2 Timɔtɛ́ɔ 2:21 - Ɔngana á Kɛ̌kɛ

²¹ Aoɓá nkpa n'ěsokosei ka tokisa á ɓojeɗe bui á ka měma akɛ, aɓande ɓea nkumba nde ɓáɔbɛɗanaga ně ka jaí, nnde mɛna-endu abisi ka mpɛphɛ, n'aɓɔngisi k'ékuma ánjá bui.

2 Timɔtɛ́ɔ 2:21 Cross References

2 Timɔtɛ́ɔ 3:17

ka gea, nkpa ndea Mokonga ámɔtɛgɛ ka měma, áɓɛ na ɓukpɛkpɛ ka tɔtɔkisa á kema bui ánjá.

Ɓaɛphɛ́sɔ 2:10

Ɓende ekuma á ka njaga á Mokonga. Ande gea te, ɗásóconji ka ɔngana asu na Kiísito Yéso ka gea te, ɓéendɛ suɓi á ɛtɔi k'ékuma ánjá nde ɗásóbisíí gea, ɓɛtɔtɔkisɛ ú.

2 Ɓakɔlítɔ 7:1

Cɔ, ɓaya, mɔkɔ ɗanga-ɗanga ndɔ ande asu. Ɓadani ékondi, ambe ɓéesokoseɛ ka tokisa ɓosoɛ nde aosoomisa nyama na měma asu. Ambe ɓékaɓɛ ɓá ɓato á kanga ɓojeɗe na ɓánga á Mokonga.

1 Pɛ́tɛɛ 1:22

Ɓá ye nosokosei ka nyɔngɔ á ɓeekea anu ɗoni. Ka nyɔngɔ índɔ unge ɓoókondi ɓadanu ɓaɓêki kángá maibe. Cɔ, kóndanagani sɔsɔɓɛ anu phɛɛ na měma anu bui.

1 Yoáni 3:3

Nkpa buakɛ mmbé ana nseɓeɔ ndɔ ka Kiísito, ěsokosei ɓíndɔ Kiísito a kau.

2 Timɔtɛ́ɔ 2:20

Eya, suɓi éndu ángbó, nna tɔndɔ na nkumba á láté na ngɔa, a gǎkɛ phɔtɔ na nnde á me na á toko. Nnde á láté na ngɔa, ɓáɔbɛɗaneaga ka jaí, nnde á me na á toko ɓá gǎkɛ ɔbɛɗaneaga ú esa bui.

Títɔ 3:8

Cɔ, yɔnga ndɔ, ande á ɓeekea í. Nekondi óphangiɛgɛ ɓaɓêki ú na ɓukpɛkpɛ ka gea, ɓakpa nde ɓámɓeeki Mokonga ɓéyameɛ ka tɔtɔkisa á ekuma ánjá. Nyɔngɔ ndɔ aánjá na ana kantíti ka ɓakpa.

Ekuma á ɓateki 9:15

Mɔkɔta â gǎkɛ ongoɗea te: «Gǎ tɔndɔ nga, nɛnsɔmbu ye nkpa ndɔɔ. Nɛmɔphani, áɓɛ mbɛɗanigi nɛmɔ ka úbisa ina ani k'ékuna bui na ɓaamɛ nɛɓɔ, na Ɓaisilaɛ́li phɔtɔ.

1 Pɛ́tɛɛ 1:7

Tombaga ndɔ ande ka gea, ɓáengekisɛ ɓeekea nɛnu ka gea áúbikanɛ gea, ande á ɗoni. Láté ande kema nde aoújukana, ɓá gǎkɛ otoɓoa ú ka engekisa ɓonjánja í. Ɓeekea nɛnu a phɔtɔ ɓó. Ana kantíti kɔnyɛ́nya láté, akeni gǎkɛ ɓáengekisɛ ú. Ka nyɔngɔ índɔ unge ɓeɓande n'obebɔ, ɓoombia na ɓokutú mbenɔ nde Yéso Kiísito asɛnɛkaeka.

1 Ɓakɔlítɔ 5:7

Cɔ, ósokoseani, ɓótokisɛ cacu á kala ka gea, ɓóɓɛ ɓea mokati á kɛ̌kɛ nnde nna na cacu. Eya, ɓo ye tɔ kángá á cacu, kpanga á ɓî Kiísito Muna-mɔgɔgɔ á Pasáka nɛsu ɗáku ka phɛ́a.

Títɔ 3:14

Ambe ɓakpa nɛsu, ɓágoɛgɛ phɔtɔ gea á ɓonjánja phɛɛ ka tɔtɔkisa á kema nde ɓakpa ɓá na mɔphɛ í phɛɛ. Na ka gea aɓɔ ɓó, enda aɓɔ káɓɛku jǎi-jǎi.

Títɔ 3:1

Cɔ, ókanisia ɓaɓêki gea te, akeni ɓaedidisɛ kusi á ɓakɔta na ɓaamɛ nɛɓɔ, ambe ɓáɛɓɔ́kɛ na ɓeekea á tɔtɔkisa ekuma bui nde aánjá.

2 Ɓakɔlítɔ 9:8

Mokonga ana ɓukpɛkpɛ á opha anu kema ásii phɛɛ ka gea, ɓóɓɛ na kema bui nde ɓookonda. Gǔ índɔ goto, ɓoɓande na nnde ɓɔtɔtɔkisande ně kema ánjá bubui.

1 Timɔtɛ́ɔ 6:11

Oɓɛ gǎkɛ, nkpa ndea Mokonga, ɓánga kema ndɔ bui. Káɓa ndiu koɗoni, tambea ánjá mosá á Mokonga, ɓeekea á Mokonga, ekondi, phiphia na ɓɔphɔngɔ.

2 Timɔtɛ́ɔ 2:16

Téa yɔngaga á jǎi-jǎi nnde atingani na moangɔ á ɓeekea nga, ɓakpa nde ɓáoɓea nndɔ, ɓáǒɗangamisa na Mokonga phɛɛ.

2 Timɔtɛ́ɔ 4:11

Cɔ, Lóka sasakɛ áambé a tɔ n'eme. Mbika na Malíkɔ nga, akeni ka engani k'ékuma nɛmɔ.