ၸ︀ိလ︀ိပ︀်ပ︀ၢႆ︀ 2:12 - Khamti Shan

¹² င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း မ︀ိူဝ်ႈက︀ဝ်ႈတ︀င︀်းꩬ︀ူဢ︀ူꩫ︀ႆ︀ႇ မ︀ိူဝ်ႈလ︀ႂ်ႈက︀ေႃႇ ꩬ︀ူၵ︀ၢမ︀်းက︀ဝ်ႈထွမ︀်မ︀ႃးꩫ︀ႆ︀ႇꩫ︀က︀ꩫ︀်ႈ င︀ႆ︀ႚမ︀ိူဝ်ႈက︀ဝ်ႈဢ︀ူတ︀ီႈက︀ႆ︀ႈꩫ︀ႆ︀ႇ ဢ︀ေႈၵ︀ႅꩫ︀်းထွမ︀်က︀ꩫ︀်ႈမ︀ႃးတ︀ႃႉ။ ꩫ︀င︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩫ︀တ︀်ꩬ︀ီၵ︀ေꩬ︀ေဝႆ︀ႇꩫ︀ႆ︀ႇꩫ︀က︀ꩫ︀်ႈ ꩬ︀ူတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩬ︀ီ မ︀ူတ︀်ꩡ︀ၢင︀်တ︀ီမ︀်ႈꩰက︀ꩫ︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈတ︀ေႇတ︀ေႇꩬ︀ီ ꩬ︀ေႈꩡ︀ႃႉက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 2:12 Cross References

မ︀တ︀်တ︀ႄး 11:12

လ︀ုက︀်ႉမ︀ိူဝ်ႈꩬ︀ြႃယ︀ေႃးꩭၢꩫ︀် က︀ူဝ်ꩭူဝ်းတ︀ြႃးပ︀ုꩫ︀်ႛ တ︀ူဝ်ထိုင︀်င︀ႆ︀ႚ က︀ူꩫ︀်းꩭႆ︀ၢႇꩫ︀ႆ︀ႇၵ︀ဝ်ꩭီတ︀်ꩭႆ︀ၢႇꩬ︀ီ မ︀ိူင︀်းက︀ၢင︀်ႈꩭၢဝ်မ︀ႆ︀ႛ ၵ︀ႂ်ႈꩭူမ︀်းက︀ꩫ︀်ႈဢ︀ူ။

မ︀တ︀်တ︀ႄး 11:29

တ︀ြႃးက︀ဝ်ႈꩭၢပ︀်ႉဢ︀ဝ်ႈꩬ︀ီ လ︀ုက︀်ႉက︀ဝ်ႈမ︀ႆ︀ႛꩬ︀ွꩫ︀်ဢ︀ဝ်ႈတ︀ႃႉ။ ꩡ︀ႂ်ႈက︀ဝ်ႈယ︀ႃႇ ဢ︀ူꩫ︀်ႛဢ︀ွꩫ︀်က︀ွမ︀်းꩫ︀ွမ︀်းꩫ︀ႆ︀ႇꩬ︀ီ ꩬ︀ူတ︀ီꩫ︀ႆ︀ႛက︀တ︀်ယ︀ီꩫ︀်ႈၵ︀ျမ︀်းꩬ︀ႃꩫ︀မ︀်။

ထဝ်ꩡ︀တ︀်ႉၵ︀ဝ် 16:29

ꩫ︀ႆ︀ႇမ︀ႆ︀ႛ ၸ︀ူႛင︀မ︀်းထွင︀်ꩫ︀ႆ︀ႇ ၸ︀ႆ︀းဢ︀ဝ်ႈꩬ︀ီလ︀ႅꩫ︀်ႈၵ︀ဝ်ႛမ︀ႃးင︀ႆ︀း တ︀ႆ︀ၢႛတ︀ိꩫ︀်ႈပ︀ေႃလ︀ုꩫ︀ၵ︀ႃတ︀ိလ︀မ︀ႆ︀ႛ ꩬ︀ꩫ︀်ထႅပ︀်ႉꩰꩬ︀ီမ︀ႃးၵ︀ုပ︀်ႉၵ︀ဝ်ဢ︀ူ။

ထဝ်ꩡ︀တ︀်ႉၵ︀ဝ် 9:6

ꩫ︀ႆ︀ႇꩫ︀က︀ေႃႇ မ︀ႂ်းလ︀ုက︀်ႉꩬ︀ီ က︀ꩫ︀်ႛꩫ︀ႂ်းဝီင︀်းမ︀ႆ︀ႛၵ︀ဝ်ႛက︀ႃတ︀ႃႉ၊ ဢ︀မ︀ႂ်းမ︀ႆ︀ႛထိုင︀်က︀ီး ဢ︀ꩫ︀်ႈမ︀ႂ်းဝႃႈꩭီတ︀်ꩫ︀ႆ︀ႇ မ︀ႂ်းမ︀ႆ︀ႛက︀ူꩫ︀်းက︀ူဝ်ႇလ︀ိူင︀်ႈတ︀ီၵ︀ႆ︀ႈꩭႂ်ႛꩬ︀ႃး” ꩫ︀ꩬ︀ီဢ︀မ︀ိင︀်းꩭႂ်ႛဢ︀ူ။

ရ︀ေႃမ︀ 2:7

က︀ူꩫ︀်းဢ︀ꩫ︀်ႈ ꩭီတ︀်လ︀ွင︀်ႈꩫ︀ီႈ မ︀ဝ်ꩬ︀ဝ်းင︀ႆ︀းꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ူဝ်းယ︀ွင︀်ႛတ︀ၢင︀်ꩭုမ︀်ꩫ︀ၵ︀ႃ ဢ︀ꩬ︀ၢက︀်ႉဢ︀ꩫ︀်ႈမ︀ꩫ︀်ႛတ︀ိူင︀်ႈမ︀ႆ︀ႛ ꩭႅꩫ︀်ႛꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛဢ︀ꩬ︀ၢက︀်ႉထႃဝရ︀တ︀ီꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 15:58

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇꩭၢက︀်ႉၵ︀ဝ်ꩴ︀း ဢ︀ꩫ︀်ႈꩬ︀ူဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ေႈꩡ︀ႃႉꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇꩵ︀ႈၵ︀ွတ︀်ꩫ︀ႆ︀ၢႈꩫ︀ꩫ︀ႆ︀ႇ ꩬ︀ူတ︀ွင︀်းꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩡ︀ႂ်ႈမ︀ဝ်ယ︀ွမ︀်းꩬ︀ီ ဢ︀မ︀ူးမ︀ꩫ︀်းꩡ︀ဝ်ႛမ︀ႆ︀ႛ က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 2:3

မ︀ိူဝ်ႈက︀ဝ်ႈတ︀င︀်းꩬ︀ူဢ︀ူꩫ︀ႆ︀ႇ က︀ဝ်ႈꩭႅင︀်းဢ︀ေင︀ႆ︀း က︀ူဝ်ႈꩰꩬ︀ွင︀်ꩰꩬ︀ီဢ︀ူမ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 4:14

က︀ဝ်ႈင︀ႆ︀းꩬ︀ီတ︀ႅမ︀်ႛꩫ︀ႆ︀ႇ ꩭႂ်ႛꩬ︀ူဢ︀ႆ︀ၢႈက︀ွတ︀်ꩫ︀ꩬ︀ီꩵ︀ႈꩡ︀ႂ်ႈ။ ꩭႂ်ႛꩬ︀ူပ︀ွင︀်ꩡ︀ႂ်ႈက︀ွတ︀်ꩫ︀ꩬ︀ီ ꩬ︀ူမ︀ႆ︀ႛ ꩫ︀င︀်လ︀ုက︀်ႉꩭၢက︀်ႉၸ︀ူႛꩡ︀ဝ်ႛꩫ︀က︀ꩫ︀်ႈ ꩬ︀တ︀ိꩭႂ်ႛꩫ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႒ 7:15

င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈမ︀ꩫ︀်းꩬ︀ွꩫ︀်ꩭႂ်ႛꩫ︀ႆ︀ႇၵ︀ဝ်မ︀ႆ︀ႛ ꩬ︀ူꩡ︀ွမ︀်းꩫ︀ီႈꩫ︀ီႈ၊ မ︀ꩫ︀်းမ︀ႆ︀ႛꩫ︀ၢပ︀်ႉယ︀မ︀်ႈꩬ︀ီ ꩭၢပ︀်ႉတ︀ွꩫ︀်ႛꩫ︀ီႈꩫ︀ီႈꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းဢ︀ွက︀်ꩡ︀ႂ်ႈꩬ︀ီ ꩬ︀ူမ︀ႆ︀ႛမ︀ꩫ︀်းဢ︀ေႈၵ︀ႅꩫ︀်းꩭၢက︀်ႉꩭွမ︀်မ︀ႃးဢ︀ူ။

ဢ︀ေၸ︀ႅတ︀် 6:5

ၸ︀ူႛပ︀ီꩫ︀်ႈၵ︀ႃႛၵ︀ဝ်ꩴ︀း ꩡ︀ဝ်ႛꩬ︀ူမ︀ႆ︀ႛꩫ︀ၢပ︀်ႉယ︀မ︀်ႈတ︀ေႇတ︀ေႇꩬ︀ီ ၵ︀ၢမ︀်းထွမ︀်ꩫ︀ီႈꩫ︀ီႈက︀ꩫ︀်ႈတ︀ႃႉ။ ꩫ︀င︀်ꩬ︀ူ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ိုင︀်ႇꩫ︀က︀ꩫ︀်ႈ ꩡ︀ဝ်ႛꩬ︀ူမ︀ႆ︀ႛမ︀ိုင︀်ႇꩫ︀ီႈꩫ︀ီႈꩭႂ်ႛက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 1:27

ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇယ︀ႃႇ ꩬ︀ူꩫ︀င︀်ဢ︀ꩫ︀်ႈၵ︀ၢဝ်ႈၵ︀ၢမ︀်းꩫ︀ီႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ွꩫ︀်ဝႆ︀ႇꩫ︀ႆ︀ႇꩫ︀က︀ꩫ︀်ႈ ဝႃႈက︀မ︀်ႈက︀ႅင︀်းက︀ꩫ︀်ႈꩫ︀မ︀်။ င︀ႆ︀းက︀ီး က︀ဝ်ႈꩬ︀ူမ︀ႆ︀ႛမ︀ႃးပ︀ီꩫ︀်ႈပ︀တ︀ု၊ မ︀ဝ်ပ︀ီꩫ︀်ႈပ︀တ︀ု လ︀ွင︀်ႈဢ︀ꩫ︀်ႈꩬ︀ူꩭူမ︀်ႈꩡ︀ႂ်ႈꩭူမ︀်ႈၵ︀ူဝ်း ꩬ︀ေႈꩡ︀ႃႉꩬ︀ီ က︀ုမ︀်ႇတ︀ၢင︀်းယ︀ုမ︀်ယ︀မ︀်ႈဢ︀ꩫ︀်ႈꩭီတ︀်င︀ဝ်ႛၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ က︀ဝ်ႈတ︀ီꩫ︀ႆ︀ႛꩥ︀ိꩫ︀်းꩫ︀မ︀်။

ၸ︀ိလ︀ိပ︀်ပ︀ၢႆ︀ 1:29

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇꩬ︀ူမ︀ႆ︀ႛ ဢ︀ၵ︀ၢင︀်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈꩫ︀ႆ︀ၢႈမ︀ဝ်က︀ႃး ဢ︀ၵ︀ၢင︀်းဢ︀ꩫ︀်ႈꩡ︀ႃႇမ︀ꩫ︀်းꩡ︀ဝ်ႛ ၵ︀ၢမ︀်ၻုက︀်ႉၵ︀တ︀မ︀ိူင︀်းꩫ︀မ︀်ꩭႂ်ႛမ︀ႃးꩫ︀ႆ︀ႇ။

ၸ︀ိလ︀ိပ︀်ပ︀ၢႆ︀ 1:6

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉမ︀ိူဝ်ႈဢ︀မ︀ႂ်းပ︀ုꩫ︀်ႛ ꩫ︀ႂ်းꩡ︀ႂ်ႈꩬ︀ူမ︀ႆ︀ႛ ဢ︀မ︀ူးဢ︀ꩫ︀်ႈꩫ︀ီႈ က︀ူဝ်ꩭီတ︀်မ︀ႃးꩫ︀ႆ︀ႇꩬ︀ီ ဢ︀မ︀ူးဢ︀မ︀ႂ်း က︀ႃႈမ︀ဝ်ယ︀ဝ်ႇယ︀ႃႇ တ︀ူဝ်ထိုင︀်ဝꩫ︀်းမ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးပ︀ွက︀်ႉမ︀ႃးꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီက︀ၢပ︀်ꩭီတ︀်က︀ႃꩫ︀မ︀်ꩫ︀ꩫ︀ႆ︀ႇ က︀ဝ်ႈတ︀မ︀်းꩡ︀ႂ်ႈဢ︀ူ။

ၸ︀ိလ︀ိပ︀်ပ︀ၢႆ︀ 2:19

ၸ︀ြႃးပ︀ီꩫ︀်ႈꩡ︀ဝ်ႛဢ︀ၵ︀ၢင︀်းꩭႂ်ႛက︀ီး မ︀ဝ်ꩭိုင︀်က︀ꩬ︀င︀် တ︀ိမ︀ေႃတ︀ေမ︀ႆ︀ႛ က︀ဝ်ႈတ︀ီꩫ︀ႆ︀ႛꩭႂ်ႛမ︀ႃးလ︀ႅမ︀်းꩬ︀ူꩫ︀မ︀်ꩫ︀ꩬ︀ီ က︀ဝ်ႈတ︀ႂ်းထႃႛဢ︀ူ။ င︀ႆ︀းက︀ီးမ︀ိူဝ်ႈမ︀ꩫ︀်းပ︀ွက︀်ႉမ︀ႃးꩫ︀ႆ︀ႇ လ︀ွင︀်ႈꩬ︀ူꩫ︀ႆ︀ႛꩥ︀ိꩫ︀်းꩬ︀ီ က︀ဝ်ႈတ︀ီꩫ︀ႆ︀ႛꩡ︀ူမ︀်းꩭုမ︀်ꩫ︀မ︀်။

ၸ︀ိလ︀ိပ︀်ပ︀ၢႆ︀ 4:1

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛက︀ဝ်ႈꩭၢက︀်ႉလ︀ူင︀် ဢ︀ွက︀်ꩡ︀ႂ်ႈလ︀ူင︀်ꩫ︀မ︀်။ လ︀ႆ︀ၢးပ︀ိူဝ်ႈꩬ︀ူꩬ︀ီ က︀ဝ်ႈꩡ︀ူမ︀်းလ︀ူင︀် ꩭုမ︀်လ︀ူင︀်ꩫ︀မ︀်။ ꩬ︀ူ ပ︀ီႈꩫ︀ွင︀်ႇꩭၢက︀်ႉက︀ဝ်ႈ ၸ︀ူႛပ︀ီꩫ︀်ႈꩬ︀ူးက︀ဝ်ႈၵ︀ဝ်ꩴ︀း က︀ၢပ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းၵ︀ိူင︀်ꩰက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 4:15

မ︀ိူဝ်ႈက︀ဝ်ႈꩬ︀ူမ︀ႆ︀ႛ ꩭႃပ︀ထမ︀မ︀ႃးꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ လ︀ုက︀်ႉတ︀ိူင︀်းမ︀ႃက︀ေတ︀ေႃꩫ︀ိမ︀ႆ︀ႛ ဢ︀ွက︀်တ︀ၢင︀်းက︀ႃꩫ︀ႆ︀ႇ ꩬ︀ူꩡ︀ိူဝ်းဝီင︀်းၸ︀ိလ︀ိပ︀်ပ︀ၢႆ︀ꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀် က︀ဝ်ႈမ︀ႆ︀ႛဢ︀ဝ်ႈင︀ိူꩫ︀်းꩡ︀ွႆ︀ႈꩬ︀ီ ဢ︀မ︀ူးဢ︀ꩫ︀်ႈက︀ဝ်ႈမ︀ႅက︀်မ︀ႆ︀ႛ တ︀င︀်းက︀ဝ်ႈꩭူမ︀်ႈမ︀ႅက︀်ꩭၢမ︀်ꩡ︀ွႆ︀ႈမ︀ႃးꩫ︀ႆ︀ႇ။ လ︀ွင︀်ႈꩫ︀ႆ︀ႇꩬ︀ူၸ︀ူႛꩡ︀ဝ်ႛက︀ေႃႇတ︀ွင︀်းဢ︀ူ။

တ︀ိမ︀ေႃတ︀ေ ႒ 2:10

င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်က︀ေႃႇ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ေꩬ︀ေꩭႂ်ႛꩫ︀ႆ︀ႇမ︀ႆ︀ႛꩭၢပ︀်ႉဢ︀ဝ်ႈꩬ︀ီ ꩭႂ်ႛပ︀ူဝ်းမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႛꩭၢပ︀်ႉက︀ႃꩫ︀ႆ︀ႇ က︀ဝ်ႈၻုက︀်ႉၵ︀က︀ꩬ︀င︀်ဝႃႈၵ︀ၢမ︀်ꩫ︀က︀ေႃႇ ၵ︀ႂ်ႈၵ︀ၢမ︀်ဢ︀ူ။

ꩭေပ︀ရ︀ူး 12:1

ꩬ︀ၢက︀်ႉꩬ︀ေၸ︀ုင︀်က︀ူꩫ︀်းလ︀ူင︀်ꩫ︀ႆ︀ႇ ꩭဝ်းမ︀ႆ︀ႛၵ︀ုမ︀်ႇက︀ꩫ︀်ႈဢ︀ူꩫ︀ႆ︀ႇꩬ︀ီ ပ︀ႆ︀ႉ ဢ︀ꩫ︀်ႈꩭဝ်းမ︀ႆ︀ႛ ꩫ︀က︀်ꩫ︀ႃꩬ︀ီ ဢ︀ဝ်ႈꩫ︀ၢꩫ︀်းꩫ︀ႆ︀ႇၵ︀ဝ်င︀ႆ︀း ဢ︀ပ︀ႅတ︀်ႉဢ︀ꩫ︀်ႈꩭဝ်းမ︀ႆ︀ႛ င︀ႆ︀ၢႈꩰၸ︀ုက︀်ဝႆ︀ႇꩫ︀ႆ︀ႇၵ︀ဝ် လ︀ွꩫ︀်ႛၵ︀ွတ︀်င︀ႆ︀း ပ︀ွႆ︀းလ︀ႅꩫ︀်ႈၵ︀ီင︀်က︀ꩫ︀်ႈ ဢ︀ꩫ︀်ႈပ︀ၢင︀်ႈꩫ︀ႃႛꩭဝ်းမ︀ႆ︀ႛ ꩭႅမ︀်းဝႆ︀ႇမ︀ႆ︀ႛတ︀တ︀်ꩡ︀ႂ်ႈꩬ︀ီ လ︀ႅꩫ︀်ႈက︀ႃက︀ꩫ︀်ႈꩫ︀မ︀်။

ꩭေပ︀ရ︀ူး 4:1

ꩡ︀ႃႇလ︀ိူင︀်ႈ က︀တ︀ိၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩡ︀ႃႇꩭဝ်း ၵ︀ဝ်ႛတ︀ီႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃမ︀ꩫ︀်းꩡ︀ဝ်ႛꩫ︀ႆ︀ႇ ယ︀င︀်းဢ︀ူꩫ︀ႆ︀ႇꩬ︀ီ ꩫ︀ႂ်းꩬ︀ူမ︀ႆ︀ႛ က︀ူဝ်ႇဢ︀ꩫ︀်ႈမ︀ဝ်ꩫ︀ႆ︀ႛၵ︀ဝ်ႛ ꩭႂ်ႛပ︀ူဝ်းမ︀ဝ်ယ︀င︀်းꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

ꩭေပ︀ရ︀ူး 4:11

င︀ႆ︀းꩫ︀ႆ︀ႇꩬ︀ီ ꩫ︀င︀်က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ထွမ︀်ꩬ︀ီ ꩫ︀ႆ︀ႛလ︀ူႇꩬ︀ုမ︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈ ꩭဝ်းယ︀ႃႇမ︀ဝ်လ︀ူႇꩬ︀ုမ︀်းꩬ︀ီ ꩭႂ်ႛပ︀ူဝ်းတ︀ီႈက︀တ︀်ယ︀ီꩫ︀်ႈ ၵ︀ႅမ︀်းꩬ︀ႃဢ︀မ︀ႂ်းမ︀ႆ︀ႛ ꩫ︀ႆ︀ႛၵ︀ဝ်ႛꩫ︀ႆ︀ႇ ပ︀ႆ︀ႉꩭဝ်း ꩬ︀ေႈꩡ︀ႃႉက︀ꩫ︀်ႈꩫ︀မ︀်။

ꩭေပ︀ရ︀ူး 5:9

ꩭီတ︀်င︀ႆ︀းꩬ︀ီ မ︀ꩫ︀်းꩡ︀ဝ်ႛတ︀ီမ︀်ႈက︀ုမ︀်မ︀ႃးက︀ီး ꩡ︀ႃႇက︀ူꩫ︀်းဢ︀ꩫ︀်ႈထွမ︀်ၵ︀ၢမ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်း ပ︀ီꩫ︀်ႈꩡ︀ဝ်ႛဢ︀ꩫ︀်ႈꩭႂ်ႛတ︀ၢင︀်းၵ︀ေꩬ︀ေထႃဝရ︀မ︀ႃးꩬ︀ီ

ပ︀ေတ︀ရ︀ု ႑ 2:11

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူယ︀ႃႇမ︀ိူင︀်းက︀ၢင︀်ႈꩫ︀ႆ︀ႇမ︀ႆ︀ႛ က︀ူꩫ︀်းတ︀ၢင︀်မ︀ိူင︀်းꩫ︀က︀ꩫ︀်ႈꩫ︀မ︀်။ မ︀ိူင︀်းက︀ၢင︀်ႈꩫ︀ႆ︀ႇယ︀ႃႇ ꩭိူꩫ︀်းꩬ︀ူတ︀ေႇတ︀ေႇꩵ︀ႈꩡ︀ႂ်ႈ။ င︀ႆ︀းꩫ︀ႆ︀ႇꩬ︀ီ ၵ︀ႅꩫ︀်းꩫ︀က︀ွတ︀်၊ ꩡ︀ႂ်ႈဢ︀ꩫ︀်ႈꩭွႆ︀ႛꩡ︀ႂ်ႈတ︀ၢင︀်းပ︀ိဝ်မ︀ိူင︀်းက︀ၢင︀်ႈ ꩫ︀ႆ︀ႇၵ︀ဝ်မ︀ႆ︀ႛ ပ︀ီꩡ︀ွမ︀်းက︀ꩫ︀်ႈယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ွꩫ︀်ꩬ︀ူမ︀ႆ︀ႛ တ︀ိက︀်တ︀ူဝ်းꩬ︀ီဢ︀ူꩫ︀မ︀်။

ပ︀ေတ︀ရ︀ု ႒ 3:18

ꩬ︀ူယ︀ႃႇ ꩭႂ်ႛပ︀ူဝ်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ဝ်ႛၵ︀ေꩬ︀ေꩭဝ်း ဢ︀ီꩫ︀ူႈꩭၢက︀်ႉꩭွမ︀်မ︀ႆ︀ႛ ဢ︀ေႈၵ︀ႅꩫ︀်းꩭၢပ︀်ႉဢ︀ဝ်ႈꩫ︀ႆ︀ႇ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ဢ︀ေႈၵ︀ႅꩫ︀်းထွမ︀်ꩡ︀ွမ︀်းက︀ႃက︀ꩫ︀်ႈတ︀ႃႉ။ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛ တ︀ွင︀်းဢ︀ိက︀်မ︀ႃးꩫ︀ႆ︀ႇက︀ေႃႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ က︀ူꩫ︀်းꩭဝ်းꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ꩫ︀်းꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛယ︀မ︀်ႈင︀ဝ်းက︀ꩫ︀်ႈက︀ႃတ︀ႃႉ။ ꩬ︀ႃႈထု။