फिलिप्पियां 4:6 - बिलासपुरी नौआं नियम

⁶ किसी बी गल्ला री चिन्ता मता करदे; पर हर इक गल्ला च धन्यवादा सौगी प्राथना कने विनतिया च अपणे निवेदन परमेशरा रे सामणे रखदे जावा।

फिलिप्पियां 4:6 Cross References

मत्ती 10:19

ताहली जे तिन्हां तुहांजो पकड़वाणा तां इसा गल्ला री चिन्ता नीं करयों भई तुहां कियां बोलणा कने क्या बोलणा; काँह्भई जो किछ तुहांजो बोलणा हुँगा सै तिस वगत तुहांजो दस्सी दित्या जाणा।

मत्ती 13:22

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, ये सै लोक ये तिन्हें जे परमेशरा रा सन्देश सुणया, सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

मत्ती 6:34

इस खातर कल की चिन्ता मता करदे, काँह्भई कल की त अहां रियां होर चिन्ता हुणियां; आज्ज के दिना खातर अजकी परेशानियां इ बौहत इयां।”

मत्ती 6:8

इस खातर तुहें तिन्हां साई नीं बणा, काँह्भई तुहांरा पिता तुहांरे मंगणे ते पैहले इ जाणाँ भई तुहांरी जरूरत क्या इ।”

लूका 10:41

पर प्रभु यीशुये तिसाजो जबाब दित्या, “मार्था! मार्था! तू बौहत सारियां गल्लां खातर फिक्र कराँ इ! कने घबराईं।

लूका 12:22

फेरी तिने अपणे चेलयां ने बोल्या, “इस खातर हऊँ तुहांजो बोलां, भई अपणे प्राणा रे खातर ये फिक्र नीं करयां भई अहें क्या खांगे, कने शरीरा रे खातर भई क्या पैहन्गे।

लूका 12:29

कने खाणे री फिक्र नीं करा भई क्या खांगे या क्या पींगे, कने न सन्देह करा।

लूका 18:1

यीशुये अपणे चेलयां जो इस बारे च दस्या भई अहांजो हर बगत प्राथना करने री जरूरत इ कने निराशा च पैईने हिम्मत नीं हारनी चाहिन्दी, फेरी तिन्हांजो ये उदाहरण गलाया :

लूका 18:7

तां क्या तुहांजो लगां भई परमेशरा अपणे चुणीरे लोकां रा ठीक न्याय नीं करना, सै जे दिन रात परमेशरा ते विनती करदे रैं? क्या तिस तिन्हारे बारे च देर करनी?

1 कुरिन्थियों 7:21

जे तू सद्दया जाणे रे वगत दास था, तां इसरी चिन्ता नीं कर; पर जे तू अजाद हुई सक्को, तां तिस मौके रा फायदा लै।

1 कुरिन्थियों 7:32

इस खातर हऊँ चांह भई तुहांजो चिन्ता नीं हो। सै मर्द जे शादीशुदा नींये सै प्रभुये रियां गल्लां री चिन्ता च रैआं भई सै प्रभुये जो कियां प्रसन्न करिये।

2 कुरिन्थियों 1:11

तियां जे तुहें अपणिया प्राथना रे जरिये अहांरी मदद कराँ ये। ताकि बौहत सारे लोकां री प्रार्थनां रे जरिये अहांजो परमेशरा रा सै अनुग्रह जे मिलया, इसरे खातर बौहत सारे लोक अहां रिया तरफा ते परमेशरा रा धन्यवाद करो।

इफिसियां 5:20

कने सब गल्ला रे खातर अहांरे प्रभु यीशु मसीह रिया वजह ने अहांरे पिता परमेशरा रा हमेशा धन्यवाद करा।

इफिसियां 6:18

कने तियां जे पवित्र आत्मा तुहांरी अगुवाई कराँ, तियां इ हर बगत कने सब प्रकारा रियां प्राथनां कने विनतियां करदे रौआ। इसा वजह ने जागदे रौआ कने सब पवित्र लोकां रे खातर लगातार प्राथना करदे रौआ।

कुलुस्सियां 3:15

तुहांरे दिलां पर मसीह री शान्ति राज करो, काँह्भई तुहें सारे इक्की शरीरा रा हिस्सा ये; इस खातर इक्की दूये सौगी तुहें शाँतिया ने रैहणे रे खातर सद्दीरे। कने सदा परमेशरा रा धन्यवाद करदे रौआ।

कुलुस्सियां 3:17

वचना च या कम्मां च जो किछ बी करो सब प्रभु यीशुये रे नौआं ते करा, कने तिसरे इ जरिये हर बगत पिता परमेशरा जो धन्यवाद देन्दे रौआ।

कुलुस्सियां 4:2

हमेशा प्राथना च लगीरे रौआ, कने ताहली जे तुहें प्राथना करो तां सावधान रौआ कने परमेशरा रा धन्यवाद करदे रौआ;

1 तिमुथियुस 2:1

हुण हऊँ सब्बीं ते पैहले तेरने ये अर्ज कराँ भई तू सब्बीं माहणुआं रे खातर निवेदन, प्राथना, विनती कने धन्यवाद कर।

1 तिमुथियुस 5:5

तिसा विधवा रा, तिसारी देखभाल करने औल़ा जे कोई बी नींआ, सै परमेशरा पर इ आशा रखां इ, कने मददा रे खातर रात-दिन परमेशरा ने विनती कने प्राथना करने च लगीरी रैईं;

1 पतरस 4:7

सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

1 पतरस 5:7

अपणी सारियां चिन्तां जो तिस पर छड्डा, काँह्भई तुहांरी देखभाल सैई कराँ।