Adlezenn 12:13 - Bibl Koad 21: Ar Bibl e Brezhoneg evit ar Vretoned

¹³ Diwall da ginnig da loskaberzhoù e pep lec'h a weli,

Adlezenn 12:13 Cross References

1 Rouaned 15:34

Ober a reas ar pezh a zo fall dirak daoulagad an AOTROU, hag e kerzhas en hent Jeroboam, hag er pec'hedoù en doa lakaet Israel da bec'hiñ drezo.

1 Rouaned 3:2

Ar bobl a aberzhe war an uhellec'hioù hepken, rak betek neuze ne oa bet savet ti ebet en anv an AOTROU.

2 Danevelloù 15:17

Met an uhellec'hioù ne voent ket lamet kuit a-greiz Israel. Koulskoude kalon Asa a voe eeun e-pad e holl zeizioù.

Adlezenn 12:11

Neuze e vo ul lec'h dibabet gant an AOTROU ho Toue evit lakaat e anv da chom ennañ. Eno e tegasot kement a c'hourc'hemennan deoc'h, ho loskaberzhoù, hoc'h aberzhoù, ho teogoù, ar profoù savet eus ho taouarn, pep prof ho po dibabet evit seveniñ ur gouestl ho po graet d'an AOTROU.

Adlezenn 12:14

met da loskaberzhoù a ginnigi el lec'h dibabet gant an AOTROU en unan eus da veuriadoù, hag eno e ri kement a c'hourc'hemennan dit.

Adlezenn 12:5

met klask a reot anezhañ el lec'h en devo dibabet an AOTROU ho Toue a-douez hoc'h holl veuriadoù, evit lakaat e anv da chom ennañ; dont a ri eno.

Adlezenn 12:6

Eno e tegasot ho loskaberzhoù, hoc'h aberzhoù, ho teogoù, ar profoù savet eus ho taouarn, hoc'h aberzhoù evit seveniñ ur gouestl, ho profoù a-youl-vat, re gentañ-ganet ho loened bras hag ho loened bihan.

Jozue 22:15

Dont a rejont da gavout mibien Ruben, mibien Gad hag hanter-veuriad Manase, da vro C'halaad, hag e komzjont outo o lavarout:

Jozue 22:29

Pell diouzhimp dispac'hañ a-enep an AOTROU pe en em zistreiñ hiziv diouzh lerc'h an AOTROU , en ur sevel un aoter evit loskaberzhoù, donezonoù pe aberzhoù, ouzhpenn aoter an AOTROU hon Doue a zo dirak e dabernakl!