Adlezenn 18:22 - Bibl Koad 21: Ar Bibl e Brezhoneg evit ar Vretoned

²² Pa gomzo ur profed en anv an AOTROU, ha na vo ket ar pezh an devo lavaret, na c'hoarvezo ket, kement-se a vo ur gomz n'en devo ket lavaret an AOTROU. Ar profed en devo komzet gant rogoni; na'z po ket aon outañ.

Adlezenn 18:22 Cross References

1 Rouaned 22:28

Mika a respontas: Mar distroez e peoc’h, an AOTROU n'en deus ket komzet ouzhin. Hag e lavaras: Selaouit, c'hwi holl bobloù!

2 Rouned 20:1

En amzer-se e voe Ezekiaz klañv da vervel. Ar profed Izaia mab Amoz a zeuas d'e gavout hag a lavaras dezhañ: Evel-henn e komz an AOTROU: Laka urzh e-barzh da di, rak mont a rez da vervel ha ne vevi ken.

Krennlavarioù 26:2

Evel ma tec'h ul labous hag evel ma nij ar wennili, evel-se ar vallozh dizellid ne zeuio ket.

Izaia 41:22

Ra ziskouezint anezho, ra zisklêrint deomp ar pezh a dle c'hoarvezout, ra zisklêrint petra 'zo deuet da vezañ an traoù kentañ, evit ma taolimp evezh outo ha ma'c'h anavezimp o diwezh; lakait ac'hanomp da glevout an traoù da zont,

Jonaz 3:4

Jonaz en em lakaas da vont tre e kêr, hed un devezh bale. Hag e krie o lavarout: Daou-ugent devezh c'hoazh, ha Ninive a vo distrujet!

Jonaz 4:2

Hag e pedas an AOTROU o lavarout: AOTROU! Ha n'eo ket-se a lavaren pa oan c'hoazh em bro? En abeg da-se eo e felle din da gentañ tec'hout da Darsiz. Rak gouzout a raen ez out un Doue trugarezus ha truezus, gorrek da gounnariñ ha fonnus e madelezh, hag ec'h eus keuz d'an droug.

Zakaria 2:13

Ra davo pep kig dirak an AOTROU! Rak dihunet eo er-maez eus e chomadur santel.

Adlezenn 18:20

Met ar profed a vo rok a-walc'h da lavarout em anv un dra bennak n'am befe ket gourc'hemennet dezhañ lavarout, pe a gomzfe en anv doueoù all, ar profed-se a varvo.

Adlezenn 18:21

Mar lavarez ez kalon: Penaos ec'h anavezimp ar gomz ha n'eo ket bet lavaret gant an AOTROU?

1 Samuel 3:19

Samuel a greske hag an AOTROU a oa gantañ, ha ne lezas ket da gouezhañ d'an douar hini ebet eus e gomzoù.