ၸ︀ိလ︀ိပ︀်ပ︀ၢႆ︀ 4:19 - Khamti Shan

¹⁹ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛꩭဝ်းက︀ေႃႇ ꩫ︀င︀်မ︀ꩫ︀်းꩡ︀ဝ်ႛ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ူꩫ︀်ႈၸ︀ုင︀်းက︀ူႈꩡ︀ွင︀်ႈက︀ူႈလ︀ွင︀်ႈတ︀ီမ︀်ႈက︀ုမ︀်ꩫ︀က︀ꩫ︀်ႈ ဢ︀ꩫ︀်ႈꩬ︀ူꩭၢင︀်ႇꩫ︀ႆ︀ႇတ︀င︀်းမ︀ိူင︀်း ဢ︀က︀ိဝ်းꩭႂ်ႛပ︀ူင︀်ႈပ︀ွက︀်ႉက︀ႃတ︀ႃႉ။

ၸ︀ိလ︀ိပ︀်ပ︀ၢႆ︀ 4:19 Cross References

မ︀တ︀်တ︀ႄး 6:32

က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇၵ︀ဝ်ꩫ︀မ︀် က︀ပ︀်ႉꩡ︀ႂ်ႈင︀ႆ︀းꩫ︀ႆ︀ႇ။ ဢ︀မ︀ႂ်းၵ︀ဝ် ꩬ︀ူꩭၢင︀်ႇဢ︀ူꩫ︀ꩫ︀ႆ︀ႇ ပ︀ူဝ်က︀ၢင︀်ႈꩭၢဝ်ꩬ︀ူတ︀ွင︀်းဢ︀ူ။

ယ︀ေႃးꩭၢꩫ︀် 20:17

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈင︀ႆ︀ႚပ︀ူဝ်က︀ဝ်ႈမ︀ႆ︀ႛ ꩵ︀ႈပ︀ႆ︀ၵ︀ိုꩫ︀်ႛက︀ႃꩫ︀ႆ︀ႇꩬ︀ီ က︀ဝ်ႈမ︀ႆ︀ႛပ︀ီက︀ွတ︀်ဝႆ︀ႇ။ ၸ︀ူႛꩡ︀ွမ︀်းက︀ဝ်ႈၵ︀ဝ်မ︀ႆ︀ႛꩬ︀ိုင︀်က︀ႃꩬ︀ီ ပ︀ူဝ်က︀ဝ်ႈဢ︀ꩫ︀်ႈပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ူမ︀ႆ︀ႛ က︀ဝ်ႈတ︀ီၵ︀ိုꩫ︀်ႛက︀ႃꩫ︀မ︀်ꩫ︀ꩫ︀ႆ︀ႇ က︀ႃၵ︀ႆ︀ႈတ︀ႃႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 20:27

ယ︀ဝ်ႇက︀ီး တ︀ေႃမ︀မ︀ႆ︀ႛ “ဢ︀ဝ်ႈလ︀ိဝ်ႇꩡ︀ီႇမ︀ႂ်း တ︀ီႈꩫ︀ႆ︀ႇၵ︀ဝ်မ︀ႆ︀ႛက︀မ︀်းလ︀ႅမ︀်းလ︀ႃး။ မ︀ိုဝ်းက︀ဝ်ႈꩫ︀ႆ︀ႇၵ︀ဝ်မ︀ႆ︀ႛလ︀ႅမ︀်းလ︀ႃး။ တ︀ွင︀်ႇပ︀ေႇက︀ဝ်ႈမ︀ႆ︀ႛက︀ေႃႇ က︀မ︀်းလ︀ႅမ︀်းလ︀ႃး။ ꩡ︀ႂ်ႈဢ︀ꩫ︀်ႈမ︀ဝ်ယ︀ုမ︀်ပ︀ီယ︀င︀်း။ ယ︀ုမ︀်တ︀ႃႉ” ꩫ︀ဝꩫ︀်ႇ။

ရ︀ေႃမ︀ 1:8

ပ︀ီႈꩫ︀ွင︀်ႇၵ︀ဝ်ꩴ︀း ဢ︀ွꩫ︀်ႈတ︀ၢင︀်းလ︀ေႚလ︀ေႚ က︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ ꩡ︀ႃႇꩬ︀ူတ︀င︀်းမ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ဝ်ႈက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ွပ︀်ႉပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ လ︀ွင︀်ႈဢ︀ꩫ︀်ႈꩬ︀ူ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ တ︀င︀်းက︀မ︀်ၸ︀ႃမ︀ႆ︀ႛ ꩭူင︀်က︀ꩫ︀်ႈယ︀ဝ်ႇ။

ရ︀ေႃမ︀ 11:33

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ီးတ︀ꩫ︀်းတ︀ီမ︀်ႈက︀ုမ︀်လ︀ူင︀်၊ ꩥ︀ႅꩫ︀်မ︀ꩫ︀်းꩡ︀ဝ်ႛꩫ︀ႆ︀ႇလ︀ိူက︀်ႉလ︀မ︀်လ︀ူင︀်၊ ပ︀ိင︀်ꩥ︀ႃမ︀ꩫ︀်းꩡ︀ဝ်ႛꩫ︀ႆ︀ႇ က︀ၢင︀်ႛꩫ︀ႃလ︀ူင︀်ꩫ︀မ︀်။ ဢ︀ꩫ︀်ႈမ︀ꩫ︀်းꩡ︀ဝ်ႛတ︀ႅပ︀်တ︀တ︀်မ︀ႆ︀ႛ ၸ︀ႂ်က︀ေႃႇ ၵ︀ႆ︀ႈꩵ︀ႈꩡ︀ၢင︀်ႈ။ ဢ︀ꩫ︀်ႈမ︀ꩫ︀်းꩡ︀ဝ်ႛꩭီတ︀်မ︀ႆ︀ႛ ၸ︀ႂ်က︀ေႃႇꩵ︀ႈပ︀ွင︀်ꩡ︀ႂ်ႈပ︀ိူင︀်ႈလ︀ူင︀်။

ရ︀ေႃမ︀ 2:4

ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ၵ︀ႆ︀ႇလ︀ိူင︀်ႈꩫ︀ီႈ၊ ၵ︀ႆ︀ႇလ︀ိူင︀်ႈက︀ꩫ︀်ႛ၊ ၵ︀ႆ︀ႇလ︀ိူင︀်ႈ ꩡ︀ႂ်ႈယ︀ၢဝ်းꩬ︀ီဢ︀ူက︀ေႃႇ ꩭီတ︀်က︀ꩬ︀င︀်ꩫ︀ႆ︀ မ︀ဝ်တ︀ိူဝ်လ︀ိူဝ်ꩬ︀ီဢ︀ူက︀ꩫ︀်ႈꩫ︀ႆ︀ႇ။ မ︀ꩫ︀်းꩡ︀ဝ်ႛ ၵ︀ႆ︀ႇလ︀ိူင︀်ႈꩫ︀ီႈꩭႂ်ႛꩫ︀ႆ︀ႇꩬ︀ီ ꩬ︀ူ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ထုက︀်ꩫ︀ီႈꩬ︀ၢင︀်ဝွေဢ︀ူꩫ︀ꩫ︀ႆ︀ႇ ꩬ︀ူမ︀ဝ်တ︀ွင︀်းက︀ျႃး။

ရ︀ေႃမ︀ 8:18

င︀ႆ︀းꩫ︀ႆ︀ႇꩬ︀ီ ၻုက︀်ႉၵ︀ဢ︀ꩫ︀်ႈင︀ႆ︀ႚꩭဝ်းꩭူပ︀်ႉꩭꩫ︀်ꩫ︀ႆ︀ႇၵ︀ဝ်ယ︀ႃႇ တ︀င︀်းမ︀ူꩫ︀်ႈၸ︀ုင︀်းဢ︀ꩫ︀်ႈꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီꩭႂ်ႛꩫ︀ႆ︀ႇ ယ︀ိူင︀်းက︀ꩫ︀်ႈက︀ီး က︀ꩬ︀င︀်က︀ေႃႇꩵ︀ႈꩡ︀ႂ်ႈꩫ︀ꩫ︀ႆ︀ႇ က︀ဝ်ႈတ︀မ︀်းꩡ︀ႂ်ႈဢ︀ူ။

ရ︀ေႃမ︀ 9:23

ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛဢ︀ꩫ︀်ႈယ︀ႂ်မ︀ႅတ︀်ႉလ︀ူင︀်ꩫ︀ႆ︀ႇက︀ေႃႇ ꩭဝ်းက︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ ဢ︀ီꩫ︀ူႈꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈပ︀ျႃးꩭႂ်ႛလ︀ူင︀်ꩫ︀မ︀်။ င︀ႆ︀းꩬ︀ီ ꩫ︀င︀်မ︀ꩫ︀်းꩡ︀ဝ်ႛ ꩡ︀ႃႇꩭဝ်းမ︀ေးꩭႅမ︀်းဝႆ︀ႇမ︀ႃးꩫ︀က︀ꩫ︀်ႈ မ︀ူꩫ︀်ႈၸ︀ုင︀်းဢ︀ꩫ︀်ႈတ︀ီမ︀်ႈက︀ုမ︀်လ︀ူင︀်ꩫ︀ႆ︀ႇ ꩭဝ်းမ︀ႆ︀ႛꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 12:21

င︀ႆ︀းꩫ︀ႆ︀ႇꩬ︀ီ ပ︀ၢင︀်ႈꩫ︀ႃႛꩬ︀ူမ︀ႆ︀ႛ က︀ူဝ်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛဢ︀ဝ်ႈဢ︀ႆ︀ၢႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူက︀ꩫ︀်ႛꩫ︀မ︀် လ︀ုက︀်ႉဢ︀ပ︀ႅတ︀်ႉဢ︀ꩫ︀်ႈၸ︀ိတ︀်မ︀ေထုင︀်က︀ꩫ︀်ႈ၊ ဢ︀ꩫ︀်ႈꩡ︀ႂ်ႈက︀ႃႛမ︀က︀ုင︀်ꩫ︀ၵ︀ႃ ꩡ︀ႂ်ႈက︀ိလ︀ေꩬ︀ႃꩭႅင︀်းꩫ︀ႆ︀ႇၵ︀ဝ်မ︀ႆ︀ႛ မ︀ဝ်ꩬ︀ၢင︀်ဝွေမ︀ႃးꩫ︀ႆ︀ႇꩬ︀ီ က︀ဝ်ႈတ︀ီꩫ︀ႆ︀ႛၵ︀ီၵ︀ုမ︀်ꩫ︀မ︀်။

က︀ေႃရ︀ိꩫ︀်တ︀ု ႒ 4:17

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၻုက︀်ႉၵ︀ ဢ︀ꩫ︀်ႈင︀ႆ︀ႚꩭဝ်းၵ︀ၢမ︀်ꩫ︀ႆ︀ႇၵ︀ဝ်ယ︀ႃႇ ယ︀ႂ်လ︀ူင︀် ꩭိုင︀်လ︀ူင︀်ꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈဢ︀မ︀ႂ်းၵ︀ဝ်ꩬ︀ီ မ︀ူꩫ︀်ႈင︀ဝ်းလ︀ူင︀်ထႃဝရ︀ ဢ︀ꩫ︀်ႈၻုက︀်ႉၵ︀ꩭဝ်းမ︀ႆ︀ႛ ယ︀ႂ်ပ︀ူꩫ︀်ႇꩬ︀ႃꩫ︀ႆ︀ႇ ꩭဝ်းတ︀ီꩫ︀ႆ︀ႛꩭၢပ︀်ႉဢ︀ဝ်ႈꩫ︀မ︀်။

ဢ︀ေၸ︀ႅတ︀် 1:18

ဢ︀ꩫ︀်ႈမ︀ꩫ︀်းꩡ︀ဝ်ႛ ꩬ︀ူ ၸ︀ူႛမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်မ︀ႆ︀ႛꩭွင︀်ႇꩬ︀ီ ꩭႂ်ႛတ︀ႂ်းထႃႛမ︀ႆ︀ႛ ꩭႂ်ႛပ︀ူဝ်းꩬ︀ူတ︀ွင︀်းမ︀ႃးꩫ︀ႆ︀ႇ တ︀ၢင︀်းꩭူႇတ︀ၢင︀်းꩭꩫ︀်ꩬ︀ူꩭႂ်ႛပ︀ုတ︀်က︀ꩫ︀်ႈက︀ႃတ︀ႃႉ။ ဢ︀က︀ိဝ်းဢ︀ꩫ︀်ႈမ︀ꩫ︀်းꩡ︀ဝ်ႛ ꩬ︀ူမ︀ႆ︀ႛꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇဢ︀မ︀ႂ်း ၵ︀ႂ်ႈလ︀ႂ်ႈမ︀ီးတ︀ꩫ︀်းꩫ︀ꩫ︀ႆ︀ႇင︀ႆ︀း တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ꩭီတ︀်ဢ︀မ︀ူးဢ︀ူဢ︀မ︀ႂ်း ၵ︀ႂ်ႈလ︀ႂ်ႈယ︀ႂ်ꩫ︀ꩫ︀ႆ︀ႇ ꩬ︀ူꩭႂ်ႛတ︀ွင︀်းမ︀ႃးက︀ႃတ︀ႃႉ။

ဢ︀ေၸ︀ႅတ︀် 1:7

ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛဢ︀ီꩫ︀ူႈꩭၢက︀်ႉꩭွမ︀်လ︀ူင︀်ꩫ︀ႆ︀ႇꩬ︀ီ ဢ︀ဝ်ႈꩫ︀ိူတ︀်ႉလ︀ုက︀်ႉꩡ︀ႆ︀ၢးမ︀ꩫ︀်းꩡ︀ဝ်ႛ ထွတ︀်ꩭႂ်ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛဢ︀ဝ်ႈလ︀ွတ︀်ႉꩭႂ်ႛမ︀ႃးင︀ႆ︀းꩬ︀ီ ဢ︀ဝ်ႈꩥ︀ႅꩫ︀်ꩫ︀ၵ︀ႃပ︀ိင︀်ꩥ︀ႃတ︀င︀်းမ︀ိူင︀်း ꩭဝ်းမ︀ႆ︀ႛ က︀ျေးꩡ︀ူးမ︀ꩫ︀်းꩡ︀ဝ်ႛ ၵ︀ွင︀်းꩰလ︀ွင︀်းꩰꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 2:7

ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇꩭဝ်း ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭီတ︀်မ︀ႃးꩫ︀ႆ︀ႇၵ︀ဝ်ယ︀ႃႇ ꩭဝ်းမ︀ႆ︀ႛ မ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈဢ︀ီꩫ︀ူႈꩭၢက︀်ႉꩭွမ︀်တ︀ေႇတ︀ေႇမ︀ႃးꩫ︀ꩫ︀ႆ︀ႇ ꩭၢင︀်းꩡ︀ူဝ်ႈꩫ︀ႆ︀ႇꩡ︀ူဝ်ႈꩫ︀ႃႛ ပ︀ျႃးꩬ︀ၢက︀်ႉꩬ︀ေက︀ႃꩫ︀မ︀်။

ဢ︀ေၸ︀ႅတ︀် 3:16

ꩫ︀င︀်ဢ︀ꩫ︀်ႈမ︀ꩫ︀်းꩡ︀ဝ်ႛ မ︀ူꩫ︀်ႈတ︀ꩫ︀်းၵ︀ူဝ်းတ︀ီမ︀်ႈက︀ုမ︀်ꩫ︀ႆ︀ႇꩫ︀က︀ꩫ︀်ႈ ꩬ︀ူမ︀ႆ︀ႛဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ တ︀ꩫ︀်းၵ︀ူဝ်းꩭႂ်ႛꩬ︀ီ ꩭူဝ်ꩡ︀ႂ်ႈꩬ︀ူမ︀ႆ︀ႛꩭႅင︀်းꩭႂ်ႛ ဢ︀ဝ်ႈတ︀ီမ︀်ႈက︀ုမ︀်က︀တ︀ႃႉ။

ဢ︀ေၸ︀ႅတ︀် 3:8

က︀ဝ်ႈယ︀ႃႇ ꩫ︀ႂ်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ပ︀ီꩫ︀်ႈဢ︀ꩫ︀်ႈက︀ွႆ︀ႛပ︀ိူꩫ︀်ႈၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀ၵ︀ၢင︀်းဢ︀ꩫ︀်ႈမ︀ႅတ︀်ႉလ︀ူင︀်ဢ︀မ︀ႂ်း ပ︀ူင︀်ႈꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ က︀ဝ်ႈဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈ လ︀ွင︀်ႈၵ︀ႅမ︀်းꩬ︀ႃမ︀ီးတ︀ꩫ︀်းဢ︀ꩫ︀်ႈတ︀ီမ︀်ႈက︀ုမ︀် ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭႂ်ႛꩫ︀ႆ︀ႇ ꩫ︀ႆ︀ႛꩭူဝ်းꩬ︀ီ

ၸ︀ိလ︀ိပ︀်ပ︀ၢႆ︀ 4:7

င︀ႆ︀းက︀ီး လ︀ႆ︀ၢးပ︀ိူဝ်ႈꩬ︀ူ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩡ︀ႂ်ႈꩬ︀ူ ၵ︀ွꩫ︀်ꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ၢင︀်းက︀တ︀်ယ︀ီꩫ︀်ႈၵ︀ႅမ︀်းꩬ︀ႃ ဢ︀ꩫ︀်ႈဢ︀ဝ်ႈꩥ︀ႅꩫ︀်က︀ူꩫ︀်းꩭဝ်းꩭလ︀ိုဝ်က︀ေႃႇ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀ႆ︀ႇꩭႂ်ႛဢ︀ူ။

က︀ေႃလ︀ေႃတ︀ႄ 1:27

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ွင︀်ႈလ︀ိူက︀်ႉလ︀မ︀် ဢ︀ꩫ︀်ႈ ၵ︀ိူင︀်ႈꩫ︀ီႈဢ︀ၢမ︀်း၊ ဢ︀ꩫ︀်ႈယ︀ႂ်မ︀ႅတ︀်ႉလ︀ူင︀် ဢ︀ꩫ︀်ႈꩫ︀ႂ်းꩡ︀ႂ်ႈမ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃႇက︀ူꩫ︀်းတ︀င︀်းမ︀ိူင︀်း က︀ႅမ︀်က︀တ︀်ႉꩰဝႆ︀ႇ ဢ︀မ︀ႂ်း က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ၵ︀ႂ်ႈꩭႂ်ႛတ︀ွင︀်းဢ︀ူ။ ဢ︀ꩫ︀်ႈမ︀ꩫ︀်းꩡ︀ဝ်ႛက︀ႅမ︀်ဝႆ︀ႇဢ︀မ︀ႂ်းယ︀ႃႇ လ︀ွင︀်ႈဢ︀ꩫ︀်ႈ က︀ꩫ︀်ႛꩫ︀ႂ်းꩬ︀ူမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ိင︀်း၊ တ︀ၢင︀်းလ︀ိူင︀်ႈဝႃႈက︀ွတ︀်ꩫ︀က︀ီး ဢ︀ꩫ︀်ႈꩬ︀ူတ︀င︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီꩫ︀ႆ︀ႛꩭၢပ︀်ႉမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 3:16

က︀ꩫ︀်ႛꩫ︀ႂ်းꩭူဝ်ꩡ︀ႂ်ႈꩬ︀ူမ︀ႆ︀ႛ ၵ︀ၢမ︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩬ︀ႂ်ဢ︀ဝ်ႈတ︀ီမ︀်ႈꩰဝႆ︀ႇက︀ꩫ︀်ႈတ︀ႃႉ။ ၵ︀ၢမ︀်းဢ︀မ︀ႂ်း က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈက︀ေႃႇ က︀ႃႈꩫ︀င︀်ꩥ︀ႅꩫ︀်ယ︀င︀်းꩫ︀ႆ︀ႇ ꩬ︀ွꩫ︀်က︀ꩫ︀်ႈ၊ ꩥ︀ႅပ︀်ႉက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ၢမ︀်းꩬ︀ႃလ︀ၢမ︀်၊ ဢ︀ဝ်ႈၵ︀ၢမ︀်းဢ︀ꩫ︀်ႈယ︀ူဝ်းယ︀ွင︀်ႛ က︀ူႈၸ︀ꩫ︀်းꩰဢ︀ွေꩬ︀ီ လ︀ုက︀်ႉꩫ︀ႂ်းꩡ︀ႂ်ႈꩬ︀ူမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:12

တ︀ၢင︀်းက︀ႅင︀်းဢ︀ꩫ︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈမ︀ႆ︀ႛ ꩭႂ်ႛပ︀ူဝ်းꩬ︀ူꩡ︀ွမ︀်းꩫ︀ႆ︀ႇ ꩬ︀ူမ︀ႆ︀ႛတ︀ူႈꩬ︀ူꩫ︀်းမ︀ႃး၊ လ︀ဝ်မ︀ႃး၊ ꩬ︀ႂ်ꩭႅင︀်းꩭႂ်ႛမ︀ႃးယ︀ဝ်ႇ။ ꩬ︀ူမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇꩫ︀ႆ︀ႇ ꩭႂ်ႛပ︀ူဝ်းမ︀ိူင︀်းမ︀ꩫ︀်းꩡ︀ဝ်ႛမ︀ႆ︀ႛꩫ︀ႆ︀ႛၵ︀ဝ်ႛꩬ︀ီ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭၢပ︀်ႉဢ︀ဝ်ႈꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 6:17

တ︀ိမ︀ေႃတ︀ေꩴ︀း က︀ူꩫ︀်းဢ︀ꩫ︀်ႈမ︀ီးမ︀ၢက︀်ႉလ︀ူင︀်ꩫ︀ႆ︀ႇၵ︀ဝ် ꩭႂ်ႛပ︀ူဝ်းမ︀ဝ်က︀မ︀်ႇလ︀ွင︀်ႛꩫ︀ႆ︀ႇ ၵ︀ဝ်မ︀ႆ︀ႛꩬ︀တ︀ိꩭႂ်ႛတ︀ႃႉ။ ꩭႂ်ႛပ︀ူဝ်းၵ︀ဝ် ꩡ︀ေးꩡ︀ိမ︀်မ︀ိူင︀်းက︀ၢင︀်ႈမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛၵ︀ွင︀်းꩰလ︀ွင︀်းꩰ ပ︀ူင︀်ႈဢ︀က︀ိဝ်းꩭႂ်ႛမ︀ႆ︀ႛꩬ︀ိုင︀် ပ︀ိုင︀်ႈဢ︀ိင︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ꩭႂ်ႛတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်းပ︀ိဝ်မ︀ူꩫ︀်းꩫ︀ႆ︀ႇ ꩡ︀ေးꩡ︀ိမ︀်ဢ︀မ︀ႂ်းၵ︀ဝ် ပ︀ူင︀်ႈꩭႂ်ႛမ︀ႃးꩫ︀မ︀်။

ၸ︀ိလ︀ေမ︀ုꩫ︀် 1:4

ꩫ︀ွင︀်ႇက︀ဝ်ႈၸ︀ိလ︀ေမ︀ုꩫ︀်ꩴ︀း မ︀ိူဝ်ႈက︀ဝ်ႈယ︀ွꩫ︀်းꩬ︀ူးꩫ︀ႆ︀ႇက︀ူႈၵ︀ႅက︀်ႉ မ︀ႂ်းမ︀ႆ︀ႛဢ︀ွက︀်ꩡ︀ႂ်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။

ပ︀ေတ︀ရ︀ု ႑ 5:1

ꩬ︀ူꩡ︀ဝ်ႛဢ︀ꩫ︀်ႈꩫ︀င︀်က︀ဝ်ႈꩫ︀က︀ꩫ︀်ႈ ပ︀ီꩫ︀်ႈၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈဝွꩫ︀်းၵ︀ႅꩫ︀်းဢ︀ူ။ က︀ဝ်ႈယ︀ႃႇၸ︀ူႛဢ︀ꩫ︀်ႈ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ႉ ꩫ︀ႆ︀ႛၵ︀ၢမ︀်ၻုက︀်ႉၵ︀မ︀ႆ︀ႛ ꩭူပ︀်ႉꩭꩫ︀်မ︀ႃးꩬ︀ီ မ︀ိူဝ်ႈမ︀ꩫ︀်းꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛက︀ျွႃးပ︀ွက︀်ႉမ︀ႃးꩫ︀ႆ︀ႇ တ︀ီꩫ︀ႆ︀ႛꩭၢပ︀်ႉမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။

ပ︀ေတ︀ရ︀ု ႑ 5:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛဢ︀ီꩫ︀ူႈꩬ︀ီ မ︀ူꩫ︀်ႈထႃဝရ︀မ︀ꩫ︀်းꩡ︀ဝ်ႛမ︀ႆ︀ႛ ၵ︀ႂ်ႈꩭႂ်ႛꩫ︀ႆ︀ႛꩭၢပ︀်ႉဢ︀ူ။ င︀ႆ︀းꩬ︀ီ ꩬ︀ူဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛꩭွင︀်ႇဢ︀ဝ်ႈမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚ ꩬ︀ူက︀ိုမ︀်ႇလ︀ိူင︀်ႈꩫ︀ႆ︀ႛၵ︀ၢမ︀်ၻုက︀်ႉၵ︀ယ︀ဝ်ႇက︀ီး မ︀ꩫ︀်းꩡ︀ဝ်ႛꩬ︀ူမ︀ႆ︀ႛ မ︀ေးထႅမ︀်ဢ︀ဝ်ႈတ︀ီမ︀်ႈက︀ုမ︀်ꩭႂ်ႛ၊ က︀မ︀်ႇထွက︀်ႉꩭႂ်ႛ၊ ꩭႅင︀်းꩬ︀ႂ်ꩭႂ်ႛꩬ︀ီ တ︀ီဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။