ၸ︀ိလ︀ိပ︀်ပ︀ၢႆ︀ 2:13 - Khamti Shan

¹³ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႃးꩡ︀ႂ်ႈမ︀ႆ︀ႛ ꩭႂ်ႛပ︀ူဝ်းꩬ︀ူၵ︀ႂ်ႈꩭီတ︀်ꩫ︀ႆ︀ႇတ︀မ︀ိူင︀်း၊ ꩭႂ်ႛပ︀ူဝ်းꩬ︀ူꩭီတ︀်ပ︀ီꩫ︀်ႈꩫ︀ႆ︀ႇတ︀မ︀ိူင︀်း ꩬ︀ူမ︀ႆ︀ႛမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ေးꩭႂ်ႛꩬ︀ီဢ︀ူꩫ︀မ︀်။

ၸ︀ိလ︀ိပ︀်ပ︀ၢႆ︀ 2:13 Cross References

လ︀ုက︀ႃ 12:32

ꩬ︀ူဢ︀ꩫ︀်ႈမ︀ိူꩫ︀်ꩫ︀င︀်ၸ︀ုင︀်ပ︀ူႇဢ︀ွꩫ︀်က︀ဝ်ႈၵ︀ဝ်ꩴ︀း။ ပ︀ီက︀ူဝ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ူယ︀ႃႇ ꩬ︀ူမ︀ႆ︀ႛ မ︀ိူင︀်းမ︀ꩫ︀်းꩡ︀ဝ်ႛၵ︀ႂ်ႈꩭႂ်ႛဢ︀ူ။

လ︀ုက︀ႃ 2:14

“ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ꩫ︀်ႛꩫ︀ိူဝ်က︀ၢင︀်ႈꩭၢဝ်လ︀ေႚလ︀ေႚမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ မ︀ိူင︀်းက︀ၢင︀်ႈမ︀ႆ︀ႛ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇၵ︀ဝ် ꩭႂ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ꩫ︀်ႈက︀တ︀ႃႉ” ꩫ︀ဝꩫ︀်ႇ။

ယ︀ေႃးꩭၢꩫ︀် 3:27

ꩫ︀ႆ︀ႇမ︀ႆ︀ႛ ꩬ︀ြႃယ︀ေႃးꩭၢꩫ︀်ယ︀ႃႇ “ၸ︀ႂ်ꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ꩭႂ်ႛက︀ီး က︀ꩬ︀င︀်က︀ေႃႇꩵ︀ႈꩫ︀ႆ︀ႛ၊

ယ︀ေႃးꩭၢꩫ︀် 6:45

“ၵ︀ဝ်တ︀င︀်းမ︀ိူင︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီꩬ︀ွꩫ︀်ꩭႂ်ႛꩫ︀မ︀်” ꩫ︀ꩬ︀ီ က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ က︀ူဝ်ႇဢ︀ꩫ︀်ႈၵ︀ၢမ︀်းပ︀ူဝ်က︀ဝ်ႈထွမ︀်ꩬ︀ီ ꩬ︀ွꩫ︀်ဢ︀ဝ်ႈꩫ︀ႆ︀ႇၵ︀ဝ်ယ︀ႃႇတ︀င︀်းမ︀ိူင︀်း က︀ဝ်ႈမ︀ႆ︀ႛမ︀ႃးဢ︀ူ။

ယ︀ေႃးꩭၢꩫ︀် 6:65

မ︀ꩫ︀်းꩡ︀ဝ်ႛက︀ၢပ︀်ꩬ︀ီ “ပ︀ူဝ်က︀ဝ်ႈဢ︀ၵ︀ၢင︀်းမ︀ဝ်ꩭႂ်ႛက︀ီး ၸ︀ႂ်က︀ေႃႇက︀ဝ်ႈမ︀ႆ︀ႛမ︀ႃးꩵ︀ႈပ︀ီꩫ︀်ႈ။ င︀ႆ︀းꩬ︀ီꩫ︀မ︀် ၵ︀ၢမ︀်းꩫ︀ႆ︀ႇၵ︀ဝ် ꩬ︀ူမ︀ႆ︀ႛက︀ဝ်ႈဝႃႈမ︀ႃးꩫ︀ႆ︀ႇ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 11:21

က︀ွပ︀်ႉပ︀ိူဝ်ႈၵ︀ဝ်မ︀ႆ︀ႛတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛꩫ︀ႆ︀ႇꩬ︀ီ က︀ူꩫ︀်းဢ︀ၢꩫ︀်တ︀ၢꩫ︀် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။

ရ︀ေႃမ︀ 12:3

က︀ဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူးက︀ျေးꩡ︀ူးꩭႂ်ႛဝႆ︀ႇꩫ︀ႆ︀ႇꩬ︀ီ ꩬ︀ူတ︀င︀်းမ︀ိူင︀်းမ︀ႆ︀ႛ က︀ဝ်ႈဝႃႈက︀ွတ︀်။ ꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ပ︀ီꩭꩫ︀်ပ︀ူꩫ︀်ႇ။ ꩫ︀င︀်ၸ︀ူႛꩡ︀ဝ်ႛပ︀ီꩫ︀်ႈတ︀ေႇတ︀ေႇꩫ︀က︀ꩫ︀်ႈ ꩭꩫ︀်ꩬ︀ိုဝ်ႈꩰက︀ꩫ︀်ႈတ︀ႃႉ။ ꩫ︀င︀်ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩭႅင︀်းꩡ︀ႂ်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ ꩭႂ်ႛဝႆ︀ႇꩫ︀က︀ꩫ︀်ႈ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ တ︀ွင︀်းက︀ꩫ︀်ႈတ︀ႃႉ။

ရ︀ေႃမ︀ 9:11

ꩫ︀ႆ︀ႇꩫ︀က︀ေႃႇ မ︀ိူဝ်ႈလ︀ၵ︀ႃဢ︀မ︀ႂ်းꩫ︀ၵ︀ႃ ယ︀င︀်းꩫ︀ၢႆ︀ႈက︀ေႃႇမ︀ဝ်ပ︀ႆ︀ယ︀င︀်း၊ လ︀ွင︀်ႈꩫ︀ီႈလ︀ွင︀်ႈꩡ︀ႃႇက︀ꩬ︀င︀်က︀ေႃႇ မ︀ဝ်ပ︀ႆ︀ꩭီတ︀်ပ︀ုꩫ︀်ႛ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ရ︀ေပ︀ႅက︀်ၵ︀မ︀ႆ︀ႛဝႃႈꩫ︀ႆ︀ႇ “လ︀ုက︀်ႉꩡ︀ႆ︀ၢးမ︀ႂ်းꩫ︀ၵ︀ႃမ︀ႆ︀ႛ ၸ︀ူႛပ︀ီႈယ︀ႃႇ တ︀ီပ︀ီꩫ︀်ႈၵ︀ႃႛၸ︀ူႛꩫ︀ွင︀်ႇꩫ︀မ︀်” ꩫ︀ဝꩫ︀်ႇ။ ၸ︀ြႃးပ︀ီꩫ︀်ႈꩡ︀ဝ်ႛဝႃႈင︀ႆ︀းꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈတ︀ၢင︀်းက︀ႅင︀်းၵ︀ဝ်ꩬ︀ီ လ︀ိူက︀်ႉဢ︀ဝ်ႈꩵ︀ႈꩡ︀ႂ်ႈ။ ဢ︀ꩫ︀်ႈမ︀ꩫ︀်းၸ︀ူႛꩡ︀ဝ်ႛꩬ︀င︀် င︀ႆ︀းꩬ︀ီ ꩭွင︀်ႇဢ︀ဝ်ႈꩫ︀မ︀်ꩫ︀ꩫ︀ႆ︀ႇ ပ︀ျႃးက︀ွတ︀်ꩫ︀ꩫ︀မ︀်။

ရ︀ေႃမ︀ 9:16

င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩭဝ်းမ︀ႆ︀ႛဢ︀ီꩫ︀ူႈꩫ︀ႆ︀ႇယ︀ႃႇ ဢ︀ူတ︀ီႈမ︀ꩫ︀်းꩡ︀ဝ်ႛꩫ︀မ︀်။ ဢ︀ူတ︀ီႈက︀ူꩫ︀်းꩭဝ်းꩵ︀ႈꩡ︀ႂ်ႈ၊ က︀ူꩫ︀်းꩭဝ်းꩭီတ︀်က︀ေႃႇꩵ︀ႈꩫ︀ႆ︀ႛ။

က︀ေႃရ︀ိꩫ︀်တ︀ု ႑ 12:6

က︀ူꩫ︀်းꩭဝ်းမ︀ႆ︀ႛ ꩫ︀မ︀်ႇက︀တ︀်ႉꩭၢင︀်းꩭီတ︀်ဢ︀မ︀ူး က︀ီလ︀ႆ︀ၢၸ︀ꩫ︀်းယ︀င︀်းၵ︀ႂ်ႈလ︀ႂ်ႈꩫ︀က︀ေႃႇ ꩡ︀ဝ်ႛဢ︀ꩫ︀်ႈꩭဝ်းတ︀င︀်းမ︀ိူင︀်းမ︀ႆ︀ႛ ꩫ︀မ︀်ႇက︀တ︀်ႉဢ︀မ︀ႂ်းၵ︀ဝ် ꩭၢင︀်းၸ︀ႂ်ꩭၢင︀်းမ︀ꩫ︀်းပ︀ူင︀်ႈꩭႂ်ႛꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈꩫ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႑ 15:10

ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩬ︀ီ င︀ႆ︀ႚက︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛမ︀ႃးꩫ︀မ︀်။ က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ꩭႂ်ႛပ︀ူဝ်းမ︀ဝ်ၵ︀ွတ︀်ꩫ︀ႆ︀ၢႈꩫ︀ႆ︀ႇ တ︀မ︀ၢꩫ︀်ꩡ︀ဝ်ႛတ︀င︀်းမ︀ိူင︀်းမ︀ႆ︀ႛꩬ︀ႃꩬ︀ီ က︀ဝ်ႈꩬ︀ေႈꩡ︀ႃႉမ︀ႃးဢ︀ူ။ င︀ႆ︀းꩫ︀က︀ေႃႇ ဢ︀မ︀ႂ်းယ︀ႃႇ ဢ︀ꩫ︀်ႈက︀ဝ်ႈꩬ︀ေႈꩡ︀ႃႉꩵ︀ႈꩡ︀ႂ်ႈ။ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ꩭီတ︀်ဢ︀မ︀ူးဢ︀ူꩫ︀ႆ︀ႇ။

က︀ေႃရ︀ိꩫ︀်တ︀ု ႒ 3:5

ဢ︀မ︀ူးꩫ︀ႆ︀ႇယ︀ႃႇ ဢ︀ꩫ︀်ႈတ︀ူႈၸ︀ူႛꩡ︀ဝ်ႛပ︀ီꩫ︀်ႈပ︀ေႇꩬ︀ီ ꩭီတ︀်ꩵ︀ႈꩡ︀ႂ်ႈ။ ဢ︀ꩫ︀်ႈတ︀ူႈꩭီတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ွႆ︀ႈꩭႂ်ႛꩬ︀ီ ꩭီတ︀်ပ︀ီꩫ︀်ႈမ︀ႃးꩫ︀ႆ︀ၢႈꩫ︀မ︀်။

ဢ︀ေၸ︀ႅတ︀် 1:11

ဢ︀ꩫ︀်ႈက︀ႃႈꩫ︀င︀်ယ︀င︀်းꩫ︀ႆ︀ႇတ︀င︀်းမ︀ိူင︀်း ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀တ︀်ဝႆ︀ႇ ꩬ︀ၢင︀်မ︀ူဝ်ဝႆ︀ႇꩫ︀က︀ꩫ︀်ႈပ︀ီꩫ︀်ႈꩬ︀ီဢ︀ူꩫ︀မ︀်။ ꩫ︀င︀်မ︀ꩫ︀်းꩡ︀ဝ်ႛ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ တ︀ႅပ︀်တ︀တ︀်ဝႆ︀ႇမ︀ႃးꩫ︀ႆ︀ႇꩫ︀က︀ꩫ︀်ႈ ꩭဝ်းမ︀ႆ︀ႛ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ လ︀ိူက︀်ႉဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 1:5

ၵ︀ႂ်ႈꩭႂ်ႛပ︀ီꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛꩬ︀ီ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်တ︀ႅပ︀်တ︀တ︀်ဝႆ︀ႇမ︀ႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ လ︀ွင︀်ႈꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛꩡ︀ူမ︀်းလ︀ူင︀်ꩫ︀မ︀်။

ဢ︀ေၸ︀ႅတ︀် 1:9

ꩡ︀ႃႇလ︀ိူင︀်ႈ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀တ︀်ဝႆ︀ႇꩫ︀က︀ꩫ︀်ႈ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀် ဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ၢင︀်ဝႆ︀ႇꩫ︀ႆ︀ႇ ꩭဝ်းမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ုတ︀်ပ︀ျႃးꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 2:8

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ႆ︀ၢးပ︀ိူဝ်ႈက︀ျေးꩡ︀ူးꩡ︀ဝ်ႛꩬ︀ီ ဢ︀ဝ်ႈတ︀ၢင︀်းယ︀ုမ︀်ယ︀မ︀်ႈꩫ︀မ︀် ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛꩫ︀ႆ︀ႇ။ ꩭဝ်းက︀မ︀်ႈက︀ႅင︀်းပ︀ီꩫ︀်ႈꩬ︀ီꩵ︀ႈꩡ︀ႂ်ႈ။ ဢ︀ꩫ︀်ႈမ︀ꩫ︀်းꩡ︀ဝ်ႛꩭႂ်ႛꩫ︀ႆ︀ၢႈꩫ︀မ︀်။ င︀ႆ︀းꩫ︀ႆ︀ႇꩬ︀ီ ၸ︀ႂ်က︀ေႃႇ ဢ︀ꩫ︀်ႈဝႃႈက︀မ︀်ႇလ︀ွင︀်ႛꩵ︀ႈယ︀င︀်း။

တ︀ႅတ︀်ꩬ︀ႃလ︀ေႃꩫ︀ိက︀် ႒ 1:11

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩫ︀င︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛꩭွင︀်ႇꩭၢပ︀်ႉဝႆ︀ႇꩫ︀ႆ︀ႇꩫ︀က︀ꩫ︀်ႈ ꩭႂ်ႛပ︀ူဝ်းꩬ︀ူꩡ︀ွမ︀်းက︀ႅင︀်းပ︀ီꩫ︀်ႈꩫ︀ႆ︀ႇ တ︀ူႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ယ︀ွꩫ︀်းꩬ︀ူးꩭႂ်ႛဢ︀ူ။ လ︀ွင︀်ႈꩫ︀ီႈဢ︀ꩫ︀်ႈꩬ︀ူꩭီတ︀်ꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛꩭႂ်ႛပ︀ူဝ်းꩭီတ︀်ပ︀ီꩫ︀်ႈꩫ︀ႆ︀ႇꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛတ︀ꩫ︀်းၵ︀ူဝ်းꩭႂ်ႛပ︀ူဝ်းက︀ႃတ︀ႃႉ။ ꩫ︀င︀်ဢ︀ꩫ︀်ႈꩬ︀ူ ယ︀ုမ︀်ယ︀မ︀်ႈၵ︀ၢမ︀်းမ︀ꩫ︀်းꩡ︀ဝ်ႛꩬ︀ီ ꩭီတ︀်ꩫ︀ႆ︀ႇၵ︀ဝ်က︀ေႃႇ ꩭႂ်ႛတ︀ီမ︀်ႈက︀ုမ︀်က︀ꩫ︀်ႈက︀ႃတ︀ႃႉ။

တ︀ိမ︀ေႃတ︀ေ ႒ 1:9

ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛက︀ွတ︀်ꩫ︀ꩬ︀ီ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ၵ︀ေꩬ︀ေဝႆ︀ႇ၊ ꩭွင︀်ႇဝႆ︀ႇꩫ︀ႆ︀ႇ လ︀ႆ︀ၢးပ︀ိူဝ်ႈလ︀ွင︀်ႈꩫ︀ီႈဢ︀ꩫ︀်ႈက︀ူꩫ︀်းꩭဝ်းꩭီတ︀်ꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။ လ︀ႆ︀ၢးပ︀ိူဝ်ႈ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ မ︀ꩫ︀်းꩡ︀ဝ်ႛꩭီတ︀်င︀ႆ︀းက︀ွတ︀်ꩫ︀ꩬ︀ီ ꩬ︀ၢင︀်ဝႆ︀ႇယ︀ဝ်ႇꩰမ︀ႃးꩬ︀ီꩫ︀မ︀်။ ဢ︀မ︀ႂ်းယ︀ႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛလ︀ုက︀်ႉ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ျႃးမ︀ႃးꩫ︀ႆ︀ႇꩫ︀မ︀်။

ꩭေပ︀ရ︀ူး 13:21

ꩭႂ်ႛပ︀ူဝ်းꩬ︀ူ ꩡ︀ွမ︀်းဢ︀လ︀ၢင︀်းမ︀ꩫ︀်းꩡ︀ဝ်ႛꩫ︀ႆ︀ႇ ဢ︀ꩫ︀်ႈꩫ︀င︀်ꩬ︀ူꩭၢင︀်ႇꩫ︀ႆ︀ႇတ︀င︀်းမ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛထႅမ︀်ꩭႂ်ႛက︀တ︀ႃႉ။ လ︀ွင︀်ႈꩫ︀ီႈ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇၵ︀ဝ် က︀ꩫ︀်ႛꩫ︀ႂ်းꩬ︀ူမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛဢ︀ဝ်ႈယ︀င︀်းက︀တ︀ႃႉ။ ꩡ︀ဝ်ႛယ︀ေꩬ︀ုၵ︀ရ︀ီတ︀် ထႃဝရ︀ မ︀ူꩫ︀်ႈၸ︀ုင︀်းꩭႂ်ႛယ︀ႂ်က︀တ︀ႃႉ။ ꩬ︀ႃႈထု။

ပ︀ေတ︀ရ︀ု ႑ 1:3

ပ︀ီႈꩫ︀ွင︀်ႇၵ︀ဝ်ꩴ︀း ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈပ︀ူဝ်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းမ︀ႆ︀ႛ ꩭဝ်းယ︀ူဝ်းယ︀ွင︀်ႛက︀ꩫ︀်ႈက︀ွတ︀်။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ၢꩫ︀်တ︀ၢꩫ︀်ဢ︀ီꩫ︀ူႈꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩫ︀ႆ︀ႇꩬ︀ီ ꩭဝ်းမ︀ႆ︀ႛ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈမ︀ႂ်ꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီꩭဝ်းင︀ႆ︀ႚ ꩫ︀ႆ︀ႛတ︀မ︀်းꩡ︀ႂ်ႈꩫ︀ီႈꩫ︀ီႈ ꩬ︀ီ တ︀ႂ်းထႃႛဢ︀ူꩫ︀မ︀်။