ތިމޮތީއަށް ފުރަތަމަ ސިޓީ 1:11 - ކިތާބުލް މުޤައްދަސާ

¹¹ މި ހެޔޮޚަބަރުފުޅުގެ އިލްމު އަހަރެންނާ މަތިކުރައްވާފައި ވަނީ އެ ބަރަކާތްތެރި ޖަލާލުވަންތަ ކަލާނގެ ކިބަފުޅުންނެވެ.

ތިމޮތީއަށް ފުރަތަމަ ސިޓީ 1:11 Cross References

ލޫކާސް 2:14

”⁠މަތިވެރިވެ ވޮޑިގެންވާ މާތްރަސްކަލާނގެ ކިބަފުޅަށް ހަމްދާއި ސަނާ ހުރި! ދުނިޔޭގައި އެކަލާނގެ ރުއްސެވުން ލިބިފައިވާ މީހުންނަށް އެކަލާނގެ ދެއްވާ ސުލްޙަ އަމާންކަމުގެ މަގު ދެއްވާނެ!⁠“

ގަލާތިޔާގެ މަސީޙީންނަށް ސިޓީ 2:7

އެހެންނަމަވެސް މިބޮޑުން ވެސް އެއްބަސްވަނީ ބަނީއިސްރާއީލު މީހުން ނޫން މީހުންނަށް ހެޔޮޚަބަރުފުޅު ދިނުމަށް މާތްރަސްކަލާނގެ ހޮއްވަވާފައި ވަނީ އަހަރެން ކަމުގައެވެ. އެއީ ޕަތަރަސް ވެސް ބަނީއިސްރާއީލު މީހުންނަށް ދިންނެވުމުގެ އުފާވެރި ޚަބަރު ދިނުމަށް އެކަލާނގެ ހޮއްވެވި ފަދައިންނެވެ.

އެފޭސުސްގެ މަސީޙީންނަށް ސިޓީ 1:12

އެގޮތުގެ މަތިން އަހަރެމެން، ބަނީއިސްރާއީލު ދަރިކޮޅުގެ މީހުންނީ އެންމެ ފުރަތަމަ އަލްމަސީޙާއި މެދުގައި އުންމީދު ކުރި މީހުންނެވެ. އަދި އަހަރެމެން ޚިޔާރު ކުރެވިގެންވީ މާތްރަސްކަލާނގެ މަތިވެރި ކަމާމެދު ޙަމްދު ތަޢުރީފު ކުރުމުގައި ވުމަށެވެ.

އެފޭސުސްގެ މަސީޙީންނަށް ސިޓީ 1:6

އަދި މިހުރިހާ ކަމެއް ގެނެސްދެނީ އެކަލާނގެއަށްޓަކައި އަހަރެމެން ޙަމްދާއި ސަނާ ކިޔުމަށެވެ. ސަބަބަކީ އަހަރެމެންނަށްޓަކައި އެކަލާނގެ ލެއްވި ޙައިރާން ކުރުވަނިވި ނިޢުމަތްފުޅެވެ. އެ ނިޢުމަތްފުޅު އެކަލާނގެ އަހަރެމެންނަށް ދެއްވީ އަގަކާއިނުލައެވެ. އެއީ އެކަލާނގެ ލޯބިވެވޮޑިގަންނަވާ ދަރިކަލުން، އަލްމަސީޙު މެދުވެރިކުރައްވައެވެ.

އެފޭސުސްގެ މަސީޙީންނަށް ސިޓީ 2:7

މާތްރަސްކަލާނގެ މިފަދައިން އަމަލު ކުރެއްވީ އީސާ އަލްމަސީޙު ކުރެއްވި މަސައްކަތްޕުޅުގެ ސަބަބުން އެކަލާނގެ އަހަރެމެންނާއިމެދު އޯގާތެރިވެ ވޮޑިގަންނަވައި ދެއްވާ އަދަދު ނުކުރެވޭނެ މަތިވެރި ނިޢުމަތްފުޅު ކުރިމަގުގައިވާ ޒަމާންތަކަށް ދެއްކެވުމަށެވެ.

އެފޭސުސްގެ މަސީޙީންނަށް ސިޓީ 3:10

މި އުސޫލުގެ މަތިން މި ޒަމާނުގައި މަސީޙީ ޖަމާޢަތުގެ މެދުވެރި ކުރެއްވުމާއި، އުޑުތަކުގައިވާ ރޫޙާނީ އިސްވެރިންނާއި ބާރުވެރިންނަށް ވަނީ އެކަލާނގެ ތަފާތު ޙިކުމަތްތެރިކަން އެނގިފައެވެ.

ކުލޫއްސީގެ މަސީޙީންނަށް ސިޓީ 1:25

މާތްކަލާނގެ އަހަންނާ މަތިކުރައްވާފައި މިވަނީ އެކަލާނގެ އެންގެވި މުޅި ރިސާލަތު ތިޔަބައިމީހުންނަށް އަންގައިދީގެން ތިޔަ ޖަމާޢަތަށް ޚިދުމަތް ކޮށް ދިނުމަށެވެ.

ތިސަލޯނިކާގެ މަސީޙީންނަށް ފުރަތަމަ ސިޓީ 2:4

ސަބަބަކީ މާތްރަސްކަލާނގެ އަހަރެމެންނާއިމެދު ރުހިވޮޑިގަންނަވައި ހެޔޮޚަބަރުފުޅު އަހަރެމެންނާއި ޙަވާލު ކުރެއްވިއެވެ. އެހެންވީމާ، އަހަރެމެން މުޚާތަބު ކުރަނީ މީހުންގެ ރުހުން ލިބުމަކަށް އެދިގެން ނޫނެވެ. ނަމަވެސް މާތްރަސްކަލާނގެ ރުހިވޮޑިގަންނަވާ ފަދައިންނެވެ. އަދި އަހަރެމެންގެ ހިތްތަކުގެ މަގުސަދު ފައިސަލާ ކުރައްވާނެ ފަރާތަކީ މާތްރަސްކަލާނގެއެވެ.

ތިމޮތީއަށް ފުރަތަމަ ސިޓީ 2:7

އެކަލޭގެފާނުގެ މަންދޫބެއްގެ އިތުރުން ދަރުސް ދޭމީހުންގެ ގޮތުގައި އަހަރެން ހޮއްވެވީ ބަނީއިސްރާއީލު ދަރިކޮޅުގެ މީހުންނޫން އެހެން މީހުންނަށް އެކަލޭގެފާނާއި ބެހޭ ގޮތުން ވީ މި އުފާވެރި ޚަބަރު ތެދުވެރިކަމާއި އީމާންތެރިކަމާއެކު އަންގައިދީ ހެދުމަށެވެ. މިއީ ތިބާ ކައިރީގައި އަހަރެން ބުނާ ތެދު ބުނުމެކެވެ. ދޮގު ވާހަކަތަކެއް ނޫނެވެ.

ތިމޮތީއަށް ފުރަތަމަ ސިޓީ 6:15

ބަރަކާތް ލިބިގެންވާ ހަމައެކަނި ޙާކިމު ކަމަށްވާ މާތްރަސްކަލާނގެ އިރާދަ ކުރައްވާ ކޮންމެ ވަގުތެއްގައި ވެސް އީސާ އަލްމަސީޙު، ސުވަރުގެއިން މި ދުނިޔެއަށް ފޮނުއްވައި ފައުޅު ކުރައްވައިފާނެއެވެ. މާތްކަލާނގެއީ ރަސްރަސްކަލުންގެ ރަސްކަލާނގެ އެވެ. އަދި ސާހިބުންގެ ސާހިބުވަންތަ ކަލާނގެ އެވެ.

ތިމޮތީއަށް ފުރަތަމަ ސިޓީ 6:20

ތިމޮތީއެވެ. މާތްރަސްކަލާނގެ ހަވާލު ކުރެއްވި ކަންތައް ބެލެހެއްޓުމަށް ތިބާއާއި ހަވާލު ކުރަމެވެ. ކަލާނގެވަންތަކަމާއި ދެކޮޅު، ތާކުންތާކު ނުޖެހޭ މަޝްވަރާތަކާއި އެމީހުންގެ އިލްމޭ އެ ކިޔާ އެއްޗަކާ ތިބާއާ ދެކޮޅު ހުރިހާ ބަޔަކާ އެކަހެރިވާށެވެ.

ތިމޮތީއަށް ދެވަނަ ސިޓީ 1:11

ހަމައެހެންމެ އެކަލޭގެފާނުގެ މަންދޫބެއްގެ އިތުރުން ވާޢިޡެއްގެ ގޮތުގައި މާތްރަސްކަލާނގެ އަހަރެން ހަމަޖެއްސެވީ އެ ހެޔޮޚަބަރުފުޅު މީސްތަކުންނަށް އުނގަންނައި ދިނުމަށްޓަކައެވެ.

ތިމޮތީއަށް ދެވަނަ ސިޓީ 1:14

ސަމާލުކަން ދޭންވީ އަހަރެމެންގެ ކިބައިގައިވާ އެކަލާނގެ މާތްރޫޙުފުޅުގެ އެހީގައި ތިބާ އާއި ޙަވާލު ކުރެވުނު ކަންތައްތައް ފުރިހަމައަށް ރައްކާތެރިކޮށް ބެލެހެއްޓުމެވެ.

ތިމޮތީއަށް ދެވަނަ ސިޓީ 2:2

އަހަރެން ކިޔަވައިދިން ކަންތައް ވަރަށްގިނަ ހެކިވެރިންނާއެކު ތިބާއަށް ވާނީ އަޑުއިވިފައެވެ. އަހަރެން އެދެނީ އަހަރެން އެ ދަސްކޮށްދިން ކަންތައް އެހެންމީހުންނަށް އުނގަންނައިދެވޭނެ އިތުބާރު ހުރި ތިބި ބަޔަކަށް އެވާހަކަތައް ކިޔައިދިނުމަށެވެ.

ތީތުސްއަށް ސިޓީ 1:3

އެގޮތުން، އެކަމަށް އެކަށީގެންވީ ވަގުތު މާތްރަސްކަލާނގެ، އަހަރެމެން ދިންނަވާ ފަރާތުން މި އުފާވެރި ޚަބަރު ދެއްވައި އެންމެހައި މީސްތަކުންނަށް އަންގައި ދިނުމަށް އެކަލާނގެ އެދިވޮޑިގެން އަހަރެންނާއި ޙަވާލު ކުރެއްވިއެވެ.