Lɛta Fɔ Filipay 1:6 - Krio Fɔs Oli Baybul

⁶ A biliv se Gɔd, we bigin du dis gud wok ya insay una at, go stil de du am sote di de we Jizɔs Krays go kam bak.

Lɛta Fɔ Filipay 1:6 Cross References

Di Sam Dɛm 138:8

PAPA GƆD go du ɔl wetin i dɔn prɔmis. PAPA GƆD, yu lɔv de de sote go; nɔ lɛf wi to wisɛf bikɔs na yu mek wi.

Jɔn 6:29

Jizɔs ansa dɛn se, “Di tin we Gɔd want una fɔ du nain dis: una fɔ biliv pan di wan we Gɔd sɛn kam na wɔl.”

Apɔsul Dɛn Wok 11:18

Wɛn dɛn yɛri wetin Pita tɔk, dɛn lɛf fɔ grɔmbul. Dɛn bigin prez Gɔd, dɛn se, “Gɔd dɔn gi dɛn pipul we nɔto Ju chans fɔ mek dɛn lɛf fɔ du dɛn bad tin we dɛn bin de du, so dat dɛn kin gɛt layf we go de sote go.”

Apɔsul Dɛn Wok 16:14

Wan pan di uman dɛn we bin de lisin bin nem Lidia, i bin kɔmɔt na da tɔŋ we nem Tayatira. Na uman we bin de sɛl dɛn dia klos. Na uman we bin fred Gɔd ɛn di Masta mek i lisin gud wetin Pɔl tɔk, ɛn i biliv am.

1 Kɔrint 1:8

I go mek una nɔ tap fɔ biliv pan am ɛn du ɔl wetin Gɔd want so dat Gɔd nɔ go gɛt ɛnitin fɔ kɔndɛm una fɔ, di de we wi Masta Jizɔs Krays go kam.

2 Kɔrint 1:15

A bin shɔ bɔt ɔl dɛn tin ya we a dɔn rayt, so a bin dɔn mekɔp se a go go to una so dat una kin gɛt blɛsin tu tɛm.

2 Kɔrint 2:3

Na dat mek a bin rayt lɛta to una, a nɔ bin want kam mek di pipul dɛn we fɔ mek a gladi, mek a sɔri. A no se wɛn a gladi, unasɛf go gladi.

2 Kɔrint 7:16

A gladi bad we a kin trɔs una pan ɔltin.

2 Kɔrint 9:4

If una nɔ rɛdi ɛn di pipul dɛn we kɔmɔt Masidonia kam wit mi si se una nɔ gɛt natin yet, wi go shem bad bad ɛn una go shem pas wi bikɔs wi bin dɔn shɔ se una go ɛp.

Lɛta Fɔ Galeshya 5:10

Bikɔs wi gɛt wanwɔd wit Krays, a biliv se una nɔ go tek wetin ɔda pipul de tɛl una, pas wetin a dɔn tɛl una, ɛn Gɔd go jɔj di pɔsin we de ambɔg una, ilɛk udat i bi.

Lɛta Fɔ Ɛfisɔs 4:12

I du ɔl dis fɔ mek Gɔd in pipul dɛn rɛdi ɛn ebul fɔ du dɛn wok, so dat dɛn go bil Krays in bɔdi we na di chɔch.

Lɛta Fɔ Filipay 1:10

so dat una go no wetin rayt na Gɔd in yay ɛn gladi fɔ du am, ɛn una nɔ go gɛt ɛnitin we bad na una layf di tɛm we Krays kam bak.

Lɛta Fɔ Filipay 1:29

Na Gɔd insɛf gi una dis wɔndaful chans fɔ biliv pan Krays ɛn fɔ sɔfa fɔseka am.

Lɛta Fɔ Filipay 2:12

Mi padi dɛn we a lɛk bad, jɛs lɛkɛ aw ɔltɛm una kin du wetin a se, di tɛm we a bin de wit una, naw we a nɔ de wit una, i gud fɔ mek una du ɔl wetin a se pas wɛn a bin de wit una; ɛn una fɔ fred Gɔd, dat go mek una du ɔl wetin Gɔd want una fɔ du.

Lɛta Fɔ Filipay 2:13

Gɔd de wok insay una at so dat una go want du wetin in want una fɔ du ɛn fɔ mek una go ebul du am.

Lɛta Fɔ Filipay 2:16

Una fɔ de tɛl dɛn Krays in wɔd we de gi layf, so dat di de we Krays go kam a go fil prawd, bikɔs ɔl di wok we a dɔn wok wit una nɔ go fɔ natin.

Lɛta Fɔ Kɔlɔse 2:12

Wɛn dɛn baptayz una, i bin jɛs tan lɛkɛ se dɛn bɛr una wit Krays, ɛn i bin tan lɛkɛ se Gɔd we mek Krays rayz frɔm di grev wit in pawa bin mek unasɛf rayz frɔm di grev, bikɔs una biliv se i gɛt pawa fɔ du ɔltin.

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.

Sɛkɛn Lɛta Fɔ Tɛsalonayka 1:11

Na dat mek wi de pre fɔ una ɔltɛm. Wi de pre to wi Gɔd mek i mek una fit fɔ liv di layf we i kɔl una fɔ liv. Bikɔs Gɔd gɛt pawa fɔ du so, lɛ i mek una ebul fɔ du ɔl di gud we una want fɔ du, ɛn dɔn ɔl dɛn tin we una bin de du bikɔs una biliv pan am.

Sɛkɛn Lɛta Fɔ Tɛsalonayka 3:4

Na wi Masta mek wi de abop pan una, ɛn wi shɔ se una de du wetin wi tɛl una fɔ du ɛn una go stil de du am.

Faylimɔn 1:21

Lɛkɛ aw a de rayt yu so, a biliv se yu go du wetin a dɔn beg yu fɔ du, ɛn a biliv se yu go du pas wetin a dɔn beg yu fɔ du sɛf.

Di Ibru Pipul Dɛn 10:35

Na dat mek una nɔ fɔ dawt, bikɔs if una biliv Gɔd sote go, i go gi una big blɛsin.

Di Ibru Pipul Dɛn 12:2

Una lɛ wi luk ɔp to Jizɔs ɔltɛm bikɔs nain de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Pita In Sɛkɛn Lɛta 3:10

Di Masta go kam bak lɛkɛ aw tifman de kam na nɛt. Big nɔys go de da tɛm de ɛn di klawd go lɔs; faya go bɔn ɔl wetin de na di klawd lɛkɛ sta ɛn mun; ɛn dis wɔl ɛn ɔl wetin lib de, go bɔn.