Lɛta Fɔ Filipay 2:12 - Krio Fɔs Oli Baybul

¹² Mi padi dɛn we a lɛk bad, jɛs lɛkɛ aw ɔltɛm una kin du wetin a se, di tɛm we a bin de wit una, naw we a nɔ de wit una, i gud fɔ mek una du ɔl wetin a se pas wɛn a bin de wit una; ɛn una fɔ fred Gɔd, dat go mek una du ɔl wetin Gɔd want una fɔ du.

Lɛta Fɔ Filipay 2:12 Cross References

Ɛzra 10:3

I beg am, lɛ dɛn mek Kɔvinant wit PAPA GƆD se dɛn go lɛf dɛn uman dɛn de, ɛn drɛb dɛn wit dɛn pikin dɛn, dɔn wetin in di Ɛzra ɛn di ɔda man dɛn we de du wetin PAPA GƆD tɛl dɛn fɔ du, nain dɛn go du. I se wetin PAPA GƆD in lɔ se fɔ du na dat dɛn go du.

Di Sam Dɛm 119:120

Mi bɔdi kin trimbul wit fred ɛn rɛspɛkt fɔ yu. A de fred aw yu go jɔj mi.

Di Sam Dɛm 2:11

Fɔ gɛt fred we yu de sav PAPA GƆD ɛn we yu gladi sɛf du am wit fred.

Prɔvabs 10:16

Pɔsin we de waka tret na PAPA GƆD in yay in pe na lɔŋ layf, bɔt bad pɔsin nɔ de ɛnd fayn.

Prɔvabs 13:4

Les man nɔ de gɛt ɔl wetin i want, bɔt udat de wok traŋa go gɛt wetin i want.

Ayzaya 66:2

PAPA GƆD se, Ɔl dɛn tin ya na mi mek dɛm, so ɔl dɛn tin ya na mi yon. Bɔt na dis kayn man a go luk to, man we ɔmbul ɛn de ripɛnt ɛn de trimbul we dɛn yɛri mi wɔd.

Ayzaya 66:5

Una yɛri PAPA GƆD in wɔd yu we de trimbul we yu yɛri in wɔd: ‘Yu brɔda dɛn we et yu ɛn trowe yu na do fɔseka mi nem dɔn se, “Lɛ PAPA GƆD tek glori so dat wi go si se yu gladi’; bɔt na dɛn go shem.

Matyu 11:12

Frɔm di tɛm we Jɔn we de baptayz tɛl pipul bɔt Gɔd in rul, sote naw, dɛn bad pipul de fɛt fɔ siz Gɔd in rul.

Matyu 11:29

Una opin una at fɔ di tru tin dɛn we a de lan una, ɛn una lan ɔl wetin a de tɛl una, bikɔs a de bia wit una ɛn a nɔ de tɔk pan una; if una du dat, una go blo.

Apɔsul Dɛn Wok 16:29

Di gyad kɔl pipul fɔ mek dɛn briŋ lamp kam. Di gyad bin de trimbul wɛn i rɔn go insay di sɛl, i fɔdɔm na Pɔl ɛn Saylas dɛn fut.

Apɔsul Dɛn Wok 9:6

Grap na grɔn ɛn go insay di tɔŋ, pɔsin go mit yu de ɛn tɛl yu wetin yu fɔ du.”

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

1 Kɔrint 15:58

So, mi kɔmpin Kristiɛn dɛn, una tinap traŋa, una nɔ gri mek ɛnitin mek una dawt. Una fɔ de du Gɔd in wok ɔltɛm, una no se ɛnitin we una de du fɔ Gɔd nɔ go go fɔ natin.

1 Kɔrint 2:3

Ɔl da tɛm de na so a bin de fred fred, a de trimbul, a bin de fil wik.

1 Kɔrint 4:14

A nɔ de rayt dɛn tin ya fɔ mek una shem; na sho a de sho una aw una fɔ waka, bikɔs una na lɛkɛ mi yon pikin dɛn.

2 Kɔrint 7:15

So Taytɔs de lɛk una mɔ ɛn mɔ, we i de mɛmba aw una ɔl bin rɛdi fɔ du wetin i tɛl una, ɛn aw una bin gladi fɔ am wɛn i kam to una ɛn una nɔ bin want du ɛnitin we bin go mek i fil bad.

Lɛta Fɔ Ɛfisɔs 6:5

Una we de wok, una fɔ de du wetin una masta tɛl una fɔ du, ɛn una fɔ rɛspɛkt dɛn. Una fɔ du di wok wit ɔl una at lɛkɛ se na Krays una de du am fɔ.

Lɛta Fɔ Filipay 1:27

Bɔt na wan tin nɔmɔ, una fɔ liv lɛkɛ pipul we dɔn biliv di Gud Nyuz bɔt Krays. So if a de wit una, ɔ if a nɔ de wit una, a want fɔ yɛri se una stil biliv pan Jizɔs, una gɛt wanwɔd, ɛn una ɔl want fɔ du di sem tin, dat na fɔ tɛl pipul di Gud Nyuz.

Lɛta Fɔ Filipay 1:29

Na Gɔd insɛf gi una dis wɔndaful chans fɔ biliv pan Krays ɛn fɔ sɔfa fɔseka am.

Lɛta Fɔ Filipay 1:5

A kin tɛl Gɔd tɛnki fɔ we una de ɛp mi fɔ tɛl ɔda pipul di Gud Nyuz frɔm di fɔs de we a bigin dis wok na Fili pay sote naw.

Lɛta Fɔ Filipay 1:6

A biliv se Gɔd, we bigin du dis gud wok ya insay una at, go stil de du am sote di de we Jizɔs Krays go kam bak.

Lɛta Fɔ Filipay 2:19

If Masta Jizɔs gri, a go sɛn Timoti to una, i nɔ go te igen; so dat i go tɛl mi bɔt una wɛn i kam bak ɛn dat go kɔrej mi.

Lɛta Fɔ Filipay 4:1

Mi Kristiɛn brɔda dɛn we a lɛk ɛn we a aŋri fɔ si, una dɔn mek a gladi ɛn a de bost bɔt una ɔltɛm. Una fɔ tinap traŋa wan ɛn gɛt wanwɔd wit di Masta.

Lɛta Fɔ Filipay 4:15

Una dɛn Kristiɛn dɛn na Fili pay, una no se frɔm di tɛm we a kɔmɔt Masidonia, dɛn tɛm we a bin jɛs bigin tɛl pipul di Gud Nyuz, nɔ ɔda chɔch nɔ gi mi natin pas una.

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.

Sɛkɛn Lɛta To Timoti 2:10

na dat mek a de bia ɔltin fɔseka dɛn pipul we Gɔd dɔn pik, so dat dɛnsɛf go sev if dɛn gɛt wanwɔd wit Krays Jizɔs ɛn dɛn go gɛt di tru layf we de na ɛvin sote go.

Di Ibru Pipul Dɛn 12:1

Fɔ wi yon pat, ɔl dɛn pipul ya we a jɛs tɔk bɔt de rawnd wi. Dɛn dɔn sho klia wan wetin fɔ biliv Gɔd, min. Na dat mek wi fɔ lɛf ɔl dɛn tin we de mek wi tap fɔ biliv Gɔd; wi fɔ lɛf fɔ du ɛni bad tin we wi de du, we dɔn grip wi tayt; wi fɔ stil rɔn di res we de bifo wi, ɛn wi nɔ fɔ taya na rod.

Di Ibru Pipul Dɛn 4:1

Gɔd bin dɔn prɔmis wi se, wi go go na di ples we i de, ɛn wi go sidɔm blo. Na dat mek wi fɔ tek tɛm, so dat dɛn nɔ go tɛl ɛni wan pan wi se, i nɔ go go de.

Di Ibru Pipul Dɛn 4:11

Na dat mek, wi fɔ tray gud gud wan fɔ go na di ples we Gɔd de ɛn sidɔm blo. Mek wi ɔl na ya go na di ples we Gɔd de rul ɛn sidɔm blo, mek nɔn nɔ lɛf we nɔ go go de bikɔs i nɔ du wetin Gɔd want lɛkɛ aw wi grampapa papa dɛn bin du we mek dɛn nɔ go de.

Di Ibru Pipul Dɛn 5:9

Wɛn Jizɔs dɔn sho se in ebul du ɔltin, i kam bi di wan we de sev ɔl dɛn pipul we de du wetin i tɛl dɛn fɔ du, ɔltɛm.

Pita In Fɔs Lɛta 2:11

Mi padi dɛn, una we de lɛkɛ trenja na dis wɔl ɛn lɛkɛ pipul we nɔ kam fɔ tap lɔŋ na ya, a de beg una mek una nɔ jɛs de fala una at fɔ satisfay una bɔdi bikɔs wetin una bɔdi want nɔto dat una spirit want.

Pita In Sɛkɛn Lɛta 3:18

Una fɔ lan mɔ ɛn mɔ bɔt wi Masta Jizɔs Krays we sev wi, ɛn una fɔ no aw Gɔd gud mɔ ɛn mɔ. Nain gɛt pawa ɛn ɔna frɔm naw sote go! Emɛn.