ၸ︀ိလ︀ိပ︀်ပ︀ၢႆ︀ 1:17 - Khamti Shan

¹⁷ တ︀ၢင︀်က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛတ︀ႃႈꩫ︀ႅင︀်ႈꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩭူဝ်ꩡ︀ႂ်ႈꩬ︀ိုဝ်ႈꩰꩫ︀ꩫ︀်ႈꩰꩬ︀ီ လ︀ွင︀်ႈꩡ︀ဝ်ႛၵ︀ရ︀ီတ︀် ꩭူဝ်းꩵ︀ႈꩡ︀ႂ်ႈ။ ၵ︀ဝ်ယ︀ႃႇ ၵ︀ဝ်ၵ︀ႂ်ႈဢ︀မ︀်ꩬ︀ီလ︀ိူင︀်ႈ၊ မ︀ိူဝ်ႈက︀ဝ်ႈတ︀ူက︀်ထွင︀်ꩫ︀ႆ︀ႇꩬ︀မ︀်ႇꩬ︀ီ က︀ဝ်ႈမ︀ႆ︀ႛ ၵ︀ႂ်ႈဢ︀ဝ်ႈယ︀ပ︀်ယ︀ၢက︀်ႉဢ︀ိက︀်ꩬ︀ီလ︀ိူင︀်ႈꩫ︀ႆ︀ၢႈꩫ︀မ︀်ꩭူဝ်းꩫ︀ႆ︀ႇ။

ၸ︀ိလ︀ိပ︀်ပ︀ၢႆ︀ 1:17 Cross References

လ︀ုက︀ႃ 21:14

ꩬ︀ူဝႃႈက︀ေႛတ︀ွပ︀်ꩭလ︀ိုဝ်ꩫ︀ꩫ︀ႆ︀ႇ ပ︀ီက︀ပ︀်ႉꩡ︀ႂ်ႈပ︀ိူင︀်ႈလ︀ူင︀်။

ထဝ်ꩡ︀တ︀်ႉၵ︀ဝ် 22:1

“ပ︀ူဝ်မ︀ေပ︀ီႈꩫ︀ွင︀်ႇၵ︀ဝ်ꩴ︀း ၵ︀ၢမ︀်းဢ︀ꩫ︀်ႈက︀ဝ်ႈၵ︀ႃႛ တ︀ီက︀ေႛတ︀ွပ︀်ꩫ︀ႆ︀ႇမ︀ႆ︀ႛ ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 26:1

ꩡ︀ဝ်ႛꩭူဝ်ၵ︀မ︀်းဢ︀က︀ိပ︀်ပ︀ယ︀ႃႇ “မ︀ႂ်းꩬ︀ွက︀်ႉꩫ︀ႆ︀ႛယ︀ဝ်ႇ” ꩫ︀ꩬ︀ီ ပ︀ေႃလ︀ုမ︀ႆ︀ႛဝႃႈက︀ီး ပ︀ေႃလ︀ုယ︀ႃႇ မ︀ိုဝ်းယ︀ူက︀်ႉပ︀ျႃးꩬ︀ီ

ထဝ်ꩡ︀တ︀်ႉၵ︀ဝ် 26:24

မ︀ိူဝ်ႈင︀ႆ︀းꩬ︀ွက︀်ႉꩬ︀ီဢ︀ူꩫ︀ႆ︀ႇ ꩡ︀ဝ်ႛက︀ႅမ︀်ႈဝွင︀်ႇၸ︀ေတ︀ုယ︀ႃႇ “ꩭိူဝ်း ပ︀ေႃလ︀ု မ︀ႂ်းမ︀ႃႛယ︀ဝ်ႇ။ မ︀ႂ်းꩡ︀ၢင︀်ႈပ︀ူꩫ︀်ႇၸ︀ႅဝ်ꩬ︀ီ က︀ႃက︀ꩫ︀်ႛဢ︀ꩫ︀်ႈမ︀ႃႛယ︀ဝ်ႇ” ꩫ︀ꩬ︀ီ ဢ︀ိဝ်ဢ︀ူ။

ရ︀ေႃမ︀ 2:8

က︀ူꩫ︀်းဢ︀ꩫ︀်ႈꩡ︀ႂ်ႈတ︀ိင︀်ႈက︀ုပ︀်၊ ဢ︀ꩫ︀်ႈထုက︀်ꩭီတ︀်ꩫ︀ႆ︀ႇမ︀ဝ်ꩭီတ︀်ꩬ︀ီ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ၢႈꩬ︀င︀်ꩭီတ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛ တ︀ီတ︀ေႃးꩬ︀ႃးလ︀ူင︀်ꩫ︀မ︀်။

ၸ︀ိလ︀ိပ︀်ပ︀ၢႆ︀ 1:18

ꩫ︀ႆ︀ႇꩫ︀က︀ေႃႇ ꩭလ︀ိုဝ်ꩬ︀ီꩭူဝ်းꩫ︀ꩫ︀ႆ︀ႇယ︀ႃႇ ꩵ︀ႈဢ︀ၵ︀ႅက︀်ႉ။ ꩡ︀ႂ်ႈꩬ︀ိုဝ်ႈꩬ︀ီꩭူဝ်းပ︀တ︀ု၊ ꩡ︀ႂ်ႈင︀ွက︀်ꩬ︀ီꩭူဝ်းပ︀တ︀ု ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ိူꩫ︀်ႈတ︀ွင︀်းက︀ႃက︀ီး က︀ဝ်ႈꩡ︀ူမ︀်းဢ︀ူ။ င︀ႆ︀းꩬ︀ီ က︀ဝ်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ီꩡ︀ူမ︀်းက︀ႃꩫ︀မ︀်။

ၸ︀ိလ︀ိပ︀်ပ︀ၢႆ︀ 1:7

က︀ဝ်ႈ ꩬ︀ူမ︀ႆ︀ႛꩭၢက︀်ႉလ︀ူင︀်ꩫ︀မ︀်။ ꩭၢက︀်ႉက︀ေႃႇထုက︀်ꩫ︀ီႈꩭၢက︀်ႉဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈက︀ဝ်ႈင︀ႆ︀ႚတ︀ူက︀်ထွင︀်ဢ︀ူꩫ︀ႆ︀ႇတ︀မ︀ိူင︀်း မ︀ိူဝ်ႈ က︀ဝ်ႈၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ က︀ုမ︀်ႇၵ︀ႅꩫ︀်မ︀ႃး၊ ꩭူဝ်းမ︀ႃးꩫ︀ႆ︀ႇတ︀မ︀ိူင︀်း ဢ︀မ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛပ︀ူင︀်ႈဝႆ︀ႇမ︀ႃးꩫ︀ႆ︀ႇမ︀ႆ︀ႛ ꩬ︀ူက︀ေႃႇ တ︀င︀်းက︀ဝ်ႈ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ꩭူမ︀်ႈꩭၢပ︀်ႉဢ︀ဝ်ႈမ︀ႃးꩬ︀ီꩫ︀မ︀်။

ၸ︀ိလ︀ိပ︀်ပ︀ၢႆ︀ 2:3

ꩡ︀ႂ်ႈတ︀ိင︀်ႈက︀ုပ︀်၊ ꩡ︀ႂ်ႈက︀မ︀်ႇလ︀ွင︀်ႛꩫ︀ႆ︀ႇၵ︀ဝ် ပ︀ီယ︀င︀်းပ︀ိူင︀်ႈလ︀ူင︀်။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈက︀ွမ︀်းꩫ︀ွမ︀်းက︀ꩫ︀်ႈꩬ︀ီ ၸ︀ူႛꩡ︀ဝ်ႛမ︀ႆ︀ႛပ︀ိူꩫ︀်ႈဢ︀မ︀်ꩬ︀ႃဢ︀ူꩫ︀ꩬ︀ိုင︀် မ︀တ︀်ႉက︀ꩫ︀်ႈတ︀ႃႉ။

တ︀ိမ︀ေႃတ︀ေ ႑ 2:7

င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛက︀ႃꩭူဝ်းꩬ︀ွꩫ︀်က︀ွတ︀်ꩫ︀ꩬ︀ီ က︀ဝ်ႈမ︀ႆ︀ႛ လ︀ိူက︀်ႉဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛမ︀ႃးꩫ︀မ︀်။ ဢ︀ꩫ︀်ႈꩫ︀ႆ︀ႇၵ︀ၢမ︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀မ︀်။ က︀ဝ်ႈꩵ︀ႈၸ︀ႅတ︀်ႉ။

တ︀ိမ︀ေႃတ︀ေ ႒ 2:9

က︀ဝ်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇꩬ︀ီ က︀ဝ်ႈမ︀ႆ︀ႛ ꩫ︀င︀်က︀ူꩫ︀်းဢ︀ꩫ︀်ႈၸ︀ိတ︀်ပ︀ိူင︀်ႈဝွင︀်ႇꩫ︀က︀ꩫ︀်ႈ ꩬ︀ႆ︀ၢလ︀ီက︀်ၸ︀ုက︀်ဝႆ︀ႇမ︀ႆ︀ႛက︀ေႃႇꩫ︀ႆ︀ႛၵ︀ၢမ︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛယ︀ႃႇ ꩭေႇက︀င︀်ႛꩵ︀ႈꩫ︀ႆ︀ႛ။

တ︀ိမ︀ေႃတ︀ေ ႒ 4:16

မ︀ိူဝ်ႈꩭႃပ︀ထမ︀ က︀ဝ်ႈပ︀ၢင︀်ႈတ︀ြႃးမ︀ႆ︀ႛ က︀ႃဝွꩫ︀်းၵ︀ႅꩫ︀်းꩫ︀ႆ︀ႇ ပ︀ႃႛက︀ဝ်ႈမ︀ႆ︀ႛၸ︀ႂ်က︀ေႃႇ ꩵ︀ႈꩡ︀ွႆ︀ႈတ︀ၢꩫ︀်ႛမ︀ႃး။ က︀ဝ်ႈမ︀ႆ︀ႛ တ︀င︀်းမ︀ိူင︀်းၵ︀ွတ︀်ပ︀ႆ︀ၢႈက︀ႃဢ︀ူ။ ဢ︀ꩫ︀်ႈၵ︀ဝ်ꩭီတ︀်င︀ႆ︀းမ︀ႃးꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ၢမ︀်ဢ︀ပ︀ႅတ︀်ႉ ပ︀ီꩭႂ်ႛပ︀ူင︀်ႈတ︀ီၵ︀ႃႛက︀ႃတ︀ႃႉ။