ၸ︀ိလ︀ိပ︀်ပ︀ၢႆ︀ 1:21 - Khamti Shan

²¹ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈက︀ဝ်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇယ︀ႃႇ ꩡ︀ႃႇဢ︀ဝ်ႈꩭိူဝ်ႈꩭိုင︀်းပ︀ိုင︀်းꩬ︀ႂ်မ︀ူꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ၢႈꩫ︀မ︀်။ ꩡ︀ႃႇက︀ဝ်ႈယ︀ႃႇ က︀ဝ်ႈတ︀ၢႆ︀ႈက︀ႃက︀ီး ဢ︀ေႈၵ︀ႅꩫ︀်းဢ︀က︀ိဝ်းယ︀င︀်းꩫ︀မ︀်။

ၸ︀ိလ︀ိပ︀်ပ︀ၢႆ︀ 1:21 Cross References

က︀ေႃရ︀ိꩫ︀်တ︀ု ႑ 1:30

ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛ ꩬ︀ူမ︀ႆ︀ႛယ︀ႃႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ဝ်ႈဢ︀ူꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈပ︀ီꩫ︀်ႈပ︀ိင︀်ꩥ︀ႃꩭဝ်းယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ꩭဝ်းမ︀ႆ︀ႛ ဢ︀ဝ်ႈပ︀ီꩫ︀်ႈက︀ူꩫ︀်းꩬ︀ိုဝ်ႈတ︀ူဝ်င︀ႆ︀း ဢ︀ဝ်ႈပ︀ီꩫ︀်ႈက︀ူꩫ︀်းမ︀ူတ︀်ꩡ︀ၢင︀်ꩬ︀ီ ꩭဝ်းမ︀ႆ︀ႛ ꩬ︀ေထွတ︀်ꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႑ 3:22

ပ︀ေႃလ︀ုပ︀တ︀ု၊ ဢ︀ႃပ︀ေႃလ︀ုပ︀တ︀ု၊ ပ︀ေတ︀ရ︀ုပ︀တ︀ု၊ မ︀ိူင︀်းက︀ၢင︀်ႈꩫ︀ႆ︀ႇပ︀တ︀ု၊ တ︀ၢင︀်းꩫ︀ိပ︀်၊ တ︀ၢင︀်းတ︀ႆ︀ၢႈပ︀တ︀ု၊ ꩡ︀ူဝ်ႈꩫ︀ႆ︀ႇ၊ ꩡ︀ူဝ်ႈꩫ︀ႃႛပ︀တ︀ု တ︀င︀်းလ︀ုင︀် ꩡ︀ႃႇꩬ︀ူꩫ︀မ︀်။

က︀ေႃရ︀ိꩫ︀်တ︀ု ႒ 5:1

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး တ︀ူဝ်ႈꩭဝ်းယ︀ႃႇ ꩬ︀ုမ︀်ႇဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛ ꩭဝ်းဢ︀ူꩫ︀ႆ︀ႇꩫ︀က︀ꩫ︀်ႈꩫ︀မ︀်။ ꩬ︀ုမ︀်ႇꩫ︀ႆ︀ႇလ︀ူႇက︀ႃက︀ီး မ︀ိူင︀်းက︀ၢင︀်ႈꩭၢဝ်မ︀ႆ︀ႛ တ︀ူဝ်ႈဢ︀ꩫ︀်ႈမ︀ႂ် ဢ︀ꩫ︀်ႈမ︀ိူꩫ︀်ꩫ︀င︀် ꩭိူꩫ︀်းဢ︀ꩫ︀်ႈမ︀ဝ်လ︀ူႇꩡ︀ၢင︀်ႈꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇꩭဝ်းꩭီတ︀်ဝႆ︀ႇဢ︀ူꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 5:6

င︀ႆ︀းꩫ︀ႆ︀ႇꩬ︀ီ ꩭဝ်းမ︀ိူဝ်ႈဢ︀ူꩫ︀ႂ်းတ︀ူဝ်ႈမ︀ိူင︀်းက︀ၢင︀်ႈꩫ︀ႆ︀ႇ ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛ၊ ဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ႂ်ꩭဝ်းမ︀ႆ︀ႛ ꩵ︀ႈပ︀ႆ︀ထိုင︀်ၵ︀ႂ်ႈလ︀ႂ်ႈꩫ︀က︀ေႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ယ︀ုမ︀်ယ︀မ︀်ႈတ︀မ︀်းꩡ︀ႂ်ႈဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 5:8

ꩭဝ်းယ︀ုမ︀်ယ︀မ︀်ႈတ︀မ︀်းꩡ︀ႂ်ႈꩫ︀ႆ︀ႇꩬ︀ီ လ︀ုက︀်ႉတ︀ူဝ်ႈမ︀ိူင︀်းက︀ၢင︀်ႈမ︀ႆ︀ႛၸ︀ၢက︀်ႉꩬ︀ီ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ေႈၵ︀ႅꩫ︀်းၵ︀ႂ်ႈက︀ႃဢ︀ူꩫ︀မ︀်။

က︀လ︀ႃတ︀ိ 2:20

င︀ႆ︀းꩫ︀ႆ︀ႇꩬ︀ီ က︀ဝ်ႈယ︀ႃႇ င︀ႆ︀ႚꩵ︀ႈယ︀င︀်းယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ႆ︀ႇ။ င︀ႆ︀ႚက︀ဝ်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇယ︀ႃႇ ဢ︀ဝ်ႈတ︀ၢင︀်းဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀မ︀်။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛꩭၢက︀်ႉꩬ︀ီ ꩡ︀ႃႇက︀ဝ်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။

က︀လ︀ႃတ︀ိ 6:14

က︀ဝ်ႈက︀ီးယ︀ႃႇ လ︀ွင︀်ႈꩬ︀ဝ်ဝႃးမ︀ိုဝ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛလ︀ိူဝ်ꩬ︀ီ လ︀ွင︀်ႈက︀ꩬ︀င︀်မ︀ႆ︀ႛက︀ေႃႇ ꩵ︀ႈꩭုမ︀်ယ︀ဝ်ႇ။ လ︀ႆ︀ၢးပ︀ိူဝ်ႈꩬ︀ဝ်ဝႃးမ︀ိုဝ်းဢ︀မ︀ႂ်းꩬ︀ီ ဢ︀ꩫ︀်ႈက︀ဝ်ႈမ︀ိူင︀်းက︀ၢင︀်ႈမ︀ႆ︀ႛ ꩭွႆ︀ႛꩡ︀ႂ်ႈꩫ︀ႆ︀ႇ က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈၵ︀ွတ︀်ယ︀ဝ်ႇ။ မ︀ိူင︀်းက︀ၢင︀်ႈꩫ︀ႆ︀ႇက︀ေႃႇ ꩡ︀ႃႇက︀ဝ်ႈက︀ီး က︀ꩬ︀င︀်က︀ေႃႇꩵ︀ႈꩡ︀ႂ်ႈယ︀ဝ်ႇ။

ၸ︀ိလ︀ိပ︀်ပ︀ၢႆ︀ 1:20

ဢ︀ꩫ︀်ႈက︀ဝ်ႈတ︀င︀်းꩡ︀ႂ်ႈတ︀င︀်းၵ︀ူဝ်း တ︀ႂ်းထႃႛꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇ ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်က︀ူဝ်ႈမ︀ဝ်ဢ︀ႆ︀ၢႈ ꩭတ︀်ꩰꩭၢꩫ︀်ꩰꩭီတ︀်ꩬ︀ီ က︀ဝ်ႈတ︀ႆ︀ၢႈပ︀တ︀ု၊ ꩫ︀ိပ︀်ပ︀တ︀ု လ︀ၢႆ︀းပ︀ိူဝ်ႈက︀ဝ်ႈꩬ︀ီ ꩭႂ်ႛပ︀ူဝ်းမ︀ူꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭိူဝ်ႈꩭိုင︀်းꩫ︀ႆ︀ႇꩫ︀မ︀်။

ၸ︀ိလ︀ိပ︀်ပ︀ၢႆ︀ 1:22

ꩫ︀ႆ︀ႇꩫ︀က︀ေႃႇ က︀ဝ်ႈဢ︀ꩬ︀ၢက︀်ႉꩫ︀ိပ︀်ဢ︀ူက︀ီး ဢ︀မ︀ူးဢ︀ꩫ︀်ႈဢ︀က︀ိဝ်းယ︀င︀်းꩫ︀ႆ︀ႇ ဢ︀ေႈၵ︀ႅꩫ︀်းꩭီတ︀်ပ︀ီꩫ︀်ႈဢ︀ူ။ င︀ႆ︀းꩫ︀ႆ︀ႇꩬ︀ီ က︀ဝ်ႈဢ︀က︀ိဝ်းဢ︀ꩫ︀်ႈလ︀ႂ်ႈတ︀ီလ︀ိူက︀်ႉဢ︀ဝ်ႈꩫ︀ꩫ︀ႆ︀ႇꩵ︀ႈတ︀ွင︀်း။

ၸ︀ိလ︀ိပ︀်ပ︀ၢႆ︀ 1:23

ꩡ︀ႂ်ႈက︀ဝ်ႈယ︀ႃႇ ပ︀ီꩫ︀်ႈꩬ︀ွင︀်ၵ︀ႃႈဢ︀ူꩫ︀မ︀်။ ꩡ︀ႃႇက︀ဝ်ႈꩡ︀ဝ်ႛက︀ီး တ︀ႆ︀ၢႈက︀ႃꩬ︀ီ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ႂ်ႈꩭူမ︀်ႈက︀ႃဢ︀ူလ︀ူင︀်ꩫ︀မ︀်။ ဢ︀မ︀ႂ်းၵ︀ႅꩫ︀်းꩫ︀ီႈဢ︀ူ။

ၸ︀ိလ︀ိပ︀်ပ︀ၢႆ︀ 2:21

တ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ ꩡ︀ႃႇၸ︀ႂ်ꩡ︀ႃႇမ︀ꩫ︀်းꩫ︀ႆ︀ၢႈꩫ︀မ︀် ၵ︀ႂ်ႈꩡ︀ႂ်ႈက︀ꩫ︀်ႈꩫ︀ႆ︀ႇ။ ꩡ︀ႃႇꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ၸ︀ႂ်က︀ေႃႇꩵ︀ႈၵ︀ႂ်ႈꩡ︀ႂ်ႈ။

က︀ေႃလ︀ေႃတ︀ႄ 3:4

ဢ︀ꩬ︀ၢက︀်ႉꩬ︀ူတ︀ေႇတ︀ေႇယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။ မ︀ိူဝ်ႈမ︀ꩫ︀်းꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛပ︀ျႃးတ︀ူဝ်ႈꩬ︀ီ က︀ျွႃးပ︀ွက︀်ႉမ︀ႃးꩫ︀ႆ︀ႇ ꩬ︀ူက︀ေႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩭၢပ︀်ႉꩬ︀ီ တ︀င︀်းမ︀ꩫ︀်းꩡ︀ဝ်ႛတ︀ီꩫ︀ႆ︀ႛꩭူမ︀်ႈဢ︀ူꩫ︀မ︀်။

ၿျႃၻိက︀်ႉ 14:13

င︀ႆ︀းꩬ︀ီ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ “တ︀ႅမ︀်ႛဝႆ︀ႇတ︀ႃႉ။ လ︀ုက︀်ႉင︀ႆ︀ႚက︀ူဝ်ꩬ︀ီ က︀ူဝ်ႇဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ယ︀ုမ︀်ယ︀မ︀်ႈꩬ︀ီတ︀ႆ︀ၢႈက︀ႃꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀က︀ိဝ်းတ︀ီပ︀ူင︀်ႈꩭႂ်ႛꩫ︀မ︀်” ꩫ︀ꩬ︀ီဝႃႈꩫ︀ႆ︀ႇမ︀ႆ︀ႛ က︀ဝ်ႈꩫ︀ႆ︀ႛꩥ︀ိꩫ︀်းဢ︀ူ။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ “ꩡ︀ႂ်ႈတ︀ေႇတ︀ေႇဢ︀ူ။ ၵ︀ဝ်ယ︀ႃႇ လ︀ုက︀်ႉဢ︀ꩫ︀်ႈဝႃႈꩬ︀ေႈꩡ︀ႃႉꩬ︀ီ ꩭီတ︀်ဢ︀မ︀ူးမ︀ႆ︀ႛ တ︀ီꩫ︀ႆ︀ႛꩫ︀ႂ်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ႃႇလ︀ွင︀်ႈꩫ︀ီႈ ဢ︀ꩫ︀်ႈၵ︀ဝ်ꩭီတ︀်မ︀ႃးꩫ︀ႆ︀ႇၵ︀ဝ်က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ ဢ︀က︀ိဝ်းတ︀ီပ︀ူင︀်ႈꩭႂ်ႛꩫ︀မ︀်” ꩫ︀ဝꩫ︀်ႇ။