ၸ︀ိလ︀ိပ︀်ပ︀ၢႆ︀ 2:6 - Khamti Shan

⁶ မ︀ꩫ︀်းꩡ︀ဝ်ႛယ︀ႃႇ ꩡ︀ႃတ︀ိႉၸ︀ြႃးပ︀ီꩫ︀်ႈꩡ︀ဝ်ႛယ︀င︀်းတ︀ီမ︀်ႈꩰꩫ︀ႆ︀ႇꩬ︀ီ မ︀ိူဝ်ႈလ︀ႂ်ႈက︀ေႃႇ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ပ︀ၢꩫ︀်ႈက︀ꩫ︀်ႈꩬ︀ီဢ︀ူꩫ︀မ︀်။ ꩫ︀ႆ︀ႇꩫ︀က︀ေႃႇ ꩭူဝ်ꩡ︀ႂ်ႈမ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ဢ︀ꩫ︀်ႈတ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ပ︀ၢꩫ︀်ႈက︀ꩫ︀်ႈꩫ︀ႆ︀ႇမ︀ႆ︀ႛ ဢ︀ꩫ︀်ႈဝႃႈပ︀ꩫ︀်ႛက︀ႅတ︀်ႉꩰꩫ︀ꩬ︀ီ ꩵ︀ႈၵ︀ႂ်ႈꩡ︀ႂ်ႈပ︀ိူင︀်ႈလ︀ူင︀်။

ၸ︀ိလ︀ိပ︀်ပ︀ၢႆ︀ 2:6 Cross References

မ︀တ︀်တ︀ႄး 1:23

ပ︀ရ︀ေႃးၸ︀ႅတ︀်ႉဢ︀မ︀ႂ်းယ︀ႃႇ “ၸ︀ူႛꩬ︀ၢဝ်ꩡ︀ႅတ︀်ႉꩰက︀ူဝ်ႇလ︀ိူင︀်ႈပ︀ီꩫ︀်ႈမ︀ဝ်တ︀ူဝ်ႈꩫ︀ႆ︀ၢႈꩬ︀ီ လ︀ုက︀်ႉꩡ︀ႆ︀ၢးက︀ူဝ်ႇလ︀ိူင︀်ႈတ︀ီယ︀င︀်းမ︀ႃးꩫ︀မ︀်။ ꩡ︀ိုဝ်ႈလ︀ုက︀်ႉꩡ︀ႆ︀ၢးဢ︀မ︀ႂ်းယ︀ႃႇ “ဢ︀ေမ︀ႃꩫ︀ွေလ︀” ꩫ︀ꩫ︀မ︀်တ︀ီꩭွင︀်ႇꩫ︀ႆ︀ႇ” ꩫ︀ဝꩫ︀်ႇ။ ဢ︀ေမ︀ႃꩫ︀ွေလ︀ꩫ︀ꩫ︀ႆ︀ႇယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈတ︀င︀်းက︀ူꩫ︀်းꩭဝ်းၵ︀ိင︀်းလ︀ွေႛ” ꩫ︀ꩫ︀မ︀်။

ယ︀ေႃးꩭၢꩫ︀် 1:18

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ႂ်က︀ေႃႇꩵ︀ႈꩭွꩫ︀်ꩭꩫ︀်။ ꩫ︀ႆ︀ႇꩫ︀က︀ေႃႇ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈယ︀ႃႇ ꩭႂ်ႛပ︀ူဝ်းက︀ူꩫ︀်းꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ွင︀်းꩫ︀ႆ︀ႇ ပ︀ျႃးꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛက︀ေႃႇ ပ︀ီꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ီ တ︀င︀်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭူမ︀်ႈၵ︀ိင︀်းꩬ︀ီဢ︀ူꩫ︀မ︀်။

ယ︀ေႃးꩭၢꩫ︀် 10:30

က︀ဝ်ႈꩫ︀ၵ︀ႃပ︀ူဝ်က︀ဝ်ႈယ︀ႃႇ ပ︀ႃးလ︀ိဝ်ႈꩫ︀ႆ︀ၢႈꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 10:33

ၵ︀ဝ်ယ︀ႃႇ “က︀ွပ︀်ႉပ︀ိူဝ်ႈꩭီတ︀်လ︀ွင︀်ႈꩫ︀ီႈꩬ︀ီꩵ︀ႈꩡ︀ႂ်ႈ။ မ︀ႂ်းꩫ︀ႆ︀ႇ ပ︀ီꩫ︀်ႈက︀ူꩫ︀်းတ︀င︀်းꩬ︀ၢင︀်းꩬ︀ီက︀ေႃႇ ၸ︀ြႃးꩫ︀ꩬ︀ီဝႃႈꩫ︀ႆ︀ႇ။ မ︀ႂ်ၵ︀ၢမ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ဝ်ꩫ︀ၢပ︀်ႉမ︀ဝ်ယ︀မ︀်ႈꩫ︀ႆ︀ႇၵ︀ဝ် တ︀ၢꩫ︀်ႛꩬ︀ီꩬ︀ႃး မ︀ႂ်းမ︀ႆ︀ႛ ꩭိꩫ︀်ၵ︀ႂ်ႈꩬ︀ိင︀်းꩫ︀ႆ︀ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 10:38

ꩫ︀ႆ︀ႇꩫ︀က︀ေႃႇ ꩬ︀င︀်ဝႃႈꩭီတ︀်က︀ီး က︀ဝ်ႈမ︀ႆ︀ႛမ︀ဝ်ယ︀ုမ︀်ꩫ︀က︀ေႃႇ ဢ︀ꩫ︀်ႈက︀ဝ်ႈꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ယ︀ုမ︀်တ︀ႃႉ။ င︀ႆ︀းက︀ီးꩬ︀ိုင︀် ပ︀ူဝ်က︀ဝ်ႈယ︀ႃႇ က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ꩭူမ︀်ႈၵ︀ိင︀်းꩬ︀ီဢ︀ူꩫ︀က︀ꩫ︀်ႈ က︀ဝ်ႈက︀ေႃႇ က︀ꩫ︀်ႛꩫ︀ႂ်းပ︀ူဝ်က︀ဝ်ႈမ︀ႆ︀ႛ ꩭူမ︀်ႈဢ︀ူꩫ︀မ︀်ꩫ︀ꩫ︀ႆ︀ႇမ︀ႆ︀ႛ ꩬ︀ူတ︀ီတ︀ွင︀်းမ︀ႃးꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 14:28

က︀ဝ်ႈဢ︀ွက︀်က︀ႃꩫ︀က︀ေႃႇ ꩬ︀ူမ︀ႆ︀ႛတ︀ီပ︀ွက︀်ႉမ︀ႃးꩫ︀မ︀်ꩫ︀ꩬ︀ီ က︀ဝ်ႈဝႃႈမ︀ႃးယ︀ဝ်ႇ။ ꩬ︀ူက︀ဝ်ႈမ︀ႆ︀ႛꩭၢက︀်ႉက︀ီး က︀ဝ်ႈတ︀ီက︀ႃပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇမ︀ႆ︀ႛ ꩬ︀ူတ︀ီꩡ︀ူမ︀်းက︀ꩫ︀်ႈꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛယ︀ႂ်ꩬ︀ႃꩬ︀ီꩫ︀မ︀်။

ယ︀ေႃးꩭၢꩫ︀် 14:9

ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈတ︀င︀်းꩬ︀ူ ၵ︀ႆ︀ႇလ︀ိူင︀်ႈဢ︀ူမ︀ႃးꩫ︀ႆ︀ႇ က︀ဝ်ႈပ︀ီꩫ︀်ႈၸ︀ႂ်ꩫ︀ꩫ︀ႆ︀ႇꩫ︀ႆ︀ၢႈက︀ေႃႇ ꩵ︀ႈပ︀ႆ︀တ︀ွင︀်းက︀ျႃးၸ︀ိလ︀ိပ︀်ꩴ︀း။ မ︀ႂ်းက︀ဝ်ႈမ︀ႆ︀ႛꩭꩫ︀်က︀ီး ပ︀ူဝ်က︀ဝ်ႈမ︀ႆ︀ႛက︀ေႃႇꩭꩫ︀်ယ︀ဝ်ႇꩬ︀ႃး။ င︀ႆ︀းꩬ︀ီက︀ေႃႇ ꩭီတ︀်က︀ꩬ︀င︀်ꩫ︀ႆ︀ “တ︀ူႈၵ︀ႃႛမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ျႃးꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီဝႃႈꩫ︀ႆ︀ႇ။

ယ︀ေႃးꩭၢꩫ︀် 17:5

ပ︀ူဝ်ꩡ︀ဝ်ႛꩴ︀း လ︀ႃႉꩫ︀ႆ︀ႇ မ︀ူꩫ︀်ႈၸ︀ုင︀်းဢ︀ꩫ︀်ႈမ︀ိူဝ်ႈ က︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛꩭဝ်းꩡ︀ဝ်ႛမ︀ႆ︀ႛယ︀င︀်းမ︀ႃးꩫ︀ႆ︀ႇ က︀ဝ်ႈၵ︀ႃႛမ︀ႆ︀ႛ ပ︀ူင︀်ႈꩭႂ်ႛပ︀ွက︀်ႉတ︀ီၵ︀ႃႛမ︀ႃးတ︀ႃႉ။

ယ︀ေႃးꩭၢꩫ︀် 20:28

ꩫ︀ႆ︀ႇမ︀ႆ︀ႛ တ︀ေႃမ︀က︀ေႃႇ “ဢ︀ီႊ ꩡ︀ဝ်ႛက︀ဝ်ႈၵ︀ႃႛ၊ ၸ︀ြႃးပ︀ီꩫ︀်ႈꩡ︀ဝ်ႛက︀ဝ်ႈၵ︀ႃႛꩥ︀ႃ” ꩫ︀ဝꩫ︀်ႇ။

ယ︀ေႃးꩭၢꩫ︀် 5:18

မ︀ꩫ︀်းꩡ︀ဝ်ႛ ပ︀ိူင︀်ႈဝꩫ︀်းက︀မ︀်ႈꩬ︀ိꩫ︀်မ︀ႆ︀ႛ မ︀ဝ်ꩡ︀ွမ︀်းꩫ︀ႆ︀ႇꩬ︀ေႇမ︀ဝ်က︀ႃး၊ က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛဝႃႈင︀ႆ︀းꩬ︀ီလ︀ိူင︀်ႈ၊ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ ပ︀ူဝ်က︀ဝ်ႈꩫ︀ꩬ︀ီꩭွင︀်ႇꩬ︀ီ တ︀င︀်းမ︀ꩫ︀်းꩡ︀ဝ်ႛ ꩭီတ︀်ဢ︀ဝ်ႈပ︀ၢꩫ︀်ႈက︀ꩫ︀်ႈꩫ︀ႆ︀ႇꩬ︀ီလ︀ိူင︀်ႈ မ︀ꩫ︀်းꩡ︀ဝ်ႛမ︀ႆ︀ႛ ꩭူဝ်က︀ေက︀ျူးꩫ︀ႆ︀ႇၵ︀ဝ် ဢ︀ေႈၵ︀ႅꩫ︀်းꩬ︀ၢင︀်ဢ︀ဝ်ႈတ︀ႆ︀ၢႈက︀ꩫ︀်ႈဢ︀ူ။

ယ︀ေႃးꩭၢꩫ︀် 5:23

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ က︀ူꩫ︀်းꩫ︀ႆ︀ႇၵ︀ဝ် ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ၢပ︀်ႉယ︀မ︀်ႈꩫ︀က︀ꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ဝႃႈꩫ︀ၢပ︀်ႉယ︀မ︀်ႈက︀ꩫ︀်ႈꩫ︀မ︀်။ က︀ူဝ်ႇဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ꩫ︀ၢပ︀်ႉယ︀မ︀်ႈꩫ︀ႆ︀ႇယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ွႆ︀ꩡ︀ႂ်ႇလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ꩵ︀ႈꩫ︀ၢပ︀်ႉယ︀မ︀်ႈ။

ရ︀ေႃမ︀ 9:5

ၵ︀ဝ်ယ︀ႃႇ ꩡ︀ိူဝ်ႇၵ︀ိူဝ်း ဢ︀ꩫ︀်ႈလ︀ုက︀်ႉပ︀ူလ︀ီꩫ︀်ꩭေပ︀ရ︀ူး ဢ︀ꩫ︀်ႈꩡ︀ိုဝ်ႈယ︀ႂ်ꩫ︀ႆ︀ႇၵ︀ဝ်မ︀ႆ︀ႛ ၵ︀ိူဝ်းမ︀ႃးꩫ︀မ︀်။ ꩡ︀ွမ︀်းꩬ︀ႆ︀ၢက︀ူꩫ︀်းက︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်တ︀မ︀ိူင︀်းက︀ေႃႇ ၸ︀ꩫ︀်းၵ︀ဝ်ꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ုပ︀်ႉပ︀ိုင︀်တ︀င︀်းမ︀ိူင︀်းမ︀ႆ︀ႛ က︀ူꩫ︀်းတ︀င︀်းမ︀ိူင︀်း မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛယ︀ူဝ်းယ︀ွင︀်ႛက︀ꩫ︀်ႈက︀တ︀ႃႉ။ ꩬ︀ႃႈထု။

က︀ေႃရ︀ိꩫ︀်တ︀ု ႒ 4:4

က︀ူꩫ︀်းဢ︀ꩫ︀်ႈလ︀ူႇꩬ︀ုမ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ုꩫ︀်ꩬ︀ူင︀်ၸ︀ူႛဢ︀ꩫ︀်ႈင︀ႆ︀ႚ မ︀ိူင︀်းက︀ၢင︀်ႈမ︀ႆ︀ႛဢ︀ုပ︀်ပ︀ိုင︀်ꩫ︀ႆ︀ႇလ︀ၢပ︀်ႉတ︀ႃႈဢ︀ဝ်ႈꩫ︀မ︀်ႈꩬ︀ိင︀်ၵ︀ွꩫ︀်ဝႆ︀ႇꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်ꩫ︀မ︀်။ င︀ႆ︀းꩬ︀ီၵ︀ဝ်ယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀မ︀်။ ꩡ︀ဝ်ႛယ︀ေꩬ︀ုယ︀ႃႇ ပ︀ီꩫ︀်ႈမ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ꩭꩫ︀်က︀ီးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭꩫ︀်ꩫ︀က︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႒ 8:9

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျေးꩡ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းမ︀ႆ︀ႛ ꩬ︀ူတ︀ွင︀်းဢ︀ူ။ မ︀ꩫ︀်းꩡ︀ဝ်ႛယ︀ႃႇ မ︀ီးတ︀ꩫ︀်းၵ︀ႂ်ႈလ︀ႂ်ႈꩫ︀က︀ေႃႇ ၵ︀ၢမ︀်ယ︀ၢက︀်ႉၸ︀ၢꩫ︀်ꩬ︀ီ ꩭႂ်ႛပ︀ူဝ်းꩬ︀ူမ︀ီးတ︀ꩫ︀်းတ︀ီမ︀်ႈက︀ုမ︀်ꩫ︀ႆ︀ႇ ꩡ︀ႃႇꩬ︀ူၵ︀ၢမ︀်ၻုက︀်ႉၵ︀မ︀ႃးဢ︀ူ။

တ︀ိမ︀ေႃတ︀ေ ႑ 1:17

ꩡ︀ဝ်ႛထႃဝရ︀ၸ︀ြႃးꩬ︀ူလ︀ိဝ်ႈ ဢ︀ꩫ︀်ႈၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်း ထႃဝရ︀၊ ဢ︀ꩫ︀်ႈမ︀ဝ်လ︀ွက︀်ႉမ︀ဝ်လ︀ႆ︀ၢႈꩡ︀ၢင︀်ႈ၊ ဢ︀ꩫ︀်ႈဢ︀ူက︀ꩫ︀်ႛꩫ︀ိူဝ်ဢ︀ꩫ︀ိက︀်ႉꩡ︀၊ ဢ︀ꩫ︀်ႈဢ︀ဝ်ႈတ︀ႃႈက︀ူꩫ︀်းꩭꩫ︀်မ︀ဝ်ꩫ︀ႆ︀ႛꩫ︀ႆ︀ႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛ ထႃဝရ︀ ꩭႂ်ႛက︀ီႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀ႃတ︀ႃႉ။ ꩬ︀ႃထု။

တ︀ိမ︀ေႃတ︀ေ ႑ 3:16

လ︀ွင︀်ႈꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇ လ︀ိူက︀်ႉလ︀မ︀် ꩬ︀ိုဝ်ႈꩡ︀ႂ်ႈလ︀ူင︀်တ︀ေႇတ︀ေႇꩫ︀မ︀်။ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးလ︀ူင︀်းပ︀ီꩫ︀်ႈက︀ူꩫ︀်းမ︀ႃးꩬ︀ီ လ︀ွင︀်ႈꩫ︀ႆ︀ႇꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭီတ︀်ꩬ︀ၢက︀်ႉꩬ︀ေမ︀ႃးင︀ႆ︀း ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭꩫ︀်မ︀ႃးယ︀ဝ်ႇ။ က︀ူꩫ︀်းက︀ူႈၸ︀ꩫ︀်းက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈမ︀ꩫ︀်းꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀မ︀်ၸ︀ႃတ︀င︀်းꩡ︀ꩫ︀်ႇ ယ︀ုမ︀်ယ︀မ︀်ႈမ︀ႃးက︀ꩫ︀်ႈယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭၢပ︀်ႉꩬ︀ီဢ︀ဝ်ႈၵ︀ိုꩫ︀်ႛက︀ႃ မ︀ိူင︀်းက︀ၢင︀်ႈꩭၢဝ်ပ︀ွက︀်ႉယ︀ဝ်ႇ။

ꩭေပ︀ရ︀ူး 1:3

လ︀ုက︀်ႉမ︀ꩫ︀်းꩡ︀ဝ်ႛယ︀ႃႇ မ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃတ︀ိႉၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈက︀ုမ︀်င︀ႆ︀း ဢ︀ဝ်ႈဢ︀မ︀ိင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈတ︀ꩫ︀်းၵ︀ူဝ်းတ︀ီမ︀်ႈက︀ုမ︀်ꩫ︀ႆ︀ႇ တ︀င︀်းလ︀ုင︀်မ︀ႆ︀ႛ ဢ︀ဝ်ႈမ︀ꩫ︀်ႛဢ︀ဝ်ႈၵ︀ိူင︀်ဢ︀ူꩫ︀မ︀်။ မ︀ꩫ︀်းꩡ︀ဝ်ႛ ဢ︀ပ︀ႅတ︀်ႉက︀ူꩫ︀်းꩭဝ်းမ︀ႆ︀ႛ ꩬ︀ုက︀်ႉꩬ︀ီဢ︀ဝ်ႈတ︀ွင︀်ꩭႂ်ႛယ︀ဝ်ႇက︀ီး က︀ꩫ︀်ႛꩫ︀ိူဝ်က︀ၢင︀်ႈꩭၢဝ် ပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်လ︀ူင︀်မ︀ႆ︀ႛ ꩫ︀င︀်ႈဢ︀ူဢ︀ူ။

ꩭေပ︀ရ︀ူး 1:6

ꩫ︀ႆ︀ႇꩫ︀က︀ေႃႇ မ︀ိူဝ်ႈလ︀ုက︀်ႉꩭူဝ်လ︀ႃႈမ︀ꩫ︀်းꩡ︀ဝ်ႛမ︀ႆ︀ႛ မ︀ိူင︀်းက︀ၢင︀်ႈမ︀ႆ︀ႛꩭွင︀်ႇမ︀ႃးꩫ︀ႆ︀ႇယ︀ႃႇ “ꩡ︀ဝ်ႛꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ပ︀ႆ︀ၢႛဝႆ︀ႈက︀ꩫ︀်ႈတ︀ႃႉ” ꩫ︀ဝꩫ︀်ႇ။

ꩭေပ︀ရ︀ူး 1:8

ꩫ︀ႆ︀ႇꩫ︀က︀ေႃႇ မ︀ိူဝ်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ဝႃႈꩫ︀ႆ︀ႇယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛꩴ︀း မ︀ိူင︀်းၵ︀ိင︀်းတ︀ူဝ်ꩡ︀ဝ်ႛယ︀ႃႇ ထႃဝရ︀မ︀ꩫ︀်ႛတ︀ိူင︀်ႈꩬ︀ီ ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛ ဢ︀ုပ︀်ႉပ︀ိုင︀်ꩫ︀ႆ︀ႇက︀ေႃႇ ꩬ︀ိုဝ်ႈတ︀ူဝ်တ︀ီၵ︀ႃႛဢ︀ူ။

ꩭေပ︀ရ︀ူး 13:8

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ မ︀ိူဝ်ႈင︀ႃး၊ မ︀ိူဝ်ႈꩫ︀ႆ︀ႇ၊ ထႃဝရ︀ ꩵ︀ႈလ︀ွက︀်ႉလ︀ႆ︀ၢႈ။

ၿျႃၻိက︀်ႉ 21:6

င︀ႆ︀းꩬ︀ီ မ︀ꩫ︀်းꩡ︀ဝ်ႛဝႃႈꩫ︀ႆ︀ႇ “ဢ︀မ︀ူးယ︀ဝ်ႇꩰ။ က︀ဝ်ႈယ︀ႃႇဢ︀ႃလ︀ၸ︀ꩫ︀ၵ︀ႃ ဢ︀ေႃမ︀ေက︀၊ ꩡ︀ဝ်ႛဢ︀ꩫ︀်ႈꩭူဝ်က︀ူဝ်ꩫ︀ၵ︀ႃဢ︀ꩫ︀်ႈꩬ︀ုတ︀်ꩫ︀မ︀်။ က︀ူꩫ︀်းဢ︀ꩫ︀်ႈက︀ုတ︀်ꩫ︀မ︀်ႇꩫ︀ႆ︀ႇၵ︀ဝ်မ︀ႆ︀ႛ က︀ႃႈမ︀ဝ်ဢ︀ဝ်ႈꩬ︀ီ က︀ဝ်ႈꩫ︀မ︀်ႇဢ︀ꩬ︀ၢက︀်ႉတ︀ီꩭႂ်ႛꩫ︀မ︀်။