ၸ︀ိလ︀ိပ︀်ပ︀ၢႆ︀ 1:22 - Khamti Shan

²² ꩫ︀ႆ︀ႇꩫ︀က︀ေႃႇ က︀ဝ်ႈဢ︀ꩬ︀ၢက︀်ႉꩫ︀ိပ︀်ဢ︀ူက︀ီး ဢ︀မ︀ူးဢ︀ꩫ︀်ႈဢ︀က︀ိဝ်းယ︀င︀်းꩫ︀ႆ︀ႇ ဢ︀ေႈၵ︀ႅꩫ︀်းꩭီတ︀်ပ︀ီꩫ︀်ႈဢ︀ူ။ င︀ႆ︀းꩫ︀ႆ︀ႇꩬ︀ီ က︀ဝ်ႈဢ︀က︀ိဝ်းဢ︀ꩫ︀်ႈလ︀ႂ်ႈတ︀ီလ︀ိူက︀်ႉဢ︀ဝ်ႈꩫ︀ꩫ︀ႆ︀ႇꩵ︀ႈတ︀ွင︀်း။

ၸ︀ိလ︀ိပ︀်ပ︀ၢႆ︀ 1:22 Cross References

ထဝ်ꩡ︀တ︀်ႉၵ︀ဝ် 3:17

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူင︀ႆ︀းꩭူဝ်က︀ေꩬ︀ူꩫ︀ႆ︀ႇၵ︀ဝ်ယ︀ႃႇ က︀ꩬ︀င︀်က︀ေႃႇမ︀ဝ်တ︀ွင︀်းꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ဢ︀ဝ်ႈတ︀ၢႆ︀ႈမ︀ႃးꩫ︀မ︀်ꩫ︀ꩫ︀ႆ︀ႇ က︀ဝ်ႈတ︀ွင︀်းဢ︀ူ။

ရ︀ေႃမ︀ 1:13

ပ︀ီႈꩫ︀ွင︀်ႇၵ︀ဝ်ꩴ︀း က︀ဝ်ႈꩬ︀ူမ︀ႆ︀ႛမ︀ႃးက︀ွတ︀်ꩫ︀ꩬ︀ီ က︀ီလ︀ႆ︀ၢပ︀ၢꩫ︀်ႈꩬ︀ၢင︀်မ︀ႃးၵ︀ႂ်ႈလ︀ႂ်ႈꩫ︀က︀ေႃႇ ဢ︀ꩫ︀်ႈက︀ဝ်ႈမ︀ႆ︀ႛꩭေႇဝႆ︀ႇꩫ︀ႆ︀ႇယ︀င︀်းꩬ︀ီ မ︀ႃးမ︀ဝ်ꩫ︀ႆ︀ႛꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။ ꩫ︀င︀်က︀ူꩫ︀်းတ︀ၢင︀်မ︀ိူင︀်း ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃးꩫ︀ႆ︀ႇ က︀ဝ်ႈꩭီတ︀်မ︀ႃးꩫ︀က︀ꩫ︀်ႈ ꩬ︀ူမ︀ႆ︀ႛက︀ေႃႇမ︀ႃးꩬ︀ီ ၵ︀ႂ်ႈꩭီတ︀်ꩭႂ်ႛဢ︀ူ။

ရ︀ေႃမ︀ 11:2

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ꩫ︀်းက︀ူꩫ︀်းမ︀ꩫ︀်းꩡ︀ဝ်ႛ ဢ︀ꩫ︀်ႈလ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ လ︀ိူက︀်ႉဢ︀ဝ်ႈဝႆ︀ႇမ︀ႆ︀ႛ ꩵ︀ႈၵ︀ွတ︀်မ︀ႃး။ က︀ျမ︀်းလ︀ိက︀်ႉမ︀ႆ︀ႛ လ︀ွင︀်ႈဢ︀ီတ︀်ꩬ︀ြေးꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ေလ︀ိယ︀ၵ︀ႅꩫ︀်းဝွꩫ︀်းဝႆ︀ႇꩫ︀ႆ︀ႇ ꩬ︀ူတ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 10:3

ꩫ︀င︀်ꩡ︀ႂ်ႈꩫ︀ိူဝ်ႇꩫ︀ိူတ︀်ႉꩫ︀က︀ꩫ︀်ႈယ︀ႃႇ တ︀ူႈꩵ︀ႈတ︀ိက︀်တ︀ူဝ်း။

က︀လ︀ႃတ︀ိ 2:20

င︀ႆ︀းꩫ︀ႆ︀ႇꩬ︀ီ က︀ဝ်ႈယ︀ႃႇ င︀ႆ︀ႚꩵ︀ႈယ︀င︀်းယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ႆ︀ႇ။ င︀ႆ︀ႚက︀ဝ်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇယ︀ႃႇ ဢ︀ဝ်ႈတ︀ၢင︀်းဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀မ︀်။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛꩭၢက︀်ႉꩬ︀ီ ꩡ︀ႃႇက︀ဝ်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။

ၸ︀ိလ︀ိပ︀်ပ︀ၢႆ︀ 1:23

ꩡ︀ႂ်ႈက︀ဝ်ႈယ︀ႃႇ ပ︀ီꩫ︀်ႈꩬ︀ွင︀်ၵ︀ႃႈဢ︀ူꩫ︀မ︀်။ ꩡ︀ႃႇက︀ဝ်ႈꩡ︀ဝ်ႛက︀ီး တ︀ႆ︀ၢႈက︀ႃꩬ︀ီ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ႂ်ႈꩭူမ︀်ႈက︀ႃဢ︀ူလ︀ူင︀်ꩫ︀မ︀်။ ဢ︀မ︀ႂ်းၵ︀ႅꩫ︀်းꩫ︀ီႈဢ︀ူ။

ၸ︀ိလ︀ိပ︀်ပ︀ၢႆ︀ 1:24

ꩫ︀ႆ︀ႇꩫ︀က︀ေႃႇ ꩡ︀ႃႇꩬ︀ူယ︀ႃႇ က︀ဝ်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇၵ︀ႅꩫ︀်းဢ︀ၵ︀ႅက︀်ႉꩫ︀မ︀်။

က︀ေႃလ︀ေႃတ︀ႄ 2:1

ꩡ︀ႃႇꩬ︀ူ၊ ꩡ︀ႃႇၸ︀ူႛယ︀ုမ︀်ယ︀မ︀်ႈ ဝီင︀်းလ︀ေႃတ︀ိက︀ိꩫ︀ႆ︀ႇၵ︀ဝ်င︀ႆ︀း ꩡ︀ႃႇၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈက︀ဝ်ႈမ︀ႆ︀ႛမ︀ဝ်ꩭွꩫ︀်ꩭꩫ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း က︀ဝ်ႈၵ︀ႂ်ႈလ︀ႂ်ႈ ꩬ︀ေႈꩡ︀ႃႉမ︀ႃးꩫ︀ꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းဢ︀ူ။

ပ︀ေတ︀ရ︀ု ႑ 4:2

င︀ႆ︀းꩫ︀ႆ︀ႇꩬ︀ီ ꩬ︀ူလ︀ုက︀်ႉင︀ႆ︀ႚက︀ူဝ်ꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူဢ︀ꩫ︀်ႈက︀ိူတ︀်မ︀ႆ︀ႛယ︀ႃႇ ဢ︀လ︀ၢင︀်ႈက︀ူꩫ︀်းမ︀ႆ︀ႛမ︀ဝ်ꩡ︀ွမ︀်းꩬ︀ီ ꩭႂ်ႛပ︀ူဝ်းꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီဢ︀ူꩫ︀ႆ︀ႇꩬ︀ိုင︀် ꩭီတ︀်ဢ︀ၵ︀ႅက︀်ႉက︀ꩫ︀်ႈတ︀ႃႉ။