Adlezenn 9:2 - Bibl Koad 21: Ar Bibl e Brezhoneg evit ar Vretoned

² ur bobl vras hag a vent uhel, mibien an Anakim a anavezez, hag ec'h eus klevet diwar o fenn: Piv a zalc'ho dirak mibien Anak?

Adlezenn 9:2 Cross References

Levr Job 11:10

Mar tremen, mar krog, mar dastum, piv a harzo outañ?

Ermaeziadeg 9:11

Ar strobinellerien ne c'helljont ket en em zerc'hel dirak Moizez en abeg d'ar goulioù. Rak ar goulioù a oa war ar strobinellerien evel war an holl Ejipsianed.

Daniel 11:16

An hini a vo deuet a-enep dezhañ a raio evel m'en devo c'hoant, ha ne vo den da zerc'hel dirazañ. Hag ec'h ehano e bro ar c'hloar, o tistrujañ dre e zorn.

Daniel 8:4

Hag e welis an tourz o skeiñ war ar c'huzh-heol, war an hanternoz ha war ar c'hreisteiz, ha loen ebet ne c'helle derc'hel dirazañ, ha ne oa den da zieubiñ eus e zorn. Ober a rae ar pezh a felle dezhañ, hag e teuas da vezañ bras.

Amoz 2:9

Koulskoude em eus distrujet an Amorean dirazo, ma oa e uhelder evel uhelder ar sedrez, hag e greñvder evel hini an derv; distrujet em eus e frouezh en nec'h hag e wrizioù en traoñ.

Nahum 1:6

Piv a bado dirak e fulor? Piv a zalc'ho en e sav dirak tan e gounnar? E fulor en em skuilh evel un tan, hag ar reier a zo bruzunet dirazañ.

Niveroù 13:22

Pignat a rejont dre ar c'hreisteiz hag e teujont betek Hebron, e-lec'h ma oa Ahiman, Sheshai ha Talmai, mibien Anak. Hebron a oa bet savet seizh vloaz a-raok Zoan en Ejipt.

Niveroù 13:28

Koulskoude ar bobl a zo o chom er vro-se a zo kreñv, ar c'hêrioù a zo mogeriet ha bras-meurbet. Gwelet hon eus eno bugale Anak.

Niveroù 13:33

hag eno hon eus gwelet ar ramzed, mibien Anak, ar ramzed; bez' e oamp dirak hon daoulagad evel skrilhed, hag e oamp ivez d'o daoulagad.

Adlezenn 1:28

Da belec'h emaomp o pignat? Hor breudeur o deus lakaet hor c'halonoù da deuziñ o lavarout: Ur bobl vrasoc'h hag a vent uheloc'h egedomp eo; ar c'hêrioù a zo bras ha mogeriet betek an neñv; gwelet hon eus eno mibien Anak.

Adlezenn 2:21

ur bobl vras ha niverus e oa, a vent uhel evel an Anakim. An AOTROU o distrujas dirak an Ammoniz, a gasas anezho kuit; hag e chomjont en o lec'h.

Adlezenn 7:24

Hag e lakaio e rouaned etre da zaouarn, hag e tilami o anv a-zindan an neñvoù, den ne zalc'ho dirazout betek ma vint aet da get.

Jozue 11:21

En amzer-se Jozue a zeuas hag a lazhas an Anakim eus ar menezioù, eus Hebron, eus Debir, eus Anab, hag eus holl venez Juda. Eñ o lakaas da verz, gant o c'hêrioù.

Jozue 11:22

Ne chomas ket a Anakim e bro mibien Israel, nemet e Gaza, e Gad hag en Asdod.

Jozue 15:14

Kaleb a gasas kuit tri mab Anak: Sheshai, Ahiman ha Talmai, bugale Anak.