ၸ︀ိလ︀ိပ︀်ပ︀ၢႆ︀ 4:20 - Khamti Shan

²⁰ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်း မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈꩭႂ်ႛꩭိူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀တ︀ႃႉ။ ꩬ︀ႃႈထု။

ၸ︀ိလ︀ိပ︀်ပ︀ၢႆ︀ 4:20 Cross References

မ︀တ︀်တ︀ႄး 28:20

ဢ︀ꩫ︀်ႈꩬ︀ူမ︀ႆ︀ႛ က︀ဝ်ႈꩬ︀ွꩫ︀်ꩭႂ်ႛမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ ꩭႂ်ႛပ︀ူဝ်းၵ︀ဝ်ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ွꩫ︀်ꩭႂ်ႛက︀ꩫ︀်ႈတ︀ႃႉ။ က︀ႃႈက︀မ︀်ၸ︀ႃမ︀ဝ်ꩬ︀ိင︀်ႛꩬ︀ုတ︀်ယ︀ႃႇ က︀ဝ်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀င︀်းꩬ︀ူတ︀ီယ︀င︀်းꩬ︀ီဢ︀ူꩫ︀မ︀်။

မ︀တ︀်တ︀ႄး 6:9

င︀ႆ︀းꩫ︀ႆ︀ႇꩬ︀ီ ꩫ︀င︀်ꩫ︀ႆ︀ႇꩫ︀က︀ꩫ︀်ႈယ︀ွꩫ︀်းတ︀ႃႉ။ “ꩡ︀ဝ်ႛက︀ၢင︀်ႈꩭၢဝ် ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ႃႛ ꩡ︀ိုဝ်ႈၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ် ꩭႂ်ႛယ︀မ︀်ႈင︀ဝ်းက︀ꩫ︀်ႈတ︀ီၵ︀ႃႛက︀ႃတ︀ႃႉ။

ရ︀ေႃမ︀ 11:36

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး တ︀င︀်းလ︀ုင︀်တ︀င︀်းမ︀ိူင︀်းမ︀ႆ︀ႛ မ︀ꩫ︀်းꩡ︀ဝ်ႛꩫ︀မ︀်ၸ︀ၢꩫ︀်ꩬ︀ၢင︀်းဝႆ︀ႇꩫ︀ႆ︀ႇ။ တ︀င︀်းလ︀ုင︀်ယ︀င︀်းꩬ︀ီဢ︀ူꩫ︀ႆ︀ႇ လ︀ႆ︀ၢးပ︀ိူဝ်ႈမ︀ꩫ︀်းꩡ︀ဝ်ႛ၊ ꩡ︀ႃႇꩭၢင︀်းမ︀ꩫ︀်းꩡ︀ဝ်ႛꩫ︀မ︀်။ မ︀ူꩫ︀်ႈမ︀ꩫ︀်းꩡ︀ဝ်ႛ ထႃဝရ︀ꩭႂ်ႛꩭိူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀ႃတ︀ႃႉ။

ရ︀ေႃမ︀ 16:27

ၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈပ︀ႃးလ︀ိဝ်ႈ ဢ︀ꩫ︀်ႈတ︀င︀်းလ︀ုင︀်တ︀င︀်းမ︀ိူင︀်းမ︀ႆ︀ႛꩭူႇတ︀ွင︀်းꩫ︀ႆ︀ႇ မ︀ူꩫ︀်ႈမ︀ꩫ︀်းꩡ︀ဝ်ႛမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛꩭိူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀တ︀ႃႉ။ ꩬ︀ႃႈထု။

ဢ︀ေၸ︀ႅတ︀် 3:21

င︀ႆ︀းꩫ︀ႆ︀ႇꩬ︀ီ ꩭဝ်းဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇၵ︀ဝ်င︀ႆ︀း က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ထႃဝရ︀ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛ ယ︀ူဝ်းယ︀ွင︀်ႛက︀ꩫ︀်ႈက︀တ︀ႃႉ။ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ၵ︀ႃ ၸ︀ူႛယ︀ုမ︀်ယ︀မ︀်ႈမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ꩭႂ်ႛယ︀ူဝ်းယ︀ွင︀်ႛက︀ꩫ︀်ႈက︀တ︀ႃႉ။

ၸ︀ိလ︀ိပ︀်ပ︀ၢႆ︀ 1:11

င︀ႆ︀းက︀ီး ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူမ︀ႆ︀ႛက︀ေႃႇ ꩫ︀မ︀်ႇꩡ︀ႂ်ႈဢ︀ꩫ︀်ႈꩫ︀ီႈ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ၢႈꩬ︀င︀် ဢ︀ဝ်ႈယ︀င︀်းꩭႂ်ႛပ︀ီꩫ︀်ႈꩫ︀ႆ︀ႇ တ︀ီမ︀်ႈက︀ုမ︀်မ︀ႃးꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ် ယ︀ူဝ်းယ︀ွင︀်ႛက︀ꩫ︀်ႈမ︀ႃးဢ︀ူ။

ၸ︀ိလ︀ိပ︀်ပ︀ၢႆ︀ 4:23

ꩬ︀ူတ︀င︀်းမ︀ိူင︀်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭႂ်ႛဢ︀ီꩫ︀ူႈꩭၢက︀်ႉꩭွမ︀်က︀တ︀ႃႉ။

တ︀ိမ︀ေႃတ︀ေ ႑ 1:17

ꩡ︀ဝ်ႛထႃဝရ︀ၸ︀ြႃးꩬ︀ူလ︀ိဝ်ႈ ဢ︀ꩫ︀်ႈၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်း ထႃဝရ︀၊ ဢ︀ꩫ︀်ႈမ︀ဝ်လ︀ွက︀်ႉမ︀ဝ်လ︀ႆ︀ၢႈꩡ︀ၢင︀်ႈ၊ ဢ︀ꩫ︀်ႈဢ︀ူက︀ꩫ︀်ႛꩫ︀ိူဝ်ဢ︀ꩫ︀ိက︀်ႉꩡ︀၊ ဢ︀ꩫ︀်ႈဢ︀ဝ်ႈတ︀ႃႈက︀ူꩫ︀်းꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛ ထႃဝရ︀ ꩭႂ်ႛက︀ီႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀ႃတ︀ႃႉ။ ꩬ︀ႃထု။

ၿျႃၻိက︀်ႉ 1:6

ꩭဝ်းမ︀ႆ︀ႛ ꩫ︀င︀်ꩡ︀ဝ်ႛꩭူဝ်ၵ︀မ︀်းꩫ︀က︀ꩫ︀်ႈ ꩭႂ်ႛဢ︀ုပ︀်ႉပ︀ိုင︀်င︀ႆ︀း ဢ︀ဝ်ႈပ︀ီꩫ︀်ႈၸ︀ꩫ︀်းယ︀ီတ︀်ႉပ︀ရ︀ေႃးꩭိက︀်ႉ ꩡ︀ႃႇမ︀ိုင︀်ႇ ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ပ︀ူဝ်မ︀ꩫ︀်းꩡ︀ဝ်ႛယ︀ဝ်ႇꩰ။ ꩡ︀ဝ်ႛယ︀ေꩬ︀ုၵ︀ရ︀ီတ︀် မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈတ︀ꩫ︀်းၵ︀ူဝ်းꩭႂ်ႛယ︀ႂ်တ︀ီၵ︀ႃႛက︀တ︀ႃႉ။ ꩬ︀ႃႈထု။

ၿျႃၻိက︀်ႉ 11:13

မ︀ိူဝ်ႈဢ︀မ︀ႂ်း က︀ꩡ︀ူးဢ︀ိင︀်ႈꩬ︀ꩫ︀်လ︀ူင︀်ဢ︀ꩫ︀်ႈလ︀ိူင︀်ႈပ︀ီꩫ︀်ႈမ︀ႃးꩬ︀ီ မ︀ိူင︀်းလ︀ူင︀်ꩬ︀ိပ︀်ꩡ︀ႃႇꩡ︀ႃႇလ︀ိူင︀်ႈ လ︀ူႇပ︀ႅက︀်ႉက︀ႃဢ︀ူ။ က︀ူꩫ︀်းꩡ︀ီတ︀်ꩭီင︀်တ︀ႆ︀ၢႈက︀ႃꩬ︀ီ က︀ူꩫ︀်းဢ︀ꩫ︀်ႈက︀ိူတ︀်ꩫ︀ႆ︀ႇၵ︀ဝ်ယ︀ႃႇက︀ူဝ်ႈလ︀ူင︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ ဢ︀ုပ︀်ႉပ︀ိုင︀်က︀ၢင︀်ႈꩭၢဝ်မ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈဢ︀ူ။

ၿျႃၻိက︀်ႉ 14:7

ၵ︀ုꩫ︀်ꩬ︀ၢင︀်ဢ︀မ︀ႂ်းယ︀ႃႇ “ယ︀ၢမ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းက︀ူႈက︀ူဝ်ႇမ︀ႆ︀ႛ ပ︀ႅတ︀်ႉတ︀ြႃးꩫ︀ႆ︀ႇထိုင︀်မ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩬ︀ီ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ ꩡ︀ဝ်ႛဢ︀ꩫ︀်ႈက︀ၢင︀်ႈꩭၢဝ်၊ လ︀င︀်ꩫ︀ိꩫ︀်ႈ၊ ꩫ︀မ︀်ႇꩬ︀မ︀်မ︀ုက︀်ႉတ︀ြႃင︀ႆ︀း ꩫ︀မ︀်ႇꩭွေႛꩫ︀ႆ︀ႇၵ︀ဝ်မ︀ႆ︀ႛ ၸ︀ၢꩫ︀်ꩬ︀ၢင︀်းꩫ︀ႆ︀ႇမ︀ႆ︀ႛ ပ︀ႆ︀ၢႛဝႆ︀ႈက︀ꩫ︀်ႈတ︀ႃႉ” ꩫ︀ꩬ︀ီတ︀ႅဝ်ဢ︀ူ။

ၿျႃၻိက︀်ႉ 5:12

ၵ︀ဝ်ယ︀ႃႇ “ပ︀ူႇဢ︀ွꩫ︀်ဢ︀ꩫ︀်ႈꩫ︀ႆ︀ႛၵ︀ၢမ︀်ဢ︀ဝ်ႈတ︀ႆ︀ၢႈꩫ︀ႆ︀ႇ တ︀ꩫ︀်းၵ︀ူဝ်း၊ ꩡ︀ေးꩡ︀ိမ︀်၊ တ︀ၢင︀်းꩭူႇတ︀ွင︀်း၊ ꩫ︀မ︀်ႇက︀တ︀်ႉ၊ မ︀ူꩫ︀်ႈ၊ ၸ︀ုင︀်း၊ မ︀ၢင︀်က︀လ︀ႃ ꩭၢပ︀်ႉထႅက︀်ႉတ︀ီၵ︀ႃႛဢ︀ူ” ꩫ︀ꩬ︀ီ က︀ႃႈꩭႅင︀်း ယ︀ူဝ်းယ︀ွင︀်ႛက︀ꩫ︀်ႈဢ︀ူ။

ၿျႃၻိက︀်ႉ 7:12

မ︀ိူဝ်ႈင︀ႆ︀းပ︀ႆ︀ၢႛဝႆ︀ႈꩫ︀ႆ︀ႇ “ꩬ︀ႃႈထု။ ၸ︀ြႃးပ︀ီꩫ︀်ႈꩡ︀ဝ်ႛꩭဝ်းမ︀ႆ︀ႛ မ︀ၢင︀်က︀လ︀ႃ၊ တ︀ၢင︀်းꩭူႇတ︀ွင︀်း၊ ဢ︀ꩫ︀်ႈယ︀ူဝ်းယ︀ွင︀်ႛက︀ျေးꩡ︀ူး၊ က︀ုင︀်၊ တ︀ꩫ︀်းၵ︀ူဝ်းင︀ႆ︀း ဢ︀ꩡ︀ူꩫ︀်း ထႃဝရ︀ꩭႂ်ႛယ︀င︀်းတ︀ီၵ︀ႃႛက︀တ︀ႃႉ။ ꩬ︀ႃႈထု” ꩫ︀ꩬ︀ီဝႃႈက︀ꩫ︀်ႈဢ︀ူ။