ၸ︀ိလ︀ိပ︀်ပ︀ၢႆ︀ 4:9 - Khamti Shan

⁹ ဢ︀ꩫ︀်ႈက︀ဝ်ႈꩬ︀ူမ︀ႆ︀ႛꩬ︀ွꩫ︀်ꩭႂ်ႛꩫ︀ႆ︀ႇၵ︀ဝ် က︀ႃႈꩫ︀င︀်ꩬ︀ူꩫ︀ႆ︀ႛꩥ︀ိꩫ︀်းမ︀ႃး ꩭꩫ︀်မ︀ႃးꩫ︀ႆ︀ႇ က︀မ︀်ႈက︀ႅင︀်းက︀ꩫ︀်ႈတ︀ႃႉ။ င︀ႆ︀းက︀ီး ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩬ︀ူမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛꩫ︀ႆ︀ႇ တ︀င︀်းꩬ︀ူၵ︀ိင︀်းဢ︀ူ။

ၸ︀ိလ︀ိပ︀်ပ︀ၢႆ︀ 4:9 Cross References

မ︀တ︀်တ︀ႄး 1:23

ပ︀ရ︀ေႃးၸ︀ႅတ︀်ႉဢ︀မ︀ႂ်းယ︀ႃႇ “ၸ︀ူႛꩬ︀ၢဝ်ꩡ︀ႅတ︀်ႉꩰက︀ူဝ်ႇလ︀ိူင︀်ႈပ︀ီꩫ︀်ႈမ︀ဝ်တ︀ူဝ်ႈꩫ︀ႆ︀ၢႈꩬ︀ီ လ︀ုက︀်ႉꩡ︀ႆ︀ၢးက︀ူဝ်ႇလ︀ိူင︀်ႈတ︀ီယ︀င︀်းမ︀ႃးꩫ︀မ︀်။ ꩡ︀ိုဝ်ႈလ︀ုက︀်ႉꩡ︀ႆ︀ၢးဢ︀မ︀ႂ်းယ︀ႃႇ “ဢ︀ေမ︀ႃꩫ︀ွေလ︀” ꩫ︀ꩫ︀မ︀်တ︀ီꩭွင︀်ႇꩫ︀ႆ︀ႇ” ꩫ︀ဝꩫ︀်ႇ။ ဢ︀ေမ︀ႃꩫ︀ွေလ︀ꩫ︀ꩫ︀ႆ︀ႇယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈတ︀င︀်းက︀ူꩫ︀်းꩭဝ်းၵ︀ိင︀်းလ︀ွေႛ” ꩫ︀ꩫ︀မ︀်။

မ︀တ︀်တ︀ႄး 28:20

ဢ︀ꩫ︀်ႈꩬ︀ူမ︀ႆ︀ႛ က︀ဝ်ႈꩬ︀ွꩫ︀်ꩭႂ်ႛမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ ꩭႂ်ႛပ︀ူဝ်းၵ︀ဝ်ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ွꩫ︀်ꩭႂ်ႛက︀ꩫ︀်ႈတ︀ႃႉ။ က︀ႃႈက︀မ︀်ၸ︀ႃမ︀ဝ်ꩬ︀ိင︀်ႛꩬ︀ုတ︀်ယ︀ႃႇ က︀ဝ်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀င︀်းꩬ︀ူတ︀ီယ︀င︀်းꩬ︀ီဢ︀ူꩫ︀မ︀်။

မ︀တ︀်တ︀ႄး 7:21

က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ “ꩡ︀ဝ်ႛ ꩡ︀ဝ်ႛ” ꩫ︀ꩬ︀ီꩭွင︀်ႇꩫ︀ႆ︀ႇၵ︀ဝ်က︀ူႈက︀ူဝ်ႇယ︀ႃႇ မ︀ိူင︀်းက︀ၢင︀်ႈꩭၢဝ်မ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛ။ က︀ူဝ်ႇဢ︀ꩫ︀်ႈဢ︀လ︀ၢင︀်းပ︀ူဝ်က︀ၢင︀်ႈꩭၢဝ်က︀ဝ်ႈမ︀ႆ︀ႛ ꩡ︀ွမ︀်းꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀် တ︀ီꩫ︀ႆ︀ႛၵ︀ဝ်ႛꩫ︀ႆ︀ႇ။

လ︀ုက︀ႃ 6:46

ꩬ︀ူꩭီတ︀်က︀ꩬ︀င︀်ꩫ︀ႆ︀ က︀ဝ်ႈမ︀ႆ︀ႛ “ꩡ︀ဝ်ႛ ꩡ︀ဝ်ႛ” ꩫ︀ယ︀ႃႇဝႃႈꩬ︀ီ ၵ︀ၢမ︀်းက︀ဝ်ႈယ︀ႃႇမ︀ဝ်ထွမ︀်က︀ꩫ︀်ႈꩫ︀ႆ︀ႇ။

လ︀ုက︀ႃ 8:21

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “မ︀ေက︀ဝ်ႈ၊ ꩫ︀ွင︀်ႇက︀ဝ်ႈၵ︀ဝ်ယ︀ႃႇ က︀ူဝ်ႇဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီထွမ︀်ꩡ︀ွမ︀်းꩫ︀ႆ︀ႇၵ︀ဝ်ꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 13:17

င︀ႆ︀ႚယ︀ႃႇ ꩬ︀ူ ၵ︀ၢမ︀်းꩬ︀မ︀်မ︀ႃတ︀ြႃးမ︀ႆ︀ႛတ︀ွင︀်းက︀ꩫ︀်ႈယ︀ဝ်ႇ။ ꩫ︀ႆ︀ႇမ︀ႆ︀ႛꩬ︀ူꩡ︀ွမ︀်းꩭီတ︀်က︀ီး ၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈဢ︀က︀ိဝ်းꩭႂ်ႛဢ︀ူ။

ယ︀ေႃးꩭၢꩫ︀် 15:14

ꩬ︀ူꩫ︀င︀်က︀ဝ်ႈဝႃႈꩫ︀က︀ꩫ︀်ႈꩭီတ︀်က︀ီး တ︀ႆ︀းက︀ူဝ်ႇက︀ဝ်ႈꩫ︀မ︀်။

ယ︀ေႃးꩭၢꩫ︀် 2:5

ꩫ︀ႆ︀ႇꩫ︀က︀ေႃႇ ၸ︀ူႛမ︀ေႈမ︀ꩫ︀်းꩡ︀ဝ်ႛယ︀ႃႇ ၸ︀ူႛꩡ︀ႂ်ႇꩫ︀ႆ︀ႇၵ︀ဝ်မ︀ႆ︀ႛ “ဢ︀ꩫ︀်ႈꩫ︀င︀်မ︀ꩫ︀်းꩡ︀ႂ်ႇꩫ︀ႆ︀ႇꩭီတ︀်က︀ꩫ︀်ႈလ︀ႃး” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 9:6

ꩫ︀ႆ︀ႇꩫ︀က︀ေႃႇ မ︀ႂ်းလ︀ုက︀်ႉꩬ︀ီ က︀ꩫ︀်ႛꩫ︀ႂ်းဝီင︀်းမ︀ႆ︀ႛၵ︀ဝ်ႛက︀ႃတ︀ႃႉ၊ ဢ︀မ︀ႂ်းမ︀ႆ︀ႛထိုင︀်က︀ီး ဢ︀ꩫ︀်ႈမ︀ႂ်းဝႃႈꩭီတ︀်ꩫ︀ႆ︀ႇ မ︀ႂ်းမ︀ႆ︀ႛက︀ူꩫ︀်းက︀ူဝ်ႇလ︀ိူင︀်ႈတ︀ီၵ︀ႆ︀ႈꩭႂ်ႛꩬ︀ႃး” ꩫ︀ꩬ︀ီဢ︀မ︀ိင︀်းꩭႂ်ႛဢ︀ူ။

ရ︀ေႃမ︀ 15:33

ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃꩭႂ်ႛꩫ︀ႆ︀ႇ တ︀င︀်းꩬ︀ူတ︀င︀်းမ︀ိူင︀်း ꩭႂ်ႛၵ︀ိင︀်းလ︀ွေႛက︀ႃတ︀ႃႉ။ ꩬ︀ႃႈထု။

ရ︀ေႃမ︀ 16:20

ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩫ︀ႆ︀ႇ ၵ︀ုꩫ︀်ꩬ︀ူင︀်မ︀ႆ︀ႛ မ︀ဝ်ꩭိုင︀်က︀ꩬ︀င︀် က︀ꩫ︀်ႛတ︀ႂ်ႛတ︀ိꩫ︀်ႈꩬ︀ူမ︀ႆ︀ႛ တ︀ီꩫ︀ူꩫ︀်ႇၵ︀ွတ︀်ꩫ︀မ︀်။ ꩬ︀ူမ︀ႆ︀ႛꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ꩭႂ်ႛဢ︀ီꩫ︀ူႈꩭၢက︀်ႉꩭွမ︀်က︀တ︀ႃႉ။

က︀ေႃရ︀ိꩫ︀်တ︀ု ႑ 10:31

င︀ႆ︀းꩫ︀ႆ︀ႇꩬ︀ီ ꩬ︀ူက︀ိꩫ︀်ႈပ︀တ︀ု၊ ꩫ︀ုင︀်ႈပ︀တ︀ု ꩭီတ︀်က︀ꩬ︀င︀်ပ︀တ︀ု ꩭၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ိူꩫ︀်ႈယ︀ူဝ်းယ︀ွင︀်ႛꩫ︀ႆ︀ၢႈꩬ︀င︀်ꩭီတ︀်က︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 14:33

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛ ၸ︀ိင︀်ႛမ︀ဝ်ယ︀င︀်း ပ︀ႅင︀်ႈမ︀ဝ်ယ︀င︀်းမ︀ဝ်ပ︀ီꩫ︀်ႈꩬ︀ီ ၵ︀ႂ်ႈꩭႂ်ႛထုက︀်က︀ꩫ︀်ႈ ꩫ︀ီႈꩫ︀ီႈꩫ︀ၢမ︀်းꩰက︀ꩫ︀်ႈꩫ︀မ︀်။ ꩡ︀ႃၵ︀ၢပ︀်ႉꩫ︀ႆ︀ႇယ︀ႃႇ ဢ︀ꩫ︀်ႈꩫ︀င︀်က︀ူꩫ︀်းꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ် က︀ူႈတ︀ီႈမ︀ႆ︀ႛꩭီတ︀်ꩫ︀က︀ꩫ︀်ႈ ꩭီတ︀်ဢ︀ူꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 4:16

င︀ႆ︀းꩬ︀ီ ၵ︀ႅꩫ︀်းꩫ︀က︀ွတ︀်၊ ꩫ︀င︀်က︀ဝ်ႈꩫ︀က︀ꩫ︀်ႈ က︀မ︀်ႈက︀ႅင︀်းက︀ꩫ︀်ႈမ︀တ︀ႃႉ။

က︀ေႃရ︀ိꩫ︀်တ︀ု ႒ 13:11

ပ︀ီႈꩫ︀ွင︀်ႇၵ︀ဝ်ꩴ︀း ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ၵ︀ႂ်ႈꩬ︀င︀်ꩫ︀ႆ︀ႇယ︀ႃႇ ꩡ︀ူမ︀်းꩭုမ︀်က︀ꩫ︀်ႈတ︀ႃႉ။ ꩭႂ်ႛပ︀ူဝ်းꩬ︀ူ တ︀ီမ︀်ႈက︀ုမ︀်ꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ ꩭႂ်ႛပ︀ူဝ်းဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ ဢ︀ꩫ︀်ႈက︀ဝ်ႈဝႃႈမ︀ႃးꩫ︀ႆ︀ႇၵ︀ဝ်ထွမ︀်ꩬ︀ီ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩡ︀ႂ်ႈၵ︀ူမ︀်က︀ꩫ︀်ႈင︀ႆ︀း ꩭူမ︀်ႈဢ︀ူꩫ︀ီႈꩫ︀ီႈက︀ꩫ︀်ႈတ︀ႃႉ။ င︀ႆ︀းက︀ီး ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛမ︀ႅတ︀်ႉတ︀ႃ၊ ꩡ︀ဝ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃ တ︀င︀်းꩬ︀ူၵ︀ိင︀်းလ︀ွေႛဢ︀ူ။

ၸ︀ိလ︀ိပ︀်ပ︀ၢႆ︀ 3:17

ပ︀ီႈꩫ︀ွင︀်ႇၵ︀ဝ်ꩴ︀း က︀ၢပ︀်ꩬ︀ီက︀ဝ်ႈမ︀ႆ︀ႛယ︀ီင︀်ႈꩡ︀ွမ︀်းက︀ꩫ︀်ႈတ︀ႃႉ။ လ︀ုက︀်ႉက︀ူꩫ︀်းဢ︀ꩫ︀်ႈတ︀ူႈမ︀ႆ︀ႛယ︀ီင︀်ႈꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ွꩫ︀်ဢ︀ဝ်ႈက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 4:7

င︀ႆ︀းက︀ီး လ︀ႆ︀ၢးပ︀ိူဝ်ႈꩬ︀ူ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩡ︀ႂ်ႈꩬ︀ူ ၵ︀ွꩫ︀်ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ၢင︀်းက︀တ︀်ယ︀ီꩫ︀်ႈၵ︀ႅမ︀်းꩬ︀ႃ ဢ︀ꩫ︀်ႈဢ︀ဝ်ႈꩥ︀ႅꩫ︀်က︀ူꩫ︀်းꩭဝ်းꩭလ︀ိုဝ်က︀ေႃႇ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀ႆ︀ႇꩭႂ်ႛဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:6

ꩬ︀ူယ︀ႃႇ ꩫ︀င︀်ꩡ︀ဝ်ႛယ︀ေꩬ︀ုꩫ︀က︀ꩫ︀်ႈတ︀မ︀ိူင︀်း၊ ꩫ︀င︀်တ︀ူႈꩫ︀က︀ꩫ︀်ႈတ︀မ︀ိူင︀်း ꩡ︀ွမ︀်းက︀ႅင︀်းမ︀ႃးယ︀ဝ်ႇ။ ꩬ︀ူမ︀ႆ︀ႛ ပ︀ိူꩫ︀်ႈၵ︀ႂ်ႈလ︀ႂ်ႈꩫ︀ိက︀်ႉꩬ︀ၢက︀်ႉမ︀ႃးꩫ︀က︀ေႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈꩡ︀ူမ︀်းꩭုမ︀်ꩭႂ်ႛꩬ︀ီ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭၢပ︀်ႉဢ︀ဝ်ႈမ︀ႃးယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:14

ပ︀ီႈꩫ︀ွင︀်ႇၵ︀ဝ်ꩴ︀း ဢ︀ꩫ︀်ႈꩬ︀ူꩭူပ︀်ႉꩭꩫ︀်ꩫ︀ႆ︀ႇ ꩫ︀င︀်ဢ︀ꩫ︀်ႈၸ︀ူႛယ︀ုမ︀်ယ︀မ︀်ႈ တ︀ိူင︀်းယ︀ုတ︀ၵ︀ဝ် ꩭူပ︀်ႉꩭꩫ︀်ꩫ︀က︀ꩫ︀်ႈꩫ︀မ︀်။ ꩫ︀င︀်ꩬ︀ူမ︀ႆ︀ႛ ၸ︀ꩫ︀်းၸ︀ူႛꩡ︀ဝ်ႛꩫ︀ႆ︀ႇၵ︀ဝ်က︀ေးလ︀ေးꩫ︀ိက︀်ႉꩬ︀ၢက︀်ႉꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇ က︀ျူးꩫ︀ႆ︀ႇၵ︀ဝ် က︀ေးလ︀ေးꩫ︀ိက︀်ႉꩬ︀ၢက︀်ႉမ︀ႃးယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:23

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈꩭႂ်ႛꩫ︀ႆ︀ႇ ꩬ︀ူမ︀ႆ︀ႛ က︀ူႈꩡ︀ွင︀်ႈက︀ူႈလ︀ွင︀်ႈ ꩭႂ်ႛဢ︀ဝ်ႈမ︀ူတ︀်ꩡ︀ၢင︀်က︀ႃတ︀ႃႉ။ တ︀ူဝ်ထိုင︀်ဝꩫ︀်းဢ︀ꩫ︀်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးမ︀ႃးꩫ︀ႆ︀ႇ ꩬ︀ူမ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇ တ︀ူဝ်ႈꩬ︀ူ၊ ꩡ︀ႂ်ႈꩬ︀ူ၊ ၵ︀ွꩫ︀်ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛမ︀ိုင︀်ႇပ︀ွင︀်ႈက︀ႃတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:4

ꩫ︀င︀်တ︀ူႈꩬ︀ွꩫ︀်ꩬ︀င︀်မ︀ႃးꩫ︀က︀ꩫ︀်ႈ ꩬ︀ူꩡ︀ွမ︀်းက︀ႅင︀်းꩬ︀ီဢ︀ူမ︀ႃးယ︀ဝ်ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ က︀ꩫ︀်ႛလ︀င︀်မ︀ႆ︀ႛက︀ေႃႇ ꩬ︀ူꩡ︀ွမ︀်းက︀ႅင︀်းက︀ႃဢ︀ူꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛꩬ︀ီ တ︀ူႈတ︀မ︀်းꩡ︀ႂ်ႈဢ︀ူ။

တ︀ိမ︀ေႃတ︀ေ ႒ 4:22

ၸ︀ြႃးပ︀ီꩫ︀်ႈꩡ︀ဝ်ႛ တ︀င︀်းမ︀ႂ်းꩭႂ်ႛၵ︀ိင︀်းလ︀ွေႛက︀ႃတ︀ႃႉ။ ꩬ︀ူတ︀င︀်းလ︀ုင︀်မ︀ႆ︀ႛ က︀ျေးꩡ︀ူးမ︀ꩫ︀်းꩡ︀ဝ်ႛ ꩭႂ်ႛꩫ︀မ︀်လ︀ႆ︀ၢက︀ႃတ︀ႃႉ။

ယ︀ႃက︀ု 1:22

ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢင︀်းဢ︀မ︀ၢင︀်းꩫ︀ႆ︀ၢႈပ︀ီထွမ︀်၊ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၸ︀ၢမ︀်းꩫ︀က︀ꩫ︀်ႈပ︀ီꩭႂ်ႛပ︀ီꩫ︀်ႈ။ က︀မ︀်ႈက︀ႅင︀်းတ︀ေႇတ︀ေႇက︀ꩫ︀်ႈတ︀ႃႉ။

ပ︀ေတ︀ရ︀ု ႒ 1:10

ပ︀ီႈꩫ︀ွင︀်ႇၵ︀ဝ်ꩴ︀း ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛꩭွင︀်ႇꩭႂ်ႛꩡ︀ွမ︀်းက︀ꩫ︀်ႛလ︀င︀်မ︀ꩫ︀်းꩡ︀ဝ်ႛꩬ︀ီ လ︀ိူက︀်ႉဢ︀ဝ်ႈပ︀ီꩫ︀်ႈၸ︀ꩫ︀်းက︀ူꩫ︀်းမ︀ꩫ︀်းꩡ︀ဝ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူပ︀ီꩫ︀်ႈၸ︀ꩫ︀်းက︀ူꩫ︀်းမ︀ꩫ︀်းꩡ︀ဝ်ႛꩫ︀မ︀်ꩫ︀ꩫ︀ႆ︀ႇ ꩭႂ်ႛပ︀ူဝ်းပ︀ိူꩫ︀်ႈမ︀ႆ︀ႛပ︀ျႃးꩫ︀ႆ︀ႛꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ ꩭီတ︀်င︀ႆ︀းက︀ီး ꩬ︀ူꩡ︀ႂ်ႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈ ꩵ︀ႈꩭႆ︀ၢက︀ႃ။

ယ︀ေႃးꩭၢꩫ︀် ႑ 3:22

ꩭဝ်း ၵ︀ၢမ︀်းမ︀ꩫ︀်းꩡ︀ဝ်ႛထွမ︀်င︀ႆ︀း မ︀ꩫ︀်းꩡ︀ဝ်ႛမ︀ႆ︀ႛဢ︀ဝ်ႈမ︀ႃးꩡ︀ႂ်ႈꩫ︀ႆ︀ႇꩬ︀ီ ဢ︀ꩫ︀်ႈက︀ႃႈꩫ︀င︀်ꩭဝ်းယ︀ွꩫ︀်းꩬ︀ူးꩫ︀ႆ︀ႇ မ︀ꩫ︀်းꩡ︀ဝ်ႛꩭႂ်ႛဢ︀ူ။