Lɛta Fɔ Filipay 2:11 - Krio Fɔs Oli Baybul

¹¹ ɛn tɔk se Jizɔs na di Masta, ɛn ɔlman go prez Gɔd we na wi Papa.

Lɛta Fɔ Filipay 2:11 Cross References

Di Sam Dɛm 110:1

PAPA GƆD tɔk to di Kiŋ. I se, “Kam sidɔm na mi raytan say, usay pɔsin we gɛt ɔna fɔ de, te a put yu ɛnimi dɛn ɔnda yu fut.”

Di Sam Dɛm 18:49

Na dat mek a go siŋ ɛn prez yu nem ɛnisay we a de. Na ɛnisay we a de, a go siŋ ɛn prez yu nem.

Jɛrimaya 23:6

Nain tɛm Juda go sav, ɛn Izrɛl go liv de wit kolat. Ɛn na dis nem dɛn go kɔl am: ‘PAPA GƆD na wi tret waka.’

Matyu 10:32

“If ɛnibɔdi tɔk mek ɔlman yɛri se in blant mi, misɛf go tɛl Gɔd we na mi Papa we de na ɛvin se insɛf blant mi.

Lyuk 2:11

Tide na da tɔŋ we Devid bin bɔn, dɛn dɔn bɔn Wan Pikin we go sev una. Na di Mɛsaya we na wi Masta.

Jɔn 12:42

Na tru se, plɛnti Ju bigman dɛn bin biliv pan Jizɔs, bɔt bikɔs dɛn bin de fred di Faresi dɛn, dɛn nɔ bin de tɛl ɔda pipul se dɛn biliv pan Jizɔs, so dat dɛn nɔ go drɛb dɛn kɔmɔt na di Ju mitin os.

Jɔn 13:13

Una de kɔl mi Ticha ɛn Masta, ɛn na di rayt tin una de tɔk, bikɔs mi na Ticha ɛn Masta.

Jɔn 13:14

If mi, we na una Masta ɛn Ticha, dɔn was una fut, unasɛf fɔ was una kɔmpin dɛn fut.

Jɔn 14:13

Ɛn if una tek mi nem pre fɔ ɛnitin, a go du di tin we una want, so dat pipul go si aw mi Papa wɔndaful.

Jɔn 14:23

Jizɔs ansa am se, “Ɛnibɔdi we lɛk mi go du wetin a lan am fɔ du. Mi Papa go lɛk di pɔsin, ɛn mi ɛn mi Papa go kam to am, ɛn tap wit am.

Jɔn 17:1

Wɛn Jizɔs dɔn tɔk dɔn, i luk ɔp na ɛvin ɛn pre se, “Papa, di tɛm dɔn kam; sho pipul aw yu Pikin wɔndaful, so dat i go sho pipul aw yu wɔndaful.

Jɔn 20:28

Tɔmɔs se, “Yu na mi Masta ɛn yu na mi Gɔd!”

Jɔn 5:23

so dat ɔlman go ɔna ɛn rɛspɛkt di Pikin lɛkɛ aw dɛn ɔna ɛn rɛspɛkt di Papa. Ɛnibɔdi we nɔ ɔna ɛn rɛspɛkt di Pikin, na di Papa we sɛn di Pikin kam na wɔl di pɔsin nɔ ɔna ɛn rɛspɛkt.

Jɔn 9:22

Di man in mama ɛn papa dɛn tɔk dat bikɔs dɛn bin de fred di Ju bigman dɛn. Di Ju bigman dɛn bin dɔn se, ɛnibɔdi we se in biliv se Jizɔs na di Mɛsaya, dɛn fɔ drɛb am kɔmɔt na di Ju mitin os.

Apɔsul Dɛn Wok 10:36

Una no di mɛsej we Gɔd bin sɛn to di Ju pipul dɛn na Izrɛl, i tɛl dɛn di Gud Nyuz se na Jizɔs Krays we na ɔlman Masta, go mek dɛn kam to Gɔd fɔ mek dɛn ɔl gɛt kol at.

Apɔsul Dɛn Wok 2:36

“Mek ɔlman na Izrɛl no se Gɔd dɔn mek Jizɔs we una bin nel na di krɔs, rayz frɔm di grev. Gɔd dɔn kɔl am di Masta ɛn di Mɛsaya!”

Lɛta Fɔ Rom 14:11

Dɛn rayt na Gɔd in Buk se, “Di Masta se, wans nɔmɔ a gɛt layf, a prɔmis se ɔlman go nil dɔŋ bifo mi, ɛn ɔlman go tɔk ɔlɔbɔt se, mi na Gɔd.”

Lɛta Fɔ Rom 14:9

Na di rizin dat we mek Krays day ɛn rayz frɔm di grev fɔ mek i bi di Masta fɔ dɛn pipul we dɔn day ɛn dɛn wan we nɔ day yet.

Lɛta Fɔ Rom 15:9

ɛn igen, i kam fɔ mek dɛn pipul we nɔto Ju prez Gɔd fɔ we i sɔri fɔ dɛn ɛn briŋ dɛn kam to insɛf. Lɛkɛ aw dɛn rayt na Gɔd in Buk, we dɛn se, “So a go tɛl yu tɛnki wɛn a de wit dɛn pipul we nɔto Ju; a go siŋ ɛn prez yu nem.”

1 Kɔrint 12:3

Una fɔ no se ɛnibɔdi we Gɔd in Spirit de kɔntrol nɔ go tɔk bad bɔt Jizɔs! Ɛn nɔbɔdi nɔ go ebul tɔk se Jizɔs na di Masta pas Gɔd in Spirit de insay am.

1 Kɔrint 15:47

Na dɔti, Gɔd tek mek di fɔs Adam; di sɛkɛn Adam kɔmɔt na ɛvin.

1 Kɔrint 8:6

wi stil no se na wangren Gɔd de, we na wi Papa, we mek ɔltin ɛn nain gɛt wi layf; ɛn wi no se na wangren Masta de, dat na Jizɔs Krays we mek ɔltin, ɛn we gi wi layf.

Pita In Fɔs Lɛta 1:21

Krays dɔn mek una biliv pan Gɔd, we mek i rayz frɔm di grev ɛn ɔna am; na dat mek una trɔs Gɔd ɛn abop se i go du wetin i dɔn prɔmis se in go du.

Jɔn In Fɔs Lɛta 4:15

Ɛni bɔdi we tɔk se Jizɔs na Gɔd in Pikin, Gɔd de insay da pɔsin de ɛn da pɔsin de de waka wit Gɔd.

Jɔn In Fɔs Lɛta 4:2

Una lisin aw una go no if na to Gɔd di Spirit kɔmɔt. If ɛni bɔdi tɔk se Jizɔs Krays bin kam lɛkɛ mɔtalman, Gɔd in Spirit de insay am.

Jɔn In Sɛkɛn Lɛta 1:7

Plɛnti pipul we de mek dɛn kɔmpin ful de ɔlɔbɔt na wɔl, dɛn nɔ de tɔk se Jizɔs Krays kam na wɔl lɛkɛ mɔtalman; dɛn de lay ɛn dɛn nɔ lɛk Krays.

Rɛvɛleshɔn 3:5

Dɛn pipul we go stil tinap traŋa afta Setan dɔn tray dɛn, dɛnsɛf go wɛr wayt klos. Ɛn a nɔ go pul dɛn nem kɔmɔt na di buk we dɛn pipul we gɛt layf, dɛn nem rayt. A go tɔk bifo mi Papa ɛn bifo in enjɛl dɛn se dɛn pipul de na mi yon.