Lɛta Fɔ Filipay 1:11 - Krio Fɔs Oli Baybul

¹¹ A de pre mek una waka tret ɛn du dɛn gud tin we Jizɔs Krays in wangren nɔmɔ ebul mek in pipul dɛn du, ɛn dat go mek ɔda pipul rɛspɛkt ɛn prez Gɔd.

Lɛta Fɔ Filipay 1:11 Cross References

Di Sam Dɛm 1:3

Dis kayn man tan lɛkɛ we yu plant tik nia watasay, we de bia frut in rayt tɛm ɛn in lif dɛn nɔ de wida. I go bɛtɛ pan ɔl wetin i de du.

Ayzaya 5:2

I dig am ɛn i klia ɔl di ston ston kɔmɔt, ɛn plant dɛn fɔs klas greps de; i bil wachman tawa midul de, dɛn i dig usay fɔ mas di greps fɔ pul di wayn; ɛn bin luk fɔ am fɔ bia greps, bɔt na sawa greps i bia.

Ayzaya 60:21

Yu pipul dɛn ɔl go waka tret na PAPA GƆD in yay; di land go blant dɛn sote go, di yɔŋ wan dɛn we bɔs pan di plant we plant, di tin dɛn we na misɛf du, mek a go gɛt glori.

Ayzaya 61:11

Bikɔs, lɛk aw yɔŋ plant de bɔs kɔmɔt na grɔn, ɛn lɛk aw gadin de mek wetin dɛn plant insay am, bɔs kam ɔp, na so Papa Gɔd we na Gɔd go mek raychɔsnɛs ɛn prez bɔs bifo ɔl di neshɔn dɛm.

Ayzaya 61:3

fɔ gi dɛn wan dɛn na Zayɔn we dɛn at de blid– fɔ gi dɛn galans instɛd ɔf ashis, gladi gladi ɔyl, instɛd ɔf at we de blid, Prez ova kot instɛd ɔf taya bɔdi; so dat dɛn go kɔl dɛn di kɔtintri fɔ waka tret na PAPA GƆD in yay, di tin we PAPA GƆD plant, mek I go gɛt glori.

Matyu 5:16

Semwe so, una layt fɔ shayn so dat ɔlman go si di gud we una de du, ɛn dɛn go se, ‘Una Papa, we de na ɛvin, wɔndaful!’

Jɔn 15:16

Nɔto una pik mi, na mi pik una; ɛn a pik una fɔ du plɛnti big wok we go mek ɔda pipul gɛt blɛsin sote go. Da tɛm de, mi Papa go gi una ɛnitin we una tek mi nem pre fɔ.

Jɔn 15:2

Ɛni an we de pan mi we nɔ de bia, i de kɔt am kɔmɔt, ɛn ɛni an we de bia, i de trim am, so dat i kin bia mɔ.

Jɔn 15:8

If una du plɛnti gud tin, una go sho pipul aw mi Papa wɔndaful; ɛn una go sho se una na mi lanin bɔy dɛn.

Lɛta Fɔ Rom 15:28

Wɛn a dɔn gi ɔl di kɔpɔ we di pipul dɛn na Masidonia ɛn Gris dɔn gɛda fɔ dɛn, a go kɔmɔt de ɛn a go pas to una wɛn a de go Spen.

Lɛta Fɔ Rom 6:22

Bɔt naw Gɔd dɔn fri una, mek sin nɔ gɛt pawa fɔ rul una igen; una de lɛkɛ slev to Gɔd naw, so una dɔn gi Gɔd ɔl una layf ɛn una dɔn gɛt layf we go de sote go.

1 Kɔrint 10:31

Wɛl, ɛnitin we una de du, if una de it ɔ una de drink, una fɔ mek Gɔd gɛt di prez fɔ ɔl.

2 Kɔrint 9:10

Gɔd, we de gi fama sid fɔ plant, ɛn we de gi wi bred fɔ it, go gi una ɔl di sid we una fɔ gɛt, ɛn mek dɛn gro, so aw una gi plɛnti, na so i go mek una gɛt plɛnti ɛn mek una ebul du plɛnti gud mɔ ɛn mɔ.

Lɛta Fɔ Ɛfisɔs 1:12

Na dat mek wi we fɔs dɔn abop pan Krays fɔ prez Gɔd fɔ in pawa.

Lɛta Fɔ Ɛfisɔs 1:14

Na Gɔd in Spirit wi fɔ abop pan fɔ no se wi go gɛt wetin Gɔd bin dɔn prɔmis fɔ gi in pipul dɛn, ɛn na tru se: Gɔd go fri ɛnibɔdi we dɔn bi in yon. Una lɛ wi prez Gɔd in pawa!

Lɛta Fɔ Ɛfisɔs 2:10

Na Gɔd mek wi ɛn bikɔs wi gɛt wanwɔd wit Jizɔs Krays, Gɔd dɔn gi wi nyu layf. Gɔd bin dɔn plan lɔntɛm se we wi dɔn gɛt dis nyu layf, wi go de ɛp ɔda pipul.

Lɛta Fɔ Ɛfisɔs 5:9

If una de na di layt, una go du wetin gud, ɛn wetin rayt ɛn tɔk wetin tru.

Lɛta Fɔ Filipay 4:17

Nɔto fɔ se a jɛs want una fɔ gi mi tin dɛn, di tin we go mek a gladi mɔ na we una go gɛt di pe fɔ di gud we una de du.

Lɛta Fɔ Kɔlɔse 1:10

Dat go mek una ebul du wetin di Masta want, ɛn ɔltɛm una go de du di tin we go mek i gladi; una go de du ɔl kayn gud wok, ɛn una go de no mɔ ɛn mɔ bɔt Gɔd.

Lɛta Fɔ Kɔlɔse 1:6

Di Gud Nyuz de prɛd ɔlɔbɔt na wɔl ɛn i de mek pipul gɛt blɛsin, jɛs lɛkɛ aw i rich una ɛn i de blɛs una frɔm di de we una yɛri ɛn ɔndastand fɔ tru aw Gɔd lɛk una ɛn aw i gud to una.

Sɛkɛn Lɛta Fɔ Tɛsalonayka 1:12

If una du dat, una go mek pipul ɔna wi Masta Jizɔs, ɛn Masta Jizɔs go mek pipul ɔna una, bikɔs Gɔd, we na wi yon, ɛn Masta Jizɔs Krays gud to una.

Taytɔs 3:14

Sho wi pipul aw fɔ yus dɛn tɛm fɔ du gud wok, so dat dɛn kin ɛp ɔda pipul fɔ gɛt wetin dɛn fɔ gɛt; dɛn nɔ fɔ du ɛni wok we nɔ go ɛp ɔda pipul.

Di Ibru Pipul Dɛn 12:11

Di tɛm we dɛn kin pɔnish wi, wi nɔ kin gladi, wi kin sɔri. Bɔt tɛm de kam we da pɔnish de go ɛp di wan dɛn we dɛn pɔnish, bikɔs i go mek dɛn lan fɔ du wetin rayt. I go mek dɛn waka tret na layf ɛn de kwayɛt wit dɛn kɔmpin mɔtalman.

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Pita In Fɔs Lɛta 4:14

Una gɛt blɛsin wɛn pipul tɛl una tin we go at una bikɔs una biliv pan Krays, dat sho se Gɔd in Spirit, we gɛt pawa, de insay una.