ފިލިއްޕީގެ މަސީޙީންނަށް ސިޓީ 2:28 - ކިތާބުލް މުޤައްދަސާ

²⁸ އޭނާ ތިޔަބައިމީހުންގެ ކައިރިއަށް ފޮނުވުމަށް އަހަރެން ވަރަށް ބޮޑަށް ބޭނުންވެއެވެ. އެއީ އޭރުން އޭނާ ފެނި ތިޔަބައިމީހުން އުފާވާނޭތީއެވެ. އޭރުން އަހަރެން ވެސް ތިޔަބައިމީހުންނާމެދު އެހާ ފިކުރުބޮޑުވާން ނުޖެހޭނެތީ ވެސްމެއެވެ.

ފިލިއްޕީގެ މަސީޙީންނަށް ސިޓީ 2:28 Cross References

ފެށުން 48:11

އިސްރާއީލުގެފާނު ޔޫސުފުގެފާނަށް މިފަދައިން ވިދާޅުވިއެވެ. ”⁠އަހަރެންނަށް ތިބާ ދިރިހުއްޓައި އަލުން ފެންނާނެއެކޭ ހިއެއް ނުކުރަމު. އެހެނަސް ތިބާއާއި ތިބާގެ ދަރިން ވެސް މާތްކަލާނގެ އަހަރެންގެ ލޮލަށް ދައްކުވައި ދެއްވައިފި.⁠“

ޔޫޙަންނާ 16:22

މިހާރު ކަލޭމެން ތިޔަ ވަނީ އެފަދަ ހިތާމައެއްގައި. ނަމަވެސް އަހަރެން އަލުން ކަލޭމެންނާއި ބައްދަލުވާނަން. އޭރުން ކަލޭމެން އެހާވަރަށް އުފާވާނެ. އަދި އެއްވެސް މީހަކަށް އެއުފާ ކަލޭމެންގެ އަތުން ޖަހައެއް ނުގަނެވޭނެ.

މަންދޫބުންގެ މަސައްކަތް 20:38

އެއީ ދެން ދުވަހަކު ވެސް އެމީހުންނަށް ޕައުލް އާއި ބައްދަލު ނުވާނެ ވާހަކަ އިވުމުންނެވެ. ދެން އެމީހުން ޕައުލް އާއި އެކު އޭނާ ފުރާ އޮޑީގެ ކައިރިއަށް ދިޔައެވެ.

ފިލިއްޕީގެ މަސީޙީންނަށް ސިޓީ 2:29

މާތްސާހިބާއަށްޓަކައި އޭނާއަށް މަރުޙަބާ ކިޔާށެވެ. އޭނާފަދަ މީހުންނަށް މާތްކޮށް ހިތާށެވެ.

ތިމޮތީއަށް ދެވަނަ ސިޓީ 1:4

އަހަރެން ވަނީ ތިބާ ދުށުމަށް ކެތްމަދުވެފައިމެއެވެ. އަހަރެމެން ވަކިވިހިނދު ތިބާގެ ލޮލުން ފޭދުނު ކަރުނަތައް މިހާރު ވެސް ހަނދާންވެއެވެ. އަދި އަހަރެމެންނަށް އެއްތަނެއްގައި ތިބެވޭ ދުވަހަކުން އުފާކުރާނީއެވެ.