Lɛta Fɔ Filipay 2:2 - Krio Fɔs Oli Baybul

² If na so i bi, una fɔ mek a gladi pas aw a gladi naw fɔ we una gɛt wanwɔd, we una lɛk una kɔmpin, ɛn we una ɔl gɛt wan at ɛn wan maynd fɔ du di wok.

Lɛta Fɔ Filipay 2:2 Cross References

Di Sam Dɛm 122:8

A go se, “Mek pis de na Jerusɛlɛm ɛn lɛ gud fala ɔl udat de de.”

Jɔn 3:29

Na di ɔkɔ gɛt di yawo, bɔt di ɔkɔ in padi we tinap klos dɛn go gladi wɛn i yɛri di ɔkɔ de tɔk. Na dat mek a gladi bad.

Apɔsul Dɛn Wok 1:14

Dɛn apɔsul ya, Jizɔs in brɔda dɛn, sɔm uman dɛn, ɛn Meri we na Jizɔs in mama, dɛn ɔl bin de mit de ɛn pre wit wan at.

Apɔsul Dɛn Wok 2:1

Di de we dɛn kɔl Pɛntikɔst, we na di de we mek fifti frɔm di tɛm we dɛn mek di Ju ɔlide we dɛn kɔl Pasova, ɔl dɛn pipul we bin biliv pan Jizɔs bin gɛda wan ples fɔ pre.

Apɔsul Dɛn Wok 2:46

Di pipul dɛn kin mit na Gɔd in Os ɔltɛm fɔ pre ɛn wɛn dɛn dɔn, dɛn kin go na dɛn kɔmpin os fɔ it, ɛn ɔlman kin gladi fɔ sheb in it wit in kɔmpin.

Apɔsul Dɛn Wok 5:12

Di apɔsul dɛn bin de du plɛnti wɔndaful tin fɔ di pipul dɛn. Ɔl dɛn pipul we bin biliv pan Jizɔs Krays kin mit lɛkɛ fambul na di ples we dɛn kɔl Sɔlɔmɔn in Viranda.

Lɛta Fɔ Rom 12:16

Una fɔ kia fɔ ɔlman lɛkɛ aw una kia fɔ unasɛf. Una nɔ fɔ prawd, bɔt una fɔ gri fɔ du dɛn wok we savant sɛf kin du. Una nɔ fɔ tink se una gɛt plɛnti sɛns.

1 Kɔrint 1:10

Mi Kristiɛn brɔda dɛn, a tek Jizɔs Krays, wi Masta, in nem, beg una mek una ɔl gɛt wanwɔd, mek una nɔ sheb sheb; una ɔl fɔ biliv di sem tin ɛn mekɔp fɔ du di sem tin.

2 Kɔrint 13:11

Mi brɔda dɛn, na di wɔd dat o! Una fɔ tray fɔ de du wetin rayt ɔltɛm; una fɔ lisin wɛn a de tɔk to una fɔ mek una de du gud, una fɔ gɛt wanwɔd wit una kɔmpin, ɛn una nɔ fɔ de mek plaba. So Gɔd we lɛk ɔlman ɛn we de gi kol at go de wit una.

2 Kɔrint 2:3

Na dat mek a bin rayt lɛta to una, a nɔ bin want kam mek di pipul dɛn we fɔ mek a gladi, mek a sɔri. A no se wɛn a gladi, unasɛf go gladi.

2 Kɔrint 7:7

Nɔto we i kam nɔmɔ bɔt na we i tɛl wi aw una tɔk to am, na dat kɔrej wi. I tɛl wi se una want si mi bad bad, i se una sɔri bad fɔ wetin bin bi, ɛn i tɔk igen se una tek ɔp mi biznɛs traŋa wan; so misɛf gladi naw pas aw a bin gladi fɔs.

Lɛta Fɔ Filipay 1:4

ɛn a kin gladi fɔ pre fɔ una ɔltɛm.

Lɛta Fɔ Filipay 2:16

Una fɔ de tɛl dɛn Krays in wɔd we de gi layf, so dat di de we Krays go kam a go fil prawd, bikɔs ɔl di wok we a dɔn wok wit una nɔ go fɔ natin.

Lɛta Fɔ Filipay 2:20

Timoti de mɛmba una lɛkɛ aw misɛf de mɛmba una. Pan ɔl dɛn ɔda Kristiɛn, nain wangren a si se want fɔ ɛp una, fɔ tru.

Lɛta Fɔ Filipay 4:2

Yuodia ɛn Sintiche, a de beg una, duya, una fɔ gɛt wanwɔd lɛkɛ sista. Wetin du? Bikɔs una gɛt wanwɔd wit di Masta.

Lɛta Fɔ Kɔlɔse 2:5

Pan ɔl we a nɔ de wit una mi at de wit una. A gladi fɔ si se una ɔl gɛt wan at pan di biliv we una biliv pan Krays ɛn una mekɔp traŋa wan se nɔbɔdi nɔ go ebul mek una tap fɔ biliv pan am.

Sɛkɛn Lɛta Fɔ Tɛsalonayka 2:13

Mi Kristiɛn pipul dɛn we di Masta lɛk, wi fɔ tɛl Gɔd tɛnki fɔ una ɔltɛm, bikɔs frɔm we di wɔl bigin, Gɔd bin dɔn pik una fɔ sev una bay we i mek in Spirit mek una bi in yon pipul dɛn ɛn bay we una put ɔl una at pan di Gud Nyuz bɔt Krays.

Sɛkɛn Lɛta To Timoti 1:4

A mɛmba we yu bin de kray di tɛm we a bin lɛf yu, ɛn a want si yu bad, so dat mi at go gladi.

Faylimɔn 1:20

A de beg yu, mi brɔda, duya, du dis fɔ mi fɔseka wi Masta. Mi na yu Kristiɛn brɔda, duya, mek mi at gladi.

Jɔn In Sɛkɛn Lɛta 1:4

A bin gladi bad we a yɛri se sɔm pan yu pikin dɛn de fala wetin tru, lɛkɛ aw wi Papa tɛl wi fɔ du.

Jɔn In Tɔd Lɛta 1:4

Di tin we kin mek a gladi pas ɔl na we a kin yɛri se mi pikin dɛn de waka na di tru rod.