Lɛta Fɔ Filipay 2:25 - Krio Fɔs Oli Baybul

²⁵ A tink se i go gud fɔ mek a sɛn Ɛpafrodaytɔs, we biliv Krays lɛkɛ wisɛf, go bak to una. Na una bin sɛn am kam to mi ɛn i kin ɛp mi ɛnitɛm we a want sɔntin. I de wok wit mi, ɛn insɛf na Krays soja man.

Lɛta Fɔ Filipay 2:25 Cross References

Prɔvabs 25:13

Lɛkɛ aw kol wata kin satisfay wɛn dɛn de avɛst insay dray sizin, na so mɛsenja we tret de tan to udat sɛn am, i kin mek i blo kam dɔŋ.

Jɔn 13:16

A de tɛl una se: Slev nɔ pas in masta, ɛn mɛsenja nɔ pas di pɔsin we sɛn am.

Jɔn 17:18

A dɔn sɛn dɛn ɔlɔbɔt na wɔl fɔ du mi wok, jɛs lɛkɛ aw yu bin sɛn mi kam na di wɔl fɔ du yu wok.

Lɛta Fɔ Rom 16:3

A de tɛl Prisila ɛn Akwila adu, dɛnsɛf bin de wok fɔ Jizɔs Krays wit mi;

Lɛta Fɔ Rom 16:9

A de tɛl Ɔbanɔs adu, insɛf na man we de wok fɔ Krays; ɛn a de tɛl mi gud padi, Stakis, adu.

1 Kɔrint 3:9

Wi ɔl dɔn jɔyn an fɔ du Gɔd in wok; na una na di fil we Gɔd de wok pan. Una na di os we Gɔd de bil.

2 Kɔrint 2:13

Bɔt mi at bin wɔri bad, bikɔs a nɔ bin si wi brɔda, Taytɔs, de. So a tɛl di pipul dɛn de se a de go, dɔn a go Masidonia.

Lɛta Fɔ Filipay 2:26

Ɛpafrodaytɔs want fɔ si una bad wan; i wɔri bad bikɔs una bin dɔn yɛri se i bin sik.

Lɛta Fɔ Filipay 4:18

Una bin dɔn gi mi pas wetin a fɔ gɛt; a gɛt ɔl wetin a want naw we una dɔn sɛn Ɛpafrodaytɔs fɔ kam gi mi di tin dɛn we a bin want bad wan, ɛn wetin una gi mi mek a satisfay, i jɛs tan lɛkɛ sakrifays we una gi Gɔd we Gɔd gri fɔ ɛn we i gladi fɔ.

Lɛta Fɔ Filipay 4:3

Ɛn yu, we na mi tru wokmet, a want mek yu ɛp dɛn tu uman ya, bikɔs dɛn dɔn wok an to an wit mi traŋa wan fɔ prɛd di Gud Nyuz ɔlɔbɔt. Dɛn wok wit mi lɛkɛ aw Klɛmɛnt ɛn sɔm ɔda pipul dɛn ɛp mi pan di wok, ɛn Gɔd dɔn rayt dɛn ɔl nem na di buk we dɛn pipul we gɛt layf sote go dɛn nem de.

Lɛta Fɔ Kɔlɔse 1:7

Ɛpafras, we wi lɛk, ɛn we de du Krays in wok de fɔ wi, nain bin tɛl una aw Gɔd lɛk una ɛn aw i gud to una. I siriɔs pan di wok we i de du fɔ Krays. I bin de ɛp wi fɔ tɛl una di Gud Nyuz.

Lɛta Fɔ Kɔlɔse 4:11

Jɔshwa, we sɔm pipul de kɔl Jɔstɔs, insɛf de tɛl una adu. Pan ɔl dɛn wan we de wok wit mi, di tri pipul dɛn we a jɛs tɔk bɔt, na dɛn nɔmɔ na Ju we dɔn biliv pan Krays ɛn dɛn de wok wit mi fɔ mek Gɔd go rul di wɔl. Dɛn dɔn kɔrej mi plɛnti.

Fɔs Lɛta Fɔ Tɛsalonayka 3:2

Timoti na wi brɔda. Na wi ɔl de du Gɔd wok, insɛf de tɛl pipul di Gud Nyuz bɔt Krays. Wi sɛn am fɔ kɔrej una ɛn ɛp una fɔ biliv mɔ ɛn mɔ pan Krays,

Faylimɔn 1:24

Mak, Aristakɔs, Dimas ɛn Lukas we wi ɔl de wok togɛda dɛnsɛf tɛl una adu.

Di Ibru Pipul Dɛn 3:1

Mi Kristiɛn brɔda dɛn, Gɔd kɔl unasɛf fɔ bi in yon pipul. Na dat mek una fɔ mɛmba Jizɔs we Gɔd dɔn sɛn fɔ bi di edman we de mek sakrifays fɔ pipul sin, fɔseka wetin wi biliv.