔl wetin di Ju lɔ se,

Lɛta Fɔ Filipay 2:6

Pan ɔl we Jizɔs Krays tan lɛkɛ aw Gɔd tan, i nɔ se paopa in ɛn Gɔd fɔ bi wan.

Di Ibru Pipul Dɛn 12:2

Una lɛ wi luk ɔp to Jizɔs ɔltɛm bikɔs nain de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul.

Di Ibru Pipul Dɛn 13:3

Una mɛmba dɛn pipul we de na jel, lɛkɛ se unasɛf de na jel wit dɛn; ɛn una mɛmba dɛn pipul we de sɔfa, ɛn una put unasɛf na dɛn ples.

Di Ibru Pipul Dɛn 4:15

Di edman we de mek sakrifays fɔ pipul sin na di wan we wi gɛt we ɔndastand ɔltin we traŋa fɔ wi, bikɔs insɛf na bin wan pan wi, ɛn ɔl wetin de mit wi fɔ tray wi bin dɔn mit am. Bɔt i nɔ sin wande.