ތިމޮތީއަށް ފުރަތަމަ ސިޓީ 5:2 - ކިތާބުލް މުޤައްދަސާ

² ދުވަސްވީ އަންހެނުންނާއިމެދު ތިބާގެ މަންމަ އާއި މެދު އަމަލުކުރާ ފަދައިން ކަންތައް ކުރާށެވެ. އަދި ޅަ ޒުވާން އަންހެން ކުއްޖެއްނަމަ ހިތުގެ އެދުންވެރިކަމެއް ނެތި ތިބާގެ އުޚުތަކާއިމެދު އަމަލުތައް ބަހައްޓާ އުސޫލުން ކަންތައް ކުރާށެވެ.

ތިމޮތީއަށް ފުރަތަމަ ސިޓީ 5:2 Cross References

ފިލިއްޕީގެ މަސީޙީންނަށް ސިޓީ 4:8

އެހެންވީމާ، އަޚުންނާއި އުޚުތުންނޭވެ. ފަހުބަހެއްގެ ގޮތުގައި އަހަރެން ބުނެލަން އެދޭ އެއް ވާހަކައެއް ވެއެވެ. އެއީ ތެދުވެރިކަމާއި ގަދަރާ އަދި އިންސާފާ މެދުގައި ތިޔަބައިމީހުން ވިސްނުމެވެ. ސާފުތާހިރު ގޮތަކީ ކޮބައިކަމާއި އަދި ލޮބުވެތި ރުހެވޭ ގޮތްތަކަކީ ކޮބައި ކަމާ މެދުގައި ވިސްނުމެވެ. އެންމެ ހެޔޮ ގޮތާއި އަދި ތަޢުރީފު ޙައްޤުވަނީ ކޮން ކަންތަކެއްތޯ ވެސް ވިސްނުމެވެ.

ތިސަލޯނިކާގެ މަސީޙީންނަށް ފުރަތަމަ ސިޓީ 5:22

އަދި ކޮންމެ ހިތްނުބައި ކަމަކުން ދުރުހެލިވެ ތިބޭށެވެ.

ތިމޮތީއަށް ފުރަތަމަ ސިޓީ 4:12

އެއްވެސް ޙާލަތެއްގައި ތިބާގެ އުމުރުގެ ހަގުކަމާއެކު، މީސްތަކުން ތިބާގެ ހައިސިއްޔަތާމެދު ފަރުވާކުޑަކުރުމުގެ ފުރުސަތު ނުދޭށެވެ. ތިބާގެ އުނގަންނައި ދިނުމާއި ލޯތްބާއި އީމާންތެރިކަމާ ސާދާ ދިރި އުޅުމުން އީމާންވީ ފަރާތްތަކަށް ނަމުނާއެއް ކަމުގައި ވާށެވެ.

ތިމޮތީއަށް ފުރަތަމަ ސިޓީ 5:1

އުމުރުން ދުވަސްވީ އެއްވެސް ފިރިހެނަކާއި ހަރުކަށި ގޮތެއްގައި މުޚާތަބު ނުކުރާށެވެ. އޭގެ ބަދަލުގައި އެމީހަކަށް އިޙުތިރާމުކޮށް އިލްތިމާސް ކުރާށެވެ. އެއީ ތިބާގެ ބައްޕަ އާއި މުޚާތަބުކުރާ ފަދައިންނެވެ. އުމުރުން ހަގު ފިރިހެންކުދިންނާއި މުޚާތަބު ކުރާހިނދު އަޙުވަންތަ ކަމާއެކު މުޚާތަބު ކުރާށެވެ.

ތިމޮތީއަށް ފުރަތަމަ ސިޓީ 5:3

އެކަނިވެރިކަން ޙިއްސާކުރާ ހުވަފަތް އަންހެނުންނާއިމެދު މަސީޙީ ޖަމާޢަތުން އިޙްތިރާމްކޮށް އަޅާލައި އިނާޔަތް ދޭންވާނެއެވެ.

ތިމޮތީއަށް ދެވަނަ ސިޓީ 2:22

ޒުވާންކަމުގެ ފާހިޝް އެދުންތަކުން އުފެދިދާނެ ވަސްވާސްތަކުން އެކަހެރިވާށެވެ. އެއާ ޚިލާފަށް ސާފު ހިތަކުން ދުޢާ ކުރާ މީހުންނާއި އެކުގައި ޞާލިޙު، ވަފާތެރި އީމާނަކާއި ލޮބުވެތި ސުލްޙަވެރި ދިރިއުޅުމެއް އުޅެމުން ދާށެވެ.